काठमाडौं। लाओसमा सम्पन्न एएफसी एसियन कप छनोटमा सहभागिता जनाएर नेपाली राष्ट्रिय फुटबल टोली स्वदेश फर्किएको छ। टोली बिहीबार काठमाडौं आइपुगेको हो। छनोटअन्तर्गतको खेलमा नेपाल १–० ले पराजित भएको थियो। टोली स्वदेश फर्किएपछि त्रिभुवन अन्तर्राष्ट्रिय विमानस्थलमा निलम्बित अखिल नेपाल फुटबल संघ (एन्फा)का प्रवक्ता सुरेश शाहले स्वागत गरेका थिए। समग्र छनोट यात्रामा नेपाल समूह ‘एफ’ को पुछारमा रह्यो। नेपालले एक खेलमा मात्र जित दर्ता गर्दा बाँकी पाँच खेलमा पराजय व्यहोर्नुपर्‍यो।&nbsp;

स्वदेश आइपुग्यो नेपाली टोली

काठमाडौं। प्रधानमन्त्री कप राष्ट्रिय पुरुष क्रिकेट प्रतियोगिता अन्तर्गत मधेस प्रदेशले त्रिभुवन आर्मीलाई १८५ रनको लक्ष्य प्रस्तुत गरेको छ। जनकपुरस्थित रामजानकी बहुउद्देश्यीय रंगशालामा टस हारेर पहिले ब्याटिङमा उत्रिएको मधेश ४८.३ ओभरमा अलआउट हुँदै १८४ रनमा समेटिएको हो। मधेशका विशाल शुस्लिङले सर्वाधिक ५१ रनको अर्धशतकीय इनिङ्ग खेले। कप्तान तथा विकेटकिपर अनिल साहले ४२ रन बनाउँदा पवन सर्राफले २२ रनको योगदान दिए। मधेशको सुरुवात भने कमजोर रह्यो। मयन यादव ५ रनमा आउट हुँदा निरज यादव ९ रनमै पवेलियन फर्किए। त्यसपछि अनिल साह र पवन सर्राफले इनिङ्स सम्हाल्ने प्रयास गरे पनि नियमित अन्तरालमा विकेट झर्दा मधेश दबाबमा रह्यो। अरनिको यादव ९ रनमा आउट भए भने मोहम्मद आदिल आलम ४, रुपेश सिंह ८ र विशाल पटेल १६ ले सानो योगदान दिए। अन्त्यतिर रणजीत कुमार ४ रनमा अविजित रहँदा आशिक बैठा खाता नै नखोली आउट भए। आर्मीका बसिर अहमदले ३ विकेट लिए। नरेन साउद र शहाब आलमले समान २र२ विकेट लिए भने कुशल मल्ल, आकाश चन्द र पवन कार्कीले १र१ विकेट लिए।

मधेसले आर्मीलाई दियो १८५ रनको लक्ष्य

काठमाडौं। नेपाल राष्ट्रिय तथा अन्तर्राष्ट्रिय खेलाडी संघ (एनएनआईपीए) को आयोजनामा हुने २० औं एनएनआईपीए स्पोर्ट्स अवार्ड– २०८२ को तयारी पूरा भएको छ । आयोजक खेलाडी संघका अध्यक्ष शिवसुन्दर गोथेले तयारी पूरा भएको बुधबार आयोजित पत्रकार सम्मेलनमा जानकारी गराए । स्थानिय आयोजक बनेपा नगरपालिकाका मेयर शान्तिरत्न शाक्यले अवर्डामा सहभागी हुने सबैको स्वागतका लागि तयार रहेको बताउदै अवार्ड आयोजना गर्न अवसर दिएकोमा खेलाडी संघलाई धन्यवाद दिए । विभिन्न २६ खेलका त्यत्तिनै संख्यामा खेलाडीलाई पुरस्कृत गरिने महासचिव गोथेले बताए । फुटबल, एथलेटिक्स, ह्यान्डबल, गल्फ, उसु, भारोत्तोलन, जुडो, ब्याडमिन्टन, आर्चरी, फेन्सिङ, ट्रायथलन, पौडी, कुस्ती, बास्केटबल, कबड्डी, कराते, भलिबल, तेक्वान्दो, जिम्न्याष्टिक, लनटेनिस, हक्की, टेबलटेनिस, बक्सिङ, स्की, क्यानोइङ र साइक्लिङ खेलका खेलाडीलाई जनही १५ हजार नगदसहित पुरस्कृत गरिने छ । त्यसबाहेक समान १–१ पुरुष÷महिला सर्वोत्कृष्ट खेलाडीलाई जनही १ लाख र प्रतिभाशाली खेलाडीलाई जनही ५० हजार, एक पाका खेल व्यक्तित्वलाई गजराज जोशी आदर्श खेल व्यक्तित्व र एक खेल पत्रकारलाई एनएनआईपीए खेल पत्रकारिता पुरस्कारसहित जनही ३५ हजार तथा एक वर्ष उत्कृष्ट पारा खेलाडीलाई १५ हजार नगद पुरस्कारसहित सम्मान गरिने छ । अवार्ड कार्यक्रम बनेपा नगरपालिकाको चण्डेश्वरी मन्दिर परिसरमा हुनेछ । अवार्ड कार्यक्रम काठमाडौं उपत्यका बाहिर पहिलोपटक हुन लागेको हो ।

