काठमाडौँ । साउदी क्लब अल हिलालले एएफसी च्याम्पियन्स लिगमा तेस्रो जित हासिल गरेको छ।&nbsp; गएराती भएको खेलमा अल हिलालले युएईको क्लब अल &nbsp;ऐनलाई ५–४ गोल अन्तरले पराजित गरेको हो। अल हिलालको जितमा सालेम अल्दावसरीले ह्याट्रिक गरेका थिए भने सेर्गेज मिलिनकोभिक र रेनान लोडीले एक एक गोल गरेका थिए। यता, अल ऐनका लागि सोउफिआने रहिमीले ह्याट्रिक गरेका थिए भने माटेओ सनाबरियाले एक गोल गरे। यस खेलमा अल हिलालका नेइमारले एक बर्षपछि पुनरागमन गरेका थिए। इन्जुरिका कारण एक बर्षदेखि मैदान बाहिर रहेका नेइमार यस खेलमा सब्स्टिच्युटको रुपमा खेलको ७७औँ मिनेटमा मैदानमा प्रवेश गर्दै आफ्नो पुनरागमन गरेका हुन्। जितपछि अल हिलालको ३ खेलमा ९ अंक भएको छ र अंक तालिकामा शीर्ष स्थानमा रहेको छ। पराजित अल ऐनको भने ३ खेलमा एक अंक रहेको छ।

नेइमारले पुनरागमन गरेको खेलमा अल हिलाल विजयी

सिन्धुपाल्चोक । मेलचौर युवा जागरण समाजको आयोजनमा आज (सोमबार)बाट सुरु भएको चौथो संस्करणको मालिकादेवी कप खुल्ला सेभेन 'ए' साइड फुटलब प्रतियोगिता सुरु भएको छ।&nbsp; चौतारा साँगाचोकगढी-७ मेलचौर दरबार डाँडा खेल मैदानमा सुरु भएकाे प्रतियोगिताको पहिलो दिन चार खेल सम्पन्न भएको छ। विजेता हरेक टिमका 'म्यान अफ द म्याच' खेलाडीलाई ट्रफीसहित नगद एक हजारले पुरस्कृत गरिएको थियो। दिनको पहिलो खेलमा भिमटार बोइजलाई सुकुटे युवा जागरण मञ्चले ३–१ गोलले पराजित गरेको छ।&nbsp; सुकुटेको जितमा आर्यन काजी थापाले २, दिपेश बस्नेताले एक गोल थपे भने, भिमटारका लागि किरण माझीले गरेको गोल सान्त्वना बन्यो। यस खेलमा सुकुटेका आर्यन 'म्यान अफ द म्याच' घोषित भए। यस्तै, दोस्रो खेलमा सिंहमती युवा क्लबले जिल्ला प्रहरी कार्यलय सिन्धुपाल्चोकलाई सडन डेथमा ४–३ ले पराजित गर्यो।&nbsp; निर्धारित ४० मिनेटको खेलमा दुबै टोलीबाट गोल हुन नसकेपछि खेल पेनाल्टीमा पुगेको थियो।&nbsp; पेनाल्टीमा पनि ३–३ को बराबरी भएपछि खेलको निर्णय सडन डेथबाट लिएको हो। जसमा सिहंमतिले बाजी मार्यो। यस खेलमा सिंहमतीका राेशन थापा'म्यान अफ द म्याच' घोषित भए। तेस्रो खेलमा साँगाचोक युथ क्लबले सिर्जनशिल युवा समाजलाई ५–० को फराकिलो गोल अन्तरले पराजित गरेको हो।&nbsp; साँगाचोकको जितमा सागर रामुदामुले ह्याट्रिक पूरा गर्दा आयुष तामाङले दुई गोल गरे। जारी प्रतियाेगितामा याे पहिलाे ह्याट्रिक हाे। यस खेलको 'म्यान अफ द म्याच' सागर घोषित भए।&nbsp; यस्तै, दिनको अन्तिम तथा चौथो खेलमा वडा नम्बर-६ लाई वारियर्स एफसीले पेनाल्टी सुटआउटमा ४–५ गोल अन्तरले पराजित गर्दै अघिल्लो चरणमा प्रवेश गरेको छ।&nbsp; निर्धारित ४० मिनेटको समयमा दुबै टोलीबाट गोल नभएपछि खेलको निर्णय पेनाल्टी सुटआउटबाट लिएको थियो। जसमा वारियर्स एफसीले बाजी मार्यो। यस खेलको 'म्यान अफ द म्याच' वारियर्स एफसीका सुजन माझी घोषित भए। प्रतियोगिताको उद्घाटन समारोहमा चौतारा साँगाचोकगढी नगरपालिकाका प्रमुख कृष्णप्रसाद सापकोटा प्रमुख अतिथि, उप–प्रमुख सिता थापा, वडा नम्बर आठका वडा अध्यक्ष अमृत बहादुर दंगाल, वडा नम्बर साताका वडा अध्यक्ष डम्बर बहादुर तामाङ, विभिन्न राजनीतिक दलका प्रतिनिधिलगायत अन्य विशेष अतिथिको उपस्थिति रहेका थियो।प्रतियोगिताको सबै खेलहरु नेप्लेज डटकमको फेसबुक र युट्युबबाट प्रत्यक्ष प्रसारण भइरहेको छ।आगामी १० गतेसम्म सञ्चालन हुने यस प्रतियोगिताको विजेताले १ लाख ५५ हजार ५५५ तथा उपविजेताले ७७ हजार ७७७ रुपैयाँसहित ट्रफी, मेडल र प्रमाण पत्र पाउने छन्।

