Jhapa FC

काठमाडौं। रौनक श्रीवास्तवको शतकसँगै नेपालले एसिसी यु–१६ इस्ट जोन कपमा भुटानलाई २९८ रनले पराजित गरेको छ। मलेसियाको सेलाङ्गोर टर्फ क्लबको मैदानमा नेपालले दिएको ३५९ रनको विशाल लक्ष्य पछ्याएको भुटान ३२.४ ओभरमा ६० हुँदा ९ विकेट गुमाएको थियो। तर, अन्तिम ब्याटर क्रिजमा नआएपछि नेपाल विजयी भएको हो। भुटानका लागि ब्याटिङतर्फ छिन्जाङ दावाले सर्वाधिक १४ युगेन छाेपेलले १० रन भने अन्या ब्याटरले दाेहाेराे अंकमा रन बनाउन सकेनन्। भुटानलाई कम स्कोरमा रोक्न नेपालका लागि कप्तान विपिनप्रसाद शर्माले सर्वाधिक चार विकेट लिए। उनले १० ओभरमा ६ मेडन फ्याक्दै सात रन खर्चिए। यस्तै, सचिन भट्ट र सुयाेग भट्टराईले समान दुई विकेट लिए। &nbsp; त्यसअघि टस जितेर ब्याटिङ रोजेको नेपालले निर्धारित ५० ओभरमा विकेट गुमाउँदै ३५८ रन बनाएको थियो। नेपालका रौनकले सर्वाधिक १६८ रन बनाए। १३२ बल खेलेका उनले १६ चौका र ५ छक्का प्रहार गरे। जोय थापाले ६७ बलमा ७ चौकासहित अविजित ६१ रन बनाए। श्रीवान्स ५४ र सुगम बुढाथोकी ३५ रनमा आउट भए। भुटानका लागि साङ्गे दोर्जीले सर्वाधिक ३ विकेट लिए। जेन्जिङ लोडी जामत्शोको नाममा १ विकेट रह्यो। नेपाल यसअघि नै समूह एबाट सेमिफाइनलमा प्रवेश गरि सकेकाे छ। याे जितसँगै जारी प्रतियोगितामा नेपालले समूह चरणका सबै खेलमा शानदार विजयी हासिल गर्याे। नेपालले सिंगापुरलाई ६ तथा जापानलाई ९ विकेटले हराउँदा इन्डाेरनेसियामाथि ३७० रनकाे जित हात पारेकाे थियाे।

रौनकको शतक, विपिनको चार विकेटमा नेपाल २९८ रनले विजयी

काठमाडौं। प्रिमियर लिग क्लब म्यान्चेस्टर सिटीलाई निराश बनाउँदै साउदी प्रो लिग क्लब अल हिलाल फिफा क्लब विश्वकपको क्‍वाटरफाइनलमा प्रवेश गरेको छ। अमेरिकाको क्यापिगं वर्ल्ड स्टेडियममा मंगलबार बिहान सम्पन्न भएको खेलमा अल हिलालले सिटीलाई ४-३ गोलअन्तरले हराएको हो। अल हिलालको जितमा मार्कस लियोनार्डोले २ तथा मालकोम र कालिदोउ कुलिबाइले समान १ गोल गरे। सिटीका लागि भने बर्नार्डो सिल्भा, एर्लिङ हालान्ड र फिल फोडेनले समान १ गोल गरे। सिटीले खेलमा सुरुवाती अग्रता लिएको थियो। खेलको नवौं मिनेटमा बर्नार्डो सिल्भाले गोल गर्दै सिटीलाई अग्रता दिलाएका थिए। तर, खेलको ४६औं मिनेटमा मार्कस लियोनार्डोले गोल गर्दै हिलाललाई बराबरीमा ल्याए। त्यसको ६ मिनेटपछि मालकोमले हिलाललाई अग्रता दिलाए। खेलको ५५औं मिनेटमा सिटीका लागि एर्लिङ हालान्डले बराबरी गोल गरे। ९० मिनेट र इन्ज्युरी समयमा गोल नहुँदा खेल अतिरिक्त समयमा गएको थियो। ९३औं मिनेटमा कालिदोउ कुलिबाइले गोल गर्दै हिलाललाई फेरि अग्रता दिलाए। तर, १०४औं मिनेटमा सिटीका फिल फोडेनले गोल गर्दै खेल फेरि बराबरीमा ल्याए। ११२औं मिनेटमा लियोनार्डोले व्यक्तिगत दोस्रो तथा खेलको निर्णायक गोल गर्दै हिलाललाई जित दिलाए।&nbsp; यो जितसँगै अल हिलालले अब सेमिफाइनल प्रवेशका लागि ब्राजिलको फ्लुमिनेससँग खेल्नेछ। फ्लुमिनेसले प्रिक्वाटरफाइनलमा इटालीय क्लब इन्टर मिलानलाई हराएको थियो।

