Birgunj United FC

Deep Karki

काठमाडौँ। एन्जल्स हार्ट नेसनल स्कुलको आयोजनामा र नेपाल बास्केटबल संघको सहकार्यमा ‘समृद्धि ओपन खुला बास्केटबल च्याम्पियनसिप’ बुधबारदेखि सुरु हुने भएको छ। आयोजकका अनुसार प्रतियोगिता कात्तिक १९ गते (बुधबार) देखि २४ गतेसम्म सञ्चालन हुनेछ। प्रतियोगितामा सिनियर र जुनियर गरी दुई विधामा प्रतिस्पर्धा हुनेछ। दुवै विधामा चार–चार टिमले प्रतिस्पर्धा गर्नेछन्। सिनियर समूहतर्फ विजेता टोलीले ४० हजार रुपैयाँ, उपविजेताले २० हजार रुपैयाँ र तेस्रो स्थान हासिल गर्ने टोलीले १० हजार रुपैयाँ प्राप्त गर्नेछ। तर, जुनियर समूहका लागि भने पुरस्कार राशि नहुने आयोजकले जनाएको छ। प्रतियोगिताका सबै खेल त्रिपुरेश्वरस्थित राष्ट्रिय खेलकुद परिषद् (राखेप) को कभर्ड हलमा हुनेछ।

बुधबारदेखि समृद्धि खुला बास्केटबल च्याम्पियनसिप

काठमाडौं, सीई कर्पोरेट टि-१० प्रतियोगिताको तेश्रो संस्करण कार्तिक २१ र २२ गते काठमाडौँको चुनीखेलमा हुने भएको छ। सीई कन्स्ट्रक्सनको आयोजना र चित्रा स्पोर्ट्सको सहकार्यमा आयोजना हुने प्रतियोगितामा १२ वटा टोलीको सहभागिता रहनेछ। मंगलबार काठमाडौँमा आयोजित कार्यक्रमका बीच प्रतियोगिताको समुह घोषणा, ट्रफी तथा जर्सी अनावरण गरिएको छ। कार्यक्रममा आफ्नो भनाइ राख्दै प्रतियोगिता निर्देशक अमित पौडेलले यस पटक पनि भव्यताका साथ प्रतियोगिता आयोजना गर्ने प्रतिवद्धता व्यक्त गरे। नेपालमा क्रिकेट संस्कृति विकास गर्न कर्पोरेट क्षेत्र क्रिकेटसँग जोडिनु महत्वपूर्ण रहेको जसलाई जोड दिंदै यस प्रतियोगिताले कर्पोरेट क्षेत्रका क्रिकेट प्रेमीहरूलाई खेलसँग जोड्दै सम्बन्ध समेत प्रगाढ पार्ने विस्वास व्यक्त गरे। यस्तै प्रतियोगिताका टेक्निकल निर्देशक रविन्द्र गुप्ताले प्रतियोगिताको प्राविधिक पाटो बारे जानकारी गराए। कार्यक्रममा