काठमाडौँ। नेपाल प्रिमियर लिग (एनपिएल) मा आज दुई रोचक खेलहरू हुँदैछन्। पहिलो खेल कर्णाली याक्स र लुम्बिनी लायन्स बीच बिहान ११:१५ बजे त्रिवि रंगशालामा हुनेछ। पहिलो खेलमा जित निकालिसकेको लुम्बिनी आज पनि उत्कृष्ट लय कायम राख्न चाहन्छ। कप्तान रोहित कुमार पौडेलकाे नेतृत्वमा रहेको लुम्बिनीमा राष्ट्रिय टोलीका सन्दीप जोरा र विवेक यादव रहेका छन् भने विदेशीतर्फ थोमस ड्राका, डार्सी सर्ट, गुलबदीन नाइब, जेजे स्मिथ र रुबेन ट्रम्पलम्यान जस्ता स्टार खेलाडीले टोलीलाई मजबुत बनाएका छन्। त्यसैबेला पहिलो खेलमा हार व्यहोरेको कर्णाली याक्स आज पुनरागमनका उद्देश्यले मैदान उत्रँदैछ। कप्तान सोमपाल कामी नेतृत्वमा रहेको कर्णालीमा गुलशन झा, नन्दन यादव, पवन सराफ जस्ता राष्ट्रिय खेलाडी छन्। विदेशीतर्फ जयकिशन कोलसावाला, म्याक्स ओ’डाउड, प्रियांक पञ्चाल, मार्क वाट र नाजिबउल्लाह जद्रान समावेश छन्। दोस्रो खेल आज दिउँसो ३:३० बजे सुरु हुनेछ जहाँ काठमाडौँ गोर्खाज र विराटनगर किंग्स आमनेसामने छन्। जारी एनपीएलमा दुई खेलबाट एक जित हात पारेको काठमाडौँ गोर्खाज आज अंक तालिकामा अघि बढ्ने लक्ष्यमा छ। कप्तान करण केसीसहित टोलीमा भीम सार्की, शाहब अलाम, रशिद खान, मोहमद आदील आलम जस्ता राष्ट्रिय खेलाडी छन्। विदेशी अनुहारमा मार्वे इरासमस, जोन एन्ड्र्यु सिम्पसन र मिलिन्द कुमार छन्। पहिलो खेलमै उत्कृष्ट प्रदर्शन गर्दै जित निकालिसकेको विराटनगर किंग्स आज पनि मजबुत प्रतिद्वन्द्वीका रूपमा देखिँदैछ। कप्तान सन्दीप लामिछानेको नेतृत्वमा रहेको टोलीमा लोकेश बम र प्रतिश जिसी जस्ता घरेलु खेलाडी छन् भने विदेशी शक्ति निकै बलियो छ। जर्ज मुन्सी, मार्टिन गप्टिल, शुभम रंजने, मर्चेन्ट डी लंगे, फाफ डु प्लेसिस र साम्युएल डाली–हीजलेट।

एनपिएलमा आज दुई रोमाञ्चक भिडन्त

ह्युगो डुरोले दोस्रो हाफमा गरेको निर्णायक गोलको मदतले भ्यालेन्सियाले स्पेनी ला लिगामा शुक्रबार राति लेभान्टेलाई १–० ले पराजित गरेको छ । मेस्टाला रंगशालामा भएको खेलमा डुरोले ७९ औं मिनेटमा गोल गरे । खराव प्रदर्शनबाट गुज्रिरहेको भ्यालेन्सियाका लागि यो जित ठूलो राहतपूर्ण रहेको छ । भ्यालेन्सियाको १३ खेलबाट १३ अंक भएको छ र १५ औं स्थानमा छ । लेभान्टे भने नौ अंकमा १९ औं स्थानमा रहेको छ ।

डुरोको निर्णायक गोलमा भ्यालेन्सिया विजयी

मेसन ग्रिनउडको दुई गोलको मदतले मार्सेले फ्रान्सेली लिग वानमा शुक्रबार राति निसलाई&nbsp;५–१&nbsp;ले पराजित गरेको छ । यससँगै मार्से अंक तालिकाको शीर्षमा उक्लेको छ ।&nbsp; यो जितपछि उसको १३ खेलबाट २८ अंक भएको छ र यो अग्रता दुई दिनका लागि मात्र हुन सक्नेछ । पेरिस सेन्ट जर्मेन (पीएसजी) को १२ खेलबाट २७ अंक छ र दोस्रोमा छ ।&nbsp; पीएसजीले आइतबार ले हार्भेको सामना गर्दैछ र त्यसमा जितेर फेरि शीर्ष स्थानमा फर्कन सक्नेछ ।&nbsp; एलिनाज रिभिएरामा भएको खेलमा मार्सेका लागि पिएरे एमरिक अबामेयोङ, टिमोथी वेह र इगो पाइसोले एक एक गोल गरे । निस भने १३ खेलबाट १७ अंकमा नवौं स्थानमा रहेको छ ।&nbsp;

