काठमाडौं। राष्ट्रिय खेलकुद परिषद् (राखेप) का सदस्य–सचिव टंकलाल घिसिङले मिसन– २०२६ अन्तर्गत राष्ट्रिय टिम तयारीको विशेष प्रशिक्षण रहेका महिला भलिबल टोलीको प्रशिक्षण अवलोकन गरेका छन्।&nbsp; शुक्रबार त्रिपुरेश्वरस्थित राखेपको कभर्डहलमा भइरहेको प्रशिक्षणको अवलोकन गर्दै सदस्य–सचिव टंकलाल घिसिङले उच्च मनोबलका साथ प्रशिक्षण गर्न खेलाडीको हौसला बढाएका थिए। सोही अवसरमा सदस्य–सचिव टंकलाल घिसिङले श्रीलंकामा हुने काभा यु–१९ भलिबल प्रतियोगिताको तयारीमा रहेका खेलाडीलाई पनि सफलताका लागि शुभकामना दिएका छन्। यस्तै, गत भदौ २३/२४ गते काठमाडौं भएको जेनजी प्रदर्शनको कारण काभा महिला भलिबल लिग स्थगित भएको थियो।

राखेप सदस्य-सचिव घिसिङद्वारा भलिबल टिमको प्रशिक्षण अवलोकन

नेपालगन्ज– विगत ११ बर्षदेखि निरन्तर सन्चालन हुँदै आएको धारा नेपालगन्ज म्याराथन र नेपालको अग्रणी यति एयरलाइन्सबीच सहकार्य हुने भएको छ ।&nbsp; यही मंसिर ६ गते शनिवार हुने ११औं संस्करणको धारा नेपालगन्ज म्याराथन र यसका अन्य भगिनी इभेन्टहरुमा यति एयरलाइन्सले सघाउनेगरी सम्झौता भएको हो ।&nbsp; यति एयरलाइन्सका बिजनेस डेभलपमेन्ट अफिसर युवराज बिष्ट र धारा नेपालगन्ज म्याराथनका प्रोगाम म्यानेजर कपिल थापाले सम्झौतापत्र आदानप्रदान गरे । यो सम्झौतासँगै यति एयरलाइन्स धारा नेपालगन्ज म्याराथनको अफिसियल एयरलाइन्स पार्टनर हुनेछ ।

धारा नेपालगन्ज म्याराथनको एयरलाइन्स पार्टनर बन्यो यती एयर

काठमाडौं– दक्षिण एसियाली फुटबल महासंघले पहिलो पटक आयोजना गर्न लागेको साफ क्लब वुमेन्स च्याम्पियनसिप २०२५ मा पाँच क्लब सहभागी हुने भएको छ । प्रतियोगिता डिसेम्बर ५ देखि २० सम्म हुनेछ । महासंघले शुक्रबार जनाए अनुसार सहभागी हुने टिममा नेपालको एपीएफ, भारतको इस्ट बंगाल, भुटानको ट्रान्सपोर्ट युनाइटेड, पाकिस्तानको कराँची सिटी र बंगलादेशको नासरिन स्पोर्टस एकेडेमी छन् । महासंघले दक्षिण एसियामा महिला फुटबलको क्लब प्रतियोगिता गर्न लागेको यो पहिलो पटक हो । महासंघले यसलाई ऐतिहासिक भएको पनि जनाएको छ ।

