पंजाव किंग्सले इन्डियन प्रिमियर लिग (आईपीएल) २०२६ मा शुक्रबार लगातार दोस्रो जित निकालेको छ र यससँगै चार अंकमा लिग तालिकामा सुरुआती अग्रता लिएको छ ।

चेन्नाईमा भएको खेलमा पंजावले चेन्नाइ सुपर किंगसलाई पाँच विकेटले पराजित गरेको हो । चेन्नाइको यो लगातार दोस्रो हार हो र शून्य अंकमा १० टिममध्ये सबैभन्दा पुछारमा छ ।

पहिले ब्याटिङ गर्दै क्रममा चेन्नाइले पाँच विकेटमा २ सय ९ रन बनाएको थियो । त्यसमा आयुष म्हात्रेले सर्वाधिक ७३ रन बनाए । यस्तै शुभम डुबेले नटआउट रहेर ४५ रन जोडे ।

पंजावले जवाफमा १८.४ ओभरमा पाँच विकेट गुमाएर २ सय १० रन बनायो । यसमा सबैभन्दा ठूलो योगदान कप्तान श्रेयस अयरको रह्यो । उनले नटआउट रहेर ५० रन बनाए ।