रेन्डी एटेकेले ७४ औं मिनेटमा गरेको निर्णायक गोलको मदतले स्पेनी ला लिगामा रायो भालेकानोले शुक्रबार एल्चेमाथि १–० को संघर्षपूर्ण जित हात पारेको छ ।

एल्चेले पहिलो हाफमै पेड्रो बिगासलाई रातो कार्डमा गुमाएपछि दस खेलाडीमा सीमित रहेर पनि भालेकानोलाई कडा चुनौती पेस गरेको थियो । यो जितले भालेकानाको अर्को सिजन युरोपमा खेल्ने सम्भावना जीवन्त रह्यो ।

यो जितपछि भालेकानोको ३५ अंक भएको छ र १२ औं स्थानमा उक्लेको छ । एल्चे भने २९ अंकमा १७ औं स्थानमा छ र उसमाथि रेलिगेसनको दबाब छ ।