Laos Women

काठमाडौँ। आरएस रिसोट एन्ड बीच फुटबल महिला टिम एन्फा राष्ट्रिय महिला लिगको लागि छनोट भएको छ।&nbsp; च्यासल रंगशालामा बिहिवार सम्पन्न खेलमा एन्फा महिला लिग छनोटको आफ्नो अन्तिम खेलमा स्टुडेन्स् फुटबल क्लब महिला टिमलाई ४–१ ले हराउँदै आरएस छनोट भएको हो।&nbsp; जितसँगै समूह 'ए' को आरएसले ६ खेलबाट १५ अंकसहित शीर्ष स्थानमा रहँदै छनोट भएको हो। यस्तै साेहि समूहमा समान खेलबाट राप्ती फुटबल क्लब १३ अंकसहित दाेस्राे स्थानमा झरेको छ। एक खेल कम खेलेकाे चर्च ब्वाइज १२ अंकसहित तेस्राे स्थानमा छ। योसँगै महिला लिगको लागि छनोट हुने आरएस दोस्रो टिम बनेको छ। यसअघि समूह 'बी' बाट संकटा छनोट भइसकेको छ।

आरएस रिसोट महिला लिगको लागि छनोट

काठमाडौं। एएफसी यु–२३ एसियन कप छनोट अन्तर्गतको पहिलो खेलमा नेपाल पराजित भएको छ। ताजकिस्तानको दुसान्बेस्थित पामिर रङ्गशालामा बुधबार राति सम्पन्न समूह ‘के’ को पहिलो खेलमा नेपाल घरेलु टोली ताजकिस्तानसँग ४–० ले पराजित भएको हो। ताजकिस्तानको जितमा अजिजबोएभ मुहम्मादालीले दुई तथा रहमात्सोह रमात्जोदा र देलर सारिपोभले समान एक एक गोल गरे। पहिलो हाफमा १० ले पछि परेको&nbsp;नेपाल दोस्रो हाफमा थप ३ गोल खान पुग्यो। यस खेलमा नेपालका कप्तान आयुष घलान प्रतिबन्धको कारण दर्शकदिर्घामा बसेर खेल हेर्न बाध्य भएका थिए। उनको स्थानमा सुमित श्रेष्ठले कप्तानको &nbsp;जिम्मेवारी सम्हालेका थिए। नेपालको अर्को खेल शनिबार सिरियासँग हुनेछ। बुधबार नै भएको खेलमा सिरियाले फिलिपिन्सलाई २–१ ले हराएको&nbsp;थियो ।&nbsp;

पहिलो खेलमा नेपालको फराकिलो हार

अमेरिकाका आठौं वरीयताकी खेलाडी अमान्डा एनिसिमोभाले इगा स्वाटिकमाथि मीठो बदला रच्दै बिहीबार यूएस ओपनको सेमिफाइनल यात्रा तय गरेकी छिन् । विम्बल्डनको फाइनलमा बेहोरेको एकपक्षीय हारको बदला लिने क्रममा एनिसिमोभाले आर्थर ऐस स्टेडियममा स्वाटिकलाई ६–४ र ६–३ ले हराएको हो । विम्बल्डनको त्यस फाइनलमा स्वाटिक ६–० र ६–० ले विजयी रहेकी थिइन् । उपाधिको बलियो प्रत्यासी रहेकी पोल्यान्डकी स्वाटिकको यस हारसँगै चुनौती समाप्त भएको छ । पुरुषतर्फ फेलिक्स एगर–एलिसिम अन्तिम चार पुगे । उनले यसका लागि एलेक्स डे मिनरलाई ४–६, ७–६, ७–५ र ७–६ ले पराजित गरे ।

