काठमाडौँ । साफ यु-१७ च्याम्पियनसिप अन्तर्गत आज नेपालले उद्घाटन खेलमा आयोजक श्रीलंकाको सामना गर्दैछ ।&nbsp; कोलोम्बो रेसकोर्स स्टेडियममा हुने यो खेल नेपाली समय अनुसार साँझ ७ बजेदेखि शुरु हुने छ ।&nbsp; सेप्टेम्बर १५ देखि २७, २०२५ सम्म श्रीलंकामा आयोजना हुने साफ यु–१७ च्याम्पियनसिपमा नेपालसहित बंगलादेश, श्रीलंका, भारत, पाकिस्तान, भुटान र माल्दिभ्स खेल्दैछन् । नेपाल समुह ए मा श्रीलंका र बंगलादेशसँग रहेको छ । त्यस्तै समुह बी मा भारत, पाकिस्तान, भुटान र माल्दिभ्स रहेका छन् । नेपालले दोस्रो खेल सेप्टेम्बर १८ मा बंगलादेशसँग खेल्ने तालिका रहेको छ । समुह चरणका खेलपछि शीर्ष दुई देश सेमिफाइनलमा पुग्ने छन् ।

साफ यु-१७ च्याम्पियनसिप : नेपालले श्रीलंकासँग खेल्दै

काठमाडौँ । एसीसी एसिया कपमा भारतले पाकिस्तानमाथि सहज जित हासिल गरेको छ । आइतबार राति भएकाे खेलमा भारतले पाकिस्तानलाई ७ विकेटले पराजित गरेको हो । पाकिस्तानले दिएको १२८ रनको लक्ष्य पछाएको भारतले १५.५ ओभरमा ३ विकेट गुमाउँदै लक्ष्य पुरा गर्याे । भारतका लागि कप्तान सूर्यकुमार यादवले अविजित ४७ रन बनाए भने तिलक बर्मा र अभिषेक शर्माले ३१-३१ रन बनाएका थिए । &nbsp;त्यसैगरी शुभमन गिल र शिवम दुवेले १०-१० रन बनाएका थिए । त्यस्तै पाकिस्तानका बलर सैयब आयुबले ३ विकेट लिएका थिए । यसअघि टस जितेर पहिला ब्याटिङ गरेकाे पाकिस्तानले २० ओभरमा ९ विकेट गुमाएर १२७ रन बनाएको थियो । पाकिस्तानका लागि शाहीबजादा हारिसले सर्बाधिक ४० रन बनाए भने शहिन शाह अफ्रिदीले अविजित ३३ रन बनाएका थिए । त्यस्तै फखर जमानले १७ र फहीम अशरफले ११ रन बनाएका थिए ।&nbsp; भारतीय बलर कुलदीप यादवले सर्बाधिक ३ विकेट लिए भने जसप्रित बुमराह र अक्सर पटेलले २-२ विकेट लिए । त्यस्तै हार्दिक पाण्डेय र वरुण चक्रवर्तीले एक एक विकेट लिएका थिए । भारतको यो लगातार दोस्रो जित हो । उसले समूह ए मा दुई खेलबाट चार अंक जाेडेकाे छ । त्यस्तै पाकिस्तानले भने २ खेलमा एक जित र एक हार बेहोरेको छ ।

पाकिस्तानमाथि भारतको सहज जित

काठमाडौं, जेन–जीको प्रर्दशनको कारण रोकिएको दोस्रो संस्करणको एभरेस्ट महिला भलिबल लिगको तत्कालै नहुने भएको छ।&nbsp; आयोजक इन्फिनिटी ड्रिम्स प्रालिले आइतबार विज्ञप्ति जारी गर्दै उक्त जानकारी दिएको हो। पोखरामा भइरहेको लिगका १६ मध्ये ९ खेल सम्पन्न भइसकेका थिए। अब बाँकी ७ खेल हालको अंक तालिकाबाट मिति तोकेर आगामी दिनमा निरन्तरता दिइने प्रमुख कार्यकारी अधिकृत (सीइओ) स्नेभी चापागाईंले जानकारी दिइन्।&nbsp; उनले भनेकी छन्,‘यी खेलहरू पुनः सुरु गर्ने मिति नेपाल भलिबल संघ, हाम्रा ६ फ्रेन्चाइजी र प्रायोजकसँग मिलेर तय गरिनेछ, जसमा सुरक्षा र उपयुक्ततालाई प्राथमिकता दिइनेछ। नयाँ मिति र व्यवस्थापनबारे जानकारी अर्को विज्ञप्तिमार्फत सार्वजनिक गरिनेछ।’

