काठमाडौँ। नेपाल भलिबल संघको आयोजनामा जारी नवौं एनभीए महिला तथा पुरुष क्लब भलिबल च्याम्पियनसिप अन्तर्गत बुधबार पनि चार खेल हुँदैछ।&nbsp; त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा हुने दिनको पहिलो खेलमा महिलातर्फ समूह 'बी' को नेपाल पुलिस क्बले मधेस प्रदेशसँग बिहान १० बजे खेल्नेछ। पुलिसले आफ्नो समूहका सुरुआती दुवै खेलमा जित हात पारेको छ भने मधेसले दुवै खेल घुमाएको छ।&nbsp; दोस्रो खेलमा १२ बजे समूह 'ए' को एभरेष्ट भलिबल क्बलले युवा क्बलसँग खेल्ने। दुवै टोलीले आफ्नो समूहका दुवै खेलमा पराजय ब्यहोरेका छन्।&nbsp; दिउँसो २ बजेबाट सुरु हुने पुरुषतर्फको खेलमा बुढानिलकण्ठ भलिबल क्लबले जावलाखेल भलिबल ट्रेनिङ सेन्टरसँग खेल्नेछ। यी दुवै टोली समूह 'सी'को खेलमा रुकुम पश्चिमसँग पराजित भएका थिए।&nbsp; ४ बजेबाट सुरु हुने दिनको अन्तिम खेलमा समूह 'डी' को कोशी प्रदेशले क्रीर्तिपुर भलिबल ट्रेनिङ सेन्टरसँग खेल्नेछ।

एनभीए च्याम्पियनसिप : समूह चरणका अन्तिम चार खेल

&nbsp;आर्सनलले इंग्लिस प्रिमियर लिगमा मंगलबार राति त्यस्तो जित निकालेको छ, जसको उपाधि होडमा निर्णायक प्रभाव सावित हुन सक्ने छ । इमिरेट्समा भएको खेलमा आर्सनलले एस्टन भिल्लालाई ४–१ ले पराजित हो । हारले भिल्लाको उपाधि होड आफैमा कमजोर भएको छ । यससँगै उसको लगातार ११ खेलको जित क्रम पनि रोकिएको छ । आर्सनलका लागि ग्याब्रिएलले ४८, मार्टिन जुबिमेन्डीले ५२, लियान्ड्रो ट्रोसार्डले ६९ र ग्याब्रिएल जेससले एक एक गोल गरे । इन्ज्युरी समयमा ओली वाट्किन्सनले भिल्लाका लागि एक गोल फर्काए । यो जितपछि आर्सनलको १९ खेलबाट ४५ अंक भएको छ र यो शीर्षमा पाँच अंकको अग्रता हो । म्यानचेस्टर सिटी ४० अंकमा दोस्रोमा छ । एस्टन भिल्ला भने ३९ अंकमा तेस्रो स्थानमा रह्यो । अन्य प्रमुख खेलमा चेल्सीले ब्राइटनसँग २–२ र म्यानचेस्टर युनाइटेडले उल्भ्ससँग १–१ को बराबरीमा चित्त बुझाए । यस्तोमा चेल्सी ३० अंकमा पाँचौं र युनाइटेड पनि ३० अंकमा छैटौंमा रह्यो । दुवैका लागि यो निराशाजनक नतिजा रह्यो । लिभरपुल ३२ अंकमा चौथो स्थानमा छ । वेस्ट ह्याम र ब्राइटनबीचको खेल पनि २–२ को बराबरीमा समाप्त भयो । न्युकासल युनाइटेडले बर्नलीलाई ३–१ र एभरटनले नटिंघम फरेस्टलाई २–० ले पराजित गरे ।