पीएसजीलाई उछिनेर मार्से शीर्षमा

काठमाडौं । पोखरा एभेन्जर्सलाई हराउँदै सुदूरपश्चिम रोयल्स दोस्रो संस्करणको नेपाल प्रिमियर लिग(एनपिएल) को अंक तालिकामा शीर्ष स्थानमा उक्लिएको छ ।&nbsp; टियु अन्तर्राष्ट्रिय क्रिकेट स्टेडियम कीर्तिपुरमा भएको खेलमा सुदूरपश्चिमले दोस्रो खेलमा अपराजित यात्रा कायम राख्ने क्रममा पोखरा एभेन्जर्सलाई १८ रनले पराजित गरेको हो । सुदूरपश्चिमले दिएको १ सय ९४ रनको लक्ष्य पछ्याएको पोखराले निर्धारित २० ओभरमा ८ विकेट गुमाएर १ सय ७५ रन मात्र बनाउँन सक्यो ।&nbsp; पोखराका लागि कप्तान कुशल भुर्तेलले ३२ बलमा ४ चौका र ४ छक्काको सहयोगमा ५३ रनको अर्धशतकीय इनिङ खेले । कुशलले अघिल्लो खेलमा समेत अर्धशतक बनाएका थिए । जिम्मी निशमले २५ बलमा २ चौका र ५ छक्काको सहयोगमा ४७ रन जोडे ।&nbsp; डान ड्वाउथवेट १६ बलमा १ चौका र ५ छक्काको सहयोगमा ३७ रनमा आउट हुनुको अलावा पोखराका अन्य ब्याटरले दोहोरो अंकमा समेत रन बनाउँन सकेनन् । किरण ठगुन्ना ९, दिनेश खरेल र सुमित बर्मा समान ६ तथा एडम रोसिङ्टन १ रनमा आउट भए । सुदूरपश्चिमका लागि हर्मित सिंहले २ तथा हेमन्त धामी, स्कट कुगेलेन, अभिनाश बोहोरा, कप्तान दिपेन्द्र तथा नरेन साउदले समान १ विकेट लिए ।&nbsp; त्यसअघि पोखराले टस जितेर बलिङ रोजेपछि सुदूरपश्चिमले पहिले ब्याटिङ गरेको थियो । सुदूरपश्चिमले निर्धारित २० ओभरमा ७ विकेट गुमाएर १ सय ९३ रनको योगफल तयार गरेको थियो । सुदूरपश्चिमका लागि ओपनर ब्राउनले ३५ बलमा ६ चौका र ५ छक्काको सहयोगमा ६८ रनमा आउट भए । पहिलो खेलमा रनको खाता नखोल्दै आउट भएका ब्राउनले २९ बलमा आफ्नो अर्धशतक पूरा गरे । सुदूरपश्चिमका अर्का विदेशी खेलाडी अस्ट्रेलियाका विस्फोटक ब्याटर क्रिस लिन १३ बलमा ४ चौका र २ छक्काको सहयोगमा ३१ रन बनाउँदै आउट भए ।&nbsp; अघिल्लो खेलमा शुन्य रनमा नै आउट भएका ओपनर विनोद भण्डारी ४२ बलमा ६ चौकाको सहयोगमा ४३ रन जोड्दै आउट भए । सुदूरपश्चिमका कप्तान दीपेन्द्रसिंह ऐरी १० बलमा १ चौका र १ छक्काको सहयोगमा १५ रनमा आउट भए । अघिल्लो खेलमा सुदूरपश्चिमका लागि विष्फोटक ब्याटिङ गरेका हर्मित सिंह ६ बलमा ४ रनमा आउट भए । स्कट कुगेलेन ८ रनमा आउट हुँदा इशान पाण्डे ६ रनमा नट आउट रहे । सुरुवात राम्रो गरेको सुदूरपश्चिमले पछिल्लो क्रममा भने राम्रो गर्न सकेन । उसले पछिल्लो ५ ओभरमा मात्र ३३ रन बनाउँन सफल भयो ।&nbsp; पोखराका लागि जिम्मी निशमले ३ तथा डान डाउथवेट र आकाश चन्दले समान २ विकेट लिए । लगातार दुई खेल जितेको सुदूरपश्चिम ४ अंकका साथ शीर्ष स्थानमा उक्लिएको छ । सुदूरपश्चिमले पहिलो खेलमा काठमाण्डु गोर्खाजलाई हराएको थियो । लगातार २ खेलमा पराजित पोखरा अंक बिहिन रहँदै तालिकाको पुछारमा छ । पहिलो खेलमा पोखरा विराटनगर किंग्ससँग पराजित भएको थियो ।&nbsp; मंसिर २७ सम्म चल्ने दोस्रो संस्करणको लिगमा ८ टोलीको सहभागीता रहेको छ ।