आयोजनाका समन्वय कर्ता अनिल महर्जन तथा आयोजक सुजित महर्जनको उपस्थिति थियो। प्रतियोगितामा प्रत्येक टिममा १० जना खेलाडी रहनेछन् जसमा ८ जना खेलाडी प्लेइङ सेटमा रहनेछन्। खेलहरु १० ओभरको हुनेछन्। समुह बिभाजन अनुसार समुह 'ए' मा साविकको विजेता समेत रहेको सानिमा जीआईसी इन्सुरेन्स, सलिको, जगदम्बा रियल मि रहेको छ। समुह 'बि' मा नेपाल इन्भेस्टमेन्ट मेगा बैंक, सिद्धार्थ बैंक र हिमालयन एभरेष्ट इन्सुरेन्स, समुह 'सी' मा रिलायबल लाइफ इन्सुरेन्स, राष्ट्रिय वाणिज्य बैंक, क्लाउड फ्याक्ट्री तथा समुह 'डी' मा शिखर इन्सुरेन्स, सिद्धार्थ प्रिमियर इन्सुरेन्स, एनएलजी इन्सुरेन्स रहेका छन्। प्रतियोगिता लिग-कम नक आउट फर्म्याटमा आयोजना हुनेछ। साथै नेपाल क्रिकेट संघको मान्यता प्राप्त राष्ट्रिय अम्पायर र स्कोरर हुनेछन्। प्रतियोगिताको उपाधि विजेता टोलिले १ लाख १ हजार रुपैयाँ तथा उपविजेताले टोलिले ५० हजार ५ सय रुपैयाँ रुपैयाँ प्राप्त गर्नेछन्। यस्तै प्रतियोगिताकै उत्कृष्ट खेलाडीले १० हजार रुपैयाँ, उत्कृष्ट ब्याट्सम्यान, बलर र विकेटकिपरले समान ५ हजार रुपैयाँ तथा प्रत्येक खेलको प्लेयर अफ द म्याचले ५ सय ५० रुपैयाँ प्राप्त गर्नेछन्। प्रतियोगिताको प्रायोजकको रुपमा लिप मोटर, सिद्धार्थ बैंक लिमिटेड, सानिमा जीआईसी इन्सुरेन्स, सलिको तथा युनाइटेड अजोड इन्सुरेन्स रहेको छ। इन्टरनेट पार्टनरमा वेबसर्फर, इन्टरटेन्मेन्ट पार्टनर द वन्डरल्याण्ड, डेन्टल पार्टनरमा कुण्डलिनी डेन्टल क्लिनिक, अनलाइन पार्टनरमा विकेटनेपाल, टेलिभिजन पार्टनरमा काष्ठमण्डप टिभी, हेल्थ प्याकेज पार्टनर एस्थर प्याथ ल्याब, साउन्ड पार्टनरमा टेक ट्रस्ट, लजिस्टिक पार्टनरमा हँसा र भेगा लजिस्टिक, हस्पिटालिटी पार्टनर बोगेनभिल्ला इभेन्ट्स, मल्टिप्लेक्स पार्टनर क्युएफएक्स रहेको छ।