एभरेस्ट महिला भलिबल :  तत्कालै नहुने

इर्लिङ हालान्डले दुई गोल गरेपछि म्यानचेस्टर सिटीले आइतबार इंग्लिस प्रिमियर लिगमा म्यानचेस्टर युनाइटेडलाई सजिलै ३–० ले पराजित गरेको छ । यो हारले युनाइटेड र यसका प्रशिक्षक रुबेन एमोरिममाथि अझ बढी दबाब भएको छ । फिल फोडेनले सिटीका लागि गोलको खाता खोलेपछि हालान्डले दोस्रो हाफमा दुई गोल गरेका हुन् । सिटीले लिगमा लगातार दुई हारको क्रमलाई पनि यसै जितसँगै तोडेको छ । यो नतिजापछि सिटीको चार खेलबाट छ अंक भएको छ र आठौं स्थानमा उक्लेको छ । युनाइटेड भने चार खेलबाट चारै अंकमा सीमित रहेर १४ औं स्थानमा रह्यो ।

युनाइटेडमाथि सिटी सजिलै विजयी

बार्सिलोनाले स्पेनी ला लिगामा भ्यालेन्सियामाथि आइतबार एकपक्षीय ६–० को जित रचेको छ । यस जितसँगै बार्सिलोनाले शीर्ष स्थानमा रहेको रियल म्याड्रिडसँगको दूरी दुई अंकमा छोट्याएको छ । रियलको चार खेलबाट अधिक्तम १२ अंक छ भने बार्सिलोना १० अंकमा दोस्रो स्थानमा छ । यससँगै फेरि एकपल्ट उपाधिको होड यिनै दुई परम्परागत टिमबीच चल्ने स्पष्ट भएको छ । बार्सिलोनाको यो जितमा राफिन्हा, रोबर्ट लेवनडोस्की र फेरमिन लोपेजले दुई दुई गोल गरे । त्यसमध्ये लोपेजले २९ र ५६, राफिन्हाले ५३ र ६६ तथा लेवनडोस्कीले भने ७६ र ८६ औं मिनेटमा गोल गरेका हुन् ।

भ्यालेन्सियामाथि बार्सिलोनाको एकपक्षीय जित

इंग्लिस प्रिमियर लिगमा लिभरपुलले आफ्नो शतप्रतिशत सुरुआतलाई कायम राखेको छ । टर्फ मुरमा भएको खेलमा लिभरपुलले बर्नलीलाई १–० ले हराएको हो । मोहमद सलाहले दोस्रो हाफको इन्ज्युरी समयको चौथो मिनेटमा पेनाल्टीबाट निर्णायक गोल गरे । बर्नली खेलको अन्त्यमा दस खेलाडीमा सीमित रहेको थियो । लेस्ली युगोचोक्वु ८४ औं मिनेटमा रातो कार्ड खाएर मैदान छाड्न बाध्य रहे । लिभरपुलको अब चार खेलबाट १२ अंक भएको छ र फेरि लिग तालिकाको शीर्ष स्थानमा उक्लेको छ ।