पोखरालाई हराउँदै सुदूरपश्चिम शीर्ष स्थानमा

काठमाडौँ। दोस्रो संस्करणको नेपाल प्रिमियर लिग अन्तर्गत पहिलो जितको खोजिमा रहेको पोखरा एभेन्जर्सले सुदूरपश्चिम रोयल्सबाट जितको लागि १९४ रनको लक्ष्य पाएको छ। त्रिवि क्रिकेट रंगशालामा टस हारेर पहिले ब्याटिङ गरेको सुदूरले निर्धारित २० ओभरमा ७ विकेट गुमाएर १९३ रन बनायो। सुदूरपश्चिमका लागि जोस ब्राउन ३५ बलमा ६८ रन बनाए। ब्राउनले ६ चौका र ५ छक्का प्रहार गर्दै आउट भए। उनलाई जिमी निसमले किरण ठगुन्नाको हातबाट क्याच गराए।&nbsp; यस्तै, क्रिस लिनले १३ बलमा ३१ रन बनाए। उनले पाँच चौका प्रहार गरे। उनलाई अभिषेक तिवारीले क्याच आउट गराए। सुदुरका कप्तान दिपेन्द्र सिंह एैरीले १० बलमा १५ रन बनाएर आउट भए। उनलाई कुशल भुर्तेलले क्याच आउट गरे।&nbsp; बिनोद भण्डारी ४३ रनमा अउट भए। उनले ४२ बलमा ६ चौका प्रहार गरे। सुदूरले १४ रन अतिरिक्तबाट पायो। पोखराको लागि जिमी निशमले तीन, डान डाउथवेटले र आकाश चन्दले समानले दुई विकेट हात परे। १० ओभरमै सुदूरले ९९ रन बनाएको थियो। सुदूरले पहिलो विकेट १०८ रनमा गुमाएको थियो। यसअघि पहिलो खेलमा बिराटनगर किंङ्गसँग पोखरा पराजित भएको थियो। काठमान्डू गोर्खाजलाई हराएको सुदूरपश्चिम रोयल्स लगातार दोस्रो जित निकाल्ने दाउँमा छ।

पोखरालाई १९४ रनको लक्ष्य

काठमाडौँ। पहिलो जितको खोजिमा रहेको पोखरा एभेन्जर्सले सुदूरपश्चिम रोयल्सविरुद्ध टस जितेको छ। त्रिवि क्रिकेट रंगशालामा पोखराका कप्तान कुशल भुर्तेलले टस जितेर पहिले फिल्डिङ रोजेका छन्।&nbsp; यसअघि पहिलो खेलमा बिराटनगर किंङ्गसँग पराजित भएको पोखरा पहिलो जितको खोजिमा छ। यसअघि काठमान्डूलाई हराएको सुदूरपश्चिम रोयल्स लगातार दोस्रो जित निकाल्ने दाउँमा छ।

पोखराले टस जित्यो

काठमाडौं। अखिल नेपाल फुटबल संघ (एन्फा) ले आगामी राष्ट्रिय लिग तथा सहिद स्मारक ‘ए’ डिभिजन लिगसम्बन्धी विषयमा छलफल गर्न ‘ए’ डिभिजनका क्लब र खेलाडी संघलाई पत्र पठाएको छ। एन्फाका महासचिव किरण राईले शुक्रबार १४ क्लबका प्रतिनिधि र नेपाल खेलाडी संघलाई पत्र पठाएका हुन्। बैठक मंसिर ७ गते आइतबार बिहान ११:३० बजे सातदोबाटोस्थित एन्फा कम्प्लेक्समा हुनेछ। एन्फाले आगामी गतिविधि, राष्ट्रिय लिगको आयोजना, लिग व्यवस्थापन, तयारी तथा अन्य योजनसम्बन्धी महत्वपूर्ण अजेन्डा राख्ने भएकाले क्लब अध्यक्ष/महासचिवलाई अनिवार्य रूपमा बैठकमा सहभागी हुन अनुरोध गरेको छ।

ए’ डिभिजन क्लब र खेलाडी संघलाई एन्फाले बैठकमा बोलायो

काठमाडौँ। नेपाल प्रिमियर लिग (एनपिएल) मा आज एक खेल हुँदैछ। आज पोखरा एभेन्जर्स र सुदूरपश्चिम रोयल्स समुने सामुने हुनेछन्। यो खेल टियु क्रिकेट रंगशालामा दिउसो ४ बजेदेखि शुरु हुँदैछ। जारी एनपिएलमा आफ्नो पहिलो खेलमा पोखरा आफ्नो पहिलो खेलमा विराटनगर किंग्ससँग पराजित भएको थियो भने सुदूरपश्चिम रोयल्सले काठमाडौँ गोर्खाजलाई पराजित गरेको थियो। कुशल भुर्तेलको कप्तानीमा रहेको पोखरा तथा दिपेन्द्रसिंह ऐरी कप्तान रहेको सुदूरपश्चिमले यस सिजनको एनपीएल खेलिरहेको छ।

