इंग्लिस प्रिमियर लिग क्लब नटिङघम फरेस्टले शनिबार आफ्ना मुख्य प्रशिक्षक एन्गे पोस्टेकोग्लु वर्खास्त गरेको छ । चेल्सीसँग पराजित भए लगत्तै उनलाई हराइएको हो ।&nbsp; पोस्टेकोग्लुले फरेस्टमा ३९ दिन मात्र बिताए । त्यस क्रममा आठ खेलेकोमा कुनैमा पनि टिम विजयी रहेन । लगातारको खराब प्रदर्शनले क्लब चर्को दवावमा छ । अब यो सिजनका लागि फरेस्ट तेस्रो प्रशिक्षकको खोजीमा हुनेछ । यस अगाडि क्लबले नुनो स्प्रिटो सेन्टरलाई पनि वर्खास्त गरेको थियो ।

फरेस्टद्वारा पोस्टेकोग्लु वर्खास्त

दोस्रो हाफको तीन गोलको मदतले चेल्सीले इंग्लिस प्रिमियर लिगमा शनिबार नटिङघम फरेस्टमाथि सजिलो ३–० को जित हात पारेको छ र यससँगै अंक तालिकाको चौथो स्थानमा उक्लेको छ । चेल्सीको आठ खेलबाट १४ अंक भएको छ । समस्याबाट गुज्रिरहेको फरेस्ट भने १७ औं स्थानमा रह्यो । सिटी ग्राउन्डमा बेहोरेको हारसँगै समस्यामा रहेको फरेस्टका प्रशिक्षक एन्गे पोस्टेकोग्लुमाथि थप दबाबमा परेका छन् । चेल्सीका लागि जोस आचेमपोङले ४९, पेड्रो नेटोले ५२ र रेस जेम्सले ८४ औं मिनेटमा एक एक गोल गरे । मालो गुस्टोले भने ८७ औं मिनेटमा रातो कार्ड खाएर मैदान छाडे र चेल्सी दस खेलाडीमा सीमित रह्यो ।

फरेस्टमाथि चेल्सीको सजिलो जित

युरोपेली च्याम्पियन पेरिस सेन्ट जर्मेन (पीएसजी) ले शनिबार फ्रान्सेली लिग वानमा स्ट्रसबर्गसँग रोमाञ्चक ३–३ को बराबरी खेलेको छ । उसले ३–१ ले पछाडि रहेको स्थितिबाट यो बराबरी निकालेको हो । यो जितपछि पीएसजी लिग तालिकाको शीर्ष स्थानमा रह्यो । स्ट्रसबर्गले खेलको पहिलो हाफमा तीन गोल गरेको थियो । पीएसजीका लागि भने गोन्जालो रामोस र सेनी मायुलुले दोस्रो हाफमा गोल फर्काए । पीएसजीको आठ खेलबाट १७ अंक भएको छ र यो दोस्रोमा रहेको स्ट्रसबर्गमाथि नै एक अंकको अग्रता हो । त्यस पछाडि एक एक खेल कम खेलेको मार्से र लियोन १५ अंकमा छन् । अब दुवैसामु जितसँगै पीएसजीलाई उछिन्ने अवसर हुनेछ ।

पीएसजीको स्ट्रसबर्गसँग बराबरी

नेपालले अपराजित रहँदै शुक्रबार ट्वान्टी ट्वान्टी विश्वकप छनोट एसिया एन्ड इस्ट एसिया प्यासिफिकको उपाधि जितेको छ । नेपालले आफ्नो ट्वान्टी ट्वान्टी विश्वकप छनोटमा च्याम्पियन भएको यो पहिलो पटक हो । यसका लागि नेपालले सुपर–सिक्सको खेलमा समाओलाई सजिलै १ सय २४ रनले पराजित गर्‍यो । यो जितसँगै नेपालको सुपर–सिक्समा १० अंक भएको छ &nbsp;र यससँगै शीर्ष स्थानमा रह्यो । नेपालले प्रतियोगितामा छ खेल खेलेको सबैमा विजयी रह्यो । ओमानमा भएको प्रतियोगिताको अन्तिम खेलमा नेपालले पहिले ब्याटिङ गर्दै चार विकेटमा २ सय ११ रन बनाएको थियो । त्यसमा आसिफ सेखले सर्वाधिक सर्वाधिक ६९ रन बनाए । यस्तै दीपेन्द्रसिंह ऐरीले ५३ रन जोडे । त्यसको जवाफमा समाओले सात विकेट गुमाएर ८७ रन बनायो । नेपालसँगै ओमान र यूएई ट्वान्टी ट्वान्टी विश्वकप २०२६ का लागि छनोट भइसकेका छन् ।