सलाहको पेनाल्टीमा लिभरपुल विजयी

असोज ३ गते हुने तय गरिएको नेपालगन्ज १० नाइट रन स्थगित गरिएको छ । देशको बिषम परस्थितिका कारण अर्को सुचना नभएसम्मका लागि नाइट रन स्थगित गरिएको हो ।&nbsp; नाइट रन आयोजक समितिको भर्चुअल बैठकले हाललाई नाइट रन स्थगित गर्ने निर्णय गरेको हो । विश्व दौडको साझा संस्था एसोसियसन अफ इन्टरनेसनल म्याराथन एण्ड डिस्टेन्स रेस (एम्स)को पुर्णकालीन सदस्यता लिएपछि आधिकारिक रुपमा नाइट रनको दोस्रो संस्करण गर्न लागिएको थियो । एम्सका नेपाल प्रतिनिधि तथा धारा नेपालगन्ज म्याराथनका संस्थापक टीएस ठकुरीले भने, ‘यो यसवर्षकै लागि रोकिएको होइन् । उपयुक्त मितिमा नाइट रन निरन्तरता दिनेछौं ।’ नाइट रन स्थगित गरे पनि आयोजक टिम असोज २८ गते हुने गौघाट ग्रीन रन र मंसिर ६ गते हुने धारा नेपालगन्ज म्याराथनको तयारीमा जुटिसकेको छ । साथै स्थानीय तहमा सरसफाइ एवं अन्य काममा पनि धारा नेपालगन्ज म्याराथनको टिम परिचालन हुनेछ ।

नाइट रन स्थगित, चाँडै अर्को मिति घोषणा

काठमाडौं। नेपालमा हुने भनिएको काभा महिला आउटडोर भलिबल लिग २०२५ स्थगित भएको छ। मुलुकको वर्तमान परिस्थितिलाई ध्यानमा राख्दै नेपाल भलिबल संघले यो निर्णय लिएको हो। संघका अनुसार नेपालमा जारी अवस्थाका कारण धेरैजसो देशहरूले आफ्ना राष्ट्रिय टोली पठाउन अस्वीकार गरेका छन्। यसैले अन्तर्राष्ट्रिय स्तरको प्रतियोगिता आयोजना गर्न कठिन भएको बताइएको छ। संघले भनेको छ– “हाम्रो देशमा शान्ति, भ्रातृत्व, सम्मान र समझदारी कायम भएपछि सरकार, प्रायोजक, खेलप्रेमी र सरोकारवालाको सहयोगमा गतिविधिलाई फेरि तीव्र पारिनेछ।” यद्यपि, संघले खेलाडी र अधिकारीहरूको सुरक्षालाई प्राथमिकता दिँदै सामान्य अवस्थामा घरेलु कार्यक्रम भने सक्दो रुपमा अघि बढाइने स्पष्ट पारेको छ। प्रतियाेगिता आगामी नोभेम्बर १५ देखि २२ सम्म नेपालमा हुने तय भएको थियो।

काभा महिला भलिबल स्थगित

काठमाडौं। अमेरिकन मेजर लिग सकरमा इन्टर मियामी पराजित भएको छ। आइतबार बिहान सम्पन्न खेलमा मियामी चार्लोट एफसीसँग मियामी ३–० ले पराजित भएको हो।&nbsp; चार्लाेटकाे जितमा इदान तोक्लोमाटीले ह्याट्रिक पूरा गरे।&nbsp; मियामीका कप्तान मेस्सीले ३२औं मिनेटमा पाएको पेनाल्टीमा उनि चुक्न पुगे। खेलको ७४औं मिनेटमा टोमास एभिलेसले रातो कार्ड पाएपछि मियामी १० खेलाडीमा सिमित भएको थियो। जितसँगै चार्लोटको ३० खेलमा ५३ अंक भएको छ भने हाल तेसो स्थानमा रहेको छ। मियामीको २६ खेलमा ४६ अंकसहित सातौं स्थानमा झरेको छ।