एनएनआईपीए स्पोर्ट्स अवार्डको तयारी पूरा

काठमाडौं। नेपाल साफ यू-२० च्याम्पियनसिपको सेमिफाइनलबाट बाहिरिएको छ। माल्दिभ्समा बुधबार सम्पन्न सेमिफाइनलमा बंगलादेशसँग १-० ले पराजित हुँदै नेपाल फाइनल पुग्न असफल भएकाे हाे। सेमिफाइनलमा बंगलादेशको जितमा १०औं मिनेटमा एमडी मानिकले गरेको गोल निर्णायक बन्यो। नेपालले गोल गर्ने अवसरहरू सिर्जना गरे पनि गोल गर्न सकेन। बंगलादेशले अब उपाधिका लागि भारत र भुटानबीचको विजेतासँग प्रतिस्पर्धा गर्नेछ। उमेर समूहमा नेपालले दुई र बंगलादेशले एक-एक पटक उपाधि जितेका छन्।

नेपाल सेमिफाइनलबाट बाहिरियो

दिल्ली क्यापिटल्सले इन्डियन प्रिमियर लिग (आईपीएल) २०२६ मा बुधबार लखनउ सुपर जायन्ट्सलाई सजिलै छ विकेटले पराजित गरेको छ । विजयी सुरुआत लिने क्रममा १ सय ४२ रनको लक्ष्य पछ्याएको दिल्लीले चार विकेटमा १ सय ४५ रन बनाएको थियो । जितसम्म पुग्दा दिल्लीले १७.१ ओभर मात्रै खेलेको थियो । लखनउमा भएको खेलमा घरेलु टिमले पहिले ब्याटिङ गर्दै १८.४ ओभरमा अलआउट भएर १ सय ४१ रन बनाएको थियो । त्यसमा अब्दुल समदको ३६ रन नै सर्वाधिक ठूलो स्कोर रह्यो । दिल्लीका लागि भने समीर रिज्भीले नटआउट रहेर ४७ बलमा ७० रन बनाए । उनले पाँच चौका र चार छक्का प्रहार गरे ।

दिल्लीको सजिलो जित

काठमाडाैं। प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा बागमती प्रदेशले कर्णाली प्रदेशलाई ६० रनले पराजित गरेको छ। रामजानकी बहुउद्देश्यीय रंगशालामा बुधबार सम्पन्न खेलमा बागमतीले दिएको १८१ रनको लक्ष्य पछ्याएको कर्णाली २५.१ ओभरमै १२० रनमा समेटियो। कर्णालीका लागि निश्चल रावलले सर्वाधिक ३१ रन बनाए भने दिनेश अधिकारीले २२ रन जोडे। अन्य ब्याटरले उल्लेखनीय योगदान दिन सकेनन्। बागमतीका कप्तान सन्दीप लामिछानेले घातक बलिङ गर्दै एक्लै ७ विकेट लिए। उनले कर्णालीको मध्य र तल्लोक्रम ध्वस्त पार्दै खेल एकतर्फी बनाएका थिए। यसअघि टस हारेर पहिले ब्याटिङ गरेको बागमती ३८.४ ओभरमा १८० रनमा अलआउट भएको थियो। टोलीका लागि विवेक मगरले ५६ रन बनाउँदै अर्धशतक प्रहार गरे। उनले ८० बलमा २ चौका र ४ छक्का प्रहार गरे। शीर्षक्रममा शिवम तिवारी १८, शुभ कंसाकार २०, पवन थापा २२ र इशान पाण्डे २७ ले राम्रो सुरुआत दिलाए पनि त्यसलाई ठूलो स्कोरमा परिणत गर्न सकेनन्। कप्तान सन्दीप लामिछाने २ रनमै रनआउट भएका थिए। कर्णालीका दिवान पुनले ३ विकेट लिँदा प्रकाश जैसी, दिपेन्द्र रावत र निश्छल रावलले समान २–२ विकेट लिए। जितसँगै बागमतीले प्रतियोगितामा दोस्रो जित दर्ता गरेको छ।