सीई कर्पोरेट टि-१० को तेश्रो संस्करण कार्तिक २१ देखि चुनीखेलमा हुने

काठमाडौं। एभरेष्ट महिला भलिबल लिगको दोस्रो संस्करणका बाँकी खेलहरू आगामी कार्तिक २६ देखि २९ &nbsp;सम्म पुनः सञ्चालन हुने भएको छ।&nbsp; आयोजकले यस सम्बन्धमा नेपाल भलिबल संघबाट आधिकारिक स्वीकृति प्राप्त भएको र लिगको बाँकी खेलहरू काठमाडौंमै सम्पन्न गर्ने तयारी तीव्र गतिमा अगाडि बढिरहेको बताएको छ। यस्तै खेल तालिका चाँडै सार्वजनिक गरिनेछ। लिगको पहिलो चरणका ९ खेल सम्पन्न भइसकेको छ। गत भदौ २३ र २४ गतेको जेन-जी आन्दोलनका कारण अस्थायी रूपमा प्रभावित भई खेलहरू स्थगित भएका थिए।

एभरेष्ट महिला भलिबल लिग कार्तिक २६ देखि काठमाडौंमा हुने

काठमाडौं। झापा महिला गोल्डकपको उद्घाटन खेलमा विभागीय टोली नेपाल पुलिस क्लबले फराकिलो जित दर्ता गरेको छ।&nbsp; सोमबार सम्पन्न खेलमा चर्च ब्वाइज युनाइटेडलाई ८–० को फराकिलो गोल अन्तरले हराउँदै पुलिस सेमिफाइनलमा प्रवेश गरेको हाे। पुलिसको जितमा मिना देउवाले ५ गोल र रेखा पौडेलले ह्याट्रिक पूरा गरिन्। रेखाले खेलको ३७औँ, ८०औँ र दोस्रो हाफको इन्ज्युरी समयमा गोल गरिन्। त्यस्तै, मिनाले खेलको ५१, ६०, ६२, ६८ र ८१औँ मिनेटमा गोल गरिन्। खेलको प्लेयर अफ द म्याच पुलिसकी मिना देउवा भइन्। उनले नगद १५ हजार र ट्रफी पाइन्। उनलाई प्रमुख अतिथि शिवसताक्षी नगरप्रमुख मेगाहाङ थोप्रा, आयोजक झापा महिला गोल्डकपका अध्यक्ष सन्तोष थोप्रा र ग्यारेज क्याफेका सञ्चालक लुका राईले ट्रफी प्रदान गरेका थिए। मंगलबार दोस्रो क्वार्टरफाइनल खेल एपिएफ फुटबल क्लब र सिंग्लिङ स्पोर्टिङ क्लब सिक्किमबीच हुनेछ। दुधे रंगशालामा जारी प्रतियोगिताको फाइनल खेल कात्तिक २४ गते हुनेछ।

चर्च ब्बाइजमाथि पुलिसको गोल बर्षा

दोस्रो हाफमा सम्भव दुई गोलको मदतले लाजियोले इटालीको सिरी ए मा सोमबार राति कागलिरीलाई २–० ले पराजित गरेको छ । स्टाडियो ओलिम्पिकोमा गुस्ताभो इसाकसेनले ६५ औं मिनेटमा पहिलो गोल गरे । त्यसपछि माटिआ जाकान्जीले इन्ज्युरी समयको पहिलो मिनेटमो दोस्रो गोल थपे । यो जितपछि लाजियो दस खेलबाट १५ अंक भयो र टिम आठौं स्थानमा रह्यो । कागलिरी लय समाट्न संघर्षरत रहेको छ र उसको दसै खेलबाट नौ अंक मात्र छ । कागलिरी १४ औं स्थानमा छ र यो रेलिगेसन क्षेत्रबाट तीन अंकको दूरी मात्र हो ।

लाजियो सजिलै विजयी

सन्डरल्यान्ड यसै पल्ट बढुवा भएर इंग्लिस प्रिमियर लिगमा उक्लेको थियो र भनिएको थियो, ‘ब्ल्याक क्याट्स’ तुरुन्तै रेलिगेसनमा पर्नेछ । तर लामो र समृद्ध इतिहास भएको सन्डरल्यान्डले सबैको अनुमानलाई गलत सावित गर्दै यसपल्ट राम्रो खेलिरहेको थियो । यसैक्रममा सन्डरल्यान्डले सोमबार राति एभरटनलाई १–१ को बराबरीमा रोकेको छ र तालिकाको चौथो स्थानमा उक्लेको छ । उसको अगाडि तिनै तीन टिम छन्, जसलाई उपाधिका दावेदार मानिएको थियो, आर्सनल, म्यानचेस्टर सिटी र लिभरपुल । स्टेडियम अफ लाइटमा भएको खेलमा एभरटनले इलिमन एडिएयको गोलले १५ औं मिनेटमा अग्रता लिएको थियो । त्यसपछि ग्रानिट जाकाले दोस्रो हाफ सुरु भएको पहिलो मिनेटमा सन्डरल्यान्डका लागि बराबरी गोल फर्काए । सन्डरल्यान्डको १० खेलबाट १८ अंक भएको छ ।