मियामी पराजित

काठमाडौँ । श्रीलंकाले जारी एसीसी एसिया कपमा विजयी सुरुआत गरेको छ ।&nbsp; शनिबार राति सम्पन्न खेलमा श्रीलंकाले बंगलादेशलाई ६ विकेटले पराजित गरेको हो । बंगलादेशले दिएको १४० रनको लक्ष्य पछाएको श्रीलंकाले १४.४ ओभरमा ४ विकेट गुमाउँदै लक्ष्य पुरा गर्याे । श्रीलंकाकाे जितमा पाथुम निसान्काले ५० रन बनाए भने कामील मिशाराले ४६ रन बनाएका थिए । बंगलादेशका महेदी हसनले दुई विकेट लिए । यसअघि यस हारेर पहिला ब्याटिङ गरेको बंगलादेशले निर्धारित २० ओभरमा ५ विकेट गुमाउँदै १३९ रन बनाएको थियो । बंगलादेशका लागि शामिम बोसैनले ४२ र जाकर अलीले ४१ तथा कप्तान लिटन दासले २८ रन बनाएका थिए । श्रीलंकाका लागि वानिन्डु हसरंगाले दुई विकेट हात पारे। जितसँगै समुह बि मा रहेको श्रीलंकाले पहिलो खेलमा जित हासिल गर्दै दुई अंक जाेडेकाे छ। यता, पहिलो खेलमा जित हासिल गरेको बंगलादेशले भने दोस्रो खेलमा हार बेहोरेको छ ।

श्रीलंकाको विजयी सुरुआत

इटालीको सिरी ए मा उपाधिको होडमा रहेका नेपोली र युभेन्ट्सले शनिबार लगातार तेस्रो जित निकालेका छन् र तीन खेलबाट नौ अंकमा शीर्ष दुई स्थानमा रहेका छन् । रसमस होजलन्डले आफ्नो डेब्यु खेलमा गोल गरेपछि नेपोलीले फियोरेन्टिनालाई ३–१ ले हरायो । उसका लागि केभिन डे ब्रुएना र साम बेकेमाले पनि एक एक गोल गरे । फियोरेन्टिनाका लागि लुका रेनेरीले एक सान्त्वना गोल फर्काए । युभेन्ट्सले भने इन्टर मिलानमाथि लाई सात गोलको ‘थ्रिलर’ मा ४–३ ले पराजित गर्‍यो । भासिलिज एडजिचले दोस्रो हाफको इन्ज्युरी समयको पहिलो मिनेटमा निर्णायक गोल गरे र युभेन्ट्स विजयी रह्यो ।

नेपोली र युभेन्ट्सको लगातार जित

ह्यारी केनले गरेको दुई गोलको मदतले बायर्न म्युनिकले शनिबार जर्मन बुंडेसलिगामा ह्याम्बर्गलाई एकपक्षीय खेलमा ५–० ले पराजित गरेको छ । बायर्नको नयाँ लिगमा यो शतप्रतिशत सुरुआत हो । बायर्नको तीन खेलबाट नौ अंक भएको छ र आरामले शीर्ष स्थानमा रहेको छ । बोरुसिया डर्टमुन्ड पनि अर्को खेलमा एफसी हेइडेनहेममाथि २–० को जित निकाल्न सफल रह्यो । त्यसमा सेहोउ गुइरेसी र म्याक्सिमिलियन बेइरले गोल गरे । अहिलेसम्म अपराजित डर्टमुन्ड सात अंकमा दोस्रो स्थानमा छ ।

बायर्नको जितमा केनको दुई गोल

ब्रेन्टफोर्डले इंग्लिस प्रिमियर लिगमा शनिबार चेल्सीलाई २–२ को रोमाञ्चक बराबरीमा रोकेको छ । फाबियो कारभाल्होले दोस्रो हाफको इन्ज्युरी समयको तेस्रो मिनेटमा गोल गरेपछि ब्रेन्टफोर्ड चेल्सीलाई निराश पार्न सफल रह्यो । मोसे काइसेडोले ८५ औं मिनेटम गोल गर्दै चेल्सीलाई २–१ ले अगाडि राखेको थियो । यस्तोमा चेल्सीको जित निश्चित देखिएको थियो । तर कारभाल्होले खेलमा फरक कथा लेखे । केभिन स्चाडेको गोलले ब्रेन्टफोर्ड अगाडि रहेको थियो, तर कोल पाल्मेरले चेल्सीका लागि बराबरी गोल फर्काएका थिए । चेल्सी आठ अंकमा पाँचौं स्थानमा छ । बर्नमाउथ र टोटनहम समान नौ अंकम शीर्ष चारभित्र छन् । टोटनहमले वेस्ट ह्यामलाई ३–० र बर्नमाउथले ब्राइटनलाई २–१ ले हरायो । यस्तै न्युकासल युनाइटेडले उल्भ्सलाई १–० र फुलहमले लिड्स युनाइटेडलाई १–० नै पराजित गर्‍यो । क्रिस्टल प्यालेस र सन्डरल्यान्ड तथा एभरटन र एस्टन भिल्लाले समान गोलरहित बराबरी खेले ।

