Birgunj United FC

Deep Karki

काठमाडौं। नेपाल महिला राष्ट्रिय फुटबल टोलीकी मिडफिल्डर प्रीति राई क्याम्बोडियन महिला लिग खेल्न क्याम्बोडिया पुगेकी छन्। उनले क्याम्बोडियाको चर्चित क्लब प्रेह खान रीच स्वाय रिएङ एफसीसँग सम्झौता गर्दै नयाँ चुनौती सुरु गर्न लागेकी हुन्। प्रीति यसअघि जोर्डनको महिला लिगमा इतिहाद क्लबबाट खेल्दै उत्कृष्ट प्रदर्शन गरेकी थिइन्। एक सिजन बिताउने क्रममा उनले एक गोल समेत गरिन् भने टोलीलाई महिला प्रो–लिग र जोर्डन महिला कप दुवै उपाधि जिताउन महत्वपूर्ण भूमिका निर्वाह गरिन्। स्वाय रिएङ प्रीतिको तेस्रो विदेशी क्लब हो। यसअघि उनले भारतको किक स्टार्ट्स क्लबबाट इन्डियन वुमेन्स लिग समेत खेलेकी थिइन्। सन् २०२० मा सुरु भएको क्याम्बोडियन महिला लिगको पहिलो संस्करणमा संयुक्त विजेता बनेको स्वाय रिएङ यस सिजन पनि उपाधि दाबेदारका रूपमा हेरिएको छ। नेपाली मिडफिल्डर प्रीति टोलीमा आबद्ध भएसँगै क्लब थप मजबुत हुने अपेक्षा गरिएको छ।

प्रीति राई क्याम्बोडियन महिला लिगमा, स्वाय रिएङ एफसीसँग सम्झौता

नेपोलीले मंगलबार इटालीको सिरी ए मा एसी मिलानलाई १–० ले हराएर उपाधि रक्षा गर्ने सम्झनालाई जीवन्त राखेको छ । खेलको एक मात्र गोल माटेओ पोलिटानोले दोस्रो हाफमा गरे । खेल बराबरीतर्फ अग्रसर देखिएको बेला सब्टिच्युट खेलाडी पोलिटानोले ७९ औं मिनेटमा गरेका हुन् । नेपोलीको यो लगातार पाँचौं जित हो र यस नतिजापछि नेपोली ३१ खेलबाट ६५ अंक भएको छ । यो शीर्ष स्थानमा रहेको इन्टर मिलानसँग सात अंकको दूरी हो र लिगमा अब सात चरणको खेल मात्र बाँकी रहेका छन् । मिलान भने ६३ अंकमा सीमित रहेर तेस्रो स्थानमा झरेको छ । मंगलबारको अर्को खेलमा युभेन्ट्सले जेनोआलाई २–० ले पराजित गर्दै पाँचौं स्थानमा उक्लेको छ । युभेन्टसको अब ५७ अंक भएको छ र यो चौथोमा रहेको कोमो भन्दा एक अंक कम हो ।

नेपोलीको उपाधि सम्भावना कायम

जिरोनाले आत्मघाती गोलको मदतले स्पेनी ला लिगामा मंगलबार भिल्लारियललाई १–० ले पराजित गरेको छ । नाभारोले पहिलो हाफको इन्ज्युरी समयमा दुर्भाग्यपूर्ण गोल गरे र भिल्लारियल पराजित रह्यो । हारका बावजुत भिल्लारियल ५८ अंकमा तेस्रो स्थानमा रहेको छ । उसको पछाडि एक अंकको दूरीमा एटलेटिको म्याड्रिड रहेको छ । सम्भवतः भिल्लारियलाई युरोपेली च्याम्पियन्स लिगमा छनोट हुन गाह्रो हुने छैन् । जिरोना भने ३७ अंकमा १२ औं स्थानमा रह्यो र उसको पछि अर्को सिजन युरोपमा खेल्ने सम्भावना कायम रहेको छ ।

आत्मघाती गोलमा जिरोना विजयी

इन्डियन प्रिमियर लिग (आईपीएल) २०२६ मा मंगलबार कोलकाता नाइटराइडर्स र पंजाव किंग्सबीच हुनु पर्ने खेल वर्षाले विथोलिएको छ । इडेन गार्डेनमा भएको खेलमा कोलकाताले पहिले ब्याटिङ गर्दै दुई विकेटमा २५ रन बनाएपछि खेल रोकिएको हो । यो नतिजापछि कोलकाताले यो सिजनको पहिलो अंक बटुलेको छ । यसअघिका दुई खेलमा कोलकाता पराजित रहेको थियो । पंजाव भने तीन खेलबाट पाँच अंकमा शीर्ष स्थानमा उक्लेको छ र अहिलेसम्म अपराजित रहेको छ । लिग तालिकाको शीर्ष चारमा पंजावपछि रोयल च्यालेन्जर्स बेंगलुरु, राजस्थान रोयल्स र दिल्ली क्यापिटल्स रहेका छन् ।

