काठमाडौँ। काभा वुमन्स लिगअन्तर्गत आफ्नो दोस्रो खेलमा नेपाल पुलिस क्लब पराजित भएको छ।&nbsp; माल्दिभ्सको मालेमा शुक्रबार सम्पन्न खेलमा पुलिस इरानी क्लब फौलादसँग ३–० को सोझो सेटमा हार बेहोर्न बाध्य भयो। पहिलो सेटमा पुलिस २५–१४ र दोस्रो सेटमा २५–१५ ले पराजित भयो। प्रतिस्पर्धात्मक बनेको तेस्रो सेटमा भने पुलिसले केही सुधारिएको प्रदर्शन गरे पनि २५–१८ ले हार्दै जारी प्रतियोगितामा पहिलो हार व्यहोरेको हो। यो जितसँगै फौलादले प्रतियोगितामा लगातार दोस्रो जित दर्ता गरेको छ।

पुलिस पराजित

बहिस्कारको विवाद र अन्यौलताबीच ट्वान्टी ट्वान्टी विश्वकप २०२६ भारत र श्रीलंकामा आज सुरु हुँदैछ । पाकिस्तानले भारतविरुद्ध कोलम्बोमा हुने खेल बहिस्कार गर्ने घोषणा पनि प्रतियोगिता विवाद परेको हो । अहिलेसम्म पाकिस्तानी क्रिकेट बोर्डले त्यो खेल नखेल्ने भनेर भनेको छैन्, त्यसैले यो अन्यौलतामा पनि परेको छ । यसअघि अन्तर्राष्ट्रिय क्रिकेट काउन्सिल (आईसीसी) ले बंगलादेशलाई प्रतियोगिताबाट निकालेको छ । बंगलादेशले सुरक्षाको कारण देखाएर भारतमा नखेल्ने भनेको थियो । &nbsp;दक्षिण एसियाली भू राजनीतिको चपेटामा परेको यस विश्वकपमा कुल २० टिमको सहभागिता रहेको छ र तिनलाई चार समूहमा विभाजन गरिएको छ । लिग चरणको खेलको समाप्तीमा प्रत्येक समूहको शीर्ष दुई स्थानमा रहने टिमले सुपर एटको यात्रा तय गर्नेछ । शनिबार पहिलो दिनको खेलमा कोलम्बोमा नेदरल्यान्ड्स र पाकिस्तान, कोलकातामा स्कटल्यान्ड र वेस्ट इन्डिज तथा मुम्बईमा भारत र अमेरिका भिड्ने छन् । नेपाल प्रतियोगिताको समूह सी मा रहेको छ । त्यसमा दुई दुई पल्टका विश्वकप च्याम्पियन इंग्ल्यान्ड र वेस्ट इन्डिज रहेका छन् । यस्तै यस समूहमा स्टकल्यान्ड र स्कटल्यान्ड पनि रहेका छन् । शनिबार नेपालले मुम्बईको वानखडेमा हुने पहिलो खेलमा इंग्ल्यान्डको सामना गर्नेछ । खेलको पूर्व सन्ध्यामा नेपाली टिमका कप्तान रोहित पौडेलले आफ्नो टिमले अर्को चरण प्रवेशकै लागि खेल्ने बताएका छन् ।

आजदेखि ट्वान्टी ट्वान्टी विश्वकप

लिड्स युनाइटेडले इंग्लिस प्रिमियर लिगमा शुक्रबार त्यस्तो जित निकालेको छ, जसले उसलाई रेलिगेसनबाट बचाउन मदत गर्नेछ । लिड्सले आफ्नै घरमा नटिंघम फरेस्टमाथि ३–१ को जित रचेको हो । यो जितले लिड्सको २९ अंक भएको छ र यो रेलिगेसन क्षेत्रबाट नौ अंकले अगाडि हो । हारले फरेस्ट २६ अंकमा १७ औं स्थानमा रह्यो र उसमाथि रेलिगेसनको दबाब बढेको छ । एलान रोडमा लिड्सका लागि जेयडन बोग्ले, नोहा ओखफर र डोमिनिक क्लेभर्ट लेविनले एक एक गोल गरे । लोरेन्जो लुकाले फरेस्टले फरेस्टका लागि एक गोल फर्काए ।