पोखरा र सुदूरपश्चिम भिड्दै

काठमाडौँ। दोस्रो संस्करणको नेपाल प्रिमियर लिगमा लुम्बिनी लायन्सले विजयी सुरुआत गरेको छ। उसले चितवनलाई ६ विकेटले पराजित गरेको हो। त्रिवि क्रिकेट रंगशालामा चितवन राइनोजले दिएको १४३ रनको लक्ष्य लुम्बिनीले १८.३ ओभरमा ४ गुमाएर पूरा गर्यो।&nbsp; यो जितसँगै गत संस्करण खराब प्रदर्शन गरेको लुम्बिनी नयाँ सिजन जितबाट प्रतियोगिताको सुरुआत गरेको छ। पहिलो खेलमा कर्णाली याक्सलाई हराएको चितवनले दोस्रो खेलमा हार ब्यहोरेको छ। लुम्बिनीको जितमा कप्तान रोहितकुमार पौडेलले ३९ रन बनाए। उनले ४४ बलमा एक चौका प्रहार गरे।&nbsp; यस्तै, ओपनर सन्दीप जोरा २८, दिलिप नाथ १० डी’आरची सर्टले ११ रन बनाउँदा गुलाबदिन नाबीले ४४ रनको योग्दान गरे।&nbsp; यता, लुम्बिनीका लागि रिजन ढकालले दुई र सोहिल तनबिरले एक विकेट लिए। त्यसअघि त्रिवि क्रिकेट रंगशालामा टस हारेर पहिले ब्याटिङ गरेको चितवनले निर्धारित २० ओभरमा ७ विकेट गुमाएर १४२ रन बनाएको थियो।&nbsp; चितवनका लागि रबि बोपराले ५५ बलमा ५६ रन बनाए। उनले ४ चौका र २ छक्का प्रहार गरे। यस्तै, कप्तान कुशल मल्ल २१, सैफ जैब १५, देव खनाल १४, ओपनर दिपक बोहरा १० तथा अर्जुन साउदले रन बनाए।&nbsp; यता, लुम्बिनीका लागि रुबेन ट्रम्पलम्याले सर्वाधिक ३ विकेट लिए। अभिषेक गौतम र गुला दिनले समान दुई विकेट हात पारे।

पहिलो खेलमै लुम्बिनीको जित

काठमाडौँ। रबि बोपराको अर्धशतको सहयोगमा चितवन राइनोजले लुम्बिनी लायन्यलाई १४३ रनको लक्ष्य दिएको छ।&nbsp; त्रिवि क्रिकेट रंगशालामा टस हारेर पहिले ब्याटिङ गरेको चितवनले निर्धारित २० ओभरमा ७ विकेट गुमाएर १४२ रन बनायो।&nbsp; चितवनका लागि रबि बोपराले ५५ बलमा ५६ रन बनाए। उनले ४ चौका र २ छक्का प्रहार गरे। यस्तै, कप्तान कुशल मल्ल २१, सैफ जैब १५, देव खनाल १४, ओपनर दिपक बोहरा १० तथा अर्जुन साउदले रन बनाए।&nbsp; यता, लुम्बिनीका लागि रुबेन ट्रम्पलम्याले सर्वाधिक ३ विकेट लिए। अभिषेक गौतम र गुला दिनले समान दुई विकेट हात पारे।

लुम्बिनीलाई चितवनको १४३ रनको लक्ष्य

नेपाल प्रिमियर लिग (एनपीएल) मा कुनै एउटा टिमको सबैभन्दा खराव प्रदर्शनको रेकर्ड छ भने त्यो लुमिबनी लायन्सको हो । गत सिजन आठ टिममध्ये लिग चरणको समाप्तीमा सबैभन्दा पुछारमा परेको टिम यही थियो । लिग चरणका सात खेलमध्ये एकै खेलमा मात्र यो विजयी रह्यो, त्यसको अर्थ छ खेलमा यो पराजित रह्यो । अझ लुम्बिनी सुरुआती तीन खेलमा लगातार पराजित रहेको थियो । तर प्रतियोगिता सुरु हुन अगाडि यो टिममाथि ठूलो आश भने थियो र यसको कारण थियो, यस टिमका कप्तान रोहित पौडेल । लुम्बिनीको अहिलेसम्मको एक मात्र जित भने चितवन राइनोजविरुद्ध रहेको छ । यही टिम आज बिहीबार सिजन टुको आफ्नो पहिलो खेलमा उत्रिदै छ । उसको पहिलो खेल रहेको छ, संयोगले चितनवविरुद्ध नै । यस्तोमा लुम्बिनीले कम्तीमा यो खेल जित्ने विश्वास राख्न सक्छ । तर उसको पूरा ध्यान भने प्रतियोगितामा गत वर्षको तुलनामा राम्रो प्रदर्शन नै रहनेछ । अझ टिमले पुरानो इतिहास आफूले बिर्सने र अरुलाई बिर्साउने प्रयास गर्नेछ, यो नै उसको प्रमुख लक्ष्य हुनेछ । गत सिजन लुम्बिनीको खराव प्रदर्शनको एउटा ठूलै कारण थियो, बलिङमा कमजोरी । त्यो पनि धेरै आश गरेका विदेशी खेलाडीबाट । त्यसैले त यसपल्ट लुम्बिनीले एउटा खास क्षेत्रमा धेरै सुधारको प्रयास गरेको छ भने त्यो बलिङ नै रहेको छ । यसैक्रममा उसले गत वर्ष खराव खेल्ने केही खेलाडीलाई रिलिज पनि गरेको छ, रिटेन गर्न चाहेन् । गत सिजन टिमको खराव प्रदर्शनका बावजुत रोहित ब्याटबाट भने चम्के । उनीबाट यसपल्ट पनि यस्तै अपेक्षा हुन् । अनि उपकप्तान सन्दीप जोराबाट पनि उत्तिकै ठूलो अपेक्षा हुनेछ । टिममा शेर मल्ल आएका छन्, त्यसको अर्थ बलिङ क्षेत्र बलियो हुन सक्नेछ । अनि टिममा जति पनि विदेशी खेलाडी छन्, तिनको प्रदर्शन कस्तो हुनेछ, त्यसले पनि लुम्बिनीको यात्रालाई धेरै हदसम्म निर्धारण गर्नेछ ।

