नौ खेलाडीमा सीमित रहेर पनि बार्यन म्युनिकले जर्मन बुंडेसलिगामा बायर लेभरकुजनलाई शनिबार १–१ को बराबरीमा रोकेको छ । लेभरकुजनले एलेक्स गार्सियाको गोलले अग्रता लिएपछि लुइस डियाजले बराबरी गोल गरे ।

रातो कार्डमा मैदान छाड्न बाध्य खेलाडीमा डियाजसँगै निकोलस ज्याक्सन रहे । यो नतिजापछि बायर्न ६७ अंकमा शीर्ष स्थानमै रह्यो र दोस्रोमा रहेको बोरुसिया डर्टमुन्डमाथि नौ अंकको अग्रता हो ।

अर्को खेलमा डर्टमुन्डले असबर्गलाई २–० पराजित गरेको थियो । तेस्रो स्थानमा रहेको होफनहाइनले पनि उल्भ्सबर्गसँग १–१ को बराबरीमा चित्त बुझायो । होफनहाइनको ५० अंक रहेको छ ।