लिड्स रेलिगेसन क्षेत्रबाट नौ अंक अगाडि

काठमाडाैं। राष्ट्रिय बहिरा ११–ए साईड फुटबल प्रतियोगिता २०८२ (पुरुष) यहि माघ २५ र २६ गते काठमाण्डौको त्रिपुरेश्वर स्थित दशरथ रंगशालामा हुने भएको छ।&nbsp; आज नेपाल पारा ओलम्पिकको कार्यालय दशरथ रंगशाला, त्रिपुरेश्वर काठमाण्डौमा पत्रकार सम्मेलन मार्फत प्रतियोगिताका बारेमा जानकारी गराईएको हो । सुन्दरढोका साथीसेवाले आपंगता खेलकुद प्रवद्र्धन गर्ने उद्देश्यले संचालन गर्दै आएको विकास शिल्ड अन्तरगत यस पटक राष्ट्रियस्तरमै बहिरा फुटबल प्रतियोगिता आयोजना गरिएको संस्थाकी कार्यकारी निर्देशक बिजेता लुईटेल अधिकारीले बताउनुभयो । “सुन्दरढोका साथी सेवाका संस्थापक स्व. श्री विकास अधिकारीको अपांगता खेलकुद प्रतिको अत्याधिक चाहना अनुरुप विकास शिल्डको स्थापना भएको हो ।” उहाँले भन्नुभयो “विकास शिल्ड अन्तरगत नै उक्त फुटबल प्रतियोगिता हुन लागेको हो, प्रतियोगिताको सम्पुर्ण तयारी पुरा भएको छ । हामी निकै उत्साहित छौँ ।” उक्त प्रतियोगितामा सहभागी हुनका लागि देशैभरीबाट खेलाडीहरु आउने र खेल दुई दिनसम्म दशरथ रंगशालामा सम्पन्न हुने आयोजकले बताएको छ । प्रतियोगितामा सहभागी हुनका लागि खेलाडीहरुको विभिन्न मापदण्ड पुरा भएको हुनुपर्ने आयोजकले जनाएको छ । जसमा अपांगता परिचय पत्र भएको हुनुपर्ने, कम्तिमा ५५ डेसिबल श्रवणशक्तिमा कमी रहेको हुनुपर्ने, १८ वर्ष पुरा भएको नेपाली नागरिक हुनुपर्ने, सुनाई क्षमताको लागि प्रमाणित अडियोलोजी रिपोर्ट हुनुपर्ने र शारीरिक रुपमा पुर्ण रुपमा तन्दुरुस्त हुनुपर्ने रहेको प्रेस विज्ञप्ती मार्फत जनाईएको छ ।&nbsp; राष्ट्रिय बहिरा ११–ए साईड फुटबल प्रतियोगिता २०८२ हेर्न आउने दर्शकहरुका लागि भने टिकट नलाग्ने र प्रवेश निशुल्क रहेको आयोजकले जनाएको छ । बहिरा अपांगता भएका व्यक्तिहरुको मनोबल र आत्मविस्वास बढाईदिन प्रतियोगिता हेर्न आउन आयोजकले सबैलाई आह्वान पनि गरेको छ ।&nbsp; सुन्दरढोका साथीसेवाले विकास शिल्ड मार्फत स्थापना काल देखी नै अपांगता खेलकुद सम्बन्धी प्रतियोगिताहरु सञ्चालन, खेल तथा खेलाडीको क्षमता विकासका लागि राष्ट्रिय तथा अन्तरराष्ट्रिय प्रशिक्षणहरु, खेलाडीलाई खेल समग्रीहरु प्रदान गरी अन्तराष्ट्रियस्तरमा मौका दिने जस्ता कार्यहरु गर्दै आएको पत्रकार सम्मेलन मार्फत जानकारी गराईएको छ ।