लुम्बिनीको इतिहास बिर्सिने प्रयास

काठमाडौँ। दोस्रो सिजनको नेपाल प्रिमियर लिग एनपिएलमा आज पनि एउटा मात्रै खेल हुँदैछ। त्रिवि क्रिकेट रंगशालामा सुरु हुने खेलमा चितवन राइनोज र लुम्बिनी लायन्सबीच प्रतिस्पर्धा हुनेछ। चितवनले आफ्नो पहिलो खेलमा कर्णाली याक्समाथि जित दर्ता गर्दै शानदार सुरुआत गरेको थियो। यता, लुम्बिनी लायन्सको भने आज पहिलो खेल हो। चितवन कुशल मल्लको कप्तानीमा मैदान उत्रिँदा लुम्बिनीको कप्तानी राष्ट्रिय टिमका कप्तानसमेत रहेका रोहित पौडेलले गर्ने छन्।

चितवन र लुम्बिनी भिड्दै

<p class="p1" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">नेपाल फिफा वरीयतामा दुई स्थान तल झरेको छ ।<p class="p1" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">विश्व फुटबलको सर्वोच्च निकाय फिफाले बुधबार राती जारी गरेको वरीयताअनुसार नेपाल दुई स्थान तल ८२ औं स्थानमा झरेको हो । नेपाल यसअघि १८० औं स्थानमा थियो ।<p class="p2" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 24.8px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;"> <p class="p1" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">नेपालले हालै मात्र मलेशियामा एएफसी एशिया कप छनोटअन्तर्गत खेलमा मलेशियामासॅंग १–० गोलले पराजितको भएको थियो । यस अघि बंगलादेश संगको मैत्रिपुर्ण खेलमा २-२ गोलको बराबरी खेलेको थियो। नेपालको एएफसी एशिया कप छनोट यात्रा एक खेल बाकी रहदासम्म अंक विहिन रहेको छ ।&nbsp;<p class="p2" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 24.8px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;"> <p class="p1" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">नेपालले पहिलो लेगमा मलेशिया सॅंग २-०, लाओससॅंग २-१, भियतनामसॅंग ३-१ गोलले पराजित भएको थियो। त्यस्तै दोस्रो लेगमा भियतनामसॅंग १-० मलेशिया सॅंग १-० गोलले पराजित भएको थियो। अब अन्तिम खेल लाओससॅंग रहेको छ।&nbsp;<p class="p2" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 24.8px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;"> <p class="p1" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">दक्षिण एसियामा सबैभन्दा अघि रहेको भारतको वरीयता खस्किएको छ । भारत १४२औं स्थानमा झरेको छ । बंगलादेशले भने नेपाललाई पछि पार्दै १८० औं स्थानमा उक्लेकोछ।&nbsp;&nbsp;माल्दिभ्स १८३ यथावत, भुटान १८९, पाकिस्तान १९९ र श्रीलंका १९४ स्थानमा छ ।<p class="p2" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 24.8px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;"> <p class="p1" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">यस्तै विश्व वरीयतामा स्पेन शीर्ष, अर्जेन्टिना दोस्रो फ्रान्स तेस्रो र इगंल्याण्ड चौथौं स्थानमा यथावत रहेको छ ।<p class="p1" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">यस्तै ब्राजिल पांचौ स्थानमा उक्लिएको छ । पोर्चुगल छठौं र&nbsp;&nbsp;नेदरल्यान्ड्स सातौं झरेकोछ। बेलजियम आठौं स्थानमा यथावत छ । जर्मनी नौवौ र क्रोयसिया दशौं स्थानमा उक्लिंएको छ।<p class="p2" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 24.8px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">&nbsp;<p class="p1" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">यस्तै एशिया महादेशमा जापान १८ औं र इरान २०औं स्थान दुबै एक स्थान माथि उक्लिंएको छ। दक्षिण कोरिया २१ औं आठौं स्थानमा यथावत छ। अष्ट्रेलिया २५ बाट २६ औं स्थानमा झरेको छ। उज्बेकिस्तान ५० औं ( पांच स्थान माथि) , कतार ५१औं (एक स्थान माथि) उक्लिंएको छ। इराक ५८औं , साउदी ६० औं स्थानमा झरेको छ भने जोर्डन ६६ औं र युएई ६७ औं स्थानमा यथावत छ।&nbsp;<p class="p2" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 24.8px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">