मालिकादेवी कप सुरु, पहिलो दिन चार खेल सम्पन्न

काठमाडौँ । नेपालले साफ महिला च्याम्पियनसिप अन्तर्गत माल्दिभ्सविरुद्ध फरमकिलो जित हासिल गरको छ। दशरथ रंगशालामा सोमबार भएको खेलमा नेपालले माल्दिभ्सको पोष्टमा ११ गोल गरे हो।&nbsp; नेपालको जितमा रेखा पौडेलले ५ गोल गरेकी थिइन् भने प्रीती राईले ह्याट्रिक ३ गोल गरेकी थिइन्। त्यस्तै, अनिता केसी, सबिता राना मगर र अमिशा कार्कीले एक एक गोल गरे। जितसँगै समुह बी मा रहेको नेपालको ४ अंक जोडेर शीर्ष स्थानमा उक्लिएको छ। समुह बी मा भुटानको पनि ४ अंक रहेको छ र गोल अन्तरका आधारमा दोस्रो स्थानमा रहेको छ। त्यस्तै श्रीलंकाको ३ अंक रहेको छ भने माल्दिभ्सको एक अंक रहेको छ।

माल्दिभ्सको पोष्टमा नेपालको ११ गोल

काठमाडौं । साफ महिला च्याम्पियनसिप फुटबलमा नेपालले आज माल्दिभ्ससँग प्रतिस्पर्धा गर्दैछ । त्रिपुरेश्वरस्थित दशरथ रंगशालामा दुई टोलीबीचको खेल साँझ साढे ५ बजे हुनेछ । माल्दिभ्सविरुद्धको खेलमा नेपालकी स्टार फरवार्ड सावित्रा भण्डारी साम्बा टोलीमा हुनेछिन् । व्यवसायिक लिगका लागि फ्रान्समा रहेकी साम्बा साफका लागि आइतबार राति नेपाल आइपुगेकी हुन् । समूह ‘बी’ मा रहेका दुबै टोलीले आ–आफ्ना एक–एक खेल खेलिसकेका छन् । नेपालले पहिलो खेलमा भुटानसँग गोलरहित बराबरीमा रोकिँदा माल्दिभ्स श्रीलंकासँग १–० ले पराजित भएको छ । समूहमा नेपालको १ अंक छ भने माल्दिभ्स अंकविहीन छ । नेपालका लागि सेमिफाइनल पुग्नका लागि आजको खेल जित्नै पर्ने दबाब छ । यही समूह अन्तर्गत सोमबार दिउँसो साढे १ बजे भुटान र श्रीलंका पनि खेल्दैछन् । सोमबारको पहिलो खेलमा समूह ‘बी’ का श्रीलंका र भुटान भिड्नेछन्। सो खेल दिउँसो साढे १ बजेदेखि सुरु हुनेछ ।