राष्ट्रिय बहिरा फुटबल प्रतियोगिता दशरथ रंगशालामा

काठमाडौं। मच्छिन्द्र फुटबल क्लबले राष्ट्रिय लिगमा श्री भगवती क्लबविरुद्ध जित निकालेको छ। त्रिपुरेश्वरस्थित दशरथ रंगशालामा शुक्रबार सम्पन्न खेलमा मच्छिन्द्रले २–० गोल अन्तरले हराएको हो। लिगमा भागवतीको यो चौथो हार हो। मच्छिन्द्रको भने पाँचौं जित हो।&nbsp; जितसँगै शीर्ष स्थानमा रहेको मच्छिन्द्रले ६ खेल खेल्दै १६ अंक पुर्‍याएको छ। समान खेलबाट भगवतीको ४ अंक छ। पहिलो हाफ गोलरहित बराबरीमा सकिएको थियो। खेलको ५३औं मिनेटमा जोनाथनको फ्री किकमा प्रदीप बुढाथोकीले गोल गर्दै मच्छिन्द्रलाई सुरुआती अग्रता दिलाए। ५७औं मिनेटमा दिवाकर चौधरीको पासमा फ्रैंकले गोल गर्दै मच्छिन्द्रलाई जित दिलाए।

भगवतीविरुद्ध मच्छिन्द्रको जित

काठमाडौं। करिम बेन्जेमाले ह्याट्रिक पूरा गरेपछि अल हिलालले अल ओख्दूदलाई फराकिलो अन्तरले पराजित गरेको छ।&nbsp; साउदी प्रो लिग अन्तर्गत बिहिबार राति सम्पन्न खेलमा हिलाल ६–० ले विजयी भयो। अल हिलालका लागि बेन्जेमाले खेलको ३१औं, ६०औं र ६४औं मिनेटमा गोल गर्दै ह्याट्रिक पूरा गरे। त्यसपछि ७०औं मिनेटमा माल्कमले गोल गर्दै अग्रता थपे।सलिम अल–दवसारीले ७४औं र इन्जुरी समयमा ९३औं मिनेटमा गोल गर्दै टोलीको फराकिलो जित पक्का गरे। यो जितसँगै अल हिलालले २० खेलबाट लिगमा ५० अंक जोड्दै शीर्ष स्थान थप मजबुत बनाएको छ। पछिल्लो चार खेलमा हिलालको यो पहिलो जित हो।

बेन्जेमाको ह्याट्रिकमा अल हिलालको फराकिलो जित

काठमाडौं। काभा वुमन्स लिगअन्तर्गत नेपाल पुलिस क्लबले आफ्नो दोस्रो खेलमा इरानी क्लब फौलादसँग प्रतिस्पर्धा गर्ने भएको छ। माल्दिभ्समा जारी प्रतियोगिताको यो खेल नेपाली समयअनुसार शुक्रबार राति ९:१५ बजेबाट सुरु हुनेछ। पहिलो खेलमा जित निकाल्दै उत्साहमा रहेको पुलिस क्लब आज दोस्रो लगातार जितको खोजीमा मैदान उत्रनेछ। उता इरानी क्लब फौलाद पनि आफ्नो दोस्रो जित हात पार्ने लक्ष्यसहित खेलमा उत्रँदैछ। यसअघि बिहिबारको खेलमा पुलिसले उज्वेकिस्तानको हुमोलाई ३-१ को सेटमा पराजित गर्दै समूह बी मा विजयी सुरुआत गरेको थियो।

काभा वुमन्स लिग: दोस्रो जितको खोजीमा पुलिस

काठमाडौं। काभा वुमन्स भलिबल लिगमा नेपाल पुलिस क्लबले विजयी सुरुआत गरेको छ। माल्दिभ्सको मालेमा बिहिबार सम्पन्न समूह ‘बी’ को खेलमा नेपाल पुलिसले उज्वेकिस्तानको हुमो भलिबल क्लबलाई ३–१ सेटमा पराजित गर्‍यो। नेपाल पुलिसले प्रतिस्पर्धात्मक बनेको पहिलो सेट ३०–२८ ले जित्दै राम्रो सुरुआत गर्‍यो। दोस्रो सेटमा भने पुलिस २१–२५ ले पछि पर्‍यो। त्यसपछि तेस्रो सेट २५–२१ र चौथो सेट २५–२३ ले आफ्नो पक्षमा पार्दै पुलिसले खेल आफ्नो नाममा लेखायो। यो जितसँगै पुलिसले पहिलो खेलमै ३ अंक जोड्न सफल भएको छ। हुमोले जारी प्रतियोगितामा लगातार दोस्रो हार ब्यहोरेको छ।