फिफा वरीयतामा नेपाल दुई स्थान तल झर्यो

काठमाडौँ। दोस्रो संस्करणको नेपाल प्रिमियर लिगमा साविक उपविजेता सुदूरपश्चिम रोयल्सले रोमाञ्चक जित हासिल गरेको छ। रोयल्सले काठमान्डुलाई २९ रनले पराजित गरेको हो। बुधबार त्रिवि क्रिकेट रंगशालामा सुदूरले दिएको १४८ रनको लक्ष्य पछ्याएको काठमान्डुले १६.४ ओभरमा सबै विकेट गुमाए ११८ रन मात्रै बनाउन सक्यो। काठमान्डुका लागि ओपनर आकाश त्रिपाटीले ३४ रन बनाए। उनले ३० बलमा एक छक्का र दुई चौका प्रहार गरे। भिम सार्की १२, जोन सिम्पसन २४, मिलिन्द कुमार ११ र रासिद खानले ६ रन बनाए। सन्तोष यादव एक रनमा आउट भए। उनलाई सुदूरका कप्तान दिपेन्द्रले रन आउट गराए। सुदूरपश्चिमका लागि हेमन्त धामी, स्कट कुगेलेइजन र हर्मित सिंहले समान दुई विकेट लिए। इशान पाण्डे, नरेन साउद र अभिनाष बोराले पनि एक विकट लिए। त्यसअघि त्रिवि क्रिकेट मैदानमा टस हारेर पहिले ब्याटिङ गरेको सुदूरले निर्धारित २० ओभरमा सबै गुमाएर १४७ रन बनाएको थियो। सुदूरका लागि हर्मित सिंहले अर्धशतकिय पारी खेले। उनले २० बलमा २ चौका र ६ छक्का प्रहार गर्दै ५३ रनमा आउट भए। कप्तान दिपेन्द्रले ३९ रन बनाए। आरिफ शेखले २५, इशान पाण्डे ११ तथा दुवै ओपनर बिनोद भण्डारी र जोस ब्रोन शून्य रनमा आउट भएका थिए। नरेन साउदले ६ रन र स्कट कुगेलेइजनले एक रनमा आउट भए। काठमान्डुका लागि कप्तान करण केसीले चार, रासिद खान, मिलिन्द कुमार र सन्नी पट्टेलले समान दुई विकेट लिए।

सुदूरपश्चिमको रोमाञ्चक जित

काठमाडौँ। अस्ट्रेलियामा यही नोभेम्बर २८ मा आयोजना हुने ‘कोसी १०० फर अल्ट्रा ट्रेल कसियोस्को बाई युटिएमबी’मा नेपाली खेलाडी दावा तामाङले सहभागिता जनाउने भएका छन्। बुधबार नेपाल एडभेन्चर रनिङ महासंघ (एनएआरए)ले पत्रकार सम्मेलनमार्फत कालिका गाउँपालिका १ रसुवा निवासी अल्ट्रा एवं ट्रेल रनर तामाङले अस्ट्रेलियामा प्रतिस्पर्धा गर्ने जानकारी गराएको हो। कालिका गाउँपालिका १ का वडा अध्यक्षसमेत रहेका तामाङ विगत एक वर्ष देखि अल्ट्रा एवं ट्रेल रनरमा संलग्न छन्। पूर्व कराते खेलाडी एवं प्रशिक्षक तामाङले एक वर्षयता ट्रेल रनका विभिन्न प्रतियोगिताहरुमा भाग लिँदै आएका छन्। तामाङले गत अप्रिलमा भएको विश्व एक्सिट्रम फिसटेल १०० अल्ट्रामा रजत पदक जितेका थिए। अस्ट्रेलिया भ्रमणका लागि धावक तामाङलाई ‘एक्सटेप नेपाल’ले प्रायोजन तथा राष्ट्रिय खेलकुद परिषद (राखेप) र एनएआरएले स्विकृति एवं सहजीकरण गरेको छ।

‘कोसी १०० फर अल्ट्रा ट्रेल कसियोस्को बाई युटिएमबी’मा नेपाली खेलाडी दावा तामाङले सहभागि जनाउने

काठमाडौँ। नेपाल प्रिमियर लिग (एनपिएल) अन्तर्गत आज काठमाडौँ गोर्खाज र सुदूरपश्चिम रोयल्सबीच खेल हुँदैछ। खेल दिउँसो ४ बजेदेखि सुरु हुँदैछ। काठमाडौँ गोर्खाजले आफ्नो पहिलो खेल जितेर प्रतियोगितामा विजयी सुरुवात गरेको छ भने सुदूरपश्चिम रोयल्सले प्रतियोगितामा पहिलो खेल खेल्दैछ। काठमाडौँ करण केसीको कप्तानीमा भीम सार्की, शाहब अलाम, रशिद खान, मोहमद आदील आलम जस्ता राष्ट्रिय खेलाडी र मार्वे गेरार्ड इरासमस, जोन एन्ड्रयु सिम्पसन, मिलिन्द कुमार जस्ता विदेशी खेलाडीसहित यो सिजन खेल्दैछ। दिपेन्द्रसिंह ऐरी कप्तान रहेको सुदूरपश्चिम अभिनाश बोहरा, आरिफ शेख, विनोद भण्डारी सहितका राष्ट्रिय खेलाडी र जोश ब्राउन, स्कट कुगेइलिन, क्रिस लिन र हर्मीत सिंह जस्ता विदेशी खेलाडीसहित छ। सुदूर साविक उपविजेता हो।