एभरटनलाई बराबरीमा रोकेर सन्डरल्यान्ड चौथो

काठमाडौँ । सुदूरपश्चिम रोयल्सले आगामी दोस्रो संस्करणको नेपाल प्रिमियर लिग (एनपीएल) का लागि चौथो विदेशी खेलाडीको रुपमा अष्ट्रेलियाका ब्याट्सम्यान जोस ब्राउनलाई अनुबन्ध गरेको छ। ब्राउनले बिग बास लिग (बीबीएल) क्रिकेटमा उत्कृष्ट प्रदर्शन गरिसकेका छन्। टी-२० क्रिकेटमा ४० खेल खेल्दै ९४५ रन बनाएका ब्राउनले एनपीएलको दोस्रो संस्करणमा खेल्न पाउँदा खुसी व्यक्त गरे।<div style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;"><div> </div><div>जोस ब्राउनले टी-२० क्रिकेटमा सर्वाधिक १४० रन बनाएका छन् । टी-२० क्रिकेट यो स्कोर कमै खेलाडीले बनाएका छन्।&nbsp; </div><div>"एनपीएल खेल्न आउने कुरामा धेरै उत्साहित छु। नेपाली समर्थकलाई छिट्टै भेट्ने छु," ब्राउनले भने। सुदूरपश्चिम रोयल्सका प्रमुख कार्यकारी अधिकृत (सीईओ) प्रकाश खड्काले ब्राउनले बीबीएलमा आफ्नो बेग्लै छाप छोडेको र नेपालमा पनि उनको उत्कृष्ट प्रदर्शन हुनेमा विश्वस्त रहेको बताए। </div><div>सुदूरपश्चिम रोयल्सको टोली:दिपेन्द्र सिंह ऐरी, आरिफ शेख, बिनोद भण्डारी, अविनाश बोहरा, दिपक बोहरा, मिलन बोहरा, हेमन्त धामी, इशान पाण्डे, टेक रावत, नरेन साउद, दिपेन्द्र थापा, स्कट कुग्गेलिजन, क्रिस लिन, हर्मीत सिंह र जोस ब्राउन। मुख्य प्रशिक्षक: जगत टमटा</div></div>

जोस ब्राउन सुदूरपश्चिम रोयल्समा

<div style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;">अखिल नेपाल फुटबल संघ (एन्फा) र सहिद स्मारक लिग ‘ए’ डिभिजनका क्लबबीच सोमबार बसेको बैठकले यो वर्ष दस टिम सम्मिलित राष्ट्रिय लिग गर्ने निर्णय गरेको छ । बैठकले अबको ‘ए’ डिभिजन लिग अर्को वर्ष गर्ने र त्यो ‘होम एन्ड अवे’ को आधारमा गर्ने पनि निर्णय गरेको छ ।&nbsp; </div> <div style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;"> </div><div style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;">बैठकको निर्णय अनुसार पुस ९ देखि राष्ट्रिय लिग हुनेछ । सहभागी हुने दस टिममध्ये पछिल्लो ‘ए’ मा शीर्ष छ स्थानमा रहने हुनेछन् । त्यसमा चर्च ब्वाइज, मछिन्द्र, पुलिस, जावलाखेल, सातदोबाटो र एनआरटी रहेका छन् । बाँकी चार टिमको छनोट एन्फा प्रेसिडेन्ट्सकप लिगबाट हुनेछ ।&nbsp; </div><div style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;"> </div><div style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;">यो प्रतियोगिता भने हेटौंडामा कार्तिक १९ सुरु हुनेछ । अबको ‘ए’ डिभिजन लिग भने अर्को वर्षको पुस ३ बाट हुनेछ । त्यसका लागि बैठकले कार्य तालिका पनि निश्चित गरेको छ । बैठकले यो लिगले नेपाली खेलाडीलाई पूरा वर्ष रोजगारी दिने किसिमको हुने पनि बताएको छ ।&nbsp; </div>