नेपाल पुलिसको विजयी सुरुआत

काठमाडौं। ओपनर आसिफ शेखको विस्फोटक ब्याटिङमा नेपालले आईसीसी टी–२० विश्वकप अघिको अभ्यास खेलमा क्यानडालाई ६ विकेटले पराजित गरेको छ। चेन्नईस्थित एमए चिदम्बरम स्टेडियममा सम्पन्न खेलमा नेपालले १६२ रनको लक्ष्य १८ ओभरमै ४ विकेट गुमाउँदै पूरा गर्‍यो। नेपालको जितमा आसिफ शेखले मुख्य भूमिका खेले। उनले मात्र २९ बलमा ५८ रनको आक्रामक पारी खेल्दै नेपाललाई जिततर्फ डोर्‍याए। आसिफले सन्दीप जोरासँग मिलेर तेस्रो विकेटका लागि ८४ रनको महत्वपूर्ण साझेदारी गरे। जोराले धैर्यतापूर्वक ब्याटिङ गर्दै ३० बलमा ४ चौका र १ छक्का सहित ४४ रन बनाए। आसिफ रिटायर्ड आउट भएका थिए। यस्तै गुल्सन झाले ३१ रनको योगदान दिए भने अर्का ओपनर कुशल भुर्तेल १२ रनमा आउट भए। यसअघि टस जितेर पहिले ब्याटिङ गरेको क्यानडाले निर्धारित २० ओभरमा ६ विकेट गुमाउँदै १६१ रन बनाएको थियो। क्यानडाका नवनीत धालिवालले सर्वाधिक ४१ रन जोडे। श्रेयस मोव्वा ३८ रनमा अविजित रहँदा कंवरपाल तथगुरले २५ र जसकरण सिंहले २१ रन बनाए। निकोलस किर्टन भने १० रनमै आउट भए। नेपालका बलरमध्ये सन्दीप लामिछाने र कुशल भुर्तेलले समान २–२ विकेट लिए। सोमपाल कामी र नन्दन यादवले १–१ विकेट हात पारे। यो जितसँगै अभ्यास खेलमा नेपालको लगातार दोस्रो जित भएको छ। यसअघि नेपालले यूएईलाई ७ विकेटले पराजित गर्दै प्रतियोगिताको सुरुआत गरेको थियो।

आसिफ चम्किँदा नेपाललाई क्यानडामाथि ६ विकेटको प्रभावशाली जित

काठमाडौं। क्यानडाले नेपाललाई १६२ रनको लक्ष्य दिएको छ। एमए चिदम्बरम स्टेडियम, चेपौक, चेन्नईमा टस जितेर पहिले ब्याटिङ गरेको क्यानडाले निर्धारित २० ओभरमा ६ विकेट गुमाउँदै १६१ रन बनायो। क्यानडाका नवनीत धालिवालले सर्वाधिक ४१ रनको योगदान दिए। यस्तै कंवरपाल तथगुरले २५, जसकरण सिंहले २१ रन बनाए भने निकोलस किर्टन १० रनमा आउट भए। श्रेयस मोव्वा भने ३८ रनमा अविजित रहे। नेपालका लागि सन्दिप लामिछाने र कुशल भुर्तेलले समान २–२ विकेट लिए। सोमपाल कामी र नन्दन यादवले समान १–१ विकेट हात पारे। यसअघि पहिलो खेलमा नेपालले यूएईलाई ७ विकेटले पराजित गर्दै प्रतियोगिताको सुरुआत जितसँगै गरेको थियो। क्यानडाविरुद्ध पनि नेपाल जित निकाल्ने लक्ष्यसहित मैदानमा उत्रिएको छ।

क्यानडाले नेपाललाई दियो १६२ रनको लक्ष्य

काठमाडौं। साबिक विजेता नेपाल पुलिस क्लबले काभा वुमन्स लिगको पहिलो खेलमा उज्बेकिस्तानको हुमो भलिबल क्लबलाई चुनौती प्रस्तुत गर्दैछ। माल्दिभ्सको राजधानी मालेस्थित सोसल सेन्टर इन्डोर हलमा यी दुई टोली भिड्न लागेका हुन्। यी दुईबीचको खेल बिहीबार साँझ ५ बजे सुरु हुनेछ।&nbsp; पुलिसको यो पहिलो खेल हो। हुमोले यो दोस्रो खेल हो। हुमो पहिलो खेलमा माल्दिभ्सको क्लब हुरासँग ३-० को सेटमा पराजित थियो।&nbsp;