पाँच टिमले खेल्दै साफ क्लब वुमेन्स च्याम्पियनसिप

काठमाडौँ। एसीसी एसिया कपको सुपर फोरको समीकरण पूरा भएको छ।&nbsp; &nbsp;समुह चरणको एक खेल हुन बाँकी हुदानै सुपर फोरमा पुग्ने चार देशको टुंगो लागेको हो। समूह 'ए' बाट भारत र पाकिस्तान तथा समुह 'बी' बाट श्रीलंका र बंगलादेश सुपर फोरमा पुगेका हुन्। त्यस्तै समुह 'ए' बाट युएई र ओमान तथा समुह 'बी' बाट अफगानिस्तान र हङकङ बाहिरिएका छन्।&nbsp; बिहिवार राति सम्पन्न खेलमा श्रीलंकाले अफगानिस्तानलाई पराजित गरेसँगै श्रीलंका समुह 'बी' मा अपराजित रहदै शीर्ष स्थानमा रहेको छ। त्यस्तै समुह 'बी' मा बंगलादेश ३ खेलमा ४ अंकसहित दोस्रो स्थानमा रहेर सुपर फोरमा पुगेको छ।&nbsp; अब सुपर फोरमा रहेका सबै देशले एक अर्काविरुद्ध खेल्ने छन्। त्यसमा शीर्ष स्थानमा रहेने दुई देश फाइनलमा पुग्ने छन्।

एसिया कप: सुपर फोरको समीकरण पूरा

बेनफिकाले बिहीबार जोसे मोउरिन्होलाई आफ्नो प्रशिक्षकमा नियुक्त गरेको छ । यससँगै मोउरिन्हो २१ वर्षपछि फुटबल प्रशिक्षकका रूपमा आफ्नो देश फर्केका छन् । उनले अन्तिम पटक पोर्चुगलमा पोर्टो सम्हालेका थिए । सन् २००४ मा चेल्सीको जिम्मेवारी सम्हाल्न उनले पोर्चुगल छाडेका थिए । पछिल्लो अगस्टमा टर्कीको फेनेबाचेले ६२ वर्षीय प्रशिक्षकलाई वर्खास्त गरेको थियो । फेनेबाचे च्याम्पियन्स लिग छनोटको प्ले–अफमा बेनफिकासँगै पराजित भएर प्रतियोगिताबाट बाहिरिएको थियो । बेनफिकाले भने च्याम्पियन्स लिगमै अजरबैजानको कोराबागसँग हारेपछि भर्खरै आफ्ना प्रशिक्षक ब्रुनो लागोलाई वर्खास्त गरेको थियो ।&nbsp;सन् २००० मा मोउरिन्होले बेनफिकाबाटै आफ्नो फुटबल प्रशिक्षकको जीवन सुरु गरेका थिए । त्यसयता उनले दुई अवसरमा चेल्सीसँगै इन्टर मिलान, रियल म्याड्रिड, म्यानचेस्टर युनाइटेड, टोटनहम, एएस रोमा जस्ता ठूला क्लब सम्हालेको अनुभव बटुले ।

मोउरिन्होः बेनफिकाबाट फेरि बेनफिका

युरोपेली च्याम्पियन्स लिगको पहिलो चरणका खेल बिहीबार लगातार तेस्रो दिन चल्यो र यसक्रमा दुई खेलाडी चम्केका छन्, बार्सिलोनाका लागि मार्कस रसफोर्ड र म्यानचेस्टर सिटीका इर्लिङ हालान्ड । रसफोर्डले दुई गोल गरेपछि बार्सिलोनाले न्युकासललाई युनाइटेडलाई २–१ ले हराएको छ। सेन्ट जेम्स पार्कमा भएको खेलमा रसफोर्डले ५८ र ६७ औं मिनेटमा दुई गोल गरे । म्यानचेस्टर युनाइटेडले उनलाई आफूसँग राख्न चाहेको थिएन्, तर बार्सिलोना आएयता रसफोर्डले पहिलो पटक आफ्नो उपयोगिता सिद्ध गरे । न्युकासलका लागि एन्थोनी गोर्डनले ९० औं मिनेटमा एक गोल गरे । तर त्यो सान्त्वना गोल भन्दा बढी भएन् । सिटीले भने इटालीको च्याम्पियन नेपोलीलाई २–० ले हराउँदा इर्लिङ हालान्डले यस प्रतियोगितामा आफ्नो ५० गोल पूरा गरेका छन् । इतिहाडमा हालान्डले ५६ औं मिनेटमा पहिलो गोल गरे । त्यसपछि जेरेमी डोकुले ६५ औं मिनेटमा दोस्रो गोल थपे । अन्य खेल केही ठूलो अन्तरको जित निस्केको थियो । त्यसमा इन्ट्राख्त फ्रान्कफर्टले गालातासारेलाई ५–१, स्पोर्टिङ लिस्वनले किराट आलमाटीलाई ४–१ तथा क्लब ब्रुगले मोनाकोलाई ४–१ ले पराजित गर्‍यो । एफसी कोपनहेगन र बायरलेभरकुजनबीचको खेल भने २–२ को बराबरीमा समाप्त भयो ।