कोलकातालाई पहिलो अंक

काठमाडौं महानगरपालिका वडा नं ११ ले दोश्रो सहिद सुरज शाक्य स्मृति अन्तर वडाव्यापी रापिड रेटिङ टिम चेस प्रतियोगिताको उपाधि जितेको छ । टेवहाल स्थित संकटा मन्दिरको प्राङ्गणमा कामनपा वडा नं. २२ ले आयोजना गरेको सात चरणको दुई दिने प्रतियोगितामा खुल्ला तर्फ दुई, एक महिला र १६ वर्षको गरि चार जना खेलाडी टिमसहित २९ वटा वडाले प्रतिस्पर्धा गरेका थिए । च्याम्पियन वडा नं ११ ले सर्वाधिक १३ अंक जोडेर सहज तरिकाले उपाधि जितेका छन्। च्याम्पियन टिमले छ जित र एक बराबरीमा खेलेको थियो । सो टिममा एफएम क्षितिज भण्डारी, विजेश राजकर्णिकार, प्रवीर केसी र राधिका पौडेल (महिला)ले उत्कृष्ट खेल खेलेका थिए । पहिलो दिन वडा नं ११ सँगै संयुक्तरुपमा शीर्ष स्थानमा रहेको आयोजक वडा नं. २२ टिम उपविजेता बन्यो । वडा नं २२ ले सातमध्ये पाँचमा जित, एक बराबरी र एक हारको परिणाम आत्मसाथ गरे ।&nbsp; वडा नं २२ टिमबाट पहिलो बोर्डमा सिएम नवीन तण्डुकार, दोस्रो बोर्डमा प्रकाशचन्द्र नेपाल, तेस्रो बोर्डमा युवा १६ का हार्दिक पन्त र चौथो बोर्डमा महिला खेलाडी पुजा भण्डारीले चुनौती पेश गरेका थिए । समान ११ अंक बनाएको वडा नं २३ ले तेस्रो स्थानमा चित्त बुझाउन बाध्य भए । पाँच जित, एक बराबरी र एक हारमै खेलेको वडा २३ प्रोग्रेसिभ अंकका आधारमा आयोजक टिमभन्दा पछाडि परेको हो ।&nbsp; यस्तै वडा नं २८ ले ९ अंक बनाएर चौथो स्थान प्राप्त गरी सान्त्वना पुरस्कार हात पारेका छन् । वडा २३ बाट शैलेन्द्र न्यौपाने, प्रतिश श्रेष्ठ, कविन्द्र शिवाकोटी र सुशीला गुरुङ तथा वडा २८ बाट सागर शाही, हर्षवर्धन राठी, सजल न्यौपाने र एञ्जल महर्जनले प्रतिस्पर्धा गरेका हुन् ।&nbsp; विजेता वडा ११ ले ट्रफीसहित नगद ६० हजार, उपविजेता वडा २२ ले ४० हजार, तेस्रो हुने वडा २३ ले ३० हजार तथा सान्त्वना पुरस्कार प्राप्त गर्ने वडा २८ ले २० हजार रुपियाँ पुरस्कार हात पारेका छन् ।&nbsp; यसैगरी प्रत्येक बोर्डका ब्यक्तिगत विधातर्फ क्रमशः एफएम क्षितिज भण्डारी, प्रकाशचन्द्र नेपाल, युवा १६ वर्षका खेलाडी प्रवीर केसी र महिला खेलाडी नेलिशा ओझाले सर्वोकृष्ट बन्दै जनही नगद १० हजार पुरस्कार प्राप्त गरेका छन् । १७ सय रेटिङ मुनिको विधामा वडा नं. २० टिम उत्कृष्ट भए । नेपाल बुद्धिचाल महासंघको तत्त्वावधानमा, काठमाडौँ जिल्ला बुद्धिचाल संघको प्राविधिक सहयोग रहेको स्विस लिग प्रणाली टिम खेलमा नगद २ लाख पुरस्कार प्रदान गरिएको थियो ।&nbsp; समापन कार्यक्रममा काठमाडौं महानगरपालिका वडा नं. २२ का खेल प्रेमि अध्यक्ष चिनीकाजी महर्जनले नेपाल बुद्धिचाल महासंघलाई प्रवक्ता राजु ताम्राकार, केन्द्रीय सदस्य रमिला पोखरेल र शुशीला गुरुङ मार्फत धन्यवाद पत्र हस्तान्तरण गरेका छन्। संकटा क्लबका अध्यक्ष इन्द्रमान तुलाधरको प्रमुख आतिथ्यता रहेको पुरस्कार वितरण समारोहमा जनप्रतिनिधि उदय चुडामणि बज्राचार्य, अनिल हाडा, चन्द्रमान तुलाधर, ललिता खड्गी, तेज शाक्य, अर्बिन्द्रमान सिं, वरिष्ठ पत्रकार प्रजित शाक्य, केशब श्रेष्ठ, प्रमुख निर्णायक एफए सोराज ताम्राकार लगायतको उपस्थिति रहेको थियो ।

दोश्रो सुरज शाक्य स्मृति टिम चेस उपाधि ११ वडाले जिते

काठमाडौं। नेपाल क्रिकेट संघ ९क्यान०ले नेपाल प्रिमियर लिग ९एनपीएल०को दोस्रो संस्करण पनि सफलतापूर्वक सम्पन्न भएसँगै आय–व्यय विवरण सार्वजनिक गरेको छ। क्यानले सार्वजनिक गरेको आय–व्यय विवरणअनुसार प्रतियोगिताबाट कुल ४७ करोड ३६ लाख रुपैयाँभन्दा बढी आम्दानी भएको छ। प्रतियोगिता सञ्चालनका लागि भने २१ करोड ९६ लाख रुपैयाँभन्दा बढी खर्च भएको उल्लेख गरिएको छ। क्यानका अनुसार आम्दानी बाँडफाँटपछि फ्रेन्चाइज टोलीहरूलाई पनि हिस्सा प्रदान गरिएको छ भने बाँकी रकम संस्थागत विकास तथा आगामी कार्यक्रमहरूमा उपयोग गरिनेछ। एनपीएलको सफल आयोजनाले नेपाली क्रिकेटमा व्यावसायिकताको विकाससँगै आर्थिक पक्ष पनि बलियो बन्दै गएको क्यानले जनाएको छ।

