दक्षिण अफ्रिकाले पाकिस्तानविरुद्धको पहिलो टेस्टको दोस्रो दिन सोमबार आफ्नो पहिलो इनिङ्समा छ विकेट गुमाएर २ सय १६ रन बनाएको छ । पाहुना टिम पाकिस्तानको बलिङ आक्रमण अगाडि दबाबमा रहेको छ ।

दक्षिण अफ्रिकाका लागि टोनी डे जेरजी ८१ र सेनुरन मुथसमी छ रनमा नटआउट छन् । पाहुना टिम अझै १ सय ६२ रनले पछाडि छ । पाकिस्तानी बलरमध्ये नोमन अलिले चार विकेट लिएका छन् ।

त्यस अगाडि पाकिस्तान आफ्नो पहिलो इनिङ्समा ३ सय ७८ रन बनाएर अलआउट भएको थियो । त्यसमा मुथसमीले छ विकेटको उत्कृष्ट बलिङ प्रदर्शन गरे ।