रसफोर्ड र हालान्ड चम्केको दिन

सातदोबाटो स्थित एन्फा कम्प्लेक्समा आज भएको साधारण सभाले विधान अनुमोदन गरेको हो। विधानमा ४५ वर्ष मुनिका खेलाडी मात्र साधारण सदस्य रहन सक्ने र व्यवसायिक रुपमा प्रशिक्षणमा सामेल हुने खेलाडीको संघको सदस्यता खारेज हुने वैधानिक व्यवस्था गरिएको संघका अध्यक्ष विक्रम लामाले जानकारी दिए। त्यस्तै संघको केन्द्रीय परिषदमा ए, बि, सी डिभिजनका खेलाडीलाई पनि मनोनयन गर्ने सकिने विधानमा उल्लेख गरिएको छ। यसअघि सिनियर र जुनियर राष्ट्रिय खेलाडीले मात्र संघको सदस्यता लिन पाउने वैधानिक व्यवस्था थियो। अब भने सबै खाले फुटबल खेलाडीले सदस्यता लिन पाउने वैधानिक व्यवस्था गरिएको छ। संघले एक महिनाको समय सिमा तोकेर नयाँ सदस्यलाई फारम भर्न आव्हान गरेको छ। &nbsp;संघले कार्यसमितिमा रिक्त रहेको पदाधिकारी र सदस्यको मनोनयनले साधारण सभाले अनुमोदन गरेको छ।&nbsp; अन्जना राना मगर उपाध्यक्ष , अनन्त तामाङ महासचिव, रुपेश केसी, एरिक बिष्ट, अन्जन विष्टलाई सदस्य मनोनित भएका छन्। &nbsp;त्यस्तै संघले आफ्नो पूर्व दुई अध्यक्ष उपेन्द्रमान सिंह र राजेश मानन्धरलाई सम्मान गरेको छ। संघको साधारण सभाको उद्घाटन सत्रमा उनीहरूलाई सम्मान गरिएको हो। अखिल नेपाल फुटबल संघ (एन्फा) का अध्यक्ष पंकज विक्रम नेम्वाङ र संघका अध्यक्ष लामाले उनीहरुलाई सम्मान गरेका हुन्। एन्फा अध्यक्ष नेम्वाङले फुटबल खेलाडी संघ चलायमान रहेको र खेलाडीको हकहितका लागि क्रियाशील रहेको बताए। एक दशकसम्म संघको नेतृत्व गरेका सिंहले खेलाडीको खेल्न पाउने अधिकारका लागि संघले गरेको दबाबको प्रशंसा गरे। उनले खेलाडीका पक्षमा निर्णय गराउन संघले भूमिका खेल्नुलाई सकारात्मक कदम बताए। संघका अध्यक्ष लामाले खेलाडीलाई पर्न सक्ने समस्याको समाधानको पहलका लागि संघ सधैं क्रियाशील रहने वचन दिए। खेलाडी संघ एन्फाको सदस्य संस्था हो । संघको पछिल्लो निर्वाचन २०७९ मा भएको थियो।

नेपाल फुटबल खेलाडी संघको वार्षिक साधारण सभाले संघ विधान पास गरेको छ।

काठमाडौं, साफ यु–१७ च्याम्पियनसिप अन्तर्गत आफ्नो दोस्रो खेलमा नेपालले फराकिलो पराजय व्यहोरेको&nbsp;छ।&nbsp; श्रीलंकाकाे कोलोम्बो रेसकोर्स स्टेडियममा बिहिवार सम्पन्न खेलमा नेपाल बंगलादेशसँग ४–० ले पराजित भएकाे हाे।&nbsp; बंगलादेशकाे जितमा मोहम्मद साबीर इस्लाम, ओपु रहमान, मोहम्मद आरिफ र मोहम्मद मानिकले गोल गरे।&nbsp; जितसँगै तीन अंक जोडेको बंगलादेश समूह ‘बी’ को शीर्ष स्थानमा उक्लिएको छ। पराजित नेपाल दुई खेलबाट तीन अंकका साथ दोस्रो स्थानमा छ।