सन्दीपको ७ विकेटमा बागमतीको शानदार जित

काठमाडौं। प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा लुम्बिनी प्रदेशले एपीएफ क्लबलाई एक ओभरको एलिमिनेटरमा ८ रनले पराजित गर्दै रोमाञ्चक जित निकालेको छ। निर्धारित ५० ओभरको खेलमा दुवै टोलीले अलआउट समान १२४ रन बनाएपछि खेल सुपर ओभरमा पुगेको थियो। जसमा लुम्बिनीले उत्कृष्ट प्रदर्शन गर्दै बाजी मार्न सफल भयो। एक ओभरमा लुम्बिनीले एक विकेट गुमाएर १५ रन बनायो। १६ रनको लक्ष्य पाएको एपीएफले एक विकेट गुमाएर ६ रन मात्रै बनाउन सक्यो। त्यसअघि पहिले ब्याटिङ गरेको एपीएफ क्लब ३९.४ ओभरमा १२४ रनमा समेटिएको थियो। एपीएफका लागि अविषेक गौतमले सर्वाधिक २८ रन बनाए। यस्तै दिपक बोहराले २० र सन्दीप जोराले १७ रनको योगदान दिए। लुम्बिनीका लागि अजय चौहानले उत्कृष्ट बलिङ गर्दै ४ विकेट लिए। सन्तोष यादवले ३ तथा निर्मल गुरुङले २ विकेट झारे। जवाफमा १२५ रनको लक्ष्य पछ्याएको लुम्बिनी प्रदेश पनि ३४ ओभरमा १२४ रनमै अलआउट भयो। लुम्बिनीका कप्तान देव खनालले ४५ रन बनाउँदा आकाश त्रिपाठीले ३२ रनको योगदान दिए। एपीएफका लागि रोहित पौडेल, भुवन कार्की र युवराज खत्रीले समान २–२ विकेट लिए भने अविषेक गौतमले पनि महत्वपूर्ण विकेट हात पारे। जितसँग लुम्बिनीले एपीएफलाई पछि पार्दै पाँचौं स्थानमा उक्लिएको छ। समान खेलबाट समान ५ अंक भएपनि लुम्बिनी अघि परेको हो।

लुम्बिनीको रोमाञ्चक जित, एपीएफ ८ रनले पराजित

काठमाडौं। माल्दिभ्समा जारी साफ यू–२० च्याम्पियनसिपअन्तर्गत आज नेपाल यू–२० राष्ट्रिय फुटबल टोलीले फाइनल प्रवेशका लागि बंगलादेश यू–२० राष्ट्रिय फुटबल टोलीसँग प्रतिस्पर्धा गर्दैछ। खेल नेपाली समयअनुसार दिउँसो ४ः३० बजे सुरु हुनेछ। समूह ‘ए’ को विजेता बन्दै सेमिफाइनलमा पुगेको नेपाल उत्कृष्ट लयमा देखिएको छ। समूह चरणमा नेपालले दुई खेलमा जित निकाल्दै एक खेल बराबरी खेलेको थियो। यता बंगलादेश भने समूह ‘बी’ को उपविजेता बन्दै अन्तिम चारमा स्थान बनाउन सफल भएको हो।