सिटीलाई हराउँदै अल हिलाल क्वाटरफाइनलमा

काठमाडौँ । इटालियन सिरी ए क्लब इन्टर मिलानलाई हराउँदै ब्राजिलियन क्लब फ्लुमिनेन्स फिफा क्लब विश्वकपको क्वाटरफाइनलमा पुगेको छ। सोमबार राति सम्पन्न नकआउट चरणको खेलमा फ्लुमिनेन्सले मिलानलाई २-० गोल अन्तरले पराजित गरेको हो। फ्लुमिनेन्सको जितमा जर्मन कानो र हर्कुलसले एक एक गोल गरे। यो हारसँगै इन्टर मिलानको विश्वकपको यात्रा सकिएको छ।&nbsp;

मिलानलाई हराउँदै फ्लुमिनेन्स अन्तिम आठमा

नेपाली राष्ट्रिय पुरुष फुटबल टोलीका कप्तान तथा गोलकिपर किरण चेम्जोङ आइटी सुत्र इन्कको ब्रान्ड एम्बेसडर नियुक्त भएका छन् ।संयुक्त राज्य अमेरिकामा मुख्यालय रहेको र ११ वर्षदेखि प्रविधि क्षेत्रमा नवप्रवर्तनकारी समाधानहरू प्रदान गर्दै आएको आईटी कन्सल्टिङ कम्पनीले किरणलाई ३ वर्षका लागि सोमबार आफ्नो ब्रान्ड एम्बेसडर नियुक्त गरेको हो । सम्झौता ३० लाख रुपैयाँ बराबरको रहेको उल्लेख गर्दै आइटी सुत्रले यो समझौताले प्रविधि र खेलकुद दुई क्षेत्रलाई जोडेको बताइएको छ ।कम्पनीको मुख्य उद्देश्य नेपाली प्राविधिक क्षमतालाई विश्व बजारमा प्रतिस्पर्धी बनाउनु रहेकोले किरणको प्रतिबद्धता, अनुशासन र अन्तर्राष्ट्रिय छविले कम्पनीको मिसनलाई थप बल पु¥याउने विश्वास लिएको बताइएको छ । कम्पनीका सिइओ पंकज श्रेष्ठले सहकार्यबारे भने, ‘किरण चेम्जोङ खेलकुदको मैदानमा मात्रै होइन, हरेक नेपाली युवाका लागि प्रेरणाको स्रोत हुन् । उनको अटल समर्पण र विश्वास कम्पनीको मूल्यमान्यतासँग मेल खान्छ । यो केवल एउटा व्यावसायिक सम्झौता मात्र नभई नेपाली प्रतिभालाई प्रविधि र खेलकुद दुवै क्षेत्रमा अगाडि बढाउने हाम्रो साझा प्रतिबद्धता हो ।’सिइओ श्रेष्ठले यो साझेदारीले आइटी सुत्रका आगामी ब्रान्ड अभियान, युवा लक्षित तालिम कार्यक्रम, डिजिटल प्रस्तुति र सामाजिक पहलमा किरणको सक्रिय भूमिका निश्चित गर्ने बताए । आइटी सुत्र अमेरिकाको &nbsp;टेक्सासमा मुख्यालय रहेको एक आइटी परामर्श र स्टाफिङ कम्पनी हो। &nbsp;कम्पनीको सफलताको प्रमुख आधार अमेरिकाका प्रतिष्ठित कम्पनीहरूमा १२ सय भन्दा बढी नेपाली प्राविधिकलाई अवसर प्रदान गर्नु रहेको बताइएको छ।किरण अहिले अमेरिका भ्रमणमा छन् । डेढ दशकभन्दा लामो समयदेखि राष्ट्रिय टोलीको गोलपोस्ट सम्हाल्दै आएका किरण राष्ट्रिय टोलीबाट १ सय खेल पूरा गर्ने पहिलो नेपाली खेलाडीको हुन् । उनले भारत र माल्दिभ्सबाट व्यवसायिक फुटबल खेलेका छन् । घरेलु फुटबलमा थ्री स्टार क्लब, मच्छिन्द्र क्लब तथा नेपाल सुपर लिग अन्तर्गत धनगढी एफसीबाट प्रतिनिधित्व गरेका छन् ।

कप्तान किरण सुत्रको ब्रान्ड एम्बेसडर

काठमाडौं। असार २० गतेबाट सुरु एन्फा यु–१६ युथ लिगको उद्घाटन खेलमा श्री भगवती क्लब र मनाङ मर्स्याङ्दी क्लब खेल्ने भएका छन्। एन्फा कम्प्लेक्स सातदोबाटोमा सोमबार भएको खेल तालिका अनुसार यी दुई टोली उद्घाटन खेल्न भिड्ने भएका हुन्। खेल दिउँसो १ बजेबाट सुरु हुनेछ।&nbsp; यस्तै सोहि दिन अर्को खेलमा त्रिभुवन आर्मी फुटबल क्लबले हिमालयन शेर्पासँग प्रतिस्पर्धा गर्नेछ। प्रतियोगितामा १४ वटै ए डिभिजन क्लबहरूको सहभागिता रहनेछ। अघिल्लो संस्करणमा ११ टोली मात्रै सहभागी थिए।