यो वर्ष राष्ट्रिय लिग अर्को वर्ष ‘ए’ डिभिजन

काठमाडौँ। विश्वकप जितेको भारतीय महिला क्रिकेट टिमलाई भारतीय क्रिकेट कन्ट्रोल बोर्ड (बीसीसीआई) ले ५१ करोड भारतीय रुपैयाँ नगद पुरस्कार दिने घोषणा गरेको छ। बीसीसीआईका सचिव देव्जित सैकियाका अनुसार उक्त पुरस्कार रकम खेलाडी, कोचिङ स्टाफ, चयनकर्ता तथा टिम स्टाफबीच वितरण गरिनेछ। यसअघि अन्तर्राष्ट्रिय क्रिकेट परिषद् (आईसीसी) ले पनि महिला विश्वकप विजेता भारतलाई ४० करोड भारतीय रुपैयाँ नगद पुरस्कार प्रदान गरिसकेको छ। यस संस्करणदेखि महिला विश्वकपमा पनि पुरुष विश्वकप सरह पुरस्कार राशि प्रदान गरिने आईसीसीले घोषणा गरेको थियो। उपविजेता बनेको दक्षिण अफ्रिकी महिला टोलीले भने २० करोड भारतीय रुपैयाँ पुरस्कार प्राप्त गरेको छ। आइतबार राति सम्पन्न रोमाञ्चक फाइनलमा भारतले दक्षिण अफ्रिकालाई ५२ रनले पराजित गर्दै पहिलोपटक महिला क्रिकेट विश्वकप उपाधि आफ्नो नाममा लेखाएको हो।

भारतीय महिला क्रिकेट टिमलाई ५१ करोड रुपैयाँ पुरस्कार

एसी मिलानले इटालीको सिरी ए मा आइतबार एएस रोमालाई १–० ले पराजित गरेको छ । सानसिरोमा भएको खेलमा स्ट्राहिन्जा पाभलोभिचले पहिलो हाफको ३९ औं मिनेटमा गोल गरे र यो नै निर्णायक रह्यो । हारपछि रोमाले अंक तालिकाको शीर्ष स्थानमा उक्लने अवसर गुमाएको छ । यो नतिजापछि मिलान २१ अंकमा तेस्रो स्थानमा रह्यो । इन्टर मिलानको पनि २१ अंक छ र दोस्रोमा छ । यस्तै रोमा पनि २१ अंकमै चौथो स्थानमा रह्यो । नेपोली भने २२ अंकमा शीर्षमा छ र यसपल्टको लिग उपाधि होड खुल्ला रहेको छ । इन्टरले त्यस अगाडि भेरोनालाई पनि १–० ले नै हराएको थियो ।

मिलानसँग हारेपछि रोमाले गुमायो मौका

भारतले आइतबार महिला विश्वकप पहिलो पटक जितेको छ र यसका लागि उसले दक्षिण अफ्रिकालाई आफ्नै घरेलु मैदानमा ५२ रनले पराजित गर्‍यो । यससँग महिला विश्वकपले नयाँ विजेता पाएको छ । मुम्बईको डीवाई पाटिल स्टेडियममा पहिले ब्याटिङ गरेको भारतले सात विकेटमा चुनौतीपूर्ण २ सय ९८ रनको स्कोर खडा गरेको थियो । त्यसमा ओपनर सफाली वर्माले सर्वाधिक ८७ रन बनाइन । यस्तै दीप्ति शर्माले ५८ रनको योगदान गरिन् । त्यसको जवाफमा दक्षिण अफ्रिका ४५.३ ओभरमा २ सय ४६ रन बनाएर अलआउट भएको थियो । सफाली बलबाट पनि चम्किन र उनले ३९ रनमा पाँच विकेट हात पारिन् । दक्षिण अफ्रिकाका लागि ओपनर तथा कप्तान लउरा वल्भार्डले १ सय १ रनको शानदार प्रदर्शन गरे पनि त्यो निर्णायक रहेन् र भारत महिलाको वान डे विश्वकपमा उपाधि जित्न सफल रह्यो । भारतले तेस्रो प्रयासमा यो उपाधि जितेको हो । यसअघि भारत सन् २००५ र २०१७ को विश्वकपको फाइनल पुगे पनि च्याम्पियन हुन सकेको थिएन् । दक्षिण अफ्रिका भने महिला विश्वकपको फाइनल पुगेको नै यो पहिलो पटक हो ।