ब्रेन्टफोर्डले रोक्यो चेल्सीलाई बराबरीमा

रियल म्याड्रिडले स्पेनी ला लिगामा आफ्नो शतप्रतिशत प्रदर्शनलाई शनिबार पनि कायम राखेको छ । उसले रियल सोसिडाडलाई उसकै घरमा २–१ ले हरायो । रियलको चार खेलबाट अधिक्तम १२ अंक छ र अंक तालिकाको शीर्ष स्थानमा रहेको छ । केयलिन एमबापेले १२ औं मिनेटमा रियलका लागि पहिलो गोल गरे भने आर्डा गुलेरले ४४ औं मिनेटमा दोस्रो गोल थपे । सोसिडाडका लागि मिखेल आयरजाबलले ५६ औं मिनेटमा पेनाल्टीबाट एक गोल फर्काए । एटलेटिकोले भने अर्को खेलमा भिल्लारियललाई २–० ले हरायो । त्यसमा पाब्लो बारोस र निकोलस गोन्जालेजले गोल गरे । अन्य खेलमा गेटाफेले रियल ओभिडोलाई २–० र डेपोर्टिभो एलाभेसले एथलेटिको बिलबाओलाई १–० ले हरायो ।

रियलको शतप्रतिशत प्रदर्शन कायम

मार्टिन जुबिमेन्डीको दुई गोलको मदतले आर्सनलले इंग्लिस प्रिमियर लिगमा शनिबार नटिङघम फरेस्टलाई सजिलै ३–० ले हराएको छ । यो जितसँगै कम्तीमा एक दिनका लागि गोल अन्तरको आधारमा अंक तालिकाको शीर्षमा उक्लेको छ । उसको चार खेलबाट नौ अंक भएको छ । लिभरपुलको पनि समान नौ अंक छ र उसले आइतबार बर्नलीको भ्रमण गर्दैछ । फरेस्टले भने अस्ट्रेलियाली एन्गे पोस्टेकोग्लुलाई नयाँ प्रशिक्षकको रूपमा नियुक्त गरेयता पहिलो खेलेको हो र त्यसमा पराजित रह्यो । फरेस्ट चार खेलबाट चार अंकमा सीमित छ र ११ औं स्थानमा छ । इमिरेट्समा भएको खेलमा स्पेनी मिडफिल्डर जुमिमेन्डीले ३२ औं मिनेटमा पहिलो गोल गरे भने ७९ औं मिनेटमा आफ्नो दोस्रो गोल थपे । उनको पहिलो गोल भलि प्रहारमा सम्भव भएको थियो भने दोस्रो गोलका लागि हेड गरे । त्यसबीच भिक्टर ग्योकेरेसले ४६ औं मिनेटमा अर्को गोल गरे ।

जुबिमेन्डीको दुई गोलमा आर्सनल विजयी

काठमाडौँ । एसीसी एसिया कपमा पाकिस्तानले विजयी सुरुआत गरेको छ।&nbsp; शुक्रबार सम्पन्न खेलमा पाकिस्तानले ओमानलाई ९३ रनले पराजित गरेकाे हाे। पाकिस्तानले दिएको १६१ रनको लक्ष्य पछाएको ओमानले १६.४ ओभरमा अल आउट हुँदै केवल ६७ रन मात्र बनाएको थियो। ओमानका लागि हम्माद मिर्जाले सर्वाधिक २७ रन बनाएका थिए भने आमिर कालीमले १३ रन बनाए। पाकिस्तानका लागि सैम आयुब, सुफियान मुक्वीन र फाहीम अशरफले २-२ विकेट लिएका थिए। यस अघि टस जितेर पहिला ब्याटिङ गरेको पाकिस्तानले २० ओभरमा ७ विकेट गुमाउदै १६० रन बनाएको थियो। पाकिस्तानका लागि मोहमद हारिसले सर्वाधिक ६६, सहिबजादा फरहानले २९ र फखर जमानले २३ रन बनाएका थिए। त्यस्तै ओमानका बलर शाह फैसल र आमिर खानले ३-३ विकेट लिएका थिए। जितसँगै पाकिस्तानको समुह ए मा २ अंक जाेडेकाे छ।