फाइनल प्रवेशकाे लागि नेपालले बंगलादेशकाे सामना गर्दै

चार पल्टको विश्वकप च्याम्पियन इटालीले फेरि एकपल्ट मंगलबार ठूलो पीडा बेहोर्नु परेको छ । युरोपेली विश्वकप छनोट प्ले अफमा इटाली पेनाल्टी सुटआउटमा बोस्निया एन्ड हर्ज गोभिनाको हातबाट ४–१ ले पराजित रह्यो । यससँगै इटाली विश्वकप २०२६ का लागि छनोट हुन रह्यो । इटाली विश्वकपमा छनोट हुन नसकेको यो लगातार तेस्रो पल्ट हो । जितपछि बोस्निया एन्ड हर्ज गोभिनाले अबको विश्वकपमा प्रवेश पाएको छ । यसअघिको खेल १–१ को बराबरीमा रहेको थियो । प्ले अफबाट विश्वकप पुग्ने अन्य टिममा टर्की, स्विडेन र चेक गणतन्त्र पनि रहे । टर्कीले कोसोभोलाई १–० ले पराजित गर्‍यो र त्यसमा केरेम अकटुरकोग्लुले निर्णायक गोल गरे । स्विडेनले भने पोल्यान्डमाथि ३–२ को जित दर्ता गर्‍यो । यस्तै चेक गणतन्त्रले डेनमार्कलाई ३–२ ले पराजित गर्न सफल रह्यो ।

इटाली फेरि विश्वकपबाट बाहिर

पंजाव किंग्सले मंगलबार इन्डियन प्रिमियर लिग (आईपीएल) २०२६ मा गुजरात टाइटन्समाथि तीन विकेटको रोमाञ्चक जित निकालेको छ । जितका लागि १ सय ६३ रनको लक्ष्य पछ्याएको पंजावले सात विकेट गुमाएर जितसम्म पुग्दा पाँच बलको खेल बाँकी थियो । यस जितका जितमा नायक रहे कुपर कोनली । उनले ४४ बलमा नटआउट रहेर ७२ रन बनाए । उनले पाँच चौका र पाँच छक्का प्रहार गरे । त्यस अगाडि चण्डिगढमा गुजरातले पहिले ब्याटिङ गर्दै छ विकेटमा १ सय ६२ रन बनाएको थियो । यसमा कसैको पनि ठूलो योगदान रहेन् । कप्तान शुभमन गिलको ३९ र जब बटलरको ३८ रन नै सबैभन्दा उच्च योगदान रहे । पंजावका बलरमध्ये विजय कुमारले ३४ रनमा तीन विकेट लिए ।

गुजरातमाथि पंजावको रोमाञ्चक जित

नेपाल र लाओस बिच खेल हेर्नुहोस <a href="https://www.youtube.com/live/0fFerPQCv4I?si=vwoLWYq6C3H8y5_z" target="_blank">Watch Nepal vs Laos match&nbsp;</a><a href="https://www.youtube.com/live/0fFerPQCv4I?si=vwoLWYq6C3H8y5_z" target="_blank"> </a>
<iframe width="560" height="315" src="https://www.youtube.com/embed/0fFerPQCv4I?si=QYJCbi7Zm1DsLXk2" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen=""></iframe>

नेपाल र लाओस बिच खेल हेर्नुहोस

काठमाडौं। एएफसी एसिया कप छनोट अन्तर्गत मंगलबार हुने आफ्नो अन्तिम खेलमा नेपालले आज लाओससँग खेल्दैछ। खेल नेपाली समयअनुसार साँझ ५:४५ बजेबाट सुरु हुनेछ। यसअघि पहिलो लेगमा नेपाल लाओससँग पराजित भएको थियो। प्रतियोगिताको समूह ‘एफ’ मा रहेका दुवै टोली एएफसी एसिया कपको दौडबाट बाहिरिसकेका छन्। दुवै टोलीले समान ५ खेल खेल्दा ३–३ अंक जोडेका छन्। हालसम्म नेपाल र लाओसबीच ६ खेल भएका छन्। जसमा नेपालले ४ खेल जित्दा लाओसले १ खेल जितेको छ भने १ खेल बराबरीमा सकिएको छ। एएफसी कप छनोट अन्तर्गत गत वर्ष भएको पछिल्लो भेटमा नेपाल २–१ ले पराजित भएको थियो।<img src="https://app.nepalsportz.com/media/django-summernote/2026-03-31/76c75347-11fa-47e5-98a5-8bb48d7902c9.jpeg" style="width: 698px;">