बंगलादेशसँग नेपालको फराकिलो हार

नेपाल र बंगलादेश बिच खेल हेर्नुहोस<a href="https://www.youtube.com/live/dNX_wIJU-eg?si=nM76-AeSYqC7_LRB" target="_blank">नेपाल र बंगलादेश बिच खेल हेर्नुहोस</a><a href="https://www.youtube.com/live/dNX_wIJU-eg?si=nM76-AeSYqC7_LRB" target="_blank"> </a> 
<iframe width="560" height="315" src="https://www.youtube.com/embed/dNX_wIJU-eg?si=XEaQEY-UhHjrlNLY" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen=""></iframe>

नेपाल र बंगलादेश बिच खेल हेर्नुहोस

काठमाडौं, असोज २ गते । राष्ट्रिय खेलकुद परिषद् (राखेप) ले सञ्चालन गरिरहेको मिसन– २०२६ अन्तर्गत राष्ट्रिय टिम तयारीको विशेष प्रशिक्षण आइतबारदेखि पुनः सुचारु भएको छ । यो आर्थिक वर्षको प्रशिक्षण भदौ १ गतेदेखि सुरु भइसकेको राखेपअन्तर्गत राष्ट्रिय टिम तयारीका उप निर्देशक दीपक श्रेष्ठले जनाएका छन् । श्रेष्ठका अनुसार जेनजी आन्दोलनले उत्पन्न परिस्थितिका कारण ५ दिन प्रशिक्षण हुन सकेन । ‘आन्दोलनको दोश्रो दिन भदौ २४ गतेपनि खेलाडीहरु बिहान प्रशिक्षणका लागि आएका थिए । आन्दोलनले गर्दा स्थिति असहज बन्दै गएपछि खेलाडी फर्केका थिए ।’ श्रेष्ठले भने– ‘त्यसपछि भदौ २९ गते (आइतबार) देखि प्रशिक्षण सुचारु भएको हो ।’ विशेष प्रशिक्षणमा कराते, तेक्वान्दो (पारासहित), जुडो, बक्सिङ, एथलेटिक्स, महिला कबड्डी, महिला भलिबल, गल्फ र कुस्ती गरी ९ खेलका १ सय १० खेलाडी सहभागी छन् । त्यसमा ४४ पुरुष र ६६ महिला छन् । ९ खेलका लागि १८ प्रशिक्षकलाई प्रशिक्षणको जिम्मेवारी दिइएको छ । जापानको आइची÷नागोयामा हुने २० औं एसियाली खेलकुदमा स्वर्णसहित दोहोरो अंकमा पदक जित्ने लक्ष्यसहित १९ औं एसियाली खेलकुद सम्पन्न भए लगत्तै जापान एसियाडका लागि विशेष प्रशिक्षण सुरु गरिएको &nbsp; थियो । कुनैपनि एसियाली खेलकुद सकिए लगत्तै आगामी संस्करणका लागि यति लामो तयारी प्रशिक्षण गरिएको पहिलोपटक हो । विशेष प्रशिक्षण २०८० साल माघ १५ गतेदेखि सुरु भएको थियो । १९ औं संस्करणको एसियाली खेलकुद २०८० साल असोज ६ देखि २१ गतेसम्म चीनको हाङझावमा भएको थियो ।