एनपीएलबाट ४७ करोडभन्दा बढी आम्दानी

काठमाडाैं। कान्तिपुर हाफ म्याराथनको १४ औं संस्करण वैशाख ५ गते हुने भएको छ। कान्तिपुर मिडिया गुप्र (केएमजी)ले आयोजना गरिरहेको कान्तिपुर हाफ म्याराथनमा चार विधामा प्रतिस्पर्धा हुनेछ। ग्लोबल आईएमई बैंकको प्रस्तुती रहेको कान्तिपुर हाफ म्याराथनमा पावर्ड बाई एक्स्ट्रिम इनर्जी ड्रिङ्क्स रहेको छ। कान्तिपुर हाफ म्याराथन २१.१ किमीको हुनेछ। त्यस्तै अन्य ३ विधा करपोरेट एन्ड इन्फुलेएन्सर रन ५ किमी, एक्स्ट्रिम कलेज रन ७ किमी, ह्विलचेयर रेस ३ किलोमिटरको हुने केएमजीका प्रमुख कार्यकारी अधिकृत महेश स्वा“रले सोमबार आयोजित पत्रकार सम्मेलनमा बताए। कान्तिपुर हाफ म्याराथनको यस वर्षको नारा ‘रन फर नेपाल’ रहेको छ। मुख्य विधा रहेको कान्तिपुर हाफ म्याराथनको पुरुष र महिला विजेताले जनही १ लाख ५० हजार पाउने छन्। त्यस्तै दोस्रो देखि छैटौं हुनेले क्रमशः ७५, ५०, ३०, २० र १० हजार पाउने छन्। पहिलो तीन स्थामा आउनेले ट्रफी र मेडल पनि पाउने छन्। ह्विलचेयर रेस तर्फ विजेताले ३५ हजार तथा दोस्रो र तेस्रो हुनेले क्रमशः २५ र १५ हजार पाउने छन्। कर्पोरेट एन्ड इन्फुलेएन्सर रन र कलेज रनको महिला र पुरुषतर्फ शीर्ष ३ मा रहनेले विभिन्न पुरस्कार र गिफ्ट ह्याम्पर पाउने छन्। यसपटकदेखि दौड पूरा गर्ने सबैले मेडल पाउने छन्। एक्स्ट्रिम कलेज रन विजेताले आईपीएलका लागि काठमाडौंदेखि खेलस्थलसम्मका लागि दुई तर्फी हवाई टिकट र खेल हेर्नका लागि टिकट प्रदान गरिने एक्स्ट्रिम इनर्जी ड्रिक्सका विजनेस हेड सोनिया राणाले बताइन्। कान्तिपुरको कार्यालय रहेको तिनकुने अगाडिबाट सुरु हुने ‘कान्तिपुर हाफ म्याराथन’ तीनकुने, कोटेश्वर, जडिबुटी, लोकन्थली गठ्ठाघर, थिमी, सल्लाघारी हुदैं जगाते चोकबाट फन्को लगाएर, कोटेश्वर हुदैं तीनकुनेमा आएर दौड टुंगिने छ रेस प्रशिक्षक आरके विष्टले जनाए। कर्पोरेट एन्ड इन्फुलेएन्सर दौड तिनकुनेबाट सुरु भएर लोकन्थलीको पुलबाट फर्किएर कोटेश्वर हुदैं तिनकुने आएर टुंगिने छ। तिनकुनेबाट सुरु हुने ह्विलचेयर कोटेश्वर पुगेर फर्केर तिनकुनेमै आएर टुंगिने छ। कलेज रन कोटेश्वर हुदैं तीनकुनेबाट गठ्ठाघर चोक पुगेर फर्कि कोटेश्वर हुदैं तिनकुने आएर टुंगिने छ। हरेक वर्ष यसलाई परिस्कृत रुपमा आयोजना गर्न केएमजीको प्रत्यन रहेको जनाउदै स्वा“रले यसवर्ष देखि हाफ म्याराथनतर्फ टेक्नोलोजि प्रयोग गरेर दौड पूरा गर्नेको ‘एक्युरेट टाइमिङ’ निकाल्ने बताए। नेपाल एथलेटिक्स संघको प्राविधिक सहयोगमा हुने कान्तिपुर हाफ म्याराथनको टाइटल स्पोनसरमा ग्लोबल आईएमई बैक तथा पावर्ड बाई एक्स्ट्रिम ड्रिङ्क्स रहेको छ। त्यस्तै सेलिब्रेसन पार्टनर केएफसी एन्ड पिजा हट, टेक्निकल पार्टनर नेपाल एथ्लेटिक्स एसोसिएसन, हस्पिटल पार्टनर फ्रन्टलाइन अस्पताल र फुड पार्टनर खाद्य व्यवस्था तथा व्यापार कम्पनी लिमिटेड कम्पनी रहेका छन्। ग्लोबल आईएमई बैंकका प्रमुख कार्यकारी अधिकृत सुरेन्द्रराज रेग्मीले कान्तिपुरस“ग छैटौं पटक सहकार्य गर्दै गरेको र स्वस्थ समाज निर्माणका लागि यस किसिमको इभेन्टले महत्वपूर्ण भुमिका खेल्ने हुनाले हातेमालो गर्दै आएको बताए। २०६७ सालमा आयोजित पहिलो संस्करणमै १ हजारभन्दा धेरैले सहभागी भएको कान्तिपुर हाफ म्याराथनमा सबै विधामा गरी यस पटक ३ हजार देखि ५ हजारसम्म धावक सहभागी हुने अपेक्षा गरेको केएमजीका प्रमुख कार्यकारी अधिकृत स्वा“रले बताए। खेलाडी दर्ताको मिति चैत ३१ गतेसम्म रहेको छ। खेलाडी दर्ता कान्तिपुर इभेन्ट्सबाट गर्न सकिने उनले जनाए। महिलातर्फ कान्छीमाया कोजुले ५ पटक कान्तिपुर हाफ म्याराथनको उपाधि जितेकी छन्। पुरुषतर्फ हरिकुमार रिमालले चार पटक कान्तिपुर हाफ म्याराथन जितिसकेका छन्। गत वर्ष त्रिभुवन आर्मी क्लबका खडकबहादुर खड्का र धादिङकी सन्तोषी श्रेष्ठ कान्तिपुर हाफ म्याराथनमा विजेता बनेका थिए। हाफ म्याराथनमा १८ वर्ष पुगेका खेलाडीले मात्र सहभागिता जनाउन पाउने आयोजकले जनाएको छ।