नेपाल र माल्दिभ्स खेल्दै

काठमाडौँ । नेपालले अमेरिकाविरुद्धको टी–२० सिरिज क्लीन स्वीप गरेको छ। सिरिजको तेस्रो तथा अन्तिम खेलमा नेपालले अमेरिकालाई ८ विकेटले हराउँदै सिरिजमा क्लीन स्वीप गरेको हो। अमेरिकाले दिएको १५७ रनको लक्ष्य पछाएको नेपालले १८.३ ओभरमा २ विकेट गुमाउँदै लक्ष्य पूरा गर्यो। नेपालका लागि असिफ सेखले अर्धशतक प्रहार गरे। आसिफले टी–२० क्रिकेटमा छैटौं अर्धशतक बनाएका हुन्। त्यस्तै अनिल शाहले १३, कुशल भुर्तेलले अविजित ४० र कुशल मल्लले अविजित ४४ रन बनाएका थिए। त्यस्तै अमेरिकाका बलर जुआनोय ड्राइसडाले र जसदीप सिंहले एक एक विकेट लिएका थिए। यसअघि टस जितेर पहिला ब्याटिङ गरेको अमेरिकाले २० ओभरमा ५ विकेट गुमाउँदै १५६ रन बनाएको थियो। अमेरिकाका लागि साइतेजा मुकर्मल्लाले सर्बाधिक ६८ रन बनाएका थिए भने मिलिंद कुमारले ४३ रन बनाएका थिए । त्यस्तै नेपाली बलर सोमपाल कामीले ३ विकेट लिएका थिए भने रिजन ढकाल र ललित राजबंशीले एक एक विकेट लिएका थिए । योसँगै नेपालले ३ खेलको सिरिज ३(० ले जितेको छ । नेपालको टी(२० क्रिकेट इतिहासमा कुनै पनि सिरिज क्लीन स्वीप गरेको यो पहिलो पटक हो । नेपालले अब अमेरिका र स्कटल्याण्डसहितको आइसीसी विश्वकप लिग(२ को सिरिज खेल्ने छ ।

अमेरिकाविरुद्ध टी–२० सिरिजमा नेपालको'क्लीन स्वीप'

पोखरा एभेन्जर्सले नेदरल्यान्ड्सका क्रिकेटर बास डि लिडेलाई टोलीमा अनुबन्ध गरेको छ । नेपाल प्रिमियर लिग (एनपिएल) को लागि पोखरा एभेन्जर्सले दोस्रो विदेशी खेलाडी भित्राएको हो । यसअघि अमेरिकाका आन्द्रेस गौसलाई टोलीमा अनुबन्ध गरेको थियो । नेपाल राष्ट्रिय टोलीका ओपनर कुशल भुर्तेल मार्की रहेको पोखरा एभेन्जर्समा अनुबन्ध भएका २४ वर्षीय बास डि लिडे नेदरल्यान्ड्सका लागि ३८ टि २० आईमा खेलेका छन् । जसमा ६९७ रन बनाउका छन् । बास डि लिडेलाई अनुबन्ध गरेपछि पोखरा एभेन्जर्सका अध्यक्ष सुबोध त्रिपाठीले टोली बलियो हुने विश्वास गरेका छन् । टिमका म्यानेजिङ डिरेक्टर मनोबल श्रेष्ठले विदेशी खेलाडीलाई समेट्दै टिम बलियो बनाउने योजना रहेको बताए । एनपिएलकै सबै भन्दा मंहगो टिम पोखराले कुशल, डि लिडे र गौससँगै सागर ढकाल, आकाश चन्द, किरण कुमार ठगुन्ना, नारायण जोशी, बिपिन खत्री, दिलिप नाथ, तृत राज दास, सुनम गौतम, दिनेश खरेल र अमृत गुरुङलाई अक्सनबाट छनोट गरेको छ । एनपिएपल आगामी मंसिर १५ देखि पुस ६ सम्म&nbsp;आयोजना&nbsp;हुँदैछ&nbsp;

नेदरल्यान्ड्सका बास डि लिडेले पोखरा एभेन्जर्सबाट खेल्ने

काठमाडौं । हिमालयन विल्डर्स एन्ड इन्जिनियर्सको स्वामित्वमा रहेको कर्णाली याक्सले टेष्ट राष्ट्र पाकिस्तानका अलराउन्डर मोहम्मद हुसैन तलात अनुबन्ध गरेको छ ।&nbsp; कर्णाली याक्समा निर्देशक गृहेन्द्र घिमिरेले हुसैन अनुबन्ध भएको बताएका छन् । ‘आगामी लिगको लागि कर्णाली याक्सले पाकिस्तानका अलरान्डर मोहम्मद हुसैन तलातलाई अनुबन्ध गरेको छ,’ घिमिरेले भनेका छन्, ‘तलातको आगमनले टोली थप मजबुद बन्ने विश्वास लिएका छौं ।’&nbsp; ज्ञानेन्द्र मल्ल प्रशिक्षक रहेको कर्णाली याक्सको मार्की खेलाडीमा राष्ट्रिय टिमका अलराउन्डर सोमपाल कामी छन् ।&nbsp; कर्णाली याक्सले पहिलो &nbsp;विदेशी खेलाडीको रुपमा २८ वर्षीय तलातलाई अनुबन्ध गरेको हो । उनी हालसम्म टेष्ट राष्ट्रबाट नेपाल प्रिमियर लिग (एनपिएल)मा अनुबन्ध हुने पहिलो खेलाडी बनेका छन् । उनले पाकिस्तानबाट १८ टी–२० आई खेलेका छन् । जसमा ३९४ रन बनाएका छन् । &nbsp;टी२० मात्रै १६९ खेलेका छन् । उनले सन् २०१९ मा वेष्ट इन्डिजविरुद्ध खेल्दै टी २० आईमा डेब्यु गरेका थिए ।&nbsp; कर्णाली याक्सले अक्सनबाट टोलीको ए श्रेणीबमा राष्ट्रिय टोलीका गुल्शन झा, देव खनाल र नन्दन यावदलाईसमावेश गरेको छ । त्यस्तै, ‘बी’ श्रेणीमा अर्जुन घर्तीसहित रित गौतम, मौसम ढकाल र भुवन कार्की छन् । ‘सी’ श्रेणीबाट दीपेन्द्र रावत र युनिशविक्रम सिंह ठकुरीसँगै दीपक डुम्रे छन् । एनपिएल १५ मंसिरदेखि ६ पुससम्म काठमाडौंमा&nbsp;हुँदैछ&nbsp;।