उपाधि होडमा आर्सनलको निर्णायक सावित जित

काठमाडौँ। न्यु डायमन्ड स्पोर्ट्स क्लब नवौं एनभीए महिला तथा पुरुष क्लब भलिबल च्याम्पियनसिपको महिलातर्फ समूह बिजेता बन्दै सेमिफाइनलमा प्रवेश गरेको छ। त्रिपुरेश्वरस्थित राष्ट्रिय खेलकुद परिषद् ९राखेप० को कभर्डहलमा मंगलबार सम्पन्न समूह ुएु को खेलमा एभरेष्ट भलिबल क्लबलाई ३–० को सेटमा हराएको हो। जितसँगै न्यु डायमन्ड समूह चरणका सबै तीन खेलमा जित हासिल गर्दै ९ अंक जोड्न सफल भयो। यता, पराजित एभरेष्टले भने लगातार दोस्रो हार ब्यहोरेको छ। यसअघि न्यु डाइमन्डले त्रिभुवन आर्मी र चुलदी युवा क्लबलाई पराजित गरेको थियो। डायमन्डले खेलमा २५–२१, २५–१५, र २५–१५ ले जित हासिल गर्यो।

समूह चरणका सबै खेलमा न्यु डायमन्ड विजयी

काठमाडौँ। विभागीय डर्बीमा एपीएफ क्लबलाई हराउँदै साविक विजेता नेपाल पुलिस क्लब नवौं एनभीए महिला तथा पुरुष क्लब भलिबल च्याम्पियनसिपको सेमिफाइनलमा प्रवेश गरेको। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा मंगलबार सम्पन्न समूह ’बी’ को खेलमा एपीएफलाई ३–० को सेटमा हराएको हो। पुलिसले यस समूहको दुई खेलमा जित हासिल गर्दै ५ अंक जोड्न सफल भयो। यता, पराजित एपीएफले तीन खेलबाट ७ अंक जोडेको छ।&nbsp; सुरुआतका दुवै सेटमा २५–२१, २५–१५ ले जितेको पुलिसले तेस्रो र चौथो सेटमा २२–२५, २१–२५ ले हार ब्यहोरेको थियो भने पाँचौँ तथा निर्णायक सेटमा १५–९ ले जित्दै खेल आफ्नो पक्षमा पार्यो।

एपीएफलाई पाँचौँ सेटमा हराउँदै पुलिस सेमिफाइनलमा

काठमाडौँ। ढोरपाटन स्पोर्ट्स क्लबलाई हराउँदै खिल्जी युवा क्लब नवौं एनभीए महिला तथा पुरुष क्लब भलिबल च्याम्पियनसिपको क्वार्टरफाइनलमा प्रवेश गरेको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा मंगलबार सम्पन्न समूह 'बी' को खेलमा ढोरपाटनलाई ३–० को सेटमा हराउँदै क्वाटरफाइनलमा स्थान बनाएको हो।&nbsp; योसँगै ढोरपाटन समूह चरणबाटै बाहिरिएको छ। यी दुवै टोली आ–आफ्नो पहिलो खेलमा नेपाल पुलिस क्लबसँग पराजित भएको थियो।&nbsp; खेलमा खिल्जी २५–१५, २५–१९ तथा निकै प्रतिस्पर्धात्मक बनेको तेस्रो सेटमा २५–ले विजयी भयो। यो सँगै खिल्जीले अन्तिम आठमा विभागीय टोली त्रिभुवन आर्मी प्रतिद्धन्दी पाएको छ।

एनभीए : ढोरपाटनलाई हराउँदै खिल्जी क्वार्टरफाइनलमा

काठमाडौँ। मणिमुकुन्द भलिबल क्लबलाई हराउँदै विभागीय टोली एपीएफ क्लब नवौं एनभीए महिला तथा पुरुष क्लब भलिबल च्याम्पियनसिपको क्वाटफाइनलमा प्रवेश गरेको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा मंगलबार सम्पन्न खेलमा एपीएफले मणिमुकुन्द भलिबल क्लबलाई ३–० सोझो सेटमा पराजित गरेको हो। जितसँगै समूह ए बाट उपविजेता बन्दै अघिल्लो चरणमा प्रवेश गरेको छ। पराजित मणिमुकुन्द भने समूहबाटै बाहिरएको छ। दुवै खेल जितेको हेल्प नेपाल यो समूहको विजेता बनेको छ।&nbsp; पहिलो सेट २५–१० ले सहजै जितेको एपीएफले दोस्रो सेट २५–१६ ले आफ्नो पक्षमा पार्न सफल भयो। तर तेस्रो सेटमा भने एपीएफले संघर्ष गर्दै २९–२७ ले रोचक जित हात पार्यो।