राष्ट्रिय टिमको प्रशिक्षण सुचारु

&nbsp;पहिलो अन्तर्राष्ट्रिय बौद्ध राष्ट्रहरु बिच हुने चेस प्रतियोगितामा सहभागी हुन नेपाल बुद्धिचाल खेल टोली बुधबार बिहान रूसको रिपब्लिक अफ क्याल्मिकिया, एलिस्तामा प्रस्थान गरेको छ।&nbsp; विश्वका प्रमुख बौद्ध धर्म मान्ने देशहरूलाई आमन्त्रण गरेको आयोजक रूसले ‘स्पिरिट अफ धर्म’ को नारा दिँदै यही “सेप्टेम्बर १७ देखि २३ सम्म सञ्चालन गरिने चेस प्रतियोगितामा बुद्ध जन्मेको देश नेपाललाई पनि आमन्त्रण गरिएको हो। यो प्रतियोगिता रसियाको बुद्धिष्ट गणराज्य काल्मिकियाको सरकार, काल्मिक चेस फेडरेशन तथा मस्को क्षेत्रीय चेस फेडरेशनको सहकार्यमा आयोजना गरिएको हो।&nbsp; प्रतियोगिता विश्व चेस महासंघ फिडेको नियमअनुसार २५ मिनेट १० सेकेन्ड इनक्रिजमेन्ट ‘र्‍यापिड’ र पाँच मिनेट ३ सेकेन्ड इनक्रिजमेन्ट ‘ब्लिट्स’ विधा अन्तर्गत समूहगत ११ चरण सम्मको खेल सञ्चालन हुनेछ।&nbsp; नेपाल बुद्धिचाल महासङ्घको सचिवालय बैठकबाट ३ जनाको समूह खेलका लागि व्यावसायिक खेलाडीमा २१९८ उच्च रेटेड सिएमए पुरुषोत्तम सिलवाल, १६३९ रेटेड महिला खेलाडी सिन्दिरा जोशी, २ हजार रेटिङ मुनि एमेच्योर १८९० रेटेड खेलाडी हेराकाजी महर्जन र वैकल्पिक खेलाडीमा १९४३ रेटेड शैलेन्द्र न्यौपानेलाई सहभागी गराएका छन्।&nbsp; आयोजकको तर्फबाट एमेच्योर खेलाडीका रूपमा विशेष गरी प्रत्येक राष्ट्रिय संघका अध्यक्षलाई नै सहभागी हुन आमन्त्रण दिइएको थियो। यसै मौकालाई सदुपयाेग गर्दै नेपाल बुद्धिचाल महासङ्घका अध्यक्ष हेराकाजी महर्जनले रसिया चेस फेडेरेशन सँग दुई देशीय चेस सङ्घहरू बीच सहयोग आदान प्रदानको सम्झौता समेत गर्ने भएको छ। प्रतियोगिताको उद्देश्य बौद्ध देशहरूबीच खेल तथा सांस्कृतिक सम्बन्ध सुदृढ गर्ने, बौद्ध फोरम मार्फत चेसलाई लोकप्रिय बनाउने, खेलाडीहरूको स्तर उकास्ने र स्वस्थ जीवनशैली प्रवर्द्धन गर्ने रहेको छ। अन अफिसियल आमन्त्रित बौद्ध चेस प्रतियोगितामा हंगेरीका २५५० रेटेड ग्रान्डमास्तर सानान स्जुगीरोभ, रूसका २५०१ रेटेड ग्रान्डमास्टर झाम्सारन साइदिपोभ, फिलिपिन्सका २४२३ रेटेड इन्टरनेशनल मास्टर रोडरिक नावा लगायत दर्जनौँ देशका टाइटल होल्डर शीर्ष खेलाडीको सहभागिता रहेको छ। सहभागी बौद्ध राष्ट्र बिच सांस्कृतिक आदानप्रदान र उच्चस्तरीय प्रतिस्पर्धा सहितको यो प्रतियोगिताले खेल कूटनीतिलाई नयाँ आयाम दिने र चेसको बौद्धिक तथा सांस्कृतिक मूल्यलाई विश्वव्यापी रूपमा उजागर गर्ने अपेक्षा गरिएको छ। नेपाली टोलीलाई विदाई गर्ने क्रममा नेपाल चेस फेडेरेशनका महासचिव धर्मबहादुर लामाले यस सहभागितालाई गौरवपूर्ण अवसरको रूपमा लिँदै भने: “यस प्रतियोगिताले नेपाललाई अन्तर्राष्ट्रिय स्तरमा चिनाउने मात्र नभई, खेल मार्फत सांस्कृतिक मित्रता बढाउने महत्वपूर्ण अवसर दिनेछ।”