पाकिस्तानका हुसैन तलातले कर्णाली याक्सबाट खेल्ने

काठमाडौँ । न्यूजील्याण्डले आइसीसी महिला टी–२० विश्वकपको उपाधि जितेको छ । आइतबार भएको फाइनल खेलमा दक्षिण अफ्रिकालाई ३२ रनले पराजित गर्दै न्युजील्याण्डले उपाधि जितेको हो । न्यूजील्याण्डले दिएको १५९ रनको लक्ष्य पछाएको दक्षिण अफ्रिकाले २० ओभरमा ९ विकेट गुमाउँदै १२६ रन मात्र बनाउन सक्यो । यसअघि टस हारेर पहिला ब्याटिङ गरेको न्यूजील्याण्डले २० ओभरमा ५ विकेट गुमाउँदै १५८ रन बनाएको थियो । योसँगै न्यूजील्याण्डले पहिलो पटक विश्वकपको उपाधि जितेको छ । यसअघि महिला टी–२० विश्वकपको उपाधि अस्ट्रेलियाले ६ पटक तथा इङल्याण्ड र वेस्ट इन्डिजले एक एक पटक जितेका थिए ।

महिला टी२० विश्वकपको उपाधि न्यूजिल्याण्डलाई

<p class="p1" style="margin-bottom: 0px; font-stretch: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">साफ महिला च्याम्पियनसिप २०२४ मा&nbsp;पाकिस्तान र&nbsp;&nbsp;बंगलादेश बिच बराबरी भएको छ । त्रिपुरेश्वरस्थित दशरथ रंगशालामा आइतबार भएको खेलमा&nbsp;पाकिस्तान र&nbsp;&nbsp;बंगलादेश १-१ को बराबरी खेलेको हो।<p class="p2" style="margin-bottom: 0px; font-stretch: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 26px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;"> <p class="p1" style="margin-bottom: 0px; font-stretch: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">खेलको ३१ औं मिनेटमा पाकिस्तानले जालिमा मलिकको गोलमार्फत सुरुआती अग्रता लिएको थियो। तर, बंगलादेश दोस्रो हाफको इन्जुरी समयमा गोल फर्काएको थियो। शाम सुनहार जुनियरले गोल गर्दै बंगलादेशलाई हारबाट जोगाइन्।<p class="p2" style="margin-bottom: 0px; font-stretch: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 26px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;"> <p class="p1" style="margin-bottom: 0px; font-stretch: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">यस बराबरी संगै&nbsp;&nbsp;समूह ‘ए’&nbsp;मा रहेको पाकिस्तानले पहिलो अंक जोडेको छ। पहिलो खेलमा भारतसँग ५-२ ले पराजित भएको थियो। बंगलादेशको भने पहिलो खेल हो।<p class="p1" style="margin-bottom: 0px; font-stretch: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">शीर्ष स्थानमा रहेको भारत एक खेलअगावै सेमिफाइनलमा पुगेको छ।