स्वाटिकमाथि एनिसिमोभाको बदला

काठमाडौं। एएफसी यु–२३ एसियन कपअन्तर्गत ताजकिस्तानविरुद्ध खेलका लागि नेपालकाे सुरुआती ११ सार्वजनिक भएकाे छ। जसमा नेपाली युवा टोलीका कप्तान आयुष घलानले पहिलो खेल गुमाउने भएका छन्।&nbsp; २०७९ असोज ३ गते बहराइनमा बंगलादेशविरुद्ध भएको एएफसी यु–२० छनोट खेलमा अमर्यादित क्रियाकलाप गरेपछि उनलाई एएफसीले कारबाही गरेको थियो। सोही कारण उनी निलम्बनमा परेका हुन्। घलानलाई रेफ्री अहमेद इसा मोहमदले सिधै रातो कार्ड देखाएका थिए। त्यसपछि उनी निलम्बनमा परेका हुन्। योसँगै घरेलु टोली ताजकिस्तानविरुद्ध हुने खेलमा नेपाली टोलीको कप्तानी सुमित श्रेष्ठले गर्ने भएका छन्। यस्तै, गोलपोस्टको जिम्मेवारीमा कृशल मोक्तान रहनेछन्। उनलाई मुख्य प्रशिक्षक नवीन न्यौपानले उपकप्तानी जिम्मेवारी दिएका&nbsp;थिए।

नेपालको सुरुआती–११ सार्वजनिक, कप्तान आयुषले पहिलो खेल गुमाउने

नेपाल र ताजकिस्तान बिच खेल हेर्नुहोस<a href="https://www.youtube.com/live/0tt99DeraLU?si=Rk6myIJ500Nfd_5U" target="_blank">Watch Live Match Nepal vs Tajikistan</a><a href="https://www.youtube.com/live/0tt99DeraLU?si=Rk6myIJ500Nfd_5U" target="_blank"> </a>
<iframe width="560" height="315" src="https://www.youtube.com/embed/0tt99DeraLU?si=Rk6myIJ500Nfd_5U" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen=""></iframe>

नेपाल र ताजकिस्तान बिच खेल हेर्नुहोस

काठमाडौं। न्युरोड टिम एनआरटी एन्फा राष्ट्रिय महिला लिगको छनोट नजिक पुगेको छ। च्यासल रंगशालामा बुधबार बुटवल लुम्बिनी एफसी महिला टिमलाई २-० ले पराजित गर्दै छनोट नजिक पुगेको हो। एनआरटीको जितमा जुना तामाङ र प्रतीक्षा ठकुरीले गोल गरिन्। ६६औं मिनेटमा जुनाको गोलमार्फत एनआरटीले सुरुआती अग्रता लिएको थियो। ८४औं मिनेटमा प्रतीक्षाले अर्को गोल थप्दै जित पक्का गर्दिइन्। जितसँगै समूह 'बी' को एनआरटीले ५ खेलबाट १२ अंक जोडेर दोस्रो स्थानमा यथावत् रहेको छ। समान खेलबाट ९ अंक रहेको झापा तेस्रो स्थानमा छ भने १५ अंकसहित संकटा यसअघि नै छनोट भइसकेको छ। अब एनआरटी एक खेल खेल्न बाँकी छ। उक्त खेल बराबरीको नतिजाले पनि एनआरटी छनोट हुनेछ।

एनआरटी महिला लिग छनोट नजिक

पोखरा निन्जाजले वत्सालय एभरेस्ट महिला भलिबल लिगको ट्रफी पाेखरामा भव्य रुपमा अनावरण गरेकाे छ। पोखरामा नै हुन लागेको वत्सालय एभरेस्ट महिला भलिबल लिगको दोस्रो संस्करणको ट्रफी एक भव्य समारोहबीच अनावरण गरिएको हाे । पाेखरा महानगरपालिकाका प्रमुख धनराज आचार्य र पाेखरा निन्जाजकी ब्रान्ड एम्बेसडर सनिशा भट्टराईले &nbsp;संयुक्त रूपमा ट्रफीको अनावरणा गरेका हुन्। उक्त कार्यक्रममा प्रमुख अतिथि मेयर आर्यलले पाेखरामा भलिबलको विकास र महिला सशक्तीकरणमा यसले उल्लेखनीय योगदान पुर्याउने विश्वास व्यक्त गरे। उनले "खेलले केवल मनोरञ्जन होइन, पहिचान, आत्मनिर्भरता र सामाजिक परिवर्तन ल्याउने समेत बताएका छन्। कार्यक्रममा पाेखरामा रहेका विभिन्न क्षेत्रका अतिथिहरूकाे सहभागिता रहेकाे थियाे। ट्रफीलाई तालबाराही मन्दिरमा लगेर पुजा पनि गरिएकाे छ।