काठमाडौँ र सुदूरपश्चिम भिड्दै

नेपाल प्रिमियर लिग (एनपीएल) २०२५ मा बुधबार मैदानमा ओर्लिने एउटा टिम रहेको छ, सुदूरपश्चिम रोयल्स । उसले काठमाडौं गोर्खाजको सामना गर्दैछ । गत सिजनको प्रतियोगितामा सबैभन्दा राम्रो खेल्ने कुनै टिम थियो भने त्यो सुदूर पश्चिम नै थियो । उसले सबैभन्दा पहिले लिग चरणमा आफूलाई शीर्ष स्थानमा स्थापित गरेको थियो र त्यसका लागि सातमध्ये छ खेलमा जित निकालेको थियो । प्ले अफमा पनि जनकपुर बोल्ट्सलाई सुरुमै हरायो । तर यही टिमविरुद्ध फाइनलमा भने पराजित रह्यो । त्यसैले सुदूरपश्चिम टिममा अझै पनि त्यो हारको पीडा छ । तर यति भन्दा भन्दै टिम त्यो हारको पीडा बिर्सेर यसपल्ट नयाँ सुरुआत लिने पक्षमा पनि हुनेछ । खासमा हुनु पर्ने पनि यही हो । कम्तीमा अपेक्षा गर्न सकिन्छ, यसपल्ट सिजन टुमा पनि यो टिम अन्तिम चारमा रहनेछ, होइन् भने त्यसको अर्थ असफल नै मानिनेछ । फेरि एकपल्ट सुदूरपश्चिमका प्रमुख खेलाडी हुनेछन्, दीपेन्द्रसिंह ऐरी प्रतियोगिताकै उत्कृष्ट खेलाडी घोषित भएका थिए । यसपल्ट पनि टिम धेरै अर्थमा उनीमाथि नै निर्भर हुनेछ । यतिले मात्र पुग्ने छैन्, उनलाई विनोद भण्डारी, अविनाश बोहरा, आरिफ सेख र इशान पाण्डेको पनि बलियो साथ चाहिनेछ । हुन पनि पोहोरको टिमको उत्कृष्ट प्रदर्शन एउटो सिंगो टिमले सम्भव भएको थियो । सैफ जैबले टिम छाडेपछि भने सुदूरपश्चिममा एक खाले दबाब भने रहनेछ । त्यसको पूर्तिका लागि उसले क्रिस लिनलाई ल्याएको छ । टिमको एउटा अर्को महत्त्वपूर्ण पक्ष रहनेछ, प्रशिक्षक जगत टमाटा । उनी नेपाली घरेलु क्रिकेटका सबैभन्दा अनुभवी प्रशिक्षक हुन्, उनले जति नेपाली क्रिकेट कसले पो बुझेको छ होला र ? पक्कै पनि सुदूरपश्चिम टिमको प्रदर्शन हेर्न लायक रहने विश्वास गर्न सकिन्छ ।

सुदूरपश्चिमलाई फाइनल हारको पीडा

युरोपेली विश्वकप छनोटबाट मंगलबार थप पाँच टिमले अमेरिका, क्यानाडा र मेक्सिकोमा हुने विश्वकपका लागि टिकट काटेका छन् । त्यसमा स्पेन, बेल्जियम, स्विटजरल्यान्ड, स्कटल्यान्ड र अस्ट्रिया रहेका छन् । स्पेनले टर्कीलाई २–२ को बराबरीमा रोक्यो र त्यो नतिजा समूह ‘सी’ जित्न पर्याप्त रह्यो । स्कटल्यान्ड भने सन् १९९८ यता पहिलो पटक विश्वकपमा पुगेको हो । त्यसका लागि उसले समूह ‘सी’ मा भएको खेलमा डेनमार्कमाथि ४–२ को जित निकाल्यो ।<img src="https://app.nepalsportz.com/media/django-summernote/2025-11-19/f4fd13b5-4c25-4422-93b2-5ee35c21b349.png" style="width: 698px;"> बेल्जियमले भने लेचेस्टाइनलाई एकपक्षीय खेलमा ७–० ले पराजित गर्‍यो र समूह ‘जे’ मा शीर्ष स्थान हात पार्न सफल रह्यो । समूह ‘बी’ मा अहिलेसम्म अपराजित स्विट्जरल्यान्डले कोसोभोसँग १–१ को बराबरी खेल्यो र यो नतिजाले उसलाई समूह विजेता बनायो । यस्तै अस्ट्रियाले समूह ‘एच’ जित्नका लागि बोस्निया एन्ड हर्जगोभिनालाई १–१ को बराबरी खेलेको हो । अस्ट्रिया पनि सन् १९९८ यता पहिलो पटक विश्वकपमा छनोट भएको हो ।