पाकिस्तान र  बंगलादेश बिच बराबरी, भारत सेमिफाइनलमा

काठमाडौं । नेपालले दोस्रो टी–२० खेल अमेरिकालाई सुपर ओभरमा पराजित गरेको छ। नेपाल र अमेरिकाविरुद्धको दोस्रो टी–२० खेल सुपरओभरमा पुगेको थियो। नेपालले दिएको १७१ रनको लक्ष्य पछाएको अमेरिकाले २० ओभरमा ८ विकेट गुमाउँदै १७० रन बनाएपछि खेलको निर्णय सुपर ओभरबाट भएको हो। सुपर ओभरमा अमेरिकाले दिएको ३ रनको लक्ष्य पछाएको नेपालले ४ बलमा नै पुरा गर्दै जित हासिल गरेको थियो। नेपालको जितमा सोमपाल कामीले उत्कृष्ट प्रदर्शन गरेका थिए। सोमपालले खेलको अन्तिम ओभरमा ७ रनलाई डिफेन्ड गर्दै खेललाई सुपर ओभरमा लागेका थिए भने सुपर ओभरमा उत्कृष्ट बलिङ गदै अमेरिकालाई केवल २ रन दिएर दुवै विकेट लिएका थिए। &nbsp;&nbsp; यसअघि टस जितेर पहिला ब्याटिंग गर्दै नेपालले ६ विकेट गुमाउदै १७० रन बनाएको थियो। नेपालका लागि कुशल भुर्तेलले आक्रामक ब्याटिङ गर्दै ५४ बलमा अविजित ९२ रन बनाएका थिए। त्यस्तै अनिल शाहले २५, गुलशन झाले १९, कप्तान रोहित पौडेलले १८ रन बनाएका थिए। त्यस्तौ अमेरिकाका बलर जसदीप सिंह र नोस्थस केन्जीगेले २–२ विकेट लिएका थिए भने सौरभ नेत्राभलकरले एक विकेट लिएका थिए। नेपालको यो जितपछि ३ खेलको सिरिज २–० ले जितेको छ र सिरिजमा कब्जा गरेको छ। अब सिरिजको अन्तिम खेल भोलि बिहान हुने तालिका छ।

सुपर ओभरमा नेपाल विजयी

काठमाडौँ । रियल मड्रिडले स्पेनिस ला लिगा अन्तर्गत सेल्टा भिगोलाई पराजित गरेको छ।&nbsp; शनिबार राती भएको खेलमा रियल मड्रिडले सेल्टा भिगोलाई २–१ गोल अन्तरले पराजित गरेको हो।&nbsp; रियलको जितमा किलीयन एम्बाप्पे र भिनिसियस् जुनियरले एक एक गोल गरे। त्यस्तै सेल्टा भिगोका लागि एक गोल विलियट स्वेडबर्गले गरे। जितसँगै रियलको १० खेलमा २४ अंक भएको छ र लिगमा दोस्रो स्थानमा रहेको छ। शीर्ष स्थानमा रहेको बार्सिलोनाको ९ खेलमा २४ अंक रहेको छ। पराजित सेल्टा भिगोको १० खेलमा १३ अंक छ।

सेल्टामाथि रियलको जित

काठमाडौँ । इन्टर मियामी २०२५ को फिफा क्लब विश्वकपमा छनोट भएको छ। मियामीले आइतबार बिहान सम्पन्न खेलमा न्यू इङल्याण्डलाई ६–२ गोल अन्तरले पराजित गर्दै २०२५ को फिफा क्लब विश्वकपमा छनोट भएको हो। मियामीको जितमा कप्तान लियोनेल मेस्सीले ह्याट्रिक गरेका थिए। मेस्सीले लगातार दोस्रो खेलमा ह्याट्रिक गरेका हुन्। त्यस्तै लुइस स्वरेजले २ गोल गरे। इन्टर मियामीले अमेरिकन लिग सकरमा कीर्तिमानी ७४ अंक हासिल गरेको छ। ३४ खेलमा २२ खेलमा जित, ८ बराबरी र ४ खेलमा हार बेहोरेको इन्टर मियामीले ७४ अंक बटुलेको छ। योसँगै एमएलएसको रेगुलर सिजन पनि सकिएको छ र इन्टर मियामीले उपाधि जितेको छ।

मियामी क्लब विश्वकपमा छनोट

काठमाडौं । नेपालले घरेलु टोली अमेरिकालाई १७१ रनको लक्ष्य दिएको छ।&nbsp; अमेरिकाविरुद्धको टी–२० सिरिजको दोस्रो खेलमा टस जितेर पहिले ब्याटिङ गरेको नेपालले निर्धारित २० ओभरमा ६ विकेट गुमाएर १७० रन बनायो।&nbsp; नेपालका लागि कुशल भुर्तेलले आक्रमक पारी खेले। उनले ५४ बलको सामना गर्दै ६ छक्का र ७ चौकाको मद्यतमा ९२ रनको बनाए।&nbsp; ओपनर अनिलकुमार शाह २५, गुलसन झा १९ तथा कप्तान रोहितकुमार पौडेलले १८ रन बनाएर आउट भए। भने करण केसी ६ रनमा अविजित रहे। यस्तै, अर्को ओपनर आसिफ शेखले एक रन, दीपेन्द्रसिंह ऐरी दुई, आसिप शेख एक रन मात्रै बनाउन सके।&nbsp; जसदीप सिंह र नोस्थस केन्जीगेले २(२ विकेट लिएका थिए भने सौरभ नेत्राभलकरले एक विकेट लिएका थिए।&nbsp; यसअघि पहिलो टी–२० सिरिजमा नेपालले अ‍ेमिरकालाई १७ रनले पराजित गरेको थियो।

