रियल सोसिडाडले एटलेटिको म्याड्रिडलाई रोमाञ्चक फाइनलमा टाइब्रेकरमा ४–३ ले पराजित गर्दै शनिबार कोपा डेल रेको उपाधि चुमेको छ । बाक्स क्लबले स्पेनी घरेलु कपको सबैभन्दा ठूलो उपाधि जितेको यो चौथो पल्ट मात्र हो ।

सेभियामा भएको फाइनल २–२ को तनावर्पूा बराबरीमा टुंगेपछि पेनाल्टी सुटआउट गएको हो । त्यस अगाडि एटलेटिकोले दुई पल्ट पछाडि रहेको स्थितिबाट खेलमा फर्केका हो । तर टाइब्रेकरमा एटलेटिकोका लागि एलेक्जान्डर सोरलोथ र जुलियन एल्भारेज पेनाल्टीमा चुके ।

त्यसपछि सोसिडाडका लागि पाब्लो मारिनले निर्णायक गोल गरे । एटलेटिकोले सन् २०१३ यता कोपा डेल रेको उपाधि जित्न सकेको छैन् । एटलेटिकोको युरोपेली च्याम्पियन्स लिगमा भने चुनौती कायम छ ।