पुलिस र हुमो खेल्दै

नेपालले बिहीबार ट्वान्टी ट्वान्टी विश्वकपको आफ्नो अन्तिम तथा दोस्रो वार्म अप खेलमा क्यानाडाको सामना गर्दैछ । यो खेल चेन्नाइको एमए चिदम्बरम स्टेडियममा हुनेछ । नेपालले यसअघिको खेलम यूएईलाई हराएको थियो । चेन्नाइमै भएको त्यस खेलमा यूएईले पहिले ब्याटिङ गर्दै छ विकेटमा १ सय ४५ रन बनाएको थियो । जवाफमा नेपालले तीन विकेटमा १ सय ४८ रन बनाएको थियो । बिहीबारका अन्य खेलमध्ये कोलम्बोमा ओमान र जिम्बावे तथा अस्ट्रेलिया र नेदरल्यान्ड्स भिड्ने छन् । मुम्बईमै न्युजिल्यान्ड र अमेरिकाबीच अर्को खेल हुनेछ । क्यानाडाविरुद्धको खेलपछि नेपाली टिम मुम्बई जानेछ र समूह सी मा इंग्ल्यान्डविरुद्धको आधिकारिक खेलका लागि तयारी गर्नेछ ।

नेपाल आज क्यानडाको सामना

ट्वान्टी ट्वान्टी विश्वकप २०२६ को पूर्व सन्ध्यामा बुधबार आयोजना भएका आधिकारी वार्मअप खेलमा भारत, नामिबिया र अफगानिस्तान विजयी रहे । वर्षाले कोलम्बोमा पाकिस्तान र आयरल्यान्डबीचको खेल रद्द भएको छ । मुम्बईको डीवाई पाटिल स्पोर्टस एकेडेमीमा भएको खेलमा भारतले दक्षिण अफ्रिकालाई ३० रनले हराउन सफल रह्यो । हाइस्कोरिङ खेलमा भारतले पहिले ब्याटिङ गर्दै छ विकेटमा २ सय ४० रन बनाएपछि जवाफमा दक्षिण अफ्रिकाले सात विकेटमा २ सय १० रन मात्र बनाएको हो । <img src="https://app.nepalsportz.com/media/django-summernote/2026-02-05/fec46f7a-0272-40d4-9a82-b4cfc71bc738.jpeg" style="width: 698px;"> बेंगलुरुमाभएको खेलमा अर्को खेलमा नामिबियाले स्कटल्यान्डलाई छ रनले हराएयो । नामिबियाले सुरुमा चार विकेट गुमाएर २ सय २६ रन बनाएपछि जवाफमा स्कटल्यान्ड पाँच विकेटमा २ सय २० रन बनाएर समेटियो । &nbsp; <img src="https://app.nepalsportz.com/media/django-summernote/2026-02-05/de0c0924-1dad-4e68-b3a0-27c6ca2bb59f.jpeg" style="width: 698px;"> अफगानिस्तानले बेंगलुरुमै वेस्ट इन्डिजमाथि २३ रनले जित दर्ता गरेको हो । अफगानिस्तानले छ विकेटमा १ सय ८२ रन बनाएपछि जवाफमा वेस्ट इन्डिजले ५९ रन मात्र बनाउन सक्यो ।

भारत, नामिबिया र अफगानिस्तान विजयी

लिगकप फाइनलमा आर्सनलले म्यानचेस्टर सिटीको सामना गर्ने भएको छ । सिटीले दोस्रो लेगको सेमिफाइनलमा बुधबार न्युकासल युनाइटेडलाई ३–१ ले हरायो । अब फाइनल मार्च २२ मा वेम्बलीमा हुने छ । आर्सनलले यसअघि चेल्सीलाई सेमिफाइनलमा हराएको थियो । सिटीले भने समग्रमा ५–१ को अग्रता लिएको हो । इतिहाडमा भएकोखेलमा सिटी लागि ओमर मारमोसले दुई तथा टिजानी रेजिन्डर्सले एक गोल गरे । न्युकासलका तर्फबाट एन्थोनी एलान्गाले एक गोल फर्काए । आफ्नो प्रतिष्ठा अनुसार खेल्न असफल सिटीका लागि फाइनल प्रवेश राहतको उपलब्धी रहेको छ ।