अपराजित रहँदै नेपाल च्याम्पियन

काठमाडौं, असोज ३१ गते । ललितपुरको च्यासलस्थित फुटबल मैदानको मर्मत कार्य सुरु भएको छ । यहि असोज तेश्रो साता परेको भारी वर्षाका कारण मैदानमा क्षति पुगेको थियो । क्षति बारे बुझ्न राष्ट्रिय खेलकुद परिषद्का सदस्य–सचिव टंकलाल घिसिङले मैदानको स्थलगत निरीक्षण गरेका थिए । सोही क्रममा सदस्य–सचिव घिसिङले तत्काल मर्मत कार्य सुरु गर्न ग्राउन्ड स्टाफलाई निर्देशन दिएका थिए । ‘पहिले मैदानको खेल हुने भागलाई प्राथमिकता दिएर मर्मत कार्य सुरु गर्नु होला ।’ सदस्य–सचिव घिसिङले भने– ‘त्यसपछि अन्य भागको काम थाल्नुस् ।’ निरीरक्षणका दौरान च्यासल युथ क्लबका अध्यक्ष रमेश ब्यञ्जन्कारले क्षतिको विवरण बारे सदस्य–सचिव घिसिङलाई अवगत गराएका थिए ।&nbsp;

च्यासल फुटबल मैदानको मर्मत सुरु

काठमाडौं। एएफसी महिला यु-१७ एसियन कप छनोट अन्तर्गत नेपालले शुक्रबार घरेलु टोली थाइल्यान्डसँग प्रतिस्पर्धा गर्दैछ।&nbsp; चोनबुरी रंगशालामा हुने यो खेल नेपाली समयअनुसार ५ः१५ बजे हुनेछ। बुधबार नेपालले आफ्नो पहिलो खेलमा तुर्किमिनिस्तानसँग बराबरी खेलेको थियो। हिलाम्मे मैदानमा नेपालले आधा दर्जनभन्दा बढी अवसर सृजना गरेपनि निर्णायक गोल गर्न चुक्यो।एसियन कपका पछिल्ला ९ वटै संस्करणमा छनोट भएको थाइल्यान्डलाई हराए नेपालले ऐतिहासिक सफलता हासिल गर्नेछ।&nbsp; पहिलो खेलमा तुर्किमिनिस्तानको पोस्टमा १७ गोल गरेको थाइल्यान्डलाई बराबरीको नतिजा फाइनल प्रतियोगिताको ढोका खोल्न पर्याप्त हुनेछ। नेपाललाई भने जित्नै पर्ने दबाब रहेको छ समूहको शीर्ष स्थानमा रहने टोलीले अर्को वर्ष चीनमा हुने एसियन कपमा स्थान बनाउने छ।

नेपालले थाइल्यान्डको सामना गर्दै

एसिया र इस्ट एसिया प्यासिफिकको ट्वान्टी ट्वान्टी विश्वकप छनोटको सुपर–सिक्समा नेपाल अहिलेसम्मकै सबैभन्दा बलियो टिम हो भने समाओ सबैभन्दा कमजोर । नेपाल चार खेलबाट आठ अंकसहित शीर्ष स्थानमा छ । नेपाल अहिलेसम्म अपराजित पनि छ । &nbsp;त्यति मात्र होइन्, नेपाल अबको विश्वकपका लागि छनोट पनि भइसकको छ । अर्कोतर्फ प्रतियोगितामा चुनौती समाप्त भइसकेको समाओ चार खेलबाट शून्य अंक छ । यिनै दुई टिम नेपाल र समाओबीचको खेलसँगै आज शुक्रबार छनोट प्रतियोगिता सकिंदैछ । नेपालसामु समाओलाई हराएर छनोटको च्याम्पियन हुने अवसर छ । आज दुई खेल छन् । पहिलो खेलमा ओमान र जापान भिड्ने छन् । नेपालसँगै ओमान र यूएई विश्वकपका लागि छनोट भइसकेका छन् । समाओविरुद्धको खेलमा नेपालको एउटै उद्देश्य हुनेछ, जितसँगै प्रतियोगिताको सुखद अन्त्य गर्ने ।