पोखरामा एभरेस्ट महिला भलिबल लिगको ट्रफी अनावरण

काठमाडौँ। एन्फा महिला लिग छनोटमा चर्च ब्वाइज युनाइटेड महिला टिमले पहिलो हार व्यहोर्नुपरेको छ। च्यासल रंगशालामा वुधवार सम्पन्न खेलमा राप्ती फुटबल क्बल महिला टिमले चर्च ब्वाइजलाई २-१ ले पराजित गरेको हो। राप्तीको जितमा मनिषा सेनले गोल गरिन् भने अर्को गोल उपाहार स्वरुप पाएको थियो। चर्चको लागि बर्षा ओलीले सान्त्वना गोल गरिन्। खेलको १४औं मिनेटमा सरिता कमुरी नाथको आत्माघाती गोलबाट चर्च १-० ले पछि परेको थियो। जितसँगै राप्तीले आफ्नो सबै ६ खेलबाट १३ अंक जोडेर शीर्ष स्थानमा उक्लिएको छ। राप्ती महिला लिगमा छनोट हुनको लागि अन्य टिमको नतिजा कुर्नु पर्ने भएको छ।&nbsp; यता चर्च भने आफ्नो अन्तिम खेलमा विजयी भएको खण्डमा छनोट हुनेछ। ५ खेलबाट चर्च १२ अंकसहित दोस्रो स्थानमा झरेको छ।

चर्च ब्वाइजको पहिलो हार

काठमाडौं। एएफसी यू–२३ एसियन कप छनोट अन्तर्गत नेपालले आफ्नो पहिलो खेलमा घरेलु टोली ताजिकिस्तानको सामना गर्दैछ।&nbsp; समूह ‘के’ अन्तर्गतको यो प्रतिस्पर्धा नेपाली समयअनुसार आज राति ९:४५ बजे ताजिकिस्तानको राजधानी डुसान्बेस्थित पामिर रंगशालामा हुनेछ। नेपाल, ताजिकिस्तानसँगै फिलिपिन्स र सिरियासमेत समावेश समूह ‘के’ निकै प्रतिस्पर्धात्मक मानिएको छ। छनोटको सुरुआत नेपालले घरेलु टोलीविरुद्ध गर्ने भएकाले यो खेललाई दुवै टोलीका लागि अत्यन्तै महत्त्वपूर्ण मानिएको छ।&nbsp; ताजिकिस्तानको यू–२३ टोलीले पछिल्ला दुई संस्करणमा एएफसी यू–२३ एसियन कपमा सहभागिता जनाइसकेको छ।

नेपालले ताजिकिस्तानको सामना गर्दै

दक्षिण अफ्रिकाले इंग्ल्यान्डलाई मंगलबार पहिलो वान डेमा त्यस्तो हार चखाएको छ, जसलाई लाजमर्दो भन्दा हुन्छ । लिड्समा भएको खेलमा दक्षिण अफ्रिका सात विकेटले विजयी रह्यो । पहिले ब्याटिङ गरेको इंग्ल्यान्ड खालि २४.३ ओभर मात्र टिक्न सक्यो र १ सय ३१ रन बनाएर अलआउट भयो । त्यसपछि दक्षिण अफ्रिकाले २०.५ ओभरमामा तीन विकेट गुमाएर १ सय ३७ रन बनायो । यसरी दक्षिण अफ्रिका असाध्यै सजिलै विजेता रह्यो । यसमा प्रमुख भूमिका भने बलरहरूले खेले । केशव महाराजले २२ बलमा चार विकेट लिए । यस्तै वियान मुल्डरले ३३ रनमा तीन विकेट हात पारे ।