महिला विश्वकपमा भारत च्याम्पियन

इर्लिङ हालान्डले दुई गोल गरेपछि म्यानचेस्टर सिटीले आइतबार बर्नमाउथलाई ३–१ ले हराएको छ र यससँगै अंक तालिकाको दोस्रो स्थानमा चढ्न सफल रह्यो । इतिहाडमा हालान्डसँगै निको ओरिले एक गोल गरे । बर्नमाउथका लागि भने टायर एडम्सले एक गोल फर्काए । यो सिजन क्लब र आफ्नो देशका लागि हालान्डले गरेको गोल संख्या २६ पुगेको छ । यो जितपछि सिटीको १० खेलबाट १९ भएको छ । आर्सनल समान खेलबाट २५ अंकमा शीर्षमा छ र यो सिटीमाथि छ अंकको अग्रता हो । &nbsp; हारले बर्नमाउथ १८ अंकमा चौथो स्थानमा छ । बर्नमाउथसामु यो खेल जितेर दोस्रोमा उक्लने अवसर थियो, तर त्यसलाई हात पार्न असफल रह्यो ।

सिटीका लागि हालान्डको दुई गोल

बार्सिलोनाले स्पेनी ला लिगामा एल्चीलाई आइतबार ३–१ ले पराजित गरेको छ, तर यो उसको लागि संघर्षपूर्ण जित रह्यो । गत साताको अल क्लासिकोको हारपछि बार्सिलोलाई यो जितले राहत भने दिनेछ । बार्सिलोनाका लागि लामिन यामल, फेरान टोरेस र मार्कस रसफोर्डले एक एक गोल गरे । राफा मिरले एल्चीका लागि एक गोल फर्काए र यससँगै बार्सिलोनाको रक्षापंक्तिमा कमजोरी रहेका स्पष्ट देखिएको थियो । &nbsp; यो जितपछि बार्सिलोनाको ११ खेलबाट २५ अंक भएको छ र यो शीर्षमा रहेको रियल म्याड्रिड भन्दा पाँच अंकले पछाडि हो । एल्ची १४ अंकमा नवौं स्थानमा रह्यो । आइतबारको अर्को खेलमा रियल बेटिसले रियल मार्लोकालाई ३–० ले हरायो । यो जितपछि बेटिस १९ अंकमा पाँचौं स्थानमा रह्यो ।

एल्चीहलाई हराउन बार्सिलोनालाई गाह्रो

काठमाडौँ। सुदूरपश्चिम रोयल्सले अमेरिकाका बलिङ अलराउण्डर हर्मीत सिंहलाई आगामी दोस्रो संस्करणको नेपाल प्रिमियर लिग (एनपीएल) का लागि तेस्रो विदेशी खेलाडीको रुपमा अनुबन्ध गरेको छ। यससँगै हर्मीतले लगातार दोस्रो सिजन पनि सुदूरपश्चिमबाट खेल्ने भएका छन्। गत सिजन उनले ५ खेलमा ८ विकेट लिएका थिए। उनी पहिलो सिजनको एनपीएलमा सबैभन्दा कम इकोनोमीमा बलिङ गर्ने खेलाडी हुन्। आफ्नो अनुबन्धमा खुशी व्यक्त गर्दै हर्मीतले भने, ‘म नेपाल प्रिमियर लिगमा फेरि एकपटक फर्किँदै छु। गत सिजनको अधुरो कामलाई यसपटक पूरा गर्नु छ। समर्थकहरूसँग छिट्टै भेट हुनेछ।’ सुदूरपश्चिम रोयल्सका प्रमुख कार्यकारी अधिकृत (सीईओ) प्रकाश खड्काले हर्मीतको आगमनले टिम झनै बलियो बन्ने विश्वास व्यक्त गरे । उनले भने, ‘हर्मीतको आगमनले टिम झनै बलियो बनेको छ। उनीबाट गत सिजन जस्तै उत्कृष्ट प्रदर्शनको अपेक्षा गरेका छौं।’ ३२ वर्षीय हर्मीत बाँयाहाते बलर हुन् र बाँयाहाते ब्याटिङ पनि गर्छन्। उनले टी–ट्वान्टी अन्तर्राष्ट्रियमा २५ खेलमा २४ विकेट लिएका छन् भने ब्याटिङमा २३५ रन बनाएका छन् । अमेरिकाका लागि उनले २१ एकदिवसीय खेलमा ३१ विकेट लिएका छन् भने ३२५ रन बनाएका छन्। स्मरण रहोस्, हर्मीत सन् २०१२ को यू–१९ विश्वकप विजेता भारतीय टोलीका सदस्य थिए। उनले इन्डियन प्रिमियर लिग (आईपीएल) मा राजस्थान रोयल्सका लागि समेत खेलेका छन्।

