काठमाडौं। फिफा विश्वकप छनोट अन्तर्गत युरोपेली छनोटमा स्पेनले फराकिलो जित हासिल गरेको छ। यो स्पेन पछिल्लो ३० खेलमा अपराजित छ।

समूह ई को खेलमा स्पेनले जर्जियालाई उसैको मैदानमा ४–० ले पराजित गरेको हो। यो जितसँगै स्पेनले पाँच खेलमा पाँच जितसँगै १५ अंक जोडेको छ। सोहि समूहमा १२ अंकसहित टर्की दोस्रो स्थानमा छ। 

पाहुना टोली स्पेनको जितमा मिकेल ओयारजाबालले दुई, मार्टिन जुबिमेन्डी र फेरन टाेरेस एक गाेल गरे। 

पहिलो हाफमा ३–० को अग्रता बनाएको स्पेनले दोस्रो हाफमा थप एक गोल गर्न सफल भयाो।