एन्फा यु-१६ लिग उद्घाटन खेलमा भगवती र मनाङ भिड्ने

काठमाडौं। दोस्रो संस्करणकाे नेपाल प्रिमियर लिग (एनपिएल)का लागि पोखरा एभेन्जर्सले रिटेन र रिलिज गरिएका खेलाडीको सूची सार्वजनिक गरेको छ। पोखराले आइतबार सामाजिक संजालमार्फत रिटेन र रिलिज खेलाडीको जानकारी दिएको‌ हो। पोखराले मार्की र कप्तान कुशल भुर्तेललाई रिटेनको पहिलो नम्बरमा राखेको छ। रिटेन हुने अन्य खेलाडीमा दिनेश खरेल, सागर ढकाल, किरण ठगुन्ना, आकाश चन्द र विपिन खत्री रहेका छन्। रिलीज खेलाडी : अमृत गुरुङ, सुनम गौतम, दिलिप नाथ, नारायण जोशी, सुदिप अर्याल, तृतराज दास यसअघि काठमाडौं गोर्खाज, लुम्बिनी लायन्स, सुदूरपश्चिम रोयल्स र चितवन राइनोजले पनि रिटेन र रिलिज खेलाडीको‌ सुची सार्वजनिक गरिसकेको छ।

पोखराद्वारा कुशलसहित ६ खेलाडी रिटेन

काठमाडौं। फ्रेन्चाइज टोली ललितपुर क्विन्सले दोस्रो संस्करणका एभरेस्ट महिला भलिबल लिगमा पनि उत्सव खड्कालाई नै प्रशिक्षण जिम्मेवारी सुम्पिएको छ। क्लबले आइतबार खड्काकै प्रशिक्षणमा टोलीले प्रतियोगिता खेल्ने जानकारी दिएकाे हाे। खड्काको प्रशिक्षणमा ललितपुर क्विन्स पहिलो संस्करणको फाइनलमा कर्णाली यश्विजसँग पराजित हुँदा उपविजेता बनेको थियो। यसैगरी खड्को प्रशिक्षणमा हेल्प नेपाल स्पोर्टस क्लबले गत महिना सम्पन्न हेल्प नेपाल नवौं प्रधानमन्त्री कप एनभिए लिग च्याम्पियन बनेको थियो। दोस्रो संस्करण भदौ २० देखि २८ गतेसम्म हुँदैछ।

ललितपुरको प्रशिक्षकमा उत्सव खड्काकै निरन्तरता

काठमाडौं। लिओनल मेस्सी आवद्ध इन्टर मियामी क्लब विश्वकपकाे अन्तिम १६ बाट बाहिरिएको छ।&nbsp; एटलान्टामा भएको खेलमा मेस्सीको पूर्वक्लब पेरिस सेन्ट–जर्मेन (पिएसजी) सँग ४–० को लज्जास्पद हार बेहोर्दै इन्टर मियामी प्रतियोगिताबाट बाहिरिएको हो। खेलको पहिलो हाफमै पिएसजीले चार गोल गर्दै स्पष्ट जित दर्ता गर्‍यो।&nbsp; अनमार्क रहेका जोआओ नेभेसले छैठौं मिनेटमा हेडर गर्दै पहिलो गोल गरे। त्यसको आधा घण्टापछि टिमको उत्कृष्ट पासिङ मूभको अन्त्य गर्दै उनले नै दोस्रो गोल गरे।&nbsp; ४४औं मिनेटमा इन्टर मियामीका थमस अविलेसले आफ्नै पोस्टमा गोल गरेपछि स्कोर ३–० भयो। पहिलो हाफको अन्त्यतिर अचार्फ हाकिमीले चौथो गोल गर्दै इन्टर मियामीको पुनरागमनको ढोका बन्द गरे। अब पिएसजीले शनिबार हुने क्वार्टरफाइनलमा र बायर्न म्युनिखसँग प्रतिस्पर्धा गर्नेछ।

मेस्सीको टिम इन्टर मियामी क्लब विश्वकपबाट बाहिरियाे

काठमाडौं। कप्तान सावित्रा भण्डारी (साम्बा) को ह्याट्रिक प्रेरित नेपालले एसिया कप छनोट अन्तर्गतको आफ्नो पहिलो खेलमा लाओसविरुद्ध ६-० को जित हासिल गरेको छ। उज्वेकस्तानको बुन्योदकोर स्टेडियम तास्कन्दमा आइतबार सम्पन्न खेलमा नेपालले दलाओसलाई ९-० ले पराजित गरेको हो।नेपालको जितमा कप्तान सावित्राले ह्याट्रिकसहित ५ गाेल गर्दा अनिता बस्नेत, अनिता केसी, सरु लिम्बू र रश्मिकुमारी घिसिङले समान एक गोल गरे। पहिलो हाफमा २ गोलमात्रै गरेको नेपालले दोस्रो हाफमा थप ७ गोल गर्न सफल भयो। खेलको १२औं तथा सावित्राले ४४औं मिनेटमा गोल गर्दै पहिलो हाफभरि नेपाललाई २ गोलको अग्रता दिलाएकी थिइन्।