च्याम्पियन हुन् नेपाल समाओविरुद्ध खेल्दै

यूएई ट्वान्टी ट्वान्टी विश्वकप २०२६ का लागि बिहीबार छनोट भएको छ । एसिया र इस्ट एसिया प्यासिफिको छनोटको सुपर सिक्समा जापानलाई आठ विकेटले पराजित गरेपछि यूएईले यो उपलब्धी चुमेको हो । ओमानमा भएको खेलमा जापानले पहिले ब्याटिङ गर्दै नौ विकेटमा १ सय १६ रन बनाएको थियो । जवाफमा यूएईले १२.१ ओभरमा दुई विकेट मात्र गुमाएर १ सय १८ रन बनाएको थियो । यो जितपछि यूएईको छ अंक भएको छ र दोस्रो स्थानमा उक्लेको छ । अहिलेसम्म अपराजित नेपाल आठ अंकमा शीर्षमा छ । छ अंकमै रहेको ओमान तेस्रो स्थानमा झरेको छ । यससँगै विश्वकप खेल्ने सबै २० टिमको निश्चित भएको छ । त्यसमा भारत र श्रीलंका आयोजक देशका रूपमा छनोट भएका छन् । यी दुई आयोजक देश बाहेक पछिल्लो विश्वकपमा शीर्ष सातमा रहेका टिमले पनि प्रतियोगितामा स्वतः प्रवेश पाएका छन् । ती हुन्, अफगानिस्तान, अस्ट्रेलिया, बंगलादेश, इंग्ल्यान्ड, दक्षिण अफ्रिका, अमेरिका र वेस्ट इन्डिज । आईसीसी वरीयतामा अगाडि रहेका आयरल्यान्ड, न्युजिल्यान्ड र पाकिस्तानले पनि अबको विश्वकप खेल्नेछन् । त्यस बाहेक अमेरिकाबाट क्यानाडा तथा युरोपबाट इटाली र नेदरल्यान्ड्स छनोट भए । यस्तै अफ्रिकाबाट नामिबिया र जिम्बावे छनोट भएका छन् ।

यूएई बन्यो छनोट हुने २० औं टिम

पोखरा- पछिल्लो समय नेपालमा मुवाथाईको लोकप्रियता बढ्दो छ । पोखरामा त मुवाथाईको अन्तर्राष्ट्रिय स्तरको इभेन्टनै हुने गरेको छ । साक यान्त मुवाथाईले पोखरामा अन्तराष्ट्रिय स्तरको ‘द कन्टेन्डर फाइट सिरिज’ को आयोजना गर्दै आइरहेको छ ।&nbsp; सोही आयोजकले अब भने मुवाथाई सँगै पछिल्लो समयमा चर्चामा आउन थालेको एमएमए (मिक्स मार्सल आट्र्स) को समेत आयोजना गर्ने भएको छ । जुन गण्डकी प्रदेशमा नयाँ अनुभव र केजमा हुनेछ ।&nbsp; तेस्रो संस्करणको सिरिज आगामी पुसको १०, ११ र १२ मा हुँदैछ । पहिलो र दोस्रो संस्करणको सफलतापछि तेस्रो संस्करणको आयोजना मिति तोकिएसँगै गण्डकी प्रदेशमै पहिलो पटक केज फाइट हुने भएको छ । पर्यटकीय राजधानी पोखरामा मार्सलआर्टका समर्थक र पर्यटकलाई थप आकर्षकको रुपमा केज फाइट हुने विश्वास लिइएको छ ।&nbsp; प्रतियोगिता संयोजक खगेन्द्र क्षेत्रीका अनुसार एमएमए फाइटमा नयाँपन दिनका लागि तेस्रो संस्करण केजमा गराउने तयारी भएको हो । ‘फाइट नाइट आफैमा रोमाञ्चक खेल हो । पोखरा पर्यटकीय राजधानी भएकाले हामीले पर्यटन प्रबद्र्धनका लागि नै केज फाइट गर्न लागेका छौं’ उनले भने, ‘सम्भवत यो गण्डकी प्रदेशकै पहिलो केज फाइट हुनेछ । हामीले विदेशमा केज फाइट भएको टिभि वा अहिले सोसल मिडियामा हेरिरहेका छौं तर, अब त्यो पोखरामै हेर्न पाइने छ ।’&nbsp; आगामी पुषको दोस्रो साता लेकसाइडमा हुने प्रतियोगितामा अहिले सम्म विभिन्न राष्ट्रका फाइटरले सहभागिता जनाइ सकेका छन् । नेपालसहित हालसम्म स्पेन, पाकिस्तान, भारत, श्रीलंका लगायतका राष्ट्रको सहभागिता रहेको छ ।&nbsp; विश्वभर व्यावसायिक मार्शल आट्र्सका उत्कृष्ट स्वरूपमध्ये एक मानिने एमएमए (मिक्स मार्शल आट्र्स) यसपटक पोखरामै प्रत्यक्ष हेर्न पाउने क्षेत्रले बताए । प्रतियोगितामा प्रवेश निशुल्क गरिएको उनले जानकारी दिए । &nbsp;