विश्वकपमा युरोपका थप पाँच टिम

काठमाडौँ। पाोखरा एभेन्जर्सलाई ५३ रनले हराउँदै विराटनगर किङ्गसले दोस्रो संस्करणको नेपाल प्रिमियर लिग एनिपएलमा शानदार सुरुआत गरेको छ। विराटनगरले दिएको २२१ रनको लक्ष्य पछ्याएको पाखराले निर्धारित १८.५ ओभरमा सबै विकेट गुमाएर १६७ रन मात्रै बनाउन सक्यो। पोखराको लागि कप्तान तथा ओपनर कुशल भुर्तेलले ५९ रनको अर्धशतकीय पारी खेले। उनले ३१ बलमा ५ चौका र ४ छक्का प्रहार गर्दै शानदार सुरुआत गराएका थिए। कुनै समय २–८८ को अवस्थामा रहेको पोखरा सम्हलिन सकेन। यस्तै, एडम रोसिंगटनले ३९ रन बनाउँदा डेनियल अलेक्जेन्डर डोथवेटले २९ तथा अविशेक तिवारीले ११ रन बनाए।&nbsp; विराटनगरको लागि कप्तान सन्दीप लामिछने, शुभम रञ्जने, प्रतिश जिसी र मर्चेन्ट डे लाङ्गेले समान २ विकेट हात पारे। सुर्य तामाङ, र अबसिर अहमदले सामान एक विकेट हात पारे। त्यसअघि त्रिवि क्रिकेट रंगशालामा टस हारेर पहिले ब्याटिङ गरेको विराटनगरका लागि लोकश बम र मार्टीन गप्टीले १३२ रनको शानदार साँझेदारी गर्दै विशाल योगफल तर्फ अघि लगे।&nbsp; विराटनगरले निर्धारित २० औभरमा ६ विकेट गुमाएर २२० बनाएपछि पोखराले २२१ रनको लक्ष्य पाएको हो। लोकेशले ४८ बलमा ७ चौका र एक छक्काको सहयोगमा ७२ रन बनाएर आउट भए। यस्तै, मार्टीनले ३५ बलमा ६ छक्का र ३ चौकाको सहयोगमा ६१ रन प्रहार गरे।&nbsp; यस्तै, जर्ज मुन्से १०, बसिर अहमदले २३, सुभवा रन्जनि ३८ र नारायन जोशी ११ रनमा अविजित रहे। यता, पोखराको लागि म्याथ्यू टेलरले दुई विकेट लिँदा कप्तान कुशल भुर्तेल र सागर ढकालले एक विकेट हात पारे। योसँगै सोमबारबाट सुरु भएको प्रतियोगितामा तीन खेल सम्पन्न भएको छ। जसमा काठमान्डु गोर्खाज र चितवन राईनोजले विजयी हासिल गरेका छन्।&nbsp; आगामी मंसिर २७ गतेसम्म सञ्चालन हुने प्रतियोगितामा आठ फ्रेन्चाइज टोलीको सहभागिता रहेको छ।

विराटनगरको शानदार सुरुआत

नेपालले एसियाकप छनोटको तेस्रो चरणमा मंगलबार लगातार पाँचौं हार बेहोरेको छ । क्वालम्पुरमा भएको खेलमा यसपल्ट दस खेलाडीमा सीमित नेपाललाई मलेसियाले १–० ले पराजित गरेको हो । पूरा खेल अवधिमा मलेसियाले एकपछि अर्को शृंखलाबद्ध आक्रमण बुने पनि एकै गोल मात्र गर्न सक्यो र यो फैसल हमिलको नाममा रह्यो । उनले ५६ औं मिनेटमा निर्णायक गोल गरे । यो जितपछि मलेसिया अर्को वर्ष हुने एसियाकपको छनोट नजिक पुगेको छ । लगातार पाँचौं जितपछि मलेसियाको १५ अंक भएको छ र चार टिममध्ये शीर्षमा छ । नेपाल भने शून्य अंकमा पुछारमा छ । नेपालको साँघुरो हारमा गोलरक्षक तथा कप्तान किरण लिम्बूले लगातार बचाउ गरिरहे र उनी नै खेलमा सबैभन्दा ब्यस्त खेलाडी रहे । खेलको अन्त्यतिर लाकेन लिम्बू रातो कार्ड खाएर मैदान छाड्न बाध्य रहे । त्यसमै मलेसियाले पेनाल्टीको अवसर पनि पाएको थियो । तर पाओलो गोल गर्न असफल रहे र उनको प्रहार बाहिरिएको थियो ।

Nepalsports

डुरोको निर्णायक गोलमा भ्यालेन्सिया विजयी

📰 Recent News

Nepalsports