City फाइनलमा सिटीले आर्सनलको सामना गर्ने

काठमाडौं। पोखरामा जारी साफ यु–१९ महिला च्याम्पियनसिप फुटबल प्रतियोगिताबाट नेपाल लिग चरणबाटै बाहिरिएको छ। पोखरा रङ्गशालामा बुधबार सम्पन्न लिग चरणको अन्तिम खेलमा बङ्गलादेशसँग ४–० गोलले पराजित भएसँगै नेपालको फाइनल पुग्ने सम्भावना समाप्त भएको हो। बङ्गलादेशले पहिलो हाफमा दुई तथा दोस्रो हाफमा दुई गोल गर्दै स्पष्ट जित निकाल्यो। बङ्गलादेशलाई जित दिलाउन अल्पी अख्तरले ह्याट्रिक गरिन्। खेलको तेस्रो मिनेटमै प्रोतिमा मुण्डाले गोल गर्दै बङ्गलादेशलाई अग्रता दिलाएकी थिइन्। त्यसपछि पहिलो हाफको इन्जुरी समयमा अख्तरले गोल गर्दै अग्रता दोब्बर पारिन्। दोस्रो हाफमा उनले थप दुई गोल गर्दै ह्याट्रिक पूरा गरिन्। बुधबार नै सम्पन्न पहिलो खेलमा भारतले भुटानलाई ८–० गोलले पराजित गरेको थियो। दुई जित र एक हारसहित ६ अङ्क जोडेको भारत फाइनलमा प्रवेश गरेको छ। लिग चरणका शीर्ष दुई टोली भारत र बङ्गलादेशबीच उपाधिका लागि प्रतिस्पर्धा हुनेछ। प्रतियोगितामा नेपालले दुई हार र एक खेलमा जित निकाल्दै तीन अङ्कमा सीमित रहँदा भुटानले भने कुनै पनि अङ्क जोड्न सकेन।

बङ्गलादेशसँग पराजित हुँदै नेपाल बाहिरियो

काठमाडौं। राष्ट्रिय लिगअन्तर्गत बुधबार दुई खेल सम्पन्न भएका छन्। सातदोबाटोस्थित एन्फा कम्प्लेक्समा सम्पन्न खेलमा काक्रेबिहार युथ क्लब र चित्लाङ एफसी २–२ गोलको बराबरीमा रोकिए भने प्लानिङ ब्वाइज युनाइटेडले फ्रेन्ड्स क्लबलाई २–० ले पराजित गरेको छ। दिनको पहिलो खेलमा काक्रेबिहारका लागि भरत नगाल र सन्दिप देउवाले गोल गरे। चित्लाङका तर्फबाट चेतनकुमार थारु र एरोन थापाले गोल गर्दै टिमलाई बराबरीमा पुर्‍याए। खेलको सुरुआती अग्रता भने काक्रेबिहारले बनाएको थियो। <img src="https://app.nepalsportz.com/media/django-summernote/2026-02-04/5f178af9-3a6d-4f35-b625-9fc80328cd9e.jpeg" style="width: 698px;"> दोस्रो खेलमा प्लानिङ ब्वाइजको जितमा फागुराम थारु नायक बने। उनले खेलका दुवै गोल गर्दै टिमलाई महत्त्वपूर्ण तीन अंक दिलाए।