कान्तिपुर हाफ म्याराथन बैशाख ५ मा

<h5 class="fw-bold m-0" style="border: 0px solid rgb(229, 231, 235); font-family: mukta, sans-serif; line-height: 1.2; font-size: inherit; caret-color: rgb(97, 94, 94); color: rgb(97, 94, 94); -webkit-text-size-adjust: 100%; margin: 0px !important; font-weight: 700 !important;">काठमाडौं। प्रधानमन्त्री कप एकदिवसीय राष्ट्रिय क्रिकेट प्रतियोगितामा विभागीय टोली एपीएफ क्लबले सुदूरपश्चिम प्रदेशलाई पराजित भएको छ। </h5><h5 class="fw-bold m-0" style="border: 0px solid rgb(229, 231, 235); font-family: mukta, sans-serif; line-height: 1.2; font-size: inherit; caret-color: rgb(97, 94, 94); color: rgb(97, 94, 94); -webkit-text-size-adjust: 100%; margin: 0px !important;"> </h5><h5 class="fw-bold m-0" style="border: 0px solid rgb(229, 231, 235); font-family: mukta, sans-serif; line-height: 1.2; font-size: inherit; caret-color: rgb(97, 94, 94); color: rgb(97, 94, 94); -webkit-text-size-adjust: 100%; margin: 0px !important;"> </h5><h5 class="fw-bold m-0" style="border: 0px solid rgb(229, 231, 235); font-family: mukta, sans-serif; line-height: 1.2; font-size: inherit; caret-color: rgb(97, 94, 94); color: rgb(97, 94, 94); -webkit-text-size-adjust: 100%; margin: 0px !important;">सोमबार सम्पन्न ३०औं खेलमा सुदूरपश्चिम एपीएफसँग ४५ रनले पराजित भएको हो। यो हारसँगै सुदूर ७ खेलबाट १० अंकसहित दोस्रो स्थानमा झरेको छ। सुदूरपश्चिमलाई हराएको एपीएफ ७ अंकमा तालिकाको छैटौँ स्थानमा उक्लियो।</h5><h5 class="fw-bold m-0" style="border: 0px solid rgb(229, 231, 235); font-family: mukta, sans-serif; line-height: 1.2; font-size: inherit; caret-color: rgb(97, 94, 94); color: rgb(97, 94, 94); -webkit-text-size-adjust: 100%; margin: 0px !important;"> </h5><h5 class="fw-bold m-0" style="border: 0px solid rgb(229, 231, 235); font-family: mukta, sans-serif; line-height: 1.2; font-size: inherit; caret-color: rgb(97, 94, 94); color: rgb(97, 94, 94); -webkit-text-size-adjust: 100%; margin: 0px !important;"> </h5><h5 class="fw-bold m-0" style="border: 0px solid rgb(229, 231, 235); font-family: mukta, sans-serif; line-height: 1.2; font-size: inherit; caret-color: rgb(97, 94, 94); color: rgb(97, 94, 94); -webkit-text-size-adjust: 100%; margin: 0px !important;">एपीएफले दिएको २६० रनको लक्ष्य पछ्याएको सुदूरपश्चिम ४६.३ ओभरमा २१४ रनमा अलआउट भयो। सुदूरपश्चिमका अशोक धामीले अर्धशतक पूरा गरे।</h5><h5 class="fw-bold m-0" style="border: 0px solid rgb(229, 231, 235); font-family: mukta, sans-serif; line-height: 1.2; font-size: inherit; caret-color: rgb(97, 94, 94); color: rgb(97, 94, 94); -webkit-text-size-adjust: 100%; margin: 0px !important;"> </h5><h5 class="fw-bold m-0" style="border: 0px solid rgb(229, 231, 235); font-family: mukta, sans-serif; line-height: 1.2; font-size: inherit; caret-color: rgb(97, 94, 94); color: rgb(97, 94, 94); -webkit-text-size-adjust: 100%; margin: 0px !important;"> </h5><h5 class="fw-bold m-0" style="border: 0px solid rgb(229, 231, 235); font-family: mukta, sans-serif; line-height: 1.2; font-size: inherit; caret-color: rgb(97, 94, 94); color: rgb(97, 94, 94); -webkit-text-size-adjust: 100%; margin: 0px !important;">ओपनर अविशेक पलले ४४, दिपक बोहोराले २४ र मिलन बोहोराले २३ रन थपे। खडक बोहोरा १६ र नरेन भट्ट १५ रनमा आउट भए। एपीएफका युवराज खत्रीले ५ विकेट लिए। अविशेक गौतमले दुई विकेट लिए। कमल ऐरि र रोहित पौडेलले समान एक विकेट आफ्नो नाममा गरे।</h5>