एपीएफ क्वाटफाइनलमा

पहिलो हाफको ३१ मिनेटभित्र सम्भव तीन गोलको मदतले एएस रोमाले इटालीको सिरी ए मा सोमबार जोनोआमाथि ३–१ को सजिलो जित निकालेको छ । यो जितपछि रोमाको १७ खेलबाट ३३ अंक भएको छ र चौथो स्थानमा उक्लन सफल रह्यो । स्टाडियो ओलम्पिकोमा भएको खेलमा रोमाका लागि म्याथिस सोउलले १४, मोउन्डिओ कोनेले १९ र इभान फर्गुसनले ३१ औं मिनेटमा गोल गरे । खेलको ८७ औं मिनेटमा जेनोआका लागि जेफ इख्टरले एक गोल फर्काए । खराव लयमा रहेको जेनोओ १४ अंकमा १७ औं स्थानमा छ र रेलिगेसनबाट बच्न संघर्षरत छ । इन्टर मिलान ३६ अंकमा शीर्ष स्थानमा छ र उसको पछाडि एसी मिलानको ३५ र नेपोलीको ३४ अंक छ ।

जेनोआमाति रोमाको सजिलो जित

काठमाडौं। लगातार दोस्रो जित निकाल्दै न्यु डाइमन्ड स्पोर्ट्स क्लब नवौं एनभीए महिला तथा पुरुष क्लब भलिबल च्याम्पियनसिपको महिलातर्फ सेमिफाइनल नजिक पुगेको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा सोमबार सम्पन्न खेलमा न्यु डाइमन्डले विभागीय टोली त्रिभुवन आर्मी क्लबलाई ३–० को सोझो सेटमा पराजित गर्दै अन्तिम चारमा पुग्ने सम्भावना बलियो बनाएको हो। यस जितसँगै समूह ‘ए’ मा रहेको न्यु डाइमन्डले ६ अंक जोडेको छ। यसअघि न्यु डाइमन्डले पहिलो खेलमा चुली युवा क्लबलाई पनि सोझो सेटमै हराएको थियो। लिग चरणका सबै खेल सकाएको आर्मीको पनि समान ६ अंक छ। आर्मीले एभरेस्ट भलिबल क्लब र चुली युवा क्लबलाई सोझो सेटमा पराजित गरेको थियो। अब न्यु डाइमन्डले आफ्नो अन्तिम लिग खेलमा एभरेस्ट भलिबल क्लबको सामना गर्नेछ। चुलीले एभरेस्टसँग एक खेल खेल्न बाँकी छ भने एभरेस्टले चुली र न्यु डाइमन्ड दुवैसँग खेल्न बाँकी नै छ। त्यसैले समूह ‘ए’ बाट सेमिफाइनल पुग्ने टोलीको टुंगो न्यु डाइमन्ड र एभरेस्टबीचको खेलको नतिजाले तय गर्नेछ।