नेपाल लाओससँग आज भिडन्त

राजस्थान रोयल्सले इन्डियन प्रिमियर लिग (आईपीएल) २०२६ को आफ्नो पहिलो खेलमा सोमबार सजिलो जित निकालेको छ र यसका लागि उसले चेन्नाइ सुपर किंग्सलाई आठ विकेटले हरायो । गुवाहटीमा भएको खेलमा पहिले ब्याटिङ गरेको चेन्नाइले १९.४ ओभर मात्र टिकेर १ सय २७ रन बनाएको थियो । त्यसमा जेमी ओभरटनले सर्वाधिक ४३ रन बनाए । उनलाई छाडेर अरु कसैले गतिलो योगदान दिन सकेनन् । जोफ्रा आर्चर, नन्ड्रे बर्गर र रविन्द्र जडेजाले दुई दुई विकेट लिए । जवाफमा राजस्थानले १२.१ ओभर मात्र खेलेर दुई गुमाउँदै १ सय २८ रन बनाएको थियो । त्यसमा ओपनर वैभव सूर्यवंशीले सर्वाधिक ५२ रन बनाए । यस्तै यशस्वी जयसवालले ३८ रन थपे ।

चेन्नाइमाथि राजस्थानको सजिलो जित

सुर्खेत । कर्णाली प्रदेश खेलकुद परिषद्का नवनियुक्त सदस्य–सचिव रविन्द्र चन्दले पद तथा गोपनीयताको शपथ लिएका छन्। सोमबार सामाजिक विकास मन्त्रालयमा आयोजित एक कार्यक्रममा मन्त्री घनश्याम भण्डारीले सदस्य–सचिव चन्दलाई शपथ ग्रहण गराएका हुन्। गत चैत १२ गते बसेको प्रदेश मन्त्रिपरिषद्को बैठकले चन्दलाई परिषद्को दोस्रो सदस्य–सचिवका रूपमा नियुक्त गरेको थियो। सोही अवसरमा परिषद्का उपाध्यक्ष प्रमोद हमाल तथा सदस्यहरू पवनकुमार थापा, पंखबहादुर मल्ल, भीमाकुमारी भुसाल, गोर्खबहादुर शाही र किरण किशोर सापकोटाले पनि शपथ लिएका छन्। गत २०८१ पुस ४ गतेदेखि रिक्त रहेको सदस्य–सचिव पदमा चन्द नियुक्त भएका हुन्। यसअघि, सदस्य–सचिव छनोटका लागि गठित समितिले गत माघ ३ गते अन्तर्वार्ता लिएर तीन जनाको नाम सरकारसमक्ष सिफारिस गरेको थियो। सिफारिसमा परेका रविन्द्र चन्द, दीपक हमाल र प्रमोद हमालमध्ये मूल्यांकनमा चन्दले सर्वाधिक ६७.१७ अंक प्राप्त गरेका थिए। दीपक हमालले ६०.६३ र प्रमोद हमालले ५२.३७ अंक पाएका थिए। सदस्य–सचिव पदका लागि सुरुमा २१ जनाले आवेदन दिएका थिए, जसमध्ये १० जनालाई अन्तर्वार्ताका लागि छनोट गरिएको थियो।