हर्मीत सिंहले सुदूरपश्चिमबाट खेल्ने

काठमाडौं। न्युजिल्यान्डका ब्याटर मार्टिन गुप्टेलले विराटनगर किङ्सबाट आगामी नेपाल प्रिमियर लिग (एनपीएल) सिजन २ खेल्ने भएका छन्। पहिलो सिजनमै विराटनगरबाट खेलेका गुप्टेलले सम्झौता नवीकरण गरेका हुन्। क्लबले आइतबार गुप्टेलको पुनरागमनको घोषणा गरेको हो। विराटनगरले यसअघि नै दक्षिण अफ्रिकाका स्टार ब्याटर फाफ डु पेल्सिसलाई अनुबन्ध गरेको थियो। सन्दीप लामिछाने टोलीका मार्की खेलाडी हुन्। पहिलो सिजनबाट लोकेश बम, सुवास भण्डारी, नरेन भट्ट, वसिर अहमद र प्रतिश जिसीलाई टोलीले रिटेन गरेको छ। साथै, मिनी अक्सनमार्फत नारायण जोशी, सूर्य तामाङ, साहिल पटेल, शंकर राना र श्रवण किस्कुलाई समावेश गरिएको छ।

मार्टिन गुप्टेल पुनः विराटनगर किङ्समा

काठमाडौं। एएफसी एसियन कप छनोटको तेस्रो चरणअन्तर्गत मलेसियासँगको दोस्रो लेगका लागि ३५ सदस्यीय प्रारम्भिक टोली घोषणा गरेको छ। नवनियुक्त मुख्य प्रशिक्षक हरि खड्काले आइतबार भियतनाम भ्रमण गरेको टोलीमा १२ नयाँ खेलाडी थप्दै बन्द प्रशिक्षणका लागि टोली सार्वजनिक गरेका हुन्। नयाँ खेलाडीमध्ये फरवार्ड समीर तामाङ, मिडफिल्डर आदीत्य शाक्य, सन्तोष खत्री र गोलकिपर टिकेन्द्र थापासहित ८ खेलाडी टोलीमा थपेका छन्। यसअघि छनोटमा नपरेका सृजनराज गोतम, भेट्रान जर्ज प्रिन्स कार्की र नवयुग श्रेष्ठ पनि टोलीमा पुनः समावेश भएका छन्। यसपटक दीवकार चौधरी र दीपेश धिमाल पनि टोलीमा परेका छन्। त्यस्तै, बी डिभिजन लिगमा उत्कृष्ट प्रदर्शन गरेका मिडफिल्डर सञ्जीव लामा र डिफेन्डर शंकर थारु पहिलोपटक राष्ट्रिय टोलीको प्रशिक्षण सूचीमा अटाएका छन्।

३५ खेलाडी प्रारम्भिक टोलीमा

काठमाडौं। बालगोपाल साहुखल र चेतन घिमिरे नेपाली राष्ट्रिय फुटबल टोलीका सहायक प्रशिक्षकमा नियुक्त भएका छन्।&nbsp; आइतबार सातदोबाटोस्थित एन्फा कम्प्लेक्समा उनीहरूलाई महासचिव किरण राईबाट नियुक्तिपत्र प्रदान गरेका हुन्। एन्फाले शुक्रबार मात्र हरि खड्कालाई अन्तरिम मुख्य प्रशिक्षक नियुक्त गरेको थियो। दुई दिनमै साहुखल र घिमिरे खड्काको सहायकका रूपमा टोलीमा समावेश भएका हुन्। घिमिरे यसअघि पनि राष्ट्रिय टोलीका सहायक प्रशिक्षक भइसकेका छन्। त्यस्तै, साहुखलले यसै वर्षको ‘बी’ डिभिजन लिगमा सरस्वती युवा क्लबको टचलाइन सम्हालेका थिए। उनले फेब्रुअरीमा बंगलादेशमा सम्पन्न साफ यु–१९ महिला च्याम्पियनसिपमा पनि नेपाललाई नेतृत्व दिएका थिए।