दक्षिण अफ्रिकासँग इंग्ल्यान्डको लाजमर्दो हार

कार्लोस अल्कारेजले बुधबार यूएस ओपनको अन्तिम चारको यात्रा तय गरेका छन् र सम्भवतः अब उनले नोभाक जोकोभिचसँग खेल्नु पर्ने हुन्छ, जुन खेल हुनेछ, ‘ब्लकबस्टर’ । यसका लागि उनले आर्थर ऐस स्टेडियम कोर्टमा भएको खेलमा चेक खेलाडी जिरी लोचकालाई सजिलै ६–४, ६–२ र ६–४ ले पराजित गरे । दोस्रो वरीयतामा रहेका स्पेनी खेलाडी अल्कारेज यसपल्ट ठूलो अवसर पनि छ, न्युयोर्कमा उपाधि जित्ने हो भने उनी हुनेछन्, नम्बर १ खेलाडी । फेरि उनी लयमा पनि छन्, सेमिफाइनलसम्मको यात्रामा उनले अहिलेसम्म एक सेट पनि ड्रप गरेका छैनन् । महिलातर्फ विश्व नम्बर १ खेलाडी आरयन सबलेन्का पनि सेमिफाइनल पुगेकी छिन्, तर यसका लागि डिफेन्डिङ च्याम्पियन पनि रहेकी सबलेन्काले केही पनि मिहिनेत गर्नु परेन् । उनलाई चोटग्रस्ट रहेकी मारकेटा भोन्ड्रोसोभाले वाकओभर दिइन् ।

अल्कारेज सजिलै अन्तिम चारमा

पोखरा। एभरेष्ट महिला भलिबल लिग (इडब्लुभीए) को दोस्रो संस्करणको उद्घाटन खेलमा साविक विजेता कर्णाली यशविस र पोखरा निन्जाजबीच प्रतिस्पर्धा हुनेछ। उद्घाटन खेल भदौ २० गते शुक्रबार दिउँसो २ बजे सुरु हुनेछ। शुक्रबारै साविक उपविजेता ललितपुर क्विन्स र मधेश युनाइटेडबीच अपरान्ह ४ बजे दोस्रो खेल हनेछ। इन्फनिटी ड्रिम्स प्रालि को आयोजनामा हुने एभरेष्ट महिला भलिबल लिगको दोस्रो संस्करण भदौ २० देखि २८ गतेसम्म पोखराको बहुउद्देशीय कभर्डहलमा हुनेछ। कर्णाली यशविससहित ललितपुर क्विन्स, काठमाडौं स्पाइकर्स, मधेश युनाइटेड, लुम्बिनी लाभाज र पोखरा निन्जाज गरी ६ फ्रेन्चाइज टिमले प्रतिस्पर्धा गर्नेछन्। सहभागि टोलीले सिंगल राउण्ड रोविनका आधारमा शीर्ष दुई टोलीबीच भदौ २८ गते फाइनल खेल हुनेछ। दोस्रो संस्करणमा विश्वका विभिन्न देशबाट १८ विदेशी खेलाडी एभरेष्ट महिला भलिबल लिग खेल्ने पोखरा आएका छन्।

एभरेष्ट महिला भलिबल लिगको उद्घाटन खेल कर्णाली र पोखराबीच हुने

इंग्लिस प्रिमियर लिग क्लबहरूले ‘ट्रान्सफर विन्डो’ बन्द हुन अगाडि मंगलबारसम्म खेलाडी किन्नमा कीर्तिमान तीन अरब पाउन्ड भन्दा बढी खर्चेका छन् । अगस्टको ३१ सम्म क्लबको खर्चले दुई अर्ब ७३ करोड छोएको थियो । &nbsp;तर त्यसपछि लिभरपुलले कीर्तिमान रकम १२ करोड ५० लाख पाउन्डमा न्युकासल युनाइटेडबा एलेक्जान्डर इसाक किनेको थियो । यसले समग्र खर्च बढेर तीन अर्ब पाउन्ड पुगेको हो । गत सिजनको यही समयको खर्चको तुलनामा अहिलेको रकममा अत्याधिक बढेको छ । गत सिजन यही समयको खर्च एक अर्ब ९६ करोड पाउन्ड मात्रै रहेको थियो । अहिले प्रिमियर लिगका क्लबले खर्चेको रकम युरोपका अन्य प्रमुख लिग बुंडेसलिगा, ला लिगा, लिग वान र सिरी ए सबैको जोडेर खर्चेको रकम भन्दा पनि बढी रहेको छ । यसपल्ट सबैभन्दा बढी खर्चिने क्लबमा क्रमशः लिभरपुल, चेल्सी, आर्सनल, न्युकासल युनाइटेड, म्यानचेस्टर युनाइटेड र नटिङघम फरेस्ट रहेका छन् ।&nbsp;गत सिजन खेलाडी किनबेचमा चुपचाप जस्तै रहेको लिभरपुलले यसपल्ट ठीक विपरित नीति लिएको छ । लिभरपुलले यसपल्ट खेलाडी किन्न ४१ करोड पाउन्ड भन्दा बढी खर्चेको छ । यस्तै उनले आप्mना खेलाडी बेचेर १८ करोड पाउन्ड भन्दा बढी कमाएको पनि छ ।