न्यु डाइमन्ड सेमिफाइनल नजिक

काठमाडौं– नेपाल ओलम्पिक कमिटी (एनओसी) को सोमबार २१ औं साधारण सभा सम्पन्न भएको छ । अध्यक्ष जीवनराम श्रेष्ठको अध्यक्षतामा भएको साधारण सभामा महासचिव राजीव श्रेष्ठले सन् २०२५ मा सहभागी अन्तर्राष्ट्रिय प्रतियोगिता तथा कार्यक्रमको प्रगति विवरण पेस गरे । यस्तै आन्तरिक लेखापरिक्षक रविन भुसालले आर्थिक वर्ष २०८१/२०८२ को आर्थिक विवरण प्रस्तुत गरे । कोषाध्यक्ष टासी घलेको प्रतिनिधित्व गर्दै प्रमुख लेखापाल राजन श्रेष्ठले सन् २०२६ को वार्षिक बजेट प्रस्तुत गरे । कार्यकारी सचिव सुजनलाल श्रेष्ठले सन् २०२६ मा हुने कार्यक्रमबारे जानकारी गराए । त्यस अनुसार अबको वर्षमा चार ठूला अन्तर्राष्ट्रिय प्रतियोगिता रहेका छन् । ती प्रतियोगिता जापानमा हुने एसियाली खेलकुद, साउदी अरेबियामा हुने एसियन इन्डोर मार्सल आट्स गेम्स, सेनेगलमा हुने युथ ओलम्पिक, चीनमा हुने बिच गेम्स रहेको छ । यस्तै, ओलम्पिक सोलिडारिटी कोर्स, फन रन, लुम्बिनी पिस म्याराथन, स्पोर्टस कंग्रेस, ट्यालेन्ट हन्ट, अन्तर्राष्ट्रिय ओलम्पिक डे र एनओसी अवार्डको पनि आयोजना हुनेछन् । त्यसै अवसरमा पूर्व खेलाडी तथा नेपाल प्रहरीका पूर्व अतिरिक्त महानिरीक्षक किरण वज्राचार्यको संयोजकमा प्रिभेन्सन अन म्यानुपुलेसन अफ स्पोर्टस (पीएमसी) गठनका लागि प्रस्ताव गरिएको छ । साधारण सभाले जेन जी आन्दोलनमा सहिद हुनेलाई श्रद्धान्जली अर्पण गर्दै राष्ट्रिय खेलकुद परिषदले एसियाली खेलकुदमा सहभागी हुने गरेको निर्णयको स्वागत गरेको छ । यस्तै साधारण सभाले सातदोबाटोमा रहेको एनओसीको कार्यालय आफूलाई हस्तान्तरण गर्न पनि अनुरोध गरेको छ । कार्यक्रमले महासचिवको प्रगति विवरण, आर्थिक विवरण, वार्षिक बजेट र सन् २०२६ को कार्यक्रम पारित गरेको थियो । साधारण सभामा कुल २३ संघका प्रतिनिधिको उपस्थिति रहेको थियो । यसअघि उद्घाटन सत्रमा महासचिव श्रेष्ठले स्वागत भाषण गरेका थिए । त्यस्तै त्यस अवसरमा राष्ट्रिय तथा अन्तर्राष्ट्रिय खेलाडी संघका उपाध्यक्ष दीपक थापा, नेपाल खेलकुद पत्रकार मञ्चका अध्यक्ष निरञ्जन अधिकारी र खेल संघका तर्फबाट बेसबल तथा सफ्टबल संघका अध्यक्ष दीपक न्यौपाने शुभकामना सन्देश दिएका थिए । त्यस अवसरमा अध्यक्ष श्रेष्ठले नेपाली खेलकुद विकासका लागि एनओसी सबैसँग सहकार्य गरेर अगाडि बढ्न तयार रहेको भन्दै आफ्नो संस्था नेपाली खेलकुद र खेलाडीको विकासका लागि सधैं तत्पर रहेको बताए ।&nbsp;

नेपाल ओलम्पिक संघको २१ औं साधारण सभा सम्पन्न

काठमाडौं। विभागीय टोली त्रिभुवन आर्मी क्लब नवौं एनभीए महिला तथा पुरुष क्लब भलिबल च्याम्पियनसिपको पुरुषतर्फ क्वार्टरफाइनलमा प्रवेश गरेको छ। त्रिपुरेश्वरस्थित राष्ट्रिय खेलकुद परिषद् ९राखेप० को कभर्डहलमा सोमबार सम्पन्न समूह ‘डी’को खेलमा कीर्तिपुर भलिबल ट्रेनिङ सेन्टरलाई ३–० को सोझो सेटमा पराजित गर्दै अन्तिम ८ मा स्थान सुरक्षित गरेको हो। जितसँगै आर्मीले ६ अंक पुर्‍यायो। पहिलो खेलमा आर्मीले कोशी प्रदेशलाई ३–० को सोझो सेटमा पराजित गरेको थियो। कीर्तिपुरको भने यो पहिलो खेल हो। पहिलो सेट २५–१९ ले जितेको आर्मीले त्यसपछिका दुई सेट २५–२१ ले आफ्नो बनायो। आर्मीले अब समूह ‘ए’को एपीएफ र मणिमुकुन्द भलिबल क्लबबीचको विजेतासँग खेल्नेछ।