पोखरामा गण्डकी प्रदेशकै पहिलो केज फाइट हुदै

नेपालगन्ज । नेपालगन्ज स्वीमिङ क्लब बाँकेले राष्ट्रिय पौडी प्रतियोगिता गर्ने भएको छ ।&nbsp; क्लबले आगामी कार्तिक १४ र १५ गते दोस्रो नेपालगन्ज नेशनल स्वीमिङ च्याम्पिनसीप २०२५ आयोजना गर्न लागेको हो । नेपालगन्ज रंगशाला परिसरको पौडी पोखरीमा आयोजना हुने प्रतियोगिताबारे क्लबले बुधबार नेपालगन्जमा आयोजना गरेको पत्रकार सम्मेलनमा अध्यक्ष केशवराज न्यौपानेले देशभरीका २०० बढी खेलाडीको सहभागिता रहने जानकारी दिए । &nbsp; विद्यालय लक्षित प्रतियोगितामा ८, १०, १२, १४ र १७ उमेर समूहका अतिरिक्त खुला उमेर समूहबीच प्रतिस्पर्धा हुनेछ अध्यक्ष न्यौपानेले बताए । कुनै संघसंस्था वा क्लबले पनि संस्थागत रुपमा प्रतियोगितामा सहभागिता जनाउन पाउने व्यवस्था गरिएको छ ।&nbsp; अन्डर ८ उमेर समूहका खेलाडीहरुले २५ मिटर, अन्डर १० उमेर समूहलाई ५० मिटर, अन्डर १२ र १४ उमेर समूहका खेलाडीबीच ५० र १०० मिटर र खुल्ला उमेर समूहमा २०० र ४०० मिटर दुरीका विभिन्न विभिन्न ५६ वटा इभेन्टमा हुने छन् ।&nbsp; बाँके बाहेक अन्य जिल्लाबाट सहभागी हुन आउने खेलाडीलाई खेल अवधि भर निःशुल्क खाजा, खाना र बसोबासको ब्यवस्था मिलाएको क्लबका बरिष्ठ उपाध्यक्ष सूर्यमणि अधिकारीले जानकारी दिए ।  नेपाल पौडी संघले केन्द्रीय वार्षिक क्यालेण्डर अनुसार आयोजना गरिएकाले प्रतियोगिताको राष्ट्रिय रेकर्डको पनि मान्यता मिल्ने र उत्कृष्ट पुुरुष र महिलालाई पुरस्कृत गरिने पौडी प्रशिक्षक चन्दुराम चौधरीले बताए ।&nbsp;