प्रिमियर लिगको खर्च तीन अरब पाउन्डमाथि

काठमाडौं। फ्रेन्चाईज भलिबल टिम लुम्बिनी लाभाजले मुख्य प्रायोजको रुपमा केएल दुगड ग्रुपसँग सम्झौता गरेको छ।&nbsp; एभरेस्ट स्पोट्र्स म्यानेजमेन्ट अन्तर्गतको लुम्बिनी लाभाजले आसन्न एभरेस्ट महिला भलिबल लिगका लागि नेपालको प्रतिष्ठित व्यापारिक समूह केएल दुगड ग्रुपको ज्ञान ब्रान्डलाई आफ्नो आधिकारिक मुख्य प्रायोजकको रुपमा अनुबन्ध गरेको हो।&nbsp; मुख्य प्रायोजकको रुपमा केएल दुगड ग्रुपसँगको सहकार्यले लुम्बिनी लाभाज टोलीलाई थप प्रोत्साहन र ऊर्जा प्रदान गरेको क्लबले जनाएको छ। नेपालमा खाद्यान्न उत्पादन र वितरणको क्षेत्रमा आफ्नो छुट्टै पहिचान बनाएको केएल दुगड ग्रुपको ज्ञान जस्तो बलियो ब्रान्डसँगको साझेदारीले नेपाली महिला खेलाडीको सशक्तीकरण र खेलको विकासमा ठूलो सहयोग पुग्ने विश्वास टिम व्यवस्थापनले लिएको छ।&nbsp; सम्झौतासँगै अब टिमको जर्सी, मिडिया र सामाजिक सञ्जालमा केएल दुगड ग्रुपको ज्ञानलाई लुम्बिनी लाभाजको मुख्य प्रायोजकको रुपमा उल्लेख गरिनेछ।&nbsp; सम्झौता हस्ताक्षर कार्यक्रममा केएल दुगड ग्रुपका कार्यकारी निर्देशक भावीका दुगडले नेपाली खेलकुदलाई सहयोग गर्न पाउनु आफ्नो लागि गर्वको कुरा भएको बताइन्।&nbsp;

लुम्बिनी लाभाजको मुख्य प्रायोजकमा दुगड ग्रुप

काठमाडौँ । नेपाल 'ए' क्रिकेट टिमले आसामविरुद्धको टी-२० सिरिज जितेको छ। सोमबार सम्पन्न सिरिजको पाँचौं तथा निर्णायक खेलमा नेपाल 'ए' ले आसामलाई ४४ रनले पराजित गर्दै सिरिज ३-२ ले जितेको हो। नेपालले दिएको २०९ रनको लक्ष्य पछाएको आसामले २० ओभरमा ९ विकेट गुमाउँदै १६४ रन बनाएको थियो। आसामका लागि भार्गव लहकरले सर्वाधिक अविजित २९, साहिल जैन र कप्तान सुमित घडिअन्करले समान २५ तथा सौरभ दिहिगाले १७ रन बनाए। नेपालका लागि शेर मल्ल, आकाश चन्द र पवन सर्राफले समान तथा बसिर अहमदले एक विकेट लिए। यसअघि नेपाल 'ए'ले टस जितेर पहिला ब्याटिङ गर्दै २० ओभरमा ५ विकेट गुमाउँदै २०८ रन बनाएको थियो। नेपाल 'ए' का लागि सन्दीप जोराले सर्वाधिक ६४ रन बनाएका थिए भने शुभ कंसाकारले ४२ रन बनाएका थिए।&nbsp; त्यस्तै इशान पाण्डेले ३२ रन बनाए भने मोहमद आदील आलमले ११ बलमा २५ रन बनाए भने अनिल शाहले ११ रन बनाएका थिए।