नेपालले अमेरिकालाई दियो १७१ रनको लक्ष्य

काठमाडौं । सावित्रा भण्डारी ‘साम्बा’ ले फ्रान्सेली महिला फुटबलको शीर्ष डिभिजन लिगमा गोल गरेको खेलमा अभान्ट ग्वेन्ग्याम्पले विजयी हासिल गरेको छ। सावित्राको गोलसँगै अभान्ट ग्वेन्ग्याम्पले स्ट्रसबर्गलाई ३–२ ले पराजित गर्दै शनिबार सिजनको पहिलो जित हासिल गरेको हो।&nbsp; सावित्राले खेलको ५८औं मिनेटमा गोल गरेपछि अभान्ट ग्वेन्ग्याम्पले सुरुआती अग्रता बनाएको थियो। त्यसको सात मिनेटभित्रै दुई गोल गर्दै पाहुना टिम स्ट्रसबर्ग २–१ ले अगाडि बढ्यो। तर, घरेलु टिमकी अगाते ओलिभियरले ६६औं गोल गर्दै खेल २–२ बनाइन्। बराबरी उन्मुख खेलको इन्ज्युरी समयको अन्तिममा पाएको पेनाल्टीलाई लेइला पेनेउले निर्णायक गोलमा परिणत गरेपछि अभान्ट ग्वेन्ग्याम्पले ३–२ को जित निकालेको हो। साफ च्याम्पियनसिप २०२४ खेल्न नेपाल फर्कनुअअघि उनले आफ्नो क्लबका लागि महत्वपूर्ण तीन अंक दिलाएकी हुन्। एन्फाका अनुसार सम्बा साफ महिला च्याम्पियनसिप खेल्नका लागि आइतबार स्देश फर्किदैछिन्। उनि बिनाको नेपाली टिमले शुक्रबार भुटानविरुद्ध गोलरहित खेल्दै अंक बाँडेको थियो।

ग्वेन्ग्याम्पको जितमा सावित्राको गोल

काठमाडौं । विरगन्ज युथ एकेडेमीले फुटबलर्स मिसन टुगेदरद्धारा आयोजित दोश्रो भेट्रान्स फुटबल प्रतियोगिता विजयी सुरुआत गरेको छ।&nbsp; शनिबार मध्यपुर युथ एसोसियसनको खेल मैदानमा भएको उद्घाटन खेलमा विरगन्ज युथ एकेडेमीले श्री कुमारी क्लबलाई ३–२ गोलले पराजित गरेको हो।&nbsp; वीरगन्ज युथ एकेडेमीको जितमा चक्रधर चौधरी, संजय कुमार मण्डलले गोल गरेका थिए भने हरि शंकर महर्जनले आत्माघाती गोल गरेका थिए। त्यस्तै पराजित टिमको तर्फबाट सुधिर महर्जनले दुई गोल गरेका थिए।&nbsp; दोश्रो खेलमा सरस्वतीनगर भेट्रान्स क्लबले गण्डकी प्रदेश फुटबल संघलाई पेनाल्टी शुटआउटमा २–० ले पराजित गर्यो।&nbsp; निर्धारित समयसम्म दुवै टिमको तर्फबाट समान १÷१ गोल गरेका थिए। गण्डकीका लागि सन्तोष केसीले गोल गरेका थिए भने अमित परियारले आत्माघाती गोल गरेका थिए। प्रतियोगिता अन्तर्गत आइतबार विहान ९ बजे विजय युथ क्लब, हेटौडा विरुद्ध महावीर क्लब, दिउसो १ बजे फ्रिडम फाईटर विरुद्ध वीआर वदर्श र दिउँसो ३ बजे हाम्रो धरान भेट्रान्स विरुद्ध विरगन्ज युथ एकेडेमीबीच खेल हुनेछ।

भेट्रान्स फुटबल : विरगन्ज युथ एकेडेमी र सरस्वतीनगरको विजयी शुरुआत

काठमाडौं । टोटनहम हट्स्परले इङ्लिस प्रिमियर लिगमा पुनरागमन जीत हासिल गरेको छ।&nbsp; घरेलु मैदानमा टोटनहम होट्सपुर रंगशालामा शनिबार भएको खेलमा टोटह्यामले वेस्टह्यामाथि ४–१ गोलको पुनरागमन जित हासिल गरेको हो।&nbsp; टोटनह्यामको जितमा डेजान कुलुसेभस्की, यभिस बिसौमा र सन ह्युन मिनले गोल गरे । एक गोल आत्मघाती उपहारस्वरुप प्राप्त भयो । वेस्टहमका लागि मोहम्मद कुडुसले गोल गरे। खेलमा १–० गोलले पछि परेको अबस्थामा टोटनह्यामले सानदार पुनरागमन गर्दै ४–१ गोलको जित हासिल गरेको हो।&nbsp; जितसँगै आठ खेलमा १३ अंक जोडेको छैटौं स्थानमा उक्लिएको छ । पराजित वेस्टहम समान खेलबाट आठ अंकका १४औं स्थानमा छ।