कर्णाली प्रदेश खेलकुद परिषद्का नवनियुक्त सदस्य–सचिव चन्दले लिए शपथ

काठमाडौं। नेपाली राष्ट्रिय फुटबल टोलीका प्रशिक्षक गुग्लिमो ऐरेनाले लाओसविरुद्ध जित्नकै लागि मैदान उत्रिने बताएका छन् ।&nbsp; एएफी एसिया कप छनोट अन्तर्गत मंगलबार हुने आफ्नो अन्तिम खेल अगाडिको पोस्ट म्यान कन्फिरेन्समा एरेनाले भने,‘ युवा र अनुभवी खेलाडीको सन्तुलनका साथ लाओस आएका छौं । मेरो लक्ष्य भनेको युवा खेलाडीलाई निर्खानु हो । त्यसैले ५ खेलाडीलाई पहिलो पटक राष्ट्रिय टोलीमा मौका दिएको छु । लाओस राम्रो टोली हो । तर, हामी भोलिको खेलका लागि तयार छौं । जित्ने लक्ष्यका साथ मैदान उत्रिने छौं ।’&nbsp; ऐरेनाले युवराज खड्का, पेम्बा दोर्जे लामा, रोमन भुजेल, मिलन राई र योगेश धिमाललाई पहिलो पटक टोलीमा स्थान दिएका छन् । यसैगरी, नेपालका कप्तान किरण चेम्जोङले पनि जित निकाल्नु नै प्रमुख उदेश्य हुने बताए । ‘मैदानमा उत्रिइसकेपछि जित निकाल्नु नै प्रमुख लक्ष्य हुनेछ । राम्रो तयारी भएको छ । हामी कोचको रणनितिअनुसार नै प्रर्दशन गर्ने छौं ।’ नेपाल र लाओसविरुद्धको स्थानिय समय अनुसार साँझ ७ बजे सुरु हुनेछ । प्रतियोगिताको समूह ‘एफ’ मा रहेका दुवै टोली एएफसी एसिया कपको दौडबाट बाहिरिसकेका छन् । दुवै टोलीले समान पाँच खेल खेल्दा तीन अंक जोडेका छन् । हालसम्म नेपाल र लाओसविरुद्ध ६ खेल भएका छन् । जसमा नेपालले चार र लाओसले १ खेल आफ्नो पक्षमा पार्दा एक खेल बराबरीमा सकिएको छ । एएफसी कप छनोट अन्तर्गत गत वर्ष भएको पछिल्लो भेटमा नेपाल २–१ ले पराजित भएको थियो ।

जित्ने लक्ष्यका साथ मैदान उत्रिने छौंः प्रशिक्षक एरेना

मुम्बई इन्डियन्सले आइतबार इन्डियन प्रिमियर लिग (आईपीएल) २०२६ मा कोलकाता नाइटराइडर्समाथि छ विकेटको प्रभावशाली जित निकालेको छ । जितका लागि २ सय २१ रनको लक्ष्य पछ्याएको मुम्बईले वानखेडे स्टेडियममा १९.१ ओभर भित्र चार विकेट गुमाएर २ सय २४ रन बनाएको हो । यो जितको आधार तयार पार्ने खेलाडी रहे ओपनर जोडी रायन रिकेल्टन र रोहित शर्मा । उनीहरूले पहिलो विकेटका लागि १ सय ४८ रनको साझेदारी गरे । त्यसमा रिकेल्टनले ४३ बलमा ८१ रन बनाए । उनले चार चौका छ आठ छक्का प्रहार गरे । रोहितले ३८ बलमा ७८ रन बनाए र त्यसमा छ चौका तथा छ छक्का सामेल थियो । &nbsp; त्यस अगाडि कोलकाताले चार विकेट गुमाएर २ सय २० रन बनाएको थियो । कप्तान अजिन्के रहानेले सबैभन्दा बढी ६७ रन बनाए । यस्तै अंगक्रिस रघुवंशीले ५१ रन बनाए । मुम्बईका लागि सार्दुल ठाकुरले ३९ रनमा तीन विकेट लिए ।

कोलकातामाथि मुम्बईको प्रभावशाली जित

प्रशिक्षक इगोर टुडोरले आइतबार टोटनहम छाडेका छन् र उनी इंग्लिस प्रिमियर लिग क्लबमा ४४ दिन मात्र टिके । टोटनहम अहिले रेलिगेसनबाट बच्न संघर्षरत छ र अंक तालिकाको १७ औं स्थानमा छ । यो रेलिगेसनबाट एक अंकको दूरी मात्र हो । उसको पछाडि वेस्ट ह्याम रहेको छ । क्रोएसियाली प्रशिक्षकलाई फेब्रवरीमा थोमस फ्रान्क वर्खास्तीमा परेपछि नियुक्त गरिएको हो । तर उनी आएयता पनि टिमको प्रदर्शनमा सुधार भएन् । टोटनहम आफ्नो पछिल्लो खेलमा रेलिगेसनबाट बच्न संघर्षरत अर्को क्लब नटिंघम फरेस्टसँग हारेपछि दबाब अझ बढेको हो । उसले पछिल्ला १३ खेलमा स्पष्ट जित निकाल्न सकेको छैन् र लगातार खराव खेलिरहेको छ ।