लगातार दोस्रो जितसँगै आर्मी क्वार्टरफाइनलमा

काठमाडौँ। रुकुम पश्चिम ट्रेनिङ सेन्टरले नवौं एनभीए महिला तथा पुरुष क्लब भलिबल च्याम्पियनसिपको चौथो दिनको खेलमा कठिन जित दर्ता गरेको छ। त्रिपुरेश्वरस्थित राष्ट्रिय खेलकुद परिषद् राखेपको कभर्डहलमा सोमबार सम्पन्न दिनको पहिलो खेलमा समूह ‘सी’ को रुकुमले जावलाखेल भलिबल ट्रेनिङ सेन्टरलाई ३–१ को सेटमा पराजित गरेको हो। योसँगै रुकुमले लगातार दोस्रो जित दर्ता गरेको छ। पहिलो खेलमा रुकुम पश्चिमले बुढानिलकण्ठ भलिबल क्लबलाई ३–० को सोझो सेटमा पराजित गरेको थियो। यता, जारी प्रतियोगितामा जावलाखेलले भने पहिलो खेलमै पराजय ब्यहोरेको छ। पहिलो सेट २५–२०, दोस्रो सेट २५–१८ ले आफ्नो पक्षमा पारेको रुकुमले तेस्रो सेट भने २३–२५ ले गुमाउन पुर्यो। त्यसपछि चौथो सेटमा रुकुमले पुनरागमन गर्दै २५–१८ ले जित हासिल गर्यो।

जावलाखेलविरुद्ध रुकुम पश्चिमको जित

लउटारो मार्टिनेजले दोस्रो हाफमा गरेको एक मात्र गोलको मदतले इन्टर मिलानले आइतबार इटालीको सिरी ए मा एटलान्टालाई १–० ले पराजित गरेको छ । मार्टिनेजले ६५ औं मिनेटमा गरेको गोल निर्णायक बनेको हो । यो जितपछि इन्टर एक अंकको अग्रतासहित शीर्ष स्थानमा कायम रहन सफल रह्यो । आइतबारका अन्य खेलमा उपाधि होडमा रहेका एसी मिलान र नेपोली दुवै विजयी रहे । मिलानले हेलास भेरोनालाई ३–० र नेपोलीले क्रेमेन्सोलाई २–० ले हराएको हो । इन्टर १६ खेलपछि ३६ अंकमा शीर्ष स्थानमा छ । उसको पछाडि मिलानको ३५ र नेपोलीको ३४ अंक छ । यस्तै युभेन्ट्स ३२ अंकमा चौथो स्थानमा रहेको छ ।

इन्टरको अग्रता एक अंक

किशोर खेलाडी आर्ची ग्यारीले आफ्नो खेल जीवनमै गरेको पहिलो सिनियर गोलको मदतले टोटनहमले इंग्लिस प्रिमियर लिगमा क्रिस्टल प्यालेसलाई १–० ले पराजित गरेको छ । यो जितले टोटनहमलाई धेरै राहत दिनेछ र यससँगै खराव लयमा रहेको टोटनहम सन् २०२५ को सुखद अन्त्य गर्न सफल रह्यो । ग्यारीले ४२ औं मिनेटमा एक मात्र गोल गरे । यो जितले टोटनहमको १८ खेलबाट २५ अंक भएको छ । प्यालेस २६ अंकमा नवौं स्थानमा छ । आइतबारकै अर्को खेलमा सन्डरल्यान्ड र लिड्स युनाइटेडबीचको खेल १–१ को बराबरी समाप्त भयो । त्यसमा सन्डरल्यान्डले सिमोन एडिनग्राको गोलले अगाडि रहेको थियो । त्यसपछि डोमिनिक क्लाभर्ट लेविनले बराबरी गोल फर्काए । सन्डरल्यान्ड २८ अंकमा सातौं तथा लिड्स २० अंकमा १६ औं स्थानमा छ ।