एसिया कप : पाकिस्तानको विजयी सुरुआत

बायर लेभरकुजनले नयाँ सिजन सुरु हुने वित्तिकै आफ्नो प्रशिक्षक एरिक टेन ह्यागलाई अविश्वसनीय रूपमा वर्खास्त गरेको थियो । यही लेभरकुजनले शुक्रबार जर्मन बुंडेसलिगामा सिजनको पहिलो जित निकालेको छ । उसले लयमा रहेको इन्ट्राख्ट फ्रान्कफोर्टलाई ३–१ ले हरायो । यो जितका नायक रहे, एलजान्ड्रो ग्रिमाल्डो । उनले फ्रि–किकबाट दुई गोल गरे । यससँगै नयाँ प्रशिक्षक कास्पर ह्युलमन्डले वियजी सुरुआत लिएका छन् । लेभरकुजनले सन् २०२३–२०२४ मा लिग उपाधि जितेयता त्यस्तै प्रदर्शन दोहराउ सकेको छैन् । यो जितपछि लेभरकुजनको तीन खेलबाट चार अंक भएको छ र सातौं स्थानमा उक्लेको छ । फ्रान्कफोर्टको भने यो पहिलो हार हो । यो टिम अझै छ अंकमा तेस्रो स्थानमा रहेको छ । लेभरकुजनले यो जित केही महँगो पनि रह्यो, किनभने खेलका अन्त्यमा टिम नौ खेलाडीमा सीमित रहेको थियो। युरोपका प्रमुख लिगमा शुक्रबार दुई अरू महत्त्वपूर्ण खेल पनि भए । त्यसमध्ये स्पेनी ला लिगामा सेभिया र एल्चेले २–२ को बराबरी खेले । यस्तै मार्सेले फ्रान्सेली लिग वानमा लोरेन्टलाई ४–० ले हरायो । मार्से यो जितसँग अंक तालिकाको चौथो स्थानमा उक्लेको छ ।

नयाँ प्रशिक्षकसँगै लेभरकुजनको पहिलो लिग जित

एक जना खेलाडीले एक खेलमा कति धेरै कीर्तिमान बनाएर ऐतिहासिक प्रदर्शन गर्न सक्छ भन्ने उदाहरण देखिएको छ, इंग्ल्यान्ड र दक्षिण अफ्रिकाबीचको दोस्रो ट्वान्टी ट्वान्टीमा । ती खेलाडी रहे, २९ वर्षीय ओपनर फिल साल्ट । उनको प्रदर्शन साँच्चै अभुतपूर्व रह्यो । म्यानचेस्टरको ओल्ड ट्रायफोर्डमा भएको त्यस खेलमा इंग्ल्यान्ड १ सय ४६ रनले विजयी रह्यो । इंग्ल्यान्डले पहिले ब्याटिङ गर्दै दुई विकेट गुमाएर ३ सय ४ रन बनाएको थियो । त्यसको जवाफमा दक्षिण अफ्रिकाले १६.१ ओभरमा अलआउट हुन अगाडि १ सय ५८ रन मात्र बनायो । खासमा टेस्ट खेल्ने देशबीचको ट्वान्टी ट्वान्टी खेलमा कसैले तीन सय रनको स्कोर बनाएको यो नै पहिलो पटक हो । साल्टले ६० बलको सामना सामना गरे र त्यसमा १५ चौका तथा आठ छक्का सामेल थियो । उनले ३९ बलमै आफ्नो शतक पूरा गरेका थिए । अर्का ओपनर जस बटलरले ३० बलमा ८३ रन जोडे । खेलको सुरुदेखि नै साल्ट आक्रमण रहे । उनले लगातार चौका र छक्का प्रहार गरिरहे । उनले जितपछि भने, ‘मलाई विश्वकै उत्कृष्ट खेलाडी बन्नु छ । मैले आज खुबै मज्जा लिएर खेलें र यो उपलब्धी चुमें । मलाई इंग्ल्यान्डका लागि सक्दो बढी योगदान गर्नु छ ।’