टोटनह्यामको पुनरागमन जित

काठमाडौं । अक्टोबर २३ देखि २७ सम्म हुने एएफसी यू–१७ एसियन कप छनोट प्रतियोगितामा सहभागी हुने नेपाली राष्ट्रिय फुटबल टोलीको विदाइ भएको छ।&nbsp; कतारमा हुने उक्त प्रतियोगिताको लागि अखिल नेपाल फुटबल संघ (एन्फा) शनिबार एक कार्यक्रमका बीच राष्ट्रिय यू–१७ फुटबल टोलीलाई विदाइ गरेको हो।&nbsp; उक्त प्रतियोगितामा नेपाल समूह ‘एफ’ मा छ। नेपाल रहेको समूहमा जापान, कतार र मंगोलिया रहेका छन्। नेपाली टोलीले आफ्नो उद्घाटन खेलमा अक्टोबर २३ मा जापानसँग खेल्नेछ भने अक्टोबर २५ मा आयोजक राष्ट्र कतारसँग खेल्नेछ। नेपालको समूह चरणको अन्तिम खेल अक्टोबर २७ मा मंगोलियासँग हुनेछ। नेपाली टोली&nbsp; पेम्बा नुर्बु भोटे, रामबहादुर बोहरा, विशेष बानियाँ, प्रशान्त मोक्तान, सुजलमान घले, निशान राजलावोत, भुवन कामी, एकराज विश्वकर्मा, जोन विष्ट, सबिनया कटुवाल, अनुभव पुरी, लक्ष्मण थामी, विज्ञान खड्का, सुवास बाम, अलिक श्रेष्ठ, सविनकुमार लुङ्गेली मगर, रोहित श्रेष्ठ, सन्तोष गोङ्वा, रञ्जित लामा, तेन्जिङ शेर्पा, दिग्विजय शाही

यू–१७ नेपाली टिमको विदाइ

काठमाडौं । साफ महिला च्याम्पियनसिपमा नेपाल भुटानसँग बराबरीमा रोकिएको छ। त्रिपुरेश्वरस्थित दशरथ रंगशालामा शुक्रबार भएको दिनको दोस्रो खेलमा नेपाल भुटानसँग गोलरहित बराबरीमा रोकिएको हो।&nbsp; तुलनात्मक रुपमा भुटानविरुद्ध बल पोजिसनमा पकड जमाएको नेपालले गोल भने गर्न सकेन। नेपालले पहिलो र दोस्रो हाफमा गोलको लागि सुनौलो अवसर सिर्जना गरेपनि गोलविहिन बन्यो।&nbsp; यो नतिजासँगै समूह 'बी' मा रहेको दुबै टोलीले पहिलो खेलबाट एक एक अंक बाँडेका छन्।&nbsp; यसअघि आजै भएको पहिलो खेलमा श्रीलंकाले माल्दिभ्सलाई १–० ले हराउँदै श्रीलंकाले विजयी सुरुआत गरेको छ।