राष्ट्रिय पौडी प्रतियोगिता नेपालगन्जमा हुँदै

काठमाडौ । &nbsp;कर्णाली याक्स स्पोर्ट्स प्रा.लि. र नेबिको लिमिटेडबीच सह प्रायोजनका लागि सम्झौता भएको छ ।&nbsp; बिहीबार याक एण्ड यति होटलमा आयोजित कार्यक्रममा कर्णाली याक्सका निर्देशक गृहेन्द्र घिमिरे र नेबिकोका अशोक पोखरेल सम्झौता पत्रमा हस्ताक्षर गरे ।&nbsp; सम्झौता कार्यक्रमा नेबिकोका सिइओ होम न्यौपाने र मार्केटिङ हेड अरुन पौडेल तथा कर्णाली याक्सका कन्सल्ट्यान्ट प्रशिक्षकमा राजु बस्नेत उपस्थित थिए ।&nbsp; कर्णालीका निर्देशक घिमिरेले देशको विषम परिस्थितिमा क्रिकेटले नेपालीलाई जोड्ने काम गरिरहेको बताउदै एनपीएल हुन लागेकाेमा खुसी व्यक्त गरे । यस्तै घिमिरेले नबिकोसँगको सहकार्यले टोलीको हौसला बढेको बताए ।&nbsp; नेबिकोका सिइओ न्यौपानेले नेपाली क्रिकेटको भविस्य उज्वल रहेको र कर्णालीमार्फत एनपीएलसँग जोडिन पाउँदा हर्षित भएको प्रतिक्रिया दिए । उनले उत्पादनमा ६ दशक पूरा गरेको बताउदै यो सहकार्यले व्यवसायीक यात्रा सहयोग पुर्याउने विश्वास व्यक्त गरे ।&nbsp; सम्झौता नेपाल प्रिमियर लिग (एनपिएल) को दोस्रो संस्करणको लागि भएको हो । नेबिकोले सन् १९६४ देखि नेपाली बजारमा बिस्कुट, कुकिजजस्ता खाद्यन्न उत्पादन गरिरहेको छ । नेबिको गुल्कोज, कोकोनट &nbsp;बिस्कुट लगातयका उत्पादन चर्चित छन् ।&nbsp; २०८१ मंसिर १५ गतेदेखि पुस ६ गते सम्म भएको पहिलो संस्करणमा कर्णाली याक्सले दोस्रो क्वालिफायरसम्मको यात्रा तय गरेको थियो । दोस्रो संस्करणमा पनि कर्णालीले ज्ञानेन्द्र मल्ललाई नै प्रशिक्षकमा निरन्तरता दिएको छ । टोलीको &nbsp;कन्सल्ट्यान्ट प्रशिक्षकमा राजु बस्नेत छन् ।&nbsp; &nbsp;यस्तै, कर्णालीले मार्की सोमपाल कामीसँगै गुल्सन झा, नन्दन यादव, विपिनप्रसाद शर्मा, दीपेन्द्र रावत, अर्जुन घर्ती र युनिससिंह ठकुरीलाई रिटेन गरेको छ । एनपिएलको दोस्रो संस्करण आगामी मंसिर १ देखि २७ सम्म हुँदैछ ।

कर्णाली  याक्स र नेबिकोबीच साझेदारी

नेपालले ट्वान्टी ट्वान्टी विश्वकप एसिया एन्ड इस्ट एसिया प्यासिफि छनोटको अन्तिम सुपर सिक्स खेलमा शुक्रबार समाओको सामना गर्नेछ । त्यस पनि जित निकाल्न सके नेपालले छनोटको उपाधि जित्नेछ । नेपाल अहिलेसम्म अपराजित छ र सुपर सिक्समा सबैभन्दा कमजोर रहेको समाओविरुद्ध जित अपेक्षित मानिएको छ । नेपाल यसअघि नै विश्वकपका लागि भने छनोट भइसकेको छ । सुपर सिक्सको आफ्नो अन्तिम दोस्रो खेलमा नेपालले बुधबार राति ओमानलाई ३८ रनले हरायो । नेपालले पहिले ब्याटिङ गर्दै नौ विकेटमा १ सय ५१ रन बनायो । जवाफमा ओमानले नौ विकेट नै गुमाएर १ सय १३ रन मात्र बनाउन सकेको थियो । ओमान पनि अबको विश्वकपका लागि छनोट भइसकेको छ । &nbsp; नेपाल सुपर सिक्सको लिग तालिकामा आठ अंकसहित शीर्ष स्थानमा छ भने ओमान छ अंकमा दोस्रो स्थानमा छ । विश्वकपमा छनोट हुने तेस्रो टिमको भने निर्णय हुन बाँकी छ । अहिलेका लागि यूएई छ अंकमा तेसे स्थानमा छ । उसको पछाडि जापान र कतारको समान दुई अंक छ । समाओ भने शून्य अंकमा रहेको छ ।