टोटनहमको जितमा ग्यारी नायक

काठमाडौं । &nbsp;जेन जी आन्दोलनका कारण स्थगित भएको एनएसजेएफ पल्सर स्पोटर््स अवार्डको २२औं संस्करण अर्को साता अर्थात् पुस २३ गते पोखरामा आयोजना हुने भएको छ । आयोजक नेपाल खेलकुद पत्रकार मञ्च (एनएसजेएफ) ले आइतबार पत्रकार सम्मेलन आयोजना गर्दै गत भदौ २९ गते प्रभावित अवार्डको नयाँ मिति तय गरेको हो ।&nbsp; भदौ २३ र २४ गते भएको जेनजी आन्दोलनका कारण अन्तिम समयमा अवार्ड स्थगित हुन पुगेको थियो । यसैगरी स्पोटर््स अवार्डमा यति एयरलाइन्स नयाँ प्रायोजकका रूपमा जोडिएको पत्रकार सम्मेलनमा मञ्चका अध्यक्ष निरञ्जन अधिकारीले बताए ।&nbsp; यति एयरलाइन्सले अवार्डमा सहभागि हुने मनोननयमा पर्न सफल खेलाडी, प्रशिक्षक र अतिथिलाई सेवा प्रदान गर्नेछ ।&nbsp; यसैगरी आइतबारकै मितिदेखि अवार्डको महत्वपूर्ण विधाको रुपमा रहेको पिपल्स च्वाइसको रोकिएको डिजिटल भोटिङ प्रक्रिया पनि खुला गरिएको पत्रकार सम्मेलनमा जानकारी गराइयो ।&nbsp; मञ्चका महासचिव अञ्जन खड्काले भने, ‘विगतमा पिपल्स च्वाइसको मनोनयन रहेका खेलाडीले जति भोट प्राप्त गरेका थिए । त्यहींबाट भोटिङ प्रकृया फेरि सुरु हुनेछ ।’ यस विधाको प्रतिस्पर्धा उसुका विजय सिन्जाली, क्रिकेटकी पूजा महतो, भलिबलका हिमाल सुनारी, फुटबलकी रेखा पौडेल र टेबलटेनिसकी इभाना थापा रहेका छन् । स्पोर्ट्स समिट हुने&nbsp;स्पोर्ट्स अवार्ड पोखरास्थित पोखरा सभागृहमा हुनेछ । त्यसको अघिल्लो दिन पुस २२ गते पोखरामा एनएसजेएफ स्पोटर््स समिट हुनेछ । &nbsp; मञ्चका अध्यक्ष निरञ्जन अधिकारीले अवार्डलाई चलायनमान बनाउन स्पोर्ट्स समिट हुने र त्यसमा पोखराको पर्यटन र खेलकुद इकोनोमीबारे बहस हुने जानकारी गराए ।&nbsp; अवार्डका अन्य विषयहरू यथावत रहेको र केही नयाँ कम्पनीसँग सहकार्य भएको छ । गोल्छा ग्रुपसँगको मुख्य प्रायोजकको सम्झौताअनुरुप सहकार्य हुने नै छ । पोखरा महानगरपालिकाले अवार्डमा सहकार्य गर्नेछ । पोखरा महानगरका प्रमुख धनराज आचार्यसँग सहकार्यका लागि लिखित सम्झौता भइसकेको छ । त्यसबाहेक सूर्य नेपाल प्रालि, डिटिजल भोटिङ पार्टनर आईएमई खल्ती डिजिटल वालेट, केल्मी नेपाल, इमेजिड, राष्ट्रिय खेलकुद परिषद, नेपाल ओलम्पिक कमिटी, बाग्मती प्रदेश खेलकुद विकास परिषद, नेपाल पर्यटन बोर्ड र आईएमई हस्पिटालिटी पनि पार्टनरको रूपमा रहेका छन् । एनएसजेएफ पल्सर स्पोट्र्स अवार्ड २०८१ मा १० विधामा अवार्ड प्रदान गरिने छ । त्यसमा वर्षको उत्कृष्ट खेलाडी पुरुष, वर्षका उत्कृष्ट खेलाडी महिला, वर्षका उत्कृष्ट खेलाडी युवा, वर्ष प्रशिक्षक, पिपल्स च्वाइस अवार्ड, पारा एथलिट सम्मान, स्पेसल अवार्ड, लाइफटाइम एचिभमेन्ट अवार्ड, एसियन स्पोटर््स जर्नालिस्ट अवार्ड र टिम अफ द इयर रहेको छ । वर्ष खेलाडी पुरुष, महिला, पिपल्स च्वाइस, प्रशिक्षक र युवा गरी पाँच विधाका विजेतालाई बजाज पल्सर मोटरसाइकल प्रदान गरिनेछ । अन्य विधाका विजेतालाई जनही एक लाख रुपैयां &nbsp;प्रदान गरिनेछ । अवार्ड कार्यक्रमलाई सफल बनाउन मञ्चका अध्यक्ष निरन्जन अधिकारीको अध्यक्षतामा मूल आयोजक समिति गठन गरिएको छ ।