प्लानिङ ब्वाइज विजयी, चित्लाङ र काक्रेबिहार बराबरीमा

काठमाडौं। एक्सट्रिम इनर्जी ड्रिंक्स र नेपाल क्रिकेट संघ (क्यान) बीचको साझेदारीअन्तर्गत एक्सट्रिम इनर्जी ड्रिंक्सको लोगो अंकित नेपाल राष्ट्रिय महिला क्रिकेट टोलीको नयाँ जर्सी सार्वजनिक गरिएको छ। क्यान र एक्सट्रिम इनर्जी ड्रिंक्सबीच जर्सी प्रायोजनसम्बन्धी दुई वर्षे सम्झौता माघ २ गते शुक्रबार सम्पन्न भएको थियो। सोही सम्झौताअनुसार तयार गरिएको नयाँ जर्सी राष्ट्रिय खेलकुद परिषद्‌का सदस्य-सचिव राम चरित्र मेहेता र क्यानका सचिव पारस खड्काले बुधबार संयुक्त रूपमा सार्वजनिक गरेका हुन्। जर्सी अनावरण कार्यक्रममा नेपाल क्रिकेट संघका पदाधिकारी, राष्ट्रिय महिला क्रिकेट टोलीका खेलाडी, एक्सट्रिम इनर्जी ड्रिंक्सका प्रतिनिधिको उपस्थिति रहेको थियो। कार्यक्रममा एक्सट्रिम इनर्जी ड्रिंक्सले नेपाली क्रिकेट, विशेषगरी महिला क्रिकेटको दीर्घकालीन विकासमा सहकार्य गर्ने प्रतिबद्धता व्यक्त गरेको छ। जर्सी प्रायोजनले खेलाडीहरूलाई प्रोत्साहन, आत्मविश्वास र व्यावसायिक वातावरण प्रदान गर्ने विश्वास व्यक्त गरिएको छ। यस सहकार्यले टोलीको तयारी, मनोबल र अन्तर्राष्ट्रिय प्रतिस्पर्धात्मक क्षमतामा सकारात्मक प्रभाव पार्ने अपेक्षा गरिएको छ। त्यसैगरी राष्ट्रिय खेलकुद परिषद्‌का सदस्य-सचिव मेहेताले निजी क्षेत्रबाट प्राप्त सहयोगले नेपाली क्रिकेटको समग्र विकासमा महत्वपूर्ण योगदान पुग्ने बताएका छन्। सार्वजनिक गरिएको नयाँ जर्सीले नेपाली महिला क्रिकेट टोलीको पहिचानलाई थप सशक्त बनाउने र अन्तर्राष्ट्रिय मञ्चमा नेपालको उपस्थिति अझ बलियो बनाउने विश्वास पनि व्यक्त गरिएको छ। यस अवसरमा एक्सट्रिम इनर्जी ड्रिंक्सले आईसीसी मेन्स टी–२० विश्वकप क्रिकेट खेल हेर्न मैदान पुग्ने समर्थकहरूका लागि वानडे स्टेडियममा २ हजार थान नेपाली क्रिकेट टोलीको जर्सी निःशुल्क वितरण गर्ने जानकारी दिएको छ।