अब नेपालको लक्ष्य उपाधि जित्ने

नेपाल बुधबार मैदानमै नओर्लिदै भारत र श्रीलंकामा हुने ट्वान्टी ट्वान्टी विश्वकप २०२६ मा छनोट भएको छ । आईसीसी मेन्स ट्वान्टी ट्वान्टी वर्ल्डकप एसिया र इस्ट एसिया प्यासिफिक क्वालिफायरको सुपर–सिक्सको खेलमा यूएईले समोआलाई ७७ रनले पराजित गरेपछि नेपालको छनोट औपचारिकता पूरा भएको हो । नेपालसँगै ओमान पनि अबको विश्वकपका लागि छनोट भएको छ । बुधबारकै अन्तिम खेलमा नेपाल र ओमान भिड्दै छन् । ओमानमा चलिरहेको प्रतियोगिताको अब लिग चरणका बाँकी खेलको नतिजा जस्तै भए पनि नेपाल र ओमानको सुपर–सिक्समा शीर्ष तीनको स्थान निश्चित भएको छ। शीर्ष तीन टिम नै विश्वकप प्रवेश गर्नर्छेन् । ओमान र नेपाल दुवै अहिलेसम्म अपराजित रहेको छ र दुवैको समान छ अंक छ । नेट रन रेटमा ओमान अगाडि छ । अब विश्वकप खेल्ने तेस्रो टिमको मात्र निर्णय हुन बाँकी छ । नेपाल ट्वान्टी ट्वान्टी विश्वकपमा छनोट भएको यो तेस्रो पल्ट हो । यूएई चार अंकमा अहिलेको लागि तेस्रो स्थानमा उक्लेको छ । अल इमिराट क्रिकेट ग्राउन्डमा पहिले ब्याटिङ गरेको यूएईले चार ओभरमा २ सय २५ रनको स्कोर खडा गरेको थियो । जवाफमा समोआले आठ विकेट गुमाएर एक सय ४८ रन मात्र बनाउन सक्यो ।

यूएई जितेसँगै नेपाल विश्वकपमा

काठमाडौं। नेपालको एएफसी महिला यु–१७ एसियन कपमा नेपाल आफ्नो पहिलो खेलमै बराबरीमा रोकिएको छ। थाइल्यान्डको चोनबुरी स्टेडियममा बुधबार सम्पन्न समूह ‘एफ’ को पहिलो खेलमा तुर्केमेनिस्तानसँग गोलरहित बराबरी खेलेको हो। योसँगै दुवै टोलीले एक अंक जोडेका छन्। घरेलु टोली थाइल्यान्डको भने एक खेलबाट तीन अंक छ। समूह चरणको अन्तिम खेलमा नेपालले शुक्रबार थाइल्यान्डलाई चुनौती प्रस्तुत गर्नेछ। पहिलो खेलमा तुर्केमेनिस्तानलाई १७–० ले पराजित गरिसकेको कारण अन्तिम खेलमा नेपालसँग बराबरी भए वा १७ गोलभन्दा कमले पराजित भए पनि थाइल्यान्ड एसियन कपमा पुग्नेछ।

नेपाल र तुर्केमिनिस्तानले अंक बाँडे

इंग्ल्यान्ड विश्वकप २०२६ मा छनोट हुने पहिलो युरोपेली देश भएको छ । यो उपलब्धी चुम्न उसले मंगलबार रिगामा भएको खेलमा लात्भियामाथि सजिलो ५–० को जित हात पार्‍यो ।&nbsp; त्यसमा एकपल्ट फेरि ह्यारी केन नायक रहे । उनले दुई गोल गरे र त्यसमध्ये दोस्रो गोल पेनाल्टीबाट भएको थियो । यस्तै एन्टोनी गोर्डेन र इबेरेची इजीले पनि एक एक गोल गरे । अर्को एक गोल भने आत्मघाती रह्यो । यो जितपछि इंग्ल्यान्ड युरोपेली छनोटको समूह ‘के’ को शीर्षमा रहने निश्चित भएको छ । उसले छनोटमा दुई खेल बाँकी छँदै विश्वकपको अन्तिम चरणमा प्रवेश गर्न सफल भएको हो ।&nbsp;

इंग्ल्यान्डले काट्यो विश्वकपको टिकट

नेपालले मंगलबार एसियाकप छनोटको तेस्रो चरणमा लगातार चौथो हार बेहोरेको छ । नेपाल हो चि मिनको थोङ न्हाट स्टेडियममा भएको खेलमा भियतनामको हातबाट १–० ले पराजित रह्यो । चार खेलबाट शून्य अंकसहित नेपाल समूह ‘एफ’ को चार टिममध्ये पुछारमा छ । खेलको एक मात्र गोल भने आत्मघाती रह्यो र यो सुमन श्रेष्ठको नाममाा रह्यो । उनले खेलको पाँचौं मिनेटमा बललाई आफ्नै पोस्ट दिशा दिएका हुन् । यो हारले छनोटमा नेपालको चुनौती समाप्त भएको छ । यसअघि नेपाल भियतनामविरुद्ध पछिल्लो साता भएको खेलमा ३–१ ले पराजित भएको थियो । दशरथ रंगशाला फिफा र एएफसीका खेलका लागि अयोग्य भएपछि नेपालले आफ्नो घरमा खेल्नु पर्ने खेल भियतनाममा खेलेको हो । यही समूहको अर्को खेलमा मलेसियाले लाओसलाई ५–१ ले हरायो । मलेसियाको भने यो लगातार चौथो जित हो र टिम १२ अंकसहित समूहको शीर्ष स्थानमा छ । त्यसपछि भियतनाम नौ अंकमा दोस्रो स्थानमा छ । लाओस तीन अंकमा तेस्रो स्थानमा रहेको छ ।