४४ टिम मात्र टिके टुडोर

काठमाडौं। कुशल मल्लाको उत्कृष्ट ब्याटिङको मद्दतमा त्रिभुवन आर्मी क्लबले बागमती प्रदेशलाई ३ विकेटले पराजित गरेको छ। माथिल्लो मुलपानी क्रिकेट मैदानमा बागमतीले दिएको २०९ रनको लक्ष्य पछ्याएको आर्मीले २७ ७ ओभरको ७ विकेट गुमाउँदै २१० रन बनाएको हो। आर्मीका लागि कुशल मल्लाले अविजित ९० रनको शानदार इनिङ्स खेले। उनले ५८ बलमा ३ चौका र ८ छक्का प्रहार गर्दै टोलीलाई जिततर्फ पुर्‍याए। त्रितराज दासले ५४ रन जोड्दा नरेन साउदले २६ रनको योगदान दिए। अन्य ब्याटरले भने उल्लेखनीय प्रदर्शन गर्न सकेनन्। बलिङतर्फ बागमतीका इशान पाण्डे र विवेक मगरले समान २–२ विकेट लिए। रिजन ढकाल, सन्दीप लामिछाने र सोनु देवकोटाले समान १–१ विकेट हात पारे। त्यसअघि पहिले ब्याटिङ थालेको बागमतीले २८ ओभरमा ७ विकेट गुमाएर २०७ रन नबाएको थियो।

कुशल मल्लाको विस्फोटक इनिङ्समा आर्मीले बागमतीलाई हरायो

काठमाडौं। गण्डकी प्रदेशले प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा विभागीय टोली एपिएफमाथि ऐतिहासिक जित दर्ता गरेको छ। तल्लो मुलपानी क्रिकेट रंगशालामा आइतबार सम्पन्न खेलमा गण्डकी ४३ रनले विजयी भयो। गण्डकीले दिएको १५१ रनको लक्ष्य पछ्याएको एपिएफ १८.३ ओभरमा सबै विकेट गुमाउँदै १०७ रनमै समेटियो। एपिएफका सुमित महर्जनले २२ रन बनाउँदा ओपनरद्वय लोकेश बम र आशिफ शेखले समान १४ रन जोडे। करन केसीले १७ रन बनाए पनि अन्य ब्याटरले उल्लेखनीय प्रदर्शन गर्न सकेनन्। गण्डकीका अपराजित पौडेल र सिब्रिन श्रेष्ठले समान ३ विकेट लिए। सुवास भण्डारीले २ तथा कमल परियारले १ विकेट हात पारे। यससँगै गण्डकीले जारी प्रतियोगितामा पहिलो जित दर्ता गर्नुका साथै एपिएफविरुद्ध इतिहासमै पहिलो पटक जित निकाल्न सफल भयो। यसअघि टस हारेर पहिले ब्याटिङ गरेको गण्डकीले निर्धारित २१ ओभरमा ७ विकेट गुमाउँदै १५० रनको प्रतिस्पर्धात्मक योगफल तयार पारेको थियो।

एपिएफमाथि गण्डकीको ऐतिहासिक जित

इन्डियन प्रिमियर लिग (आईपीएल) २०२६ शनिबारदेखि सुरु भएको छ र त्यसको उद्घाटन खेलमा रोयल च्यालेन्जर्स बेंगलुरु विजयी रह्यो । बेंगलुरुमा भएको खेलमा डिफेन्डिङ च्याम्पियन २६ बलको खेल बाँकी छँदा सनराइज हैदरावादमाथि छ विकेटले विजयी रहेको हो । पहिले ब्याटिङ गरेको हैदरावादले नौ विकेटमा २ सय १ रन बनाएको थियो । त्यो स्कोर पूर्णतः कप्तान इसान किसनको ८० रनमा टिकेको थियो । उनले ३८ बल मात्र सामना गरेर आठ चौका र पाँच छक्का प्रहार गरे । त्यस बाहेक अंकित वर्षमाले ४३ र हेनरिक क्लासेनले ३१ रन बनाए । बेंगलुरुका बलरमधये ज्याकब डफि र रोमारियो सेपार्डले तीन तीन विकेट लिए । जवाफमा बेंगलुरुले चार विकेटमा २ ुउ ३ रन बनाएको थियो । विराट कोहली ओपनरका रूपमा ६९ रन बनाएर नटआउट रहे । यस्तै देवदत्त पाडिकलले ६१ रनको योगदान गरे ।

Nepalsports

स्वदेश आइपुग्यो नेपाली टोली

📰 Recent News

Nepalsports