एनएसजेएफ पल्सर स्पोर्ट्स अवार्डको नयाँ मिति घोषणा, पावर्ड बाईमा यती एयरलाइन्स

काठमाडौं। विभागीय टोली नेपाल पुलिस क्लब नवौं एनभीए महिला तथा पुरुष क्लब भलिबल च्याम्पियनसिपअन्तर्गत पुरुषतर्फ लगातार दोस्रो जित दर्ता गरेको छ।&nbsp; त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा आइतबार सम्पन्न समूह ‘बी’को खेलमा खिल्जी युवा क्लबलाई ३–० को सोझो सेटमा पराजित गर्दै अन्तिम ८ मा स्थान बनाएको हो। जितसँगै पुलिसले ६ अंक पुर्‍यायो। पहिलो खेलमा पुलिसले ढोरपाटन क्लबलाई ३–० कै सोझो सेटमा पराजित गरेको थियो। खिल्जीको भने यो पहिलो खेल हो। ढोरपाटनसँग मुस्किलले जित हात पारेको पुलिसलाई यसपल्ट भने त्यति संघर्ष गर्नु परेन। पुलिसले पहिलो सेट २५–२१ ले जितेको थियो। त्यसपछिका दुवै सेट समान २५–१६ ले आफ्नो बनायो। पुलिसले सेमिफाइनल प्रवेश गर्न अब समूह ‘डी’ को उपविजेतासँग खेल्नेछ।

पुलिसको लगातार दोस्रो जित

काठमाडौं। साबिक विजेता हेल्प नेपाल नवौं एनभीए महिला तथा पुरुष क्लब भलिबल च्याम्पियनसिपमा लगातार दोस्रो जित दर्ता गरेकाे छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा आइतबार सम्पन्न समूह ‘ए’को खेलमा मणिमुकुन्द भलिबल क्लबलाई ३–० को सोझो सेटमा पराजित गर्दै अन्तिम ८ मा स्थान बनाएको हो। जितसँगै हेल्प नेपालले ३ अंक पुर्‍यायो। पहिलो खेलमा हेल्प नेपालले एपीएफलाई ३–० कै सोझो सेटमा पराजित गरेको थियो। मणिमुकुन्दको भने यो पहिलो खेल हो।&nbsp; पहिलो सेट २५–१६ ले गुमाए पनि अन्यमा भने मणिमुकुन्दले चुनौती दिएको थियो। तर, हेल्प नेपालले उत्कृष्ट प्रदर्शन गर्दै २५–१९ र २५–२२ ले खेल आफ्नो बनायो।

हेल्प नेपालको लगातार दोस्रो जित

काठमाडौं। विभागीय टोली एपीएफ क्लब नवौं एनभीए महिला तथा पुरुष क्लब भलिबल च्याम्पियनसिपअन्तर्गत महिलातर्फ लगातार दोस्रो जित निकाल्दै सेमिफाइनलमा प्रवेश गरेको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा आइतबार सम्पन्न समूह ‘बी’को खेलमा एपीएफले सुदूरपश्चिम प्रदेशलाई ३–० को सोझो सेटमा पराजित गरेको हो। योसँगै एपिएफले ६ अंक पुर्‍याएको छ। एपीएफले पहिलो खेलमा मधेश प्रदेशलाई ३–० कै सेटम पाखा लगाएको थियो। सुदूरपश्चिमको भने यो लगातार दोस्रो हार हो। यसअघि य टली विभागीय क्लब नेपाल पुलिससँग यही सेटमा पराजित भएको थियो। अब एपीएफले समूह विजेता बन्न अन्तिम खेल पुलिससँग खेल्ने।&nbsp; सुदूरपश्चिमलाई पाखा लगाउन एपीएफलाई कुनै पनि सेटमा मुस्किल भने परेन। पहिलो सेट २५–६ ले सहजै आफ्नो बनाएको एपीएफले त्यसछि २५–११ र २५–१२ को सहज जित निकालेको थियो।