आसामविरुद्धको टी-२० सिरिज नेपाल 'ए' ले जित्यो

&nbsp;एभरेष्ट महिला भलिबल लिग (इडब्लुभिएल) को दोस्रो संस्करणका लागि पाेखरा निन्जाजले रोमानियाको ३२ वर्षिय एनामारिया बेरडिल्ला भित्र्याएकोछ। उनको पोजिसन भने आउटसाइड हिटर रहेको छ।&nbsp; उनले रोमानियाली यु-१८ , यु-२० र राष्ट्रिय टोलीबाट पनि खेलिसकेकी छन्। यसैगरि रोमानियाको सिनियर टिम बाट पनि खेलेको अनुभव उनी सङ्ग रहेको छ। राष्ट्रिय टोली ,रोमानियाली लिग, रोमानियन कप ,च्याम्पियन्स लिग, सीईभी कप,अजरबैया सुपरलिग साइप्रस लिग र साइप्रस कप पनि उनले खेलेकी छन्। उनलाई पोखरा नेन्जाजको टिममा अनुबन्ध गर्न पाउँदा टिम धेरै उत्साहित रहेको र उनले खेल नियन्त्रण गरेर खेल्ने र टिमलाई जिताउन सक्नेमा टोली विश्वसत रहेको छ। एभरेष्ट महिला भलिबल लिगको हिस्सा हुन पाउँदा एनामारिया बेरडिल्लाले आफू निकै हर्षित भएको बताएकी छन्। पोखरा निन्जाजलाई एभरेष्ट महिला भलिबल लिगको उपाधि जिताउन अर्थपूर्ण योगदान पुऱ्याउने उनकाे लक्ष्य रहेको छ। उनकोआगमन सङ्गै पोखरा निन्जाजको पुरै टिम सेट भएको छ। करिब १० दिन काठमाडौंमा तयारी गरेर टिम पोखरा गईसकेको छ। उनी सर्वियाकी ३१ वर्षीया आउटसाइड हिटर ल्युबिका केकमान आकास्मात स्वदेश फर्किए पछि टिममा आवद्व भएकी हुन्। ईन्फिनिटी ड्रिम्सको आयोजनामा वात्सल्य एभरेष्ट महिला भलिबल लिग (इडब्लुभि) को दोस्रो संस्करण आगामी भदाैं २० देखि २८ गतेसम्म (सेप्टेम्बर ५-१३) पोखरामा हुनेछ ।

एनामारिया बेरडिल्ला पोखरा निन्जाजमा आवद्व

काठमाडौं– नेपालमा बैधानिक ओलम्पिक कमिटीबारे विवाद चर्किरहेको बेला ओलम्पिक काउन्सिल अफ एसिया (ओसीए) को त्यस्तो निर्णय बाहिर आएको छ, जसले आधिकारिक को हो भन्ने भ्रम फेरि एकपल्ट हटाएको छ । ओलम्पिक काउन्सिल अफ एसिया (ओसीए) ले नेपाल ट्रायथलन संघका अध्यक्ष निलेन्द्रराज श्रेष्ठ र नेपाल घोडाचढी संघका अध्यक्ष रवि राजकर्निकारलाई दुई वर्षको प्रतिबन्ध लगाएको हो । ओसीएको अगस्ट २८ मा बसेको कार्यकारी बैठकले यो निर्णय गरेको हो र त्यस अनुसार ओसीएससँग सम्बन्धित कुनै पनि गतिविधिमा संलग्न हुन पाउने छैनन् । ओसीएकै एथिक्स कमिटीको निर्णय र सिफारिसमा यो निर्णय गरेको पनि जनाएको छ । त्यति मात्र होइन्, उसले प्रतिबन्ध तत्काल लागू हुने भनेको छ । एथिक्स कमिटीका अध्यक्ष देवेन्द्रनाथ सारंगीले पत्र लेख्दै प्रतिबन्धबारे जानकारी दिएको हो । यसअघि ओसीएले उनीहरूलाई नै ९० दिनको प्रतिबन्ध लगाएको थियो । श्रेष्ठ र राजकर्निकार दुवै ध्रुवबहादुर प्रधानको नेतृत्वमा गठिन तथा सरकार समर्थित नेपाल ओलम्पिक कमिटीको तदर्थ कमिटीमा सदस्य रहेका छन् । श्रेष्ठ जीवनराम श्रेष्ठ नेतृत्वको ओलम्पिक कमिटीको पछिल्लो कार्यकालमा महासचिव समेत थिए । यस्तै राजकर्निकारले पनि लामो समयदेखि ओलम्पिक कमिटीका विभिन्न जिम्मेवारी सम्हाल्दै आएका छन् । पछिल्लो पटक भने उनीहरू सरकार समर्थित खेमामा छन् ।