सुदूरमाथि एपीएफको जित

काठमाडौं। प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा विभागीय टोली त्रिभुवन आर्मी क्लब शीर्ष स्थानमा उक्लिएको छ। विरगंजस्थित नारायणी क्रिकेट मैदानमा सोमबार सम्पन्न खेलमा आर्मीले कर्णाली प्रदेशविरुद्ध १३८ रनको एकतर्फी जित निकालेको हो।&nbsp; आर्मीले प्रस्तुत गरेको २६७ रनको लक्ष्य पछ्याएको कर्णाली ४२.१ ओभरमा १३० रनमै समेटियो। कर्णालीका विपिन शाहीले सर्वाधिक ४०, अर्जुन घर्तीले ३२, दीपेन्द्र रावतले २५ र सुनिल धमलाले ११ रन बनाए। आर्मीका शाहब आलम र बसिर अहमदले ३–३, अकाश चन्दले २ तथा दुर्गेश गुप्ता र नरेन साउदले १–१ विकेट लिए।&nbsp; त्यसअघि टस जितेर पहिले ब्याटिङ थालेको आर्मीले ४८ ओभरमा सबै विकेट गुमाउँदै २६८ रनको योगफल तयार पारेको थियो। आर्मीका लागि अर्जुन साउदले १२० बलमा १० चौका र ३ छक्कासहित सर्वाधिक १२१ रनको योगदान गरे। बसिर अहमदले ४५, सन्तोष कार्कीले २९, नरेन साउदले २० र शाहब आलमले १७ रन बनाए। कर्णालीका लागि दिनेश अधिकारीले ४, प्रकाश जैशीले ३ तथा राज शाह, विपिन शर्मा र दिपेन्द्र रावतले १–१ विकेट लिए। यो जितसँगै जारी प्रतियोगितामा ६ खेलबाट ११ अंक जोडेको आर्मी शीर्ष स्थानमा उक्लिएको छ। सात खेलबाट तीन अंक रहेको कर्णाली पूछारबाट दोस्रो स्थानमा छ।

कर्णालीलाई हराउँदै आर्मी शीर्ष स्थानमा

काठमाडौं- नेपाल राष्ट्रिय फुटबल टोलीका पूर्व कप्तान विराज महर्जन तथा गोलरक्षक विकेश कुथुद्वारा सञ्चालित ट्वेल्व फुटबल ट्रेनिङ सेन्टरले समर फुटबल क्याम्प आयोजना गर्ने भएको छ ।&nbsp; विद्यालयहरूको अन्तिम परीक्षा सकिएलगत्तै विद्यार्थीहरूको लामो बिदालाई लक्षित गर्दै उक्त क्याम्प आयोजना गर्न लागिएको हो । छुट्टीको समयमा विद्यार्थीहरू लामो समय फोन, ल्यापटप, टिभी जस्तै इलेक्ट्रोनिक उपकरण हेर्दै आफ्नो समय बिताउने गर्दै गरेको र त्यसले दीर्घकालीन रूपमा शारीरिक तथा मानसिक स्वास्थ्यमा असर पर्ने हुँदा यस क्याम्पको मुख्य योजना विद्यार्थीहरू लाई ग्याजेट बाट केही समय भए पनि टाढा राख्नु हो ।&nbsp; विद्यार्थीको मानिसको र शारीरिक स्वास्थ्यका साथै नेपालको लोकप्रिय खेल फुटबलमा सानै उमेर देखि आकर्षित पार्ने योजना पनि यस क्याम्पको रहेको छ । एसियाली फुटबल महासंघ (एएफसी) प्रमाणित प्रशिक्षकहरूबाट प्रशिक्षण दिइने हुँदा यस क्याम्पले विद्यार्थीको फुटबल कौशलता वृद्धिमा मदत पुर्याउने विश्वास छ । यस क्याम्पमा सहभागी मध्यबाट सम्भावना देखिएका २ प्रशिक्षार्थीले १ वर्षको लागि ट्वेल्व फुटबल ट्रेनिङ सेन्टरमा छात्रवृत्ति पाउने छन् । ६ महिनाअघि सञ्चालन भएको यस ट्रेनिङ सेन्टरले ग्रासरुट तह बाटनै एउटा खेलाडीलाई चाहिने प्रशिक्षण सुविधा उपलब्ध गराउँदै आएको छ । हरेक साता शनिबार नियमित प्रशिक्षण सञ्चालन हुँदै आएको छ । क्याम्प २०८२ साल चैत्र २८ गते शनिबार देखि २०८३ साल वैशाख ५ गतेसम्म चल्नेछ । क्याम्प सातदोबाटो स्थित एन.एस.एफ स्पोर्ट्स कम्प्लेक्समा बिहान ७ बजेदेखि ९ बजेसम्म हुनेछ । दर्ता शुल्क रु ५००० तोकिएको छ । यस क्याम्पमा विद्यार्थीको मनोरञ्जन, कौशलता विकास, खेल प्रति लगाव, प्रगतिशील प्रशिक्षणलाई मध्यनजर गरिनेछ ।