लाओसविरुद्ध नेपालको ९ गोल, साम्बा एक्लैले गरिन् ५ गोल

काठमाडौं। एसिया कप छनोट अन्तर्गतको आफ्नो पहिलो खेलमा नेपालले लाओसविरुद्ध २-० को अग्रता बनाएको छ। उज्वेकिस्तानमा जारी खेलको पहिलो हाफ सकिँदा नेपालले २ गोलको अग्रता बनाएको हो। नेपालका लागि अनिता बस्नेत र कप्तान सावित्रा भण्डारीले गोल गरिन्। अनिताले खेलको १२औं तथा सावित्राले ४४औं मिनेटमा गोल गर्दै पहिलो हाफभरि नेपाललाई २ गोलको अग्रता दिलाएकी हुन्।

लाओसविरुद्ध पहिलो हाफमा नेपाल २-० को अग्रता

नेपाल र लाओस विरूद्ध खेल लाईभ हेर्नुस<a href="https://www.youtube.com/watch?v=-EZog0MdA3I" target="_blank">नेपाल र लाओस विरूद्ध खेल लाईभ हेर्नुस</a><div> </div> 
<iframe width="560" height="315" src="https://www.youtube.com/embed/-EZog0MdA3I?si=hYniXdLdpI2fpbZE" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen=""></iframe>

नेपाल र लाओस विरूद्ध खेल लाईभ हेर्नुस

काठमाडौं। नियमित कप्तान तथा गोल किपर एन्जिला तुम्बाप्पो सुब्बालाई बेन्चमा राखिएको छ। एएफसी महिला एसियन कप छनाेट अन्तर्गत लाओसविरूद्धको खेलमा नव नियुक्त प्रशिक्षक प्याट्रिक डि वाइल्डले कप्तानको जिम्मेवारी रेणुका नगरकोटेलाई दिइएको छ। प्लेइङ ११ मा नियमित रहेकी रेखा पौडेल र प्रिती राई पनि बेन्चमा रहेका छन्। प्याट्रिकले लाओसविरुद्ध अन्जना राना मगरलाई गोल पोष्टको जिम्मा दिएका छन्। अन्य खेलाडीहरू: निशा थोकर, पुजा राना समिक्षा घिमिरे, सरू लिम्बु, सरस्वती हमाल, रेणुका नगरकोटी, सबिता राना मगर, अनिता बस्नेत, रश्मी कुमारी घिसिङ र साबित्रा भण्डारी प्लेइङ इलेभेनमा परेका छन्।

लाओसविरुद्ध पहिलो रोजाइमा रेणुका कप्तान, एन्जिला बेन्चमा

<span class="gmail-html-span gmail-xdj266r gmail-x14z9mp gmail-xat24cr gmail-x1lziwak gmail-xexx8yu gmail-xyri2b gmail-x18d9i69 gmail-x1c1uobl gmail-x1hl2dhg gmail-x16tdsg8 gmail-x1vvkbs gmail-x4k7w5x gmail-x1h91t0o gmail-x1h9r5lt gmail-x1jfb8zj gmail-xv2umb2 gmail-x1beo9mf gmail-xaigb6o gmail-x12ejxvf gmail-x3igimt gmail-xarpa2k gmail-xedcshv gmail-x1lytzrv gmail-x1t2pt76 gmail-x7ja8zs gmail-x1qrby5j" style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;"><span class="gmail-x193iq5w gmail-xeuugli gmail-x13faqbe gmail-x1vvkbs gmail-x1xmvt09 gmail-x1lliihq gmail-x1s928wv gmail-xhkezso gmail-x1gmr53x gmail-x1cpjm7i gmail-x1fgarty gmail-x1943h6x gmail-xudqn12 gmail-x3x7a5m gmail-x6prxxf gmail-xvq8zen gmail-xo1l8bm gmail-xzsf02u" dir="auto">रसिलालाई माउन्ट पोपा अल्ट्राया रनको उपाधि काठमाडौँ, असार १५ गते । अल्ट्रा रनर रसिला तामाङले आइतबार माउन्ट पोपा अल्ट्रा म्याराथनको उपाधि जितेकी छन् । म्यानमारमा भएको ५० किमी दुरीको ट्रायल रनमा रसिलाले पुरुष धावकहरुलाई समेत पछाडि पारेर ओभरअलमै पहिलो भएकी हुन् । सन् २०२३ मा भएको एसिया ट्रायल मास्टर्स महिला च्याम्पियन्सीपमा पहिलो स्थान हासिल गरेर इतिहास बनाएकी रसिलाले ६ घन्टा १८ मिनट ५१ सकेन्डमा दौड पूरा गरिन् । रसिलाले जितपछि कोरोस घडीसहित अन्य गिफ्ट ह्यामपर प्राप्त गरिन् । सोही दुरीमा पुरुषतर्फ पहिलो स्थान हासिल गर्ने पाइङ ओले सात घन्टा ३८ मिनेट ४२ सकेन्ड समय लगाएका थिए । महिलातर्फ दोस्रो हुने यीयीले नौ घन्टा नौ सकेन्डमा दोड पुरा गरिन् । साराह सेङ तेस्रो भइन् । पुरुषतर्फ ज्याक स्पिड दोस्रो र अङ टुन लिन तेस्रो स्थानमा रहे । यस जितसँगै रसिलाले अक्टोबर ४ तारिखमा भियतनाममा हुने एटिएम च्याम्पियन्सीप फाइनलमा चयन भएकी छन् । रसिलाले जितपछि ओभरअलमै जित प्राप्त गर्दा निकै खुशी लागेको बताइन् । उनले व्यवस्थितरुपमा रेस आयोजना गरेको भन्दै आयोजकको प्रशंसा पनि गरिन् ।<br clear="all" style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;"><div><span class="gmail-html-span gmail-xdj266r gmail-x14z9mp gmail-xat24cr gmail-x1lziwak gmail-xexx8yu gmail-xyri2b gmail-x18d9i69 gmail-x1c1uobl gmail-x1hl2dhg gmail-x16tdsg8 gmail-x1vvkbs gmail-x4k7w5x gmail-x1h91t0o gmail-x1h9r5lt gmail-x1jfb8zj gmail-xv2umb2 gmail-x1beo9mf gmail-xaigb6o gmail-x12ejxvf gmail-x3igimt gmail-xarpa2k gmail-xedcshv gmail-x1lytzrv gmail-x1t2pt76 gmail-x7ja8zs gmail-x1qrby5j" style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;"><span class="gmail-x193iq5w gmail-xeuugli gmail-x13faqbe gmail-x1vvkbs gmail-x1xmvt09 gmail-x1lliihq gmail-x1s928wv gmail-xhkezso gmail-x1gmr53x gmail-x1cpjm7i gmail-x1fgarty gmail-x1943h6x gmail-xudqn12 gmail-x3x7a5m gmail-x6prxxf gmail-xvq8zen gmail-xo1l8bm gmail-xzsf02u" dir="auto"> </div>

रसिलालाई माउन्ट पोपा अल्ट्राया रनको उपाधि

काठमाडौं। ओपनर प्रसिद्ध जैसीको शतक र कप्तान विपिनप्रसाद शर्माको ६ विकेट सहयोगमा साविक विजेताले नेपाल एसिसी मेन्स यु१६ इस्ट जोन कप २०२५ मा सेमिफाइनल प्रवेश गरेको छ। एक खेल अगावै सेमिफाइनल प्रवेश गर्ने क्रममा नेपालले आइतबार इण्डोनेसियामाथि ३७० रनको विशाल जित हासिल गर्यो। ४२१ रनको विशाल लक्ष्य पछ्याएको इण्डोनेसिया २४.३ ओभरमा ५० रनमा अलआउट भयो। इण्डोनेसियाका लागि कविन निरज चन्दा ३४ बलमा १५ तथा दिभित नन्दा ३१ बलमा १४ रनमा आउट भए। इण्डोनेसियाका ९ खेलाडीले दोहोरो अंकमा रन जोड्न सकेनन्।&nbsp; इण्डोनेसियालाई सस्तैमा समेट्न नेपालका लागि कप्तान विपिनप्रसादले ७.३ ओभरमा १२ रन खर्चिएर ६ विकेट लिए। शुभम खनाल र सुगम बुढाथोकीले समान १ विकेट लिए। त्यसअघि मलेसियामा टस हारेर ब्याटिङको निम्तो पाएको नेपालले निर्धारित ५० ओभरमा ५ विकेट गुमाएर ४२० रनको विशाल योगफल तयार गरेको थियो। यो हारसँगै इण्डोनेसिया भने एक खेल अगावै प्रतियोगिताबाट बाहिरिएको छ। नेपाल तेस्रो खेलमा अपराजित रहँदै सेमिफाइनल प्रवेश गरेको हो। नेपालले पहिलो खेलमा सिंगापुर र दोस्रो खेलमा जापानलाई हराएको थियो।

प्रसिद्ध र विपिनको शानदार प्रदर्शनमा नेपालको विशाल जित

काठमाडौँ। ओपनर प्रसिद्ध जैसीकाे शतकप्रेरित नेपालले एसिसी यु-१६ इस्ट जोन कपमा इन्डोनेसियासामु ४२१ रनको लक्ष्य दिएको छ। टस हारेर पहिला ब्याटिङ गरेको नेपालले ५० ओभरमा ५ विकेट गुमाउँदै ४२० रन बनाएको हो। नेपालका लागि ओपनर प्रसिद्ध जैसीले सर्वाधिक १३२ रन बनाए। त्यस्तै अर्का ओपनर परिमार्जन यादव २८ बलमा ७१ रन बनाएका थिए। त्यसैगरी रौनक श्रीवास्तवले ८८ रन बनाएर आउट भए भने जोय थापाले ५७ रन बनाएका थिए। त्यस्तै सुगम बुढाथोकीले अविजित ३९ रन बनाएका थिए। इन्डोनेसियाका बलर केटुट दर्मा पुट्राले २ विकेट लिए भने केभिन नीरज चड्डा, महेन्द्र अजी युदा प्रतामा र रेहान रिजाले एक एक विकेट लिए।

प्रसिद्धको शतकमा नेपालले इन्डोनेसियालाई दियो ४२१ रनको लक्ष्य

काठमाडौं। पोर्चुगिज क्लब बेन्फिकामाथि राेमाञ्चक जित हासिल गर्दै लण्डन क्लब चेल्सी फिफा क्लब विश्वकपको अन्तिम आठमा प्रवेश गरेको छ।&nbsp; अमेरिकाको नर्थ क्यारोलिना राज्यको चार्लोटस्थित बैंक अफ अमेरिका स्टेडियममा भएको&nbsp;खेलमा चेल्सी ४–१ गोलले विजयी भएको हो ।&nbsp;चेल्सीको जितमा रीस जेम्स, क्रिस्टोफर एनकुन्कु, पेड्रो नेटो र किअर्नन ड्युब्स्बरी हलले गोल गरे। यता बेन्फिकाको लागि एञ्लेज डि मारियाले गरेको गोल सान्त्तवना बन्यो। खराब मौसमका कारण यो खेल करिब दुई घण्टा रोकिएको थियो। इंग्लिस क्लब चेल्सी र ब्राजिलियन क्लब पाल्मेइरास फिफा क्लब विश्वकपको क्वाटरफाइनलमा प्रवेश गरेका छन् । यिनै २ टोली अब सेमिफाइनल प्रवेशका लागि खेल्ने छन् ।

बेन्फिकालाई हराउँदै चेल्सी क्वाटरफाइनलमा

&nbsp;काठमाडौं। डिभाईन ईलाईट फुटबल एकेडेमी (डिईएफए) को उद्घाटन भएको छ । काभ्रे धुलिखेल-१२ बृकल्यान्डमा प्रधानमन्त्री कार्यलयका सचिब गोबिन्द बहादुर कार्की, नेपाली सेनाका उपरथी चोक बहादुर ढकाल, अखिल नेपाल फुटबल संघ (एन्फा)का केन्द्रीय सदस्य बिकास नारायण श्रेष्ठ लगायतले एकेडमीको &nbsp;उद्घाटन गरे ।&nbsp;नेपाल राष्ट्रिय फुटबल टोलीका सदस्यद्वय जर्ज प्रीन्स र जिलेस्पी जंग कार्की सन्चालक रहेको डिभाइन लाइट एकेडेमीमा माध्यामिक तह सम्मको पढाइ हुँदै आएको छ । स्कुलले पढाइ सङै खेलकुदलाई पनि प्राथमिकतामा राखेको स्कुलका &nbsp;अध्यक्ष गोपाल बहादुर कार्कीले बताए । उनले एकेडेमीबाट आफ्ना दुई छोरा जस्तै खेलाडी उत्पादन गर्ने योजना सुनाए । "मेरा दुबै छोराले पनौतीको खेतबारीमा खेलेर अन्तर्राष्ट्रिय सहभागिता जनाउदै देशको शिर उचो बनाएका छन् । अब एकेडेमीले यस्तै खेलाडी उत्पादन गर्नेछ । एकेडेमी उद्घाटनसँगै स्कुल प्राङ्गणमै करिब १३ आना जग्गामा सेभेन ए साइट फुटसल सन्चालनमा आएको छ । एकेडेमीमा खेलाडीले बिहान तथा साझ दैनिकी प्रशिक्षण गर्नेछन् ।&nbsp; उद्घाटन क्रममा नेपाल राष्ट्रिय टिम र पूर्व खेलाडीबिच प्रतिस्पर्धा भएको थियो । राष्ट्रिय टिमबाट मनिष डाङ्गी, रोहन कार्की, एरिक बिष्ट, मणि कुमार लामा, अनन्त तामाङ, जिलेस्पी र लाकेन लिम्बू खेलेका थिए । यस्तै पूर्व खेलाडीबाट बिराज महर्जन, बिकेश कुथु, बिक्रम लामा, राजेन्द्र तामाङ, जर्ज प्रीन्स, नवयुग श्रेष्ठ लगायत खेलाडी थिए । यो खेल ९-९ को बराबरीमा सकिएको थियो ।&nbsp; यस्तै, नेपाल खेलकुद पत्रकार मञ्च (एनएसजेएफ) ले डिभाइन एलाइट एकेडमीलाई ६-३ ले हरायो । त्रिभुवन आर्मी क्लबको भेट्रान्स टिमले काभ्रे जिल्ला फुटबल संघलाई ७-५ ले हराएको थियो ।

डिभाईन ईलाईट फुटबल एकेडेमीको उद्घाटन

नेपालले आज एएफसी एशियन कप छनोटको पहिलो खेल लाओससंग खेल्दै छ। खेल नेपाली समय अनुसार सांझ ६ः१४ बजे उज्बेकिस्तानको बनयोडकर &nbsp;रंगशालामा हुनेछन्। नेपालले आज लाओससंग आफ्नो १०० औं अन्तराष्ट्रिय खेल खेल्दै छ।बेल्जियमका प्रशिक्षक प्याट्रिक डे वाइल्डको नेतृत्वमा रहेको नेपाल टोलीको समूहमा उज्बेकिस्तान, लाओस र श्रीलंकासँग रहेकोछ। समूह विजेता मात्र अर्को वर्ष अष्ट्रेलियामा आयोजना हुने अन्तिम प्रतियोगिताको लागि छनोट हुनेछ। नेपाल विरूद्ध श्रीलंका जुलाई २ २०२५ बुधबारनेपाल विरूद्ध उज्बेकिस्तान जुलाई ५ २०२५, शनिबारनेपाल यसअघि तीन पटक एसियाली कपको लागि छनोट भइसकेको छ, तर समूह चरणबाटै बाहिरिएको थियो। एसियन कप छनोटका लागि नेपाली टोली गोलकिपरः अन्जिला तुम्बापो सुब्बा, उषा नाथ, अञ्जना राना मगर डिफेन्डरः गीता राणा, निशा थोकर, समीक्षा घिमिरे, मनमाया दमाई, प्रतीक्षा चौधरी, विमला विक, पूजा राना, अमृता जैशी मिडफिल्डरः विमला चौधरी, अनिता बस्नेत, रेणुका नगरकोटे, प्रीति राई, सरु लिम्बु, सविता राना मगर, सरस्वती हमाल फरवार्डः सावित्रा भण्डारी, रश्मीकुमारी घिसिङ, चन्द्र भण्डारी, अनिता केसी, रेखा पौडेल

नेपाल र लाओस खेल्दै

राष्ट्रिय बुद्धिचाल संघ र हेटौंडा चेस क्लवको संयुक्त आयोजनामा संचालन भएको मदन स्मृति यू १५ चेसमा पुष्प सदन स्कुलका हार्दिक पन्तले विद्यालय स्तरको राष्ट्रिय चेस प्रतियोगितामा जितेका छन्।&nbsp; पन्तले आठौं चरण सम्मको खेलवाट ७ जित र १ बराबर खेल पस्केर ७.५ अंक सहित उपाधि हात पारेका हुन्। उनले आकर्षक ट्रफी, नगद पुरस्कार २५ हजार र स्वर्ण पदक पाए।ललितपुरको तुल्सीलाल प्रतिष्ठानमा भएको प्रतिस्पर्धामा एशियन पब्लिक स्कुलका दिपेन मैनाली एकल ७ अङ्क सहित दोस्रो र बसुन्धरा नेशनल एकेडेमीका ६.५ अङ्क प्रोग्रेसिभ पोइन्टका आधारमा अविन पाण्डे तेस्रो स्थामा रहे।&nbsp;प्राप्त परिणाम अनुसार दिपेनले नगद १५ हजार, रजत पदक र अविनले १० हजार नगद पुरस्कार, काश्य पदक लिए।&nbsp;स्पर्धामा ६. ५ अङ्क प्राप्त गरेर संस्कार गुरुकुलका आशिर्वाद थापा चौथो , ६ अङ्क प्राप्त गर्दै नाइटिंगेल स्कुलका सुभनदिप थापा पाँचौ हुन सफल भए। उनीहरुले जनहि नगद ५/५ हजार पाउन सफल भए।त्यसैगरी प्रज्ञा कुञ्जका कसिभ कार्की , इन्टरनेशनल पब्लिक स्कूलका सार्थक पन्त, डिएभि स्कूलका हर्षबर्धन राठी ,लिटल बुद्ध एकेडेमीका शुभम् जोशी र पाठशाला स्कुलका ओस्कर पन्थी क्रमशः छैटौदेखि दशौ स्थानमा रहेका छन्। उनीहरुले पनि &nbsp;जनही ३/३ हजार नगद पाए।यु- ९ खेल तर्फ लाबोरोटोरी स्कूलका छात्र अंकुर पोखरेल, इम्पेरियल स्कुलका छात्रा अग्रता आचार्य उत्कृष्ट भए भने यु - ११ मा मार्भलसका छात्रा निहाना श्रेष्ठ र माछापुच्छ्रे आइबीका छात्र तर्फ साहष श्रेष्ठ पहिलो हुन सफल भए।त्यस्तै यू - १३ छात्र तर्फ मार्भलस स्कुलका बृज्नानन्द दास र छात्रामा उजिभनी कँडेल प्रथम भएका छन्।यसबीच हेटौंडा चेस क्लबका अध्यक्ष धरम बहादुर लामाको सभा अध्यक्षतामा भएको समापन तथा पुरस्कार वितरण कार्यक्रममा बागमती प्रदेशका पूर्व श्रम तथा यातायात मन्त्री मा. एकालाल &nbsp;श्रेष्ठ, नेपाल बुद्धिचाल महासंघका अध्यक्ष हेराकाजी महर्जन, कोषाध्यक्ष ताराबहादुर रानाभाट, प्रवक्ता राजु ताम्राकारले बिजेता खेलाडीहरुलाई &nbsp;पुरस्कार वितरण गर्नु भयो। &nbsp;कूल नगद पुरस्कार १ लाख १० हजार प्रदान गरिएको दुई दिने प्रतियोगितामा ४० स्कूलमा १०२ जना विद्यार्थी खेलाडीहरुको सहभागीता रहेको थियो।

पुष्प सदन स्कूलका हार्दिक पन्तलाई विद्यालय स्तरको चेस उपाधि।

काठमाडौं :&nbsp;नेपाली सेनाका राजन रोकाया र धादिङकी सन्तोषी श्रेष्ठले पाँचाै वीर गणेशमान सिंह १० किलाेमिटर (टेन के ) दा‌ैडकाे उपाधी उचालेका छन् । शनिबार विहान सम्पन्न प्रतिस्पर्धामा अन्य प्रतिस्पर्धीलाई पछि पार्दै राेकाया र श्रेष्ठले उपाधि उचालेका हुन् । सेनाका राेकायाले ३१ मिनेट २२ सेकेन्डमा दा‌ैड पूरा गरे भने नेपाल रन यूकेकी श्रेष्ठले ३८ मिनेट ३ सेकेन्डमा दाैड पूरा गरिन् ।&nbsp; गणेशमान सिंह फाउन्डेसन र वीर गणेशमान सिंह स्पोर्ट्स कमिटीको आयोजनामा शनिवार सम्पन्न दाैडमा पुरूषतर्फ सेनाका खडकबहादुर खड्काले (३१ मिनेट ३५ सेकेन्ड) दाेस्राे र मुकेशबहादुर पाल (३२ मिनेट १२ सेकेन्ड) ले तेस्राे स्थान हासिल गरे । केन्याका जुलियस मुरिओकीले सान्त्वना स्थान हासिल गरे ।&nbsp; त्यस्तै महिलातर्फ नेपाली सेनाकी पूर्णलक्ष्मी न्याैपाने दाेस्राे (३९ मिनेट १९ सेकेन्ड), सशस्त्र प्रहरीकी आशा रावत तेस्राे (४० मिनेट २७ सेकेन्ड ) र फूलमति रानाले सान्त्वना स्थान हासिल गरिन् ।&nbsp; बिहान ७ बजे एडिडास शो रुमबाट दरवारमार्गबाट सुरु हुने दौड भद्रकाली, रत्नपार्क, जमल, दरबारमार्ग, केशर महल, लैनचौर, लाजिम्पाट, महाराजगन्ज, बालुवाटार, नक्साल, जय नेपाल हल हुँदै पुनः दरवारमार्ग पुगेर टुंगिएकाे थियाे । &nbsp;३ वटा विभागीय टोली, विभिन्न संघ संस्था, स्कुल, कलेज, केहि विदेशी खेलाडी गरि झन्डै ५ सय खेलाडीको सहभागिता थियाे ।&nbsp; १० कि.मि. दौडमा महिला तथा पुरुषका विजेताले समान ६० हजार, दोस्रोले ३० हजार, तेस्रोले १५ हजार, चौथोले १० हजार र पाँचौले ५ हजार रुपैयाँ प्राप्त गरेका छन् । उपप्रधानमन्त्री एवम् शहरी विकास मन्त्री प्रकाशमान सिंह र कर्णाली प्रदेशका अर्थमन्त्री राजीवविक्रम शाह, मंगलादेवी फाउन्डेसनकी अध्यक्ष सिर्जना सिंहसहितले विजेता खेलाडीलाई प्रमाणपत्र र मेडल हस्तान्तरण गर्नुभएकाे थियाे ।

Nepalsports

⚽ Upcoming Matches

🎖 Recent Matches

📰 Recent News

Nepalsports