श्रेष्ठ र राजकर्निकार ओसीएको कारवाहीमा

<div dir="auto" style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;">इंग्लिस प्रिमियर लिग च्याम्पियन लिभरपुलले कीर्तिमान रकममा न्युक्यासल युनाइटेडका एलेक्जान्डर इसाक अनुबन्ध गर्ने निश्चित भएको छ । बेलायती मिडियाले सोमबार यसको पुष्टि गरेका छन् ।&nbsp;&nbsp;</div><div dir="auto" style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;"> </div><div dir="auto" style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;"> </div><div dir="auto" style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;">स्विडेनी फरवार्ड १७ करोड ६० लाख डलरमा लिभरपुल जाने बताइएको छ । आवश्यक चिकित्सकीय प्ररिक्षणपछि छ वर्षका लागि अनुबन्ध गरिनेछ ।</div><div dir="auto" style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;"> </div><div dir="auto" style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;"> </div><div dir="auto" style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;">यस अघि सन् २०२३ मा इन्जो फर्नान्डेज १० करोड ६० लाख पाउन्डमा बेनफिकाबाट चेल्सी गएका थिए । गत सिजन इसाकले न्युक्यासलका लागि उत्कृष्ट प्रदर्शन गरेका थिए।&nbsp;</div>

कीर्तिमान रकममा इसाक लिभरपुल जाने निश्चित

च्याम्पियन बार्सिलोनाले स्पेनी ला लिगामा आइतबार पहिलो पटक अंक गुमाएको छ । रायो भालेकानोले उसलाई १–१ को बराबरीमा रोकेको हो । क्याटलान क्लबका लागि गोलरक्षक जोन गार्सियाले शृंखलाबद्ध बचाउ गरेपछि यो बराबरीको नतिजा सम्भव भएको हो । बार्सिलोनाले लामिन यामलले पेनाल्टीबाट गरेको गोलको मदतले अग्रता लिएको थियो । तर फ्रान पेरेजले भालेकानोका लागि बराबरी गोल फर्काए । यो नतिजापछि बार्सिलोना सुरुआती अंक तालिकाको चौथो स्थानमा रह्यो । रियल म्याड्रिड र एथलेटिको बिलबाओ तीन खेलबाट नौ अंक बटुलेर शीर्ष स्थानमा छन् । बिलबाओले अर्को खेलमा रियल बेटिसलाई २–१ ले पराजित गर्न सफल रह्यो । इस्पनयोलले ओसासुनालाई १–० ले हरायो ।

बार्सिलोनालाई बराबरीको धक्का

डोमिनिक सबोसलाईले फ्रि किकबाट गरेको उत्कृष्ट गोलको मदतले लिभरपुलले इंग्लिस प्रिमियर लिगमा आइतबार आर्सनललाई १–०इ ले पराजित गरेको छ । उपाधिका दुई ठूला प्रत्यासीबीचको खेलमा लिभरपुलले यो शानदार जित हात पारेको हो । एनफिल्डमा भएको खेल गोलरहित बराबरीतर्फ अग्रसर भइरहेको बेला हंगेरीका सबोसलाईले ८३ औं मिनेटमा निर्णायक गोल गरे । यससँगै डिफेन्डिङ च्याम्पियन लिभरपुल माक्रै सुरुआती तीन खेलमध्ये तीनैमा विजयी रहेको एक मात्र टिम रह्यो । आइतबारकै अर्को खेलमा त्रिस्टल प्यालेसले एस्टन भिल्लालाई ३–० ले हरायो । भिल्ला पार्कमा भएको खेलमा प्यालेसका लागि जियान फिलिप माटेटाले २१ औं मिनेटमा पेनाल्टीबाट पहिलो गोल गरे । त्यसपछि मार्क गुएही र स्माइल सारले गोल थपे ।

Nepalsports

⚽ Upcoming Matches

🎖 Recent Matches

📰 Recent News

Nepalsports