मेक्सिकोले विश्वकप २०२६ मा बिहीबार शानदार विजयी सुरुआत लिएको छ । प्रतियोगिताको उद्घाटन खेलमा सहआयोजक मेक्सिकोले नौ खेलाडीमा सीमित दक्षिण अफ्रिकालाई २–० ले पराजित गरेको हो ।

ऐतिहासिक स्टाडियो एजटेकामा भएको खेलमा जुलियन क्विनेसले नवौं मिनेटमा पहिलो गोल गरे । त्यसपछि भेट्रान स्ट्राइकर राउल जिमिनेजले ६७ औं मिनेटमा दोस्रो गोल थपे । यो जितपछि समूह ए बाट मेक्सिकोको नकआउट चरण पुग्ने सम्भावना बलियो भएको छ ।

पूरा खेल अवधिमा दक्षिण अफ्रिकाले बलियो चुनौती पेस गर्न सकेन् र उसले रातो कार्डमा स्फेफेलो सिथोल तथा टेम्बा जेवानेलाई गुमाएको थियो । खेलको अन्त्यतिर मेक्सिकोका डिफेन्डर सिजर मोन्टेस रातो कार्ड खाएर मैदान छाड्न बाध्य रहे ।

त्यस खेल अगाडि आयोजित उद्घाटन समारोहमा सकिरा लगायत अन्यले सांगितिक प्रस्तुत पनि दिएका थिए । मेक्सिकोमा ४० वर्षयता पहिलो पटक विश्वकप फर्केको हो ।