नेपालको लगातार चौथो हार

भारतले वेस्ट इन्डिजविरुद्धको दोस्रो तथा अन्तिम टेस्ट मंगलबार सात विकेटले जितेको छ । यस जितसँगै दुई टेस्टको सिरिज २–० ले जितेर भारतले क्लिन स्विप पनि गरेको छ । नयाँ दिल्लीको अरुण जेट्ली स्टेडियममा भारतले जितका लागि १ सय २१ रनको लक्ष्य पाएको थियो । त्यसलाई पाँचौ दिन विहानको सत्रमा थप एक विकेट गुमाएर हात पारेको थियो । खेल समाप्त हुँदा भारत तीन विकेट गुमाएर १ सय २४ रनको स्थितिमा रह्यो र त्यसमा ओपनर केएल राहुल ५८ रन बनाएर नटआउट रहे । आउट हुने एक मात्र ब्याटर साइ सुदर्शनले ३९ रन बनाए । भारतले पहिलो इनिङ्समा आठ विकेट गुमाएर ५ सय १८ रन बनाएपछि वेस्ट इन्डिजले जवाफमा २ सय ४८ रन बनाएको थियो । त्यसपछि फलो–अनमा परेको पाहुना टिमले र ३ सय ९० रन बनाएर भारतलाई जितका लागि ब्याटिङमा ओर्लिन बाध्य पारेको थियो ।

वेस्ट इन्डिजमाथि भारतको क्लिन स्विप

काठमाडौं । नेपाल कबड्डी लिग (एनकेएल) मा खेलाडीको आकर्षण अत्याधिक बढेको छ । सिजन २ को ड्राफ्टका लागि ५ सय १२ जना नेपाली खेलाडी दर्ता भएको एनकेएल आयोजक एस्ट्रोनिक्स म्यानेजमेन्टले विहीबार जनाएको छ । एस्ट्रोनिक्स म्यानेजमेन्टका प्रमुख अमितकुमार बेगानीले सोमबार बताए, ‘पहिलो सिजनको ड्राफ्टमा २ सय ७८ जना नेपाली खेलाडी एनकेएलमा दर्ता भएका थिए । दोस्रो सिजनको लागि खोलिएको आवेदनबाट ५ सय १२ स्वदेशी खेलाडी दर्ता भएका छन् । त्यसैले हामीले एनकेएलको क्रेज र खेलाडीको आकर्षण अत्याधिक बृद्धि भएको पाएका छौं ।’ एनकेएल सिजन २ को लागि दर्ता भएका खेलाडीमा बागमती प्रदेशबाट सर्बाधिक १ सय ५५ खेलाडी छन् । त्यस्तै, सुदूरपश्चिमका १ सय ३, लुम्बिनीका ९८, मधेश प्रदेशका ७०, कोशीका ३५, कर्णालीका २७ र गण्डकीका २४ जना छन् । गत वर्ष भएको पहिलो संस्करणमा ६ सहरका ६ टिमले एनकेएलमा प्रतिस्पर्धा गर्न ड्राफ्टमार्फत् ८४ खेलाडी लिएका थिए, जसमा नेपाली खेलाडीको संख्या ६६ थियो । ‘बिदेशी खेलाडीको आकर्षण पनि अत्याधिक बढेको छ । धेरै देशका खेलाडीले एनकेएल खेल्न चाहेका छन् । हामी दोस्रो सिजनको ड्राफ्टलाई ४०–५० जना बिदेशी खेलाडी लिनेछौं । उनीहरू पक्कैपनि माथिल्लो स्तरका हुनेछन्,’ बेगानीले बताए । पहिलो सिजन थाइल्यान्ड, बंगलादेश, श्रीलंका र केन्या गरी चार देशका १८ खेलाडीले एनकेएलमा आएका थिए । नेपाली कबड्डी इतिहासमै फ्रेन्चाइज टोलीको ऐतिहासिक प्रतियोगिताको रुपमा एनकेएलको सिजन १ १७–३१ जनवरी, २०२५ मा भव्यताकासाथ सम्पन्न भएको थियो । प्रेन्चाइजको आधारमा विराटनगर ब्यान्डिट्स, जनकपुर नाइट्स, काठमाडौं माभरिक्स, पोखरा लेकर्स, बुटवलको हिमालयन रेइडर्स र धनगढी वाइल्डक्याट्स गरी ६ सहरका ६ टिमले प्रतिस्पर्धा गरेका थिए । राष्ट्रिय खेलकुद परिषदको त्रिपुरेश्वरस्थित कभर्डहलमा आयोजित रोमान्चक फाइनलमा काठमाडौंलाई ४३–४१ ले पराजित गर्दै जनकपुर एनकेएल च्याम्पियन भएको थियो । पहिलो सिजनका दुई कप्तान काठमाडौंका घनश्याम मगर र हिमालयन रेइडर्सका गणेश पार्की अहिले भारतको प्रो कबड्डी लिग (पीकेएल) सिजन १२ खेल्न व्यस्त छन् । सिजन २ को ड्राफ्ट र प्रतियोगिताको मिति चाँडै सार्वजनिक गर्ने बताइएको छ ।