अन्तर्राष्ट्रिय चेसमा सहभागी हुन नेपाली टोली रुस प्रस्थान

काठमाडौं : डीजीआर स्पोर्ट्स एण्ड इभेन्ट म्यानेजमेन्ट प्रा.लि. को आयोजनामा नेपालमै पहिलो पटक आयोजना गर्न लागिएको सबैभन्दा ठूलो टेनिस बल टी–१० क्रिकेट प्रतियोगिता नेपाल स्ट्रीट प्रिमियर लिग (एनएसपिएल) को &nbsp;ट्रायल सम्पन्न भएको छ। &nbsp;&nbsp; देशभर विभिन्न स्थानमा सम्पन्न भएका ट्रायलमार्फत खेलाडीहरु लाई छनोट गर्ने प्रक्रिया सकिएको छ। मङलबार काठमाडौंको महालक्ष्मी स्पोर्ट्स हबमा अन्तिम ट्रायल सम्पन्न भएको हो। ट्रायलमा खेलाडीहरुको उल्लेखनिय सहभागिता रह्यो। ट्रायलमा करिब १५०० भन्दा बढी खेलाडीले सहभागिता जनाएका थिए भने तीमध्ये २५० जना खेलाडीहरुलाई अक्सनका लागि छनोट गरिने छ । &nbsp; &nbsp; यो प्रतियोगिता टेनिस बल क्रिकेट खेलाडीहरूलाई आफ्नो क्षमता देखाउने महत्वपूर्ण प्लेटफर्म हुने आयोजकले जनाएको छ। प्रतियोगितामा सात टिम सहभागी हुनेछ। प्रतियोगितामा कुल २५ खेल खेलिने छ। लिग चरण सिंगल राउन्ड रोबिन प्रणालीमा सम्पन्न हुनेछ र शीर्ष ४ टिमले सेमिफाइनलमा स्थान बनाउनेछन्। विजेता टिमले २१ लाख रुपैयाँ पुरस्कार पाउनेछ भने उपविजेताले ११ लाख रुपैयाँ प्राप्त गर्नेछन्।&nbsp; प्रतियोगिताका अध्यक्ष ज्ञानु सिंहले यो लिगले उदीयमान प्रतिभाको लागि बलियो र समावेशी प्लेटफर्म निर्माण गरेर ग्रासरुट क्रिकेटलाई विकाश गर्ने बताए। “यो प्रतियोगिताले स्थानीय खेलाडीलाई अवसर र प्रेरणा दिनेछ। साथै, नेपाली क्रिकेटलाई ग्रासरुट स्तरबाट विकास गर्ने उद्देश्य राखिएको छ,” उनले बताए।&nbsp; हाल प्रतियोगिता केही समयका लागि स्थगित भएको छ। सुरुवाती योजना अनुसार प्रतियोगिता असोज २१ देखि असोज ३१ गतेसम्म हुने तय गरिएको थियो। तर, भदौ २३ र २४ गतेका जेनजी आन्दोलन तथा हाल देश शोकमा डुबेको परिस्थितिलाई मध्यनजर गर्दै प्रतियोगिता स्थगित गरिएको जानकारी आयोजकले दिएको छ। प्रतियोगिताको नयाँ मिति छिट्टै नै सार्वजनिक हुनेछ। यस प्रतियोगिताले नेपालमा क्रिकेट खेलको विकाशमा अझ टेवा पुग्ने उद्देश्य राखेको छ ।

एनएसपिएल को ट्रायल सम्पन्न

काठमाडौं। नेपाली राष्ट्रिय पुरुष फुटबल टोलीको फिफा वरीयतामा यथावत् रहेको छ। विश्व फुटबलको सर्वोच्च निकाय फिफाले बिहिवार सार्वजनिक गरेको पछिल्लो वरीयतामा नेपाल १७६औं स्थानमा यथावत् रहेको छ। यता, भारत १३