बालगोपाल र चेतन राष्ट्रिय फुटबल टोलीका सहायक प्रशिक्षकमा नियुक्त

इटालीको सिरी ए को शीर्षमा रहेको नेपोलीले शनिबार राति कोमो १९०७ सँग निराशाजनक गोलरहित बराबरी खेलेको छ । यससँगै डिफेन्डिङ च्याम्पियन शीर्ष स्थानमा आफ्नो अग्रतालाई फराकिलो बनाउन असफल रह्यो । यो नतिजापछि नेपोलीको १० खेलबाट २२ अंक भएको छ । उसको पछाडि एएस रोमा छ र उसको २१ अंक छ । एक खेल कम खेलेको रोमासामु अब नेपोलीलाई उछिन्ने अवसर हुनेछ । शनिबारको अर्को महत्त्वपूर्ण खेलमा युभेन्ट्सले क्रेमान्सेलाई २–१ ले हरायो । यो जितपछि युभेन्ट्सको १० खेलबाट १८ अंक भएको छ ।

कोमोसँग नेपोलीको बराबरी

फ्रान्सेली लिग वानमा पेरिस सेन्ट जर्मेन (पीएसजी) ले शनिबार राति निसलाई संघर्ष गर्दै १–० ले हराएको छ र शीर्ष स्थानमा कायम रहेको छ । उसको ११ खेलबाट २४ अंक भएको छ । यो दोस्रो स्थानमा रहेको मार्सेमाथि दुई अंकको मात्र अग्रता हो । मोनाको २० अंकमा तेस्रोमा छ र यसपल्ट लिग उपाधिको होड रोमाञ्चक हुने देखिएको छ । निसमाथि पीएसजीको यसपल्टको जित भने कठिन रह्यो । खेल गोलरहित बराबरीतर्फ अग्रसर भएको बेला गोन्चालो रामोसले दोस्रो हाफको इन्ज्युरी समयको पाँचौं मिनेटमा गोल गरे ।

पीएसजी दुई अंकले अगाडि

आफ्ना केही प्रमुख खेलाडीलाई आराम दिएको भएता पनि बायर्न म्युनिकले जर्मन बुंडेसलिगामा बायर लेभरकुजनलाई शनिबार राति सजिलै ३–० ले पराजित गरेको छ । युरोपेली च्याम्पियन्स लिगमा पेरिस सेन्ट जर्मेन (पीएसजी) को सामना गर्न अगाडि बायर्नले ह्यारी केनलाई खेलाएको थिएन्। एलिनाज एरिनामा भएको खेलमा बायर्नका लागि सर्गे जियानब्रे र निकोलस ज्याक्सनले गोल गरे । अर्को गोल आत्मघाती रह्यो । बायर्नको यो लगातार नवौं जित हो । शतप्रतिशत प्रदर्शनको क्रममा उसको २७ अंक भएको छ र फेरि एकपल्ट सजिलै लिग जित्ने छाँट देखाएको छ । बायर्नको पछाडि दोस्रो स्थानमा आरबी लाइपजिग छ र उसको नौ खेलबाट २२ अंक छ । लाइपजिगले भने स्टुटगार्टलाई ३–१ ले हरायो । यो जितसँगै उसले बोरुसिया डर्टमुन्डलाई उछिनेर दोस्रो स्थानमा उक्लेको हो । डर्टमुन्ड भने २० अंकमा रहेको छ ।

Nepalsports

⚽ Upcoming Matches

🎖 Recent Matches

📰 Recent News

Nepalsports