नेपाल कबड्डी लिगको बढ्दो आकर्षण सिजन २ को लागि ५१२ नेपाली खेलाडी दर्ता

नेपालले एसियाकप छनोट तेस्रो चरणमा मंगलबार भियतनामको सामना गर्दैछ । खेल हो चि मिन सहरमा हुँदैछ, भलै यो प्राविधिक रूपमा नेपालको घरको खेल हो । दशरथ रंगशाला फिफा र एएफसीका खेलका लागि अयोग्य भएपछि नेपालले भियतनामविरुद्ध उसकै घरमा खेल्न बाध्य भएको हो ।&nbsp; यसको अर्थ के भने रोहित चन्दले आफ्नो खेल जीवनको सयौं खेल स्वदेशमा खेल्न पाउने छैनन् । यो खेल रोहितका लागि नेपाली राष्ट्रिय टिमबाट खेलेको सयौं खेल हुनेछ । उनी नेपालका लागि सयौं खेल खेल्ने दोस्रो खेलाडी मात्र हुनेछन् । यसअघि किरण लिम्बूले यस्तै उपलब्धी चुमेका थिए ।&nbsp; नेपालको छनोटमा स्थिति भने राम्रो छैन् । नेपाल तीन खेलबाट शून्य अंकमा सबैभन्दा पुछारमा छ । नेपाल आफ्ना सबै तीनै खेलमा पराजित रहेको छ । यसको ठीक विपरित मलेसिया सबै तीन खेल जितेर नौ अंकमा शीर्षमा छ । त्यसपछि भियतनामको छ र लाओसको तीन अंक रहेको छ ।&nbsp;

रोहितको सयौं खेलमा नेपाल भियतनामसँग भिड्दै

केप भार्डे फुटबलको विश्वकपमा छनोट हुने दोस्रो सबैभन्दा सानो देश भएको छ । उसले सन् २०२६ को अफ्रिकी विश्वकप छनोटको समूह ‘डी’ बाट यो उपलब्धी चुमेको हो । यसका लागि केप भार्डेले इस्वाटिनीलाई सोमबार ३–० ले हरायो । शक्तिशाली क्यामरुन सम्मिलित समूहबाट केप भार्डेले अविश्वनीय प्रदर्शन गर्दै विश्वकपमा पुगेको हो । अटलान्टिक महासागरमा अवस्थित केप भार्डे १० टापुर मिलेर बनेको देश हो र यसको जनसंख्या पाँच लाख भन्दा केही बढी मात्र रहेको छ । यसले सन् १९७५ पोर्चुगलबाट स्वतन्त्रता प्राप्त गरेको थियो । सन् २०१८ को विश्वकप खेलेको आइसल्यान्ड नै अहिलेसम्म यो प्रतियोगिता खेल्न सबैभन्दा सानो देश रहेको छ ।

Nepalsports

फरेस्टमाथि चेल्सीको सजिलो जित

📰 Recent News

Nepalsports