महिला क्रिकेट टोलीको नयाँ जर्सी सार्वजनिक

काठमाडौं। आगामी शुक्रबारदेखि काठमाडौं महानगरपालिका अन्तर वडाव्यापी वीर गणेशमान स्मृति रनिङ शिल्ड खुला तेक्वान्दो प्रतियोगिता हुने भएको छ । काठमाडौं महानगरपालिका वडा-२२ को आयोजना र संकटा क्लब सहआयोजनामा आगामी माघ २३ र २४ गते संकटाको टेबहाल परिसरमा हुने भएको हो । आयोजकले बुधबार पत्रकार सम्मेलन आयोजना गर्दै&nbsp; नेपालको प्रजातान्त्रिक आन्दोलनका योद्धा वीर गणेशमान सिंहको स्मृतिमा प्रतियोगिता गर्न लागेको जनाएको छ । यस प्रतियोगितामा काठमाडौं महानगरपालिकाका ३२ वटै वडाका खेलाडीले प्रतिस्पर्धा गर्नेछन् । प्रतियोगितामा कुल ६ सय ४० खेलाडी सहभागी हुने अनुमान गरिएको छ । त्यसमा पुरुष तीन सय २० र महिला तीन सय २० जना खेलाडी रहनेछन् । प्रत्येक टिमबाट अधिकतम् २० जना खेलाडी सहभागी हुन पाउने व्यवस्था गरिएको छ । प्रतियोगिताको प्राविधिक सहयोग नेपाल तेक्वान्दो संघले प्रदान गर्नेछ । प्रतियोगितामा ग्योरोगी (प्थयचगनष्) तर्फ पुरुष र महिलामा समान आठ तौलसमूहमा प्रतिस्पर्धा हुनेछ । फाइटमा महिलातर्फ २०–२४ केजी, २४–२८ केजी, २८–३२ केजी, ३२–३६ केजी, ४०–४४ केजी, ४४–४८ केजी र ४८–५२ केजी तौलसमूहमा प्रतिस्पर्धा हुनेछ । पुरुषतर्पm पनि सोही तौलसमूहमा खेल हुनेछ । यसैगरी, एकल पुम्से (एययmकबभ) तर्फ पुरुष तथा महिलामा दुई उमेरसमूह १२ वर्षमुनि र १२ वर्षदेखि १६ वर्षसम्म प्रतिस्पर्धा हुनेछ । प्रतियोगितामा कुल २० स्वर्ण, २० रजत र ४० कांस्य पदक प्रदान गरिनेछ । खेलाडीहरूलाई पदकसँगै नगद पुरस्कारको व्यवस्था पनि गरिएको छ । स्वर्ण पदक विजेताले तीन हजार, रजत पदक विजेताले दुई हजार र कांस्य पदक विजेताले एक हजार नगद पुरस्कारका साथै पदक प्राप्त गर्नेछन् । टिम च्याम्पियनले ट्रफी पनि पाउनेछ । उक्त प्रतियोगिता सञ्चालनका लागि अनुमानित १० लाख रुपैयाँ बजेट विनियोजन गरिएको आयोजकले जनाएको छ । प्रतियोगिताले महानगरस्तरमा तेक्वान्दो खेलको विकास, खेलाडीहरूको प्रतिभा पहिचान तथा युवा पुस्तामा खेलकुदप्रतिको आकर्षण बढाउने विश्वास लिइएको छ ।

शुक्रबारदेखि काठमाडौं महानगरपालिका अन्तर वडाव्यापी गणेशमान स्मृति खुला तेक्वान्दो हुने

काठमाडौं। नेपाल क्रिकेट संघ (क्यान) को आयोजनामा हुने जय ट्रफी क्रिकेट प्रतियोगिता&nbsp;फागुन ८ देखि १५&nbsp;गतेसम्म सञ्चालन हुनेछ।&nbsp; प्रतियोगिता त्रिवि र मूलपानी अन्तर्राष्ट्रिय क्रिकेट मैदानमा हुनेछ। त्रिभुवन आर्मी, नेपाल पुलिस, एपीएफ र बागमती प्रदेश सहभागी प्रतियोगिताका लिग चरणका खेल दुई-दुई दिनका हुनेछन्।&nbsp; लिगपछि शीर्ष दुई टोलीबीच फाइनल खेल त्रिवि मैदानमा आयोजना हुनेछ। सबै खेल बिहान ९:३० बजे सुरु हुनेछन्।

जय ट्रफी फागुनमा

&nbsp;काइ हाभर्टेजले दोस्रो हाफको इन्ज्युरी समयको सातौं मिनेटमा गरेको गोलको मदतले आर्सनलले चेल्सीलाई १–० ले पराजित गर्दै मंगलबार लिगकपको फाइनल यात्रा निश्चित गरेको छ । यससँगै आर्सनल समग्रमा ४–२ ले अगाडि रह्यो । पहिलो लेगको सेमिफाइलनमा आर्सनल ३–२ ले अगाडि थियो । इंग्लिस प्रिमियर लिगको शीर्षमा रहेको आर्सनलसामु छ वर्षयता फाइनल खेल्ने अवसर जुरेको हो । आर्सनल युरोपेली च्याम्पियन्स लिगको अन्तिम १६ मा पनि पुगिसकेको छ । उपाधिको भिडन्तमा आर्सनलको प्रतिद्वन्द्वी म्यानचेस्टर सिटी अथवा न्युकासल युनाइटेडमध्ये एक हुनेछ । अर्को पहिलो लेगको सेमिफाइनलमा सिटी २–० ले अगाडि रहेको छ र दोस्रो लेग बुधबार हुनेछ ।

Nepalsports

लिड्स रेलिगेसन क्षेत्रबाट नौ अंक अगाडि

📰 Recent News

Nepalsports