साल्टले बनाए कीर्तिमान नै कीर्तिमान

श्रीलंकामा हुने यू–१७ साफ च्याम्पिनयसिपमा सहभागी हुने नेपाली राष्ट्रिय टिमको शुक्रबार बिदाइ गरिएको छ । अखिल नेपाल फुटबल संघ (एन्फा) ले सातदोबाटोको एन्फा कम्फ्लेक्समा शुक्रबार आयोजित कार्यत्रमबीच टिमको बिदाइ गरेको हो । टिम शनिबार विहान त्यसतर्फ प्रस्थान गर्नेछ । प्रतियोगितामा नेपाल समूह ‘ए’ मा रहेको छ । यसमा रहेका अन्य टिममा आयोजक श्रीलंका र बंगलादेश छन् । अर्को समूह ‘बी’ मा भारतसँगै पाकिस्तान, भुटान र माल्दिभ्स छन् । भारत प्रतियोगिताको डिफेन्डिङ च्याम्पियन हो । प्रत्येक समूहको शीर्ष दुई टिमले सेमिफाइनल यात्रा तय गर्नेछ । नेपालले आफ्नो पहिलो खेल श्रीलंकाविरुद्ध सोमबार खेल्नेछ । टिमको मुख्य प्रशिक्षकमा संजीव सिंह रहेका छन् । उनले घोषणा गरेको २३ सदस्यीय टिममा यस प्रकार रहेको छ । पेम्बा नोर्बु भोटे, राम बोहरा, विशेष बानियाँ, प्रशान्त मोक्तान, दीपेन कार्की, धीरज रावल, आदित्य रानामगर, भुवन कामी, अनमोल कार्की, मौसम रोकाया, अनोज खड्का, प्रशान्त म्याङ्बो, राम थामी, कृष्त भण्डारी, प्रतिश थापामगर, भुपेश लामा, नसीब हेन्जन, सुशान मगर, सुजन स्याङताङ, समीर कुमार, दिग्विजय शाही, निसकुमार श्रेष्ठ र रोहित श्रेष्ठ ।

यू–१७ फुटबल टिमको बिदाई

काठमाडौँ। जारी एसिया कपमा बंगलादेशले विजयी सुरुआत गरेको छ।&nbsp; बिहिवार राति सम्पन्न खेलमा बंगलादेशले हङकङलाई ७ विकेटले पराजित गरेको हो। हङकङले दिएको १४४ रनको लक्ष्य पछाएको बंगलादेशले १७.४ ओभरमा ३ विकेट गुमाउँदै लक्ष्य पुरा गर्याे। बंगलादेशको जितमा कप्तान लिटन दासले ५९ रनकाे अर्धशतकीय पारि खेले &nbsp;भने टोवहिद हृदोयले ३५ रन बनाएका थिए। यसअघि टस हारेर पहिला ब्याटिङ गरेको हङकङले २० ओभरमा ७ विकेट गुमाएर १४३ रन बनाएको थियो।&nbsp; हङकङका लागि निजकत खानले सर्वाधिक ४२ रन बनाए भने जीशान अलीले ३० र कप्तान यसिम मुर्तजाले २८ रन बनाएका थिए। त्यसैगरी बंगलादेशका बलर तस्किन अहमद, तानजिन हसन सकिब र रिशाद होसैनले २-२ विकेट लिएका थिए। यो सँगै समुह बी मा रहेको बंगलादेशको २ अंक जाेडेकाे छ। हङकङले भने लगातार दोस्रो हार बेहोरेको छ। आज ओमान र पाकिस्तानबीच खेल हुँदैछ।

Nepalsports

साफ यु-१७ च्याम्पियनसिप : नेपालले श्रीलंकासँग खेल्दै

📰 Recent News

Nepalsports