एपीएफ सेमिफाइनलमा प्रवेश

काठमाडौं। विभागीय टाेली त्रिभुवन आर्मी क्लबले नवौं एनभीए महिला तथा पुरुष क्लब भलिबल च्याम्पियनसिपअन्तर्गत महिलातर्फ सहज जित हासिल गरेकाे छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा शनिबार सम्पन्न खेलमा आर्मीले चुली युवा क्लबलाई ३–० काे साेझाे सेटमा पराजित गरेकाे हाे। जितसँगै महिलातर्फ समूह ‘ए’ मा आर्मीले लागतार दाेस्राे जित दर्ता गरेकाे छ। आर्मीले यसअघि एभरेष्ट भलिबल क्लबलाई पराजित गरेकाे थियाे। यता, चुलीले लगातार दाेस्राे हार ब्यहाेरेकाे छ। यसअघि चुली पहिलाे खेलमा न्यु डायमन्ड स्पाेर्ट्स क्लबसँग पराजित भएकाे थियाे। आर्मीले पहिलाे सेट २५–१६, दाेस्राे सेट २५–१२ तथा तेस्राे सेट २५–९ ले जित्याे।

आर्मीको लगातार दोस्रो जित

एस्टन भिल्लाले शनिबार सबै प्रतियोगितामा गरेर लगातार ११ औं जित आत्मसात् गरेको छ । यससँगै भिल्ला अविश्वसनीय ढंगले इंग्लिस प्रिमियर लिग उपाधिको बलियो दावेदार बनेको छ । उसले स्टायनफोर्ड ब्रिजमा भएको खेलमा चेल्सीलाई २–१ ले पराजित गरेको हो । यो जितपछि भिल्लाको ३९ अंक भएको छ र तेस्रोमा छ । आर्सनलको ४२ र म्यानचेस्टर सिटीको ४० अंकमा शीर्ष दुई स्थानमा छ । लिभरपुल भने ३२ अंकमा चौथो स्थानमा छ । ओली वाटकिन्सले वेञ्चबाट मैदानमा प्रवेश गर्दै भिल्लाका लागि दुवै गोल गरेका हुन् । उनले ६३ र ८४ औं मिनेटमा गोल गरे । यसअघि चेल्सीले जाओ पेड्रोको गोलमा अग्रता लिएको थियो । यसअघि आर्सनलले ब्राइटनलाई २–१, ब्रेन्टफोर्डले बर्नमाउथलाई ४–१, लिभरपुलले उल्भ्सलाई २–१ र फुलहमले वेस्ट ह्यामलाई १–० ले पराजित गरेको थियो भने बर्नली र एभरटनले भने गोलरहित बराबरीमा समाप्त भएको थियो ।

भिल्लाको लगातार ११ औं जित

युभेन्ट्सले इटालीको सिरी ए मा शनिबार संघर्ष गर्दै पुछारतिरको पिसालाई २–० ले पराजित गरेको छ र यस जितपछि आफूलाई उपाधिको बलियो दावेदारका रूपमा उभ्याएको छ । पहिलो हाफको संघर्षपछि युभेन्ट्सले दुवै दोस्रो हाफको अन्त्यतिर गरेको हो । पिएरे कालुलुले ७३ औं मिनेटमा पहिलो गोल गरे । त्यसपछि केनन यिल्डिजले इन्ज्युरी समयको दोस्रो मिनेटमा अर्को गोल थपे । युभेन्ट्सको ३२ अंक भएको छ र यो पहिलोमा रहेको इन्टर मिलानसँग एकै अंकको दूरी हो । पिसा भने ११ अंकमा सीमित रहेर रेलिगेसन क्षेत्रमा छ । अन्य खेलमा कोमोले लेचेलाई ३–० र कागलिरीले टुरिनोलाई २–१ ले हराएको छ । यस्तै युडिनेजी र लाजियोले भने १–१ को बराबरी खेलेका छन् ।

Nepalsports

एनभीए च्याम्पियनसिप : समूह चरणका अन्तिम चार खेल

📰 Recent News

Nepalsports