नेपाल भुटानसँग बराबरीमा रोकियो

पोखरा । नेपाल प्रिमियर लिगको फ्रेन्चाईज टिम पोखरा एभेन्जर्सले गण्डकी हिरोजका लागि खुल्ला दर्खास्त आह्वान गरेको छ।&nbsp; गण्डकी प्रदेशबाट ट्यालेन्ट हन्टको रुपमा खुल्ला गरिएको छनोटबाट पोखरा एभेन्जर्सले गण्डकी हिरोज टिमका लागि खेलाडी छनोट गर्ने बताएको छ। स्थानीय क्रिकेट र युवा खेलाडीको विकासका लागि पोखरा एभेन्जर्सले गण्डकी हिरोजको अवधारणा अघि सारेको छ । पोखरा एभेन्जर्स अन्तर्गत रहने गण्डकी हिरोजले स्थानीयसँगै प्रदेश स्तरबाट विभिन्न प्रतियोगितामा वर्षभरीनै प्रशिक्षण र प्रतिस्पर्धामा सहभागी हुनेछ।&nbsp; फ्रेन्चाईज क्रिकेटमार्फत घरेलु क्रिकेट विकासमा ठोस योगदान गर्ने उद्धेश्यले गण्डकी हिरोजको अवधारणामा काम गरिएको पोखरा एभेन्जर्सका अध्यक्ष सुबोध त्रिपाठीले बताउनुभयो । ‘गण्डकीको प्रतिनिधित्व गर्दै गण्डकी हिरोज घरेलु क्रिकेटमा वर्षभरीनै क्रियाशिल रहन्छ । स्थानीय खेलाडीमा योगदान गर्न सकियोस् भनेर ग्रासरुट विकासको यो अवधारणामा काम गरेका हौं ।’ उहाँले भन्नुभयो । खुल्ला छनोटबाट गण्डकी हिरोजमा उत्कृष्ट ५ खेलाडी छानिनेछन् । छनोट भएका खेलाडीलाई पोखरा एभेन्जर्सको बन्द प्रशिक्षणमा समावेश गर्नेछ ।&nbsp;छनोटबाट आएका उत्कृष्ट ५ मध्य एक जनाले आईकोनिक खेलाडीको रुपमा गण्डकी प्रदेशको प्रतिनिधित्व गरिरहेको पोखरा एभेन्जर्सबाट एनपीएल खेल्ने अवसर प्राप्त गर्नेछन् । गण्डकी प्रदेशमा हुने ट्यालेन्ट हन्टबाट आउने एक आईकोनिक खेलाडीलाई क्लबले सम्झौता सहित एनपीएलको टिममा राख्ने एभेन्जर्सका प्रबन्ध निर्देशक मनोबल श्रेष्ले बताउनुभयो । ‘छनोटबाट आएका अन्य खेलाडीले पोखरा एभेन्जर्सको मुख्य प्रशिक्षक अन्तर्गत रहेर प्रशिक्षण र सिक्ने अवसर प्राप्त गर्नेछन् । यसबाट स्थानीय खेलाडीको समेत स्तर वृद्धि हुनेछ ।’&nbsp; उहाँले भन्नुभयो । पोखरा एभेन्जर्सले मार्की खेलाडीको रुपमा कुशल भुर्तेल र मुख्य प्रशिक्षकमा पूर्व भारतीय क्रिकेटर तथा प्रशिक्षक राजीव कुमारलाई अनुबन्ध गरिसकेको छ । पहिलो विदेशी खेलाडीको रुपमा यूएसका विकेटकिपर ब्याट्सम्यान एन्ड्रिज गुसलाई एभेन्जर्सले भित्र्याईसकेको छ.

गण्डकी हिरोज बनेर एनपीएल खेल्ने मौका

काठमाडौं । जारी साफ महिला च्याम्पियनसिपमा श्रीलंकाले विजयी सुरुवात गरेको छ।&nbsp; त्रिपुरेश्वरस्थित दशरथ रंगशालामा शुक्रबार भएको खेलमा माल्दिभ्सलाई १–० ले हराउँदै श्रीलंकाले विजयी सुरुआत गरेको हो। खेलको १८औँ मिनेटमा इमेसा अनुराधिनीले गरेको गोल र्नै श्रीलंकाका लागि निर्णायक बनेको हो।&nbsp; जितसँगै ३ अंक जोडेको श्रीलंका समूह बी को शीर्ष स्थानमा उक्लिएको छ।

साफ च्याम्पियनसिप : श्रीलङ्काले माल्दिभ्सलाई हरायो

यमन विरुद्ध खेल्ने नेपाली टोली घोषणा भएको छ ।&nbsp; फिफा विश्वकप २०२६छनोटको दोस्रो चरण अन्तर्गत यमन विरुद्ध खेल्ने नेपाली टोली घोषणा भएको हो। नेपाली टोली गोलकिपर : किरण कुमार लिम्बु, दीप कार्की, अभिषेक बराल डिफेण्डर : अमृत श्रेष्ठ, अन्जन राई, अनन्त तामाङ, छिरिङ लामा, सनिश, रोहित चन्द, योगेश गुरुङ मिडफिल्डर : एरिक विष्ट, उत्सव राई, सेसेहाङ आङदम्बे, दिनेश हेन्जन, कृतिश रत्न छुन्चु फरवार्ड : जिलेस्पी जंग कार्की, आशिष चौधरी, राजेश परियार, सन्जिव विष्ट, अन्जन विष्ट, हिसुब थपलिया, आयुष घलान, मनिष डाँगी दोस्रो चरणको पहिलो खेलमा नेपाल यूएईसँग ४–० गोल अन्तरले पराजित भएको थियो।

Nepal Sports

MENU

FOOTBALL LEAGUE

FAVORITE CLUB

यमनविरुद्ध खेल्ने नेपाली टोली घोषणा

📰 Recent News