विराज र विकेशको ट्वेल्व फुटबल ट्रेनिङ सेन्टरले समर क्याम्प आयोजना गर्ने

काठमाडौं– मञ्जुश्री ट्रेल रेसको आयोजना मञ्जुश्री ट्रेल रेस हुने भएको छ । प्रतियोगिता अप्रिल १७ देखि १९ सम्म चन्द्रगिरीको पातली वन रिसोर्टबाट सुरु भए पूरा काठमाडौं घुमेर त्यहीं गएर टुंगिने छ । प्रतिस्पर्धामा १०० माइल्स, ८०, ५० , २० र १० किलोमिटर गरेर कुल पाँच स्पर्धा समावेश गरिएको छ । प्रतियोगितालाई लिएर आइतबार आयोजित पत्रकार सम्मेलनमा आयोजकले यो दौड एसियाली ट्रेल मास्टर्सको छनोट रहेको पनि जनाएको छ । यो दौड मञ्जुश्रीको धार्मिक तथा ऐतिहासिक कथासँग जोडिएको छ । यसको सम्बन्ध काठमाडौं उपत्यकाको उत्पतिसँग रहेको छ ।&nbsp; यस प्रतियोगिताका उद्देश्य साहसी र वातावरणमैत्री खेलमार्फत पयर्टन प्रवर्द्धन गर्नु, नेपालको प्राकृति सौन्दर्य र ट्रेल विश्वसामु प्रस्तुत गर्नु, स्थानीय समुदायका धावकलाई सहयोग र सशक्त बनाउनु, स्वस्थ्य जीवनशैली प्रवर्द्धन गर्नु र काठमाडौंको वास्तकविक बनोटको अवलोक र परिचित गर्नु हुन् ।&nbsp; त्यसैले यो केवल प्रतिस्पर्धा मात्र होइन्, दिगोपन र सचेतनाको अभियान पनि हो । पत्रकार सम्मेलनको अवसरमा आयोजकको अध्यक्ष नारायण आचार्य, रेस डाइरेक्टर आशिष मिश्र र एम्बेस्डर रसिला तामाङसँगै बोर्ड सदस्य जीवन लामा, सासा श्रेष्ठ र दीवकर शाहले जानकारी दिएका थिए ।

मञ्जुश्री ट्रेल रेस हुँदै

रोयल च्यालेन्जर्स बेंगलुरुले आइतबार इन्डियन प्रिमियर लिग (आईपीएल) २०२६ मा चेन्नाइ सुपर किंग्समाथि प्रभावशाली जित निकाल्नै अंक तालिकाको शीर्षमा उक्लेको छ । लगातार दोस्रो जितका लागि बेंगलुरुले चेन्नाइलाई ४३ रनले हराएको हो । बेंगलुरुमा भएको खेलमा विजयी टिमले पहिले ब्याटिङ गर्दै तीन विकेटमा २ सय ५० रनको स्कोर खडा गरेको थियो । त्यसमा टिम डाभिडले नटआउट रहेर २५ बलमा ७० रन जोडे । यस्तै फिल साल्टले ४६, देवदत्त पाडिकलले ५० &nbsp;र रजत पाटिदारले ४८ रन बनाए । जवाफमा चेन्नाइले १९.४ ओभरमा अलआउट हुन अगाडि २ सय ७ रन मात्र बनाउन सक्यो । त्यसमा सरफराज खानले बनाएको ५० रन नै सर्वाधिक ठूलो स्कोर रह्यो । खराव लयमा रहेको चेन्नाइको यो लगातर तेस्रो हार हो र शून्य अंकमा टिम दस टिममध्ये पुछारमा रहेको छ ।

चेन्नाइमाथि बेंगलुरुको प्रभावशाली जित

लउतारो मार्टिनेजको दुई गोलको मदतले इन्टर मिलानले इटालीको सिरी ए मा आइतबार रोमालाई सजिलै ५–२ हराएको छ । मार्टिनजले पहिलो मिनेटमै गोल गर्दै टिमलाई सुरुआती अग्रता दिलाए र पूरा खेल अवधि इन्टरको पकडमा रह्यो । इन्टरका लागि हाकान चालहान्ग्लु, मार्कस थुराम र निकोला बारेलाले एक एक गोल गरे । रोमाका तर्फबाट भने जियानलुका मानचिनी र लोरेन्जो पेलेग्रिनीले गोल फर्काए । यो जितपछि इन्टरको ३१ खेलबाट ७२ अंक भएको छ । यो दोस्रो स्थानमा रहेको एसी मिलानमाथि नौ अंकको अग्रता हो । रोमा भने हारपछि ५४ अंकमा छैटौं स्थानमा रह्यो । लिग तालिकामा नेपोली ६२ अंकमा तेस्रो तथा कोमो ५७ अंकमा चौथो स्थानमा रहेको छ ।

शीर्षमा रोमाको अग्रता नौ अंक

एफएकपको सेमिफाइनल समीकरण आइतबार पूरा भएको छ । त्यस अनुसार अब लिड्सले फाइनल प्रवेशका लागि चेल्सीको सामना गर्नेछ । अर्को सेमिफाइनलमा म्यानचेस्टर सिटी दोस्रो डिभिजनको टिम साउथह्याम्पटनसँग भिड्ने छ । लिड्सले अन्तिम क्वाटरफाइनलमा वेस्ट ह्याम युनाइटेडलाई टाइब्रेकरमा ४–२ ले हराएको हो । निर्धारित समयको खेल भने २–२ को बारबरीमा रहेको थियो । लिड्सका लागि एक्लेल डिसासीले दोस्रो हाफको इन्ज्युरी समयको सातौं मिनेटमा गोल गर्दै टिमलाई हारबाट जोगाएका थिए । लिड्स र वेस्ट ह्याम दुवै प्रिमियर लिगमा भने रेलिगेसनबाट बच्न संघर्षरत छन् । लिड्स एफएकपको सेमिफाइनल पुगेको यो ३९ वर्षयता पहिलो पटक हो । उसले सन् १९८७ मा पछिल्लो पटक सेमिफाइनल खेलेको थियो ।

एफएकपको सेमिफाइनल समीकरण पूरा

काठमाडौं। प्रधानमन्त्री कप एकदिवसीय राष्ट्रिय पुरुष क्रिकेट प्रतियोगिताअन्तर्गत २५७ रनको लक्ष्य पछ्याएको नेपाल पुलिस क्लब २०६ रनमै समेटिँदा लुम्बिनी प्रदेशले शानदार जित हात पारेको छ। पुलिस ४२.५ ओभरमा अलआउट हुँदा लुम्बिनी ५० रनले विजयी भयो।। उत्कृष्ट सुरुवात गरेका दिनेश खरेलले ९४ रनको शानदार इनिङ्स खेले पनि टोलीलाई जित दिलाउन सकेनन्। उनले १०४ बलमा १० चौका र ६ छक्का प्रहार गरेका थिए। शंकर रानाले १२ रन बनाउँदै आक्रामक सुरुवात दिलाए पनि अन्य ब्याटरले निरन्तरता दिन सकेनन्। दिल्साद अलीले २२ रन जोडे भने सर्वान यादवले ३६ रन बनाए। अन्य खेलाडी दोहोरो अंकमा पुग्न संघर्षरत देखिए। बलिङतर्फ लुम्बिनीका अजय चौहानले ९.५ ओभरमा ३७ रन खर्चेर ४ विकेट लिए। देव खनालले ३ विकेट झारे भने वीर मगर, निर्मल गुरुङ र सन्तोष यादवले समान १/१ विकेट हात पारे। जितसँगै लुम्बिनीले ६ खेलबाट ७ अंक जोडेको छ। पुलिस पनि समान खेलबाट समान अंकसहित तेस्रो स्थानमा छ।

लुम्बिनीको शानदार जित, पुलिस २०६ रनमै समेटियो

काठमाडौं। विश्व फुटबलको सर्वोच निकाय (फिफा) र एसियाली फुटबल महासंघ (एएफसी)ले अखिल नेपाल फुटबल संघ (एन्फा)को विवादमा हस्तक्षेपबारे गम्भीर चासो जनाउँदै सात दिनभित्र समाधान गर्न चेतावनी दिएका छन्। मार्च २५ को निर्णयमार्फत राष्ट्रिय खेलकुद परिषद् (राखेप)ले एन्फालाई तीन महिनाका लागि निलम्बन गरेपछि चर्किएको विवादमा फिफा–एएफसीले असन्तुष्टि जनाएका हुन्। उनीहरूले उक्त कदमलाई तेस्रो पक्षको हस्तक्षेप भन्दै निर्णय खारेज गरी निर्वाचन प्रक्रिया पुनः सञ्चालन गर्न आग्रह गरेका छन्। समयसीमाभित्र समाधान नभए एन्फामाथि अन्तर्राष्ट्रिय निलम्बन लाग्ने चेतावनीसमेत दिइएको छ।

एन्फा विवाद: ७ दिनभित्र समाधान नभए निलम्बनको चेतावनी

काठमाडौं। प्रधानमन्त्री कप एकदिवसीय राष्ट्रिय पुरुष क्रिकेट प्रतियोगिताअन्तर्गत २१० रनको लक्ष्य पछ्याएको बागमती प्रदेश लज्जास्पद रूपमा मात्र ४६ रनमा समेटिएको छ। योसँगै बागमती १६३ रनले पराजित भएको छ। सुदूरपश्चिम प्रदेशविरुद्धको खेलमा बागमती ११.२ ओभरमै अलआउट भएको हो। सुरुवातदेखि नै दबाबमा परेको बागमतीका ब्याटरहरू कुनै पनि समय लयमा देखिन सकेनन्। ओपनर आशुतोष घिरैया ० रनमै आउट हुँदा पवन थापा र इशान पाण्डे पनि लगातार बलमा शून्यमै पभेलियन फर्किए। शुभ कंसाकारले ३२ रन बनाउँदै केही संघर्ष गरे पनि अन्य ब्याटरले साथ दिन सकेनन्। कप्तान सन्दीप लामिछाने समेत शून्यमै आउट भएपछि बागमती सस्तैमा समेटियो। बलिङतर्फ सुदूरपश्चिमका हेमन्त धामी घातक सावित भए। उनले ६ ओभरमा मात्र १४ रन खर्चेर ७ विकेट लिएर बागमतीको ब्याटिङ ध्वस्त पारे। शेर मल्लले ३ विकेट लिए भने नारायण जोशी विकेटविहीन रहे। त्यसअघि टस हरेर पहिले ब्याटिङ थालेको सुदूरले ४१।१ मा सबै विकेट गुमाएर २०९ रन बनाएको थियो।&nbsp; यो जितसँगै सुदूरले ६ खेलबाट १० अंक जोडेर शीर्ष स्थानमा उक्लिएको छ। पराजित बागमी भने समान खेलबाट ६ अंक रहेको छ।

हेमन्त धामीको घातक बलिङमा बागमती ४६ रनमै अलअउट

काठमाडौं। साफ यू–२० च्याम्पियनसिपमा सहभागिता जनाएर नेपाली राष्ट्रिय यू–२० फुटबल टोली आज स्वदेश फर्किएको छ। टोलीलाई त्रिभुवन अन्तर्राष्ट्रिय विमानस्थलमा निलम्बित अखिल नेपाल फुटबल संघ (एन्फा)का प्रवक्ता सुरेश शाहले स्वागत गरे। माल्दिभ्समा सम्पन्न प्रतियोगितामा नेपालले सेमिफाइनलसम्मको यात्रा तय गरेको थियो। समूह 'ए' काे बिजेता बन्दै अन्तिम चारमा पुगेको नेपाल फाइनल पुग्न भने असफल रह्यो। सेमिफाइनलमा नेपाल बङ्गलादेशसँग १–० ले पराजित हुँदै प्रतियोगिताबाट बाहिरिएको थियो।

साफ यू–२० खेलेर नेपाली टोली स्वदेश फर्कियो

काठमाडौं। प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा सुदूरपश्चिम प्रदेश बागमतीलाई २१० रनको विजयी लक्ष्य प्रस्तुत गरेको छ। जनकपुरस्थित रामजानकी बहुउद्देश्यीय रंगशालामा टस हारेर पहिले ब्याटिङ गरेको सुदूरले ५० ओभरको खेलमा ४२.१ ओभरमा २०९ रनमा अलआउट भएको हो। सुदूरका नारायण जोशीले ७५ रनको योगदान दिए। उनले ६८ बलमा २ चौका र ६ छक्का प्रहार गर्दै टोलीलाई मध्यम योगफलसम्म पुर्‍याएका हुन्। त्यस्तै दीपक बोहराले ४० रन बनाए भने अभिषेक पालले आक्रामक सुरुवात गर्दै ३९ रन जोडे। कप्तान शेर मल्ल ६ रनमै आउट हुँदा राजु रिजाल, खडक बोहरा, मिलन बोहरा जस्ता खेलाडी सस्तोमा समेटिए। बलिङतर्फ बागमतीका प्रतीश जिसी र कप्तान सन्दीप लामिछानेले समान चार विकेट लिए। प्रतीशले ९.१ ओभरमा २६ रन खर्चेर भने लामिछानेले १० ओभरमा ३२ रन दिएर ४ विकेट झारे। रिजन ढकाल र सोनु देवकोटाले समान १/१ विकेट लिए।

सुदूरपश्चिमले बागमतीलाई दियो २१० रनको लक्ष्य

काठमाडौं। प्रधानमन्त्री कप एकदिवसीय राष्ट्रिय पुरुष क्रिकेट प्रतियोगिताअन्तर्गत लुम्बिनी प्रदेशले विभागीय टोली नेपाल पुलिस क्लबलाई २५६ रनको प्रतिस्पर्धात्मक लक्ष्य प्रस्तुत गरेको छ। नारायणी क्रिकेट मैदानमा टस हारेर पहिले ब्याटिङ गरेको लुम्बिनी ४९.५ ओभरमा अलआउट हुँदै २५६ रनमा समेटिएको हो। लुम्बिनीका लागि ओपनर रञ्जित खड्का नायक बने। उनले १२८ बलमा १३ चौका र ३ छक्का प्रहार गर्दै १२८ रनको उत्कृष्ट शतकीय इनिङ्स खेले। उनको इनिङ्स लुम्बिनीको मजबुत योगफलको आधार बन्यो। कप्तान देव खनालले १४ रन जोड्दा आकाश त्रिपाठीले ३६ रनको योगदान दिए। मध्यक्रममा सन्तोष यादवले १५ रन बनाएका थिए भने अन्त्यतिर दर्श सोनारले ३३ रनको महत्वपूर्ण इनिङ्स खेल्दै टोलीलाई प्रतिस्पर्धात्मक स्कोरसम्म पुर्‍याए। बलिङतर्फ नेपाल पुलिस क्लबका ललित राजवंशीले १० ओभरमा ४७ रन खर्चेर ३ विकेट लिए। दिनेश खरेल र राशिद खानले समान २/२ विकेट झारे। करण केसी, आरिफ शेख र दीपक सेरालाले समान १/१ विकेट हात पारे।

Nepalsports

⚽ Upcoming Matches

🎖 Recent Matches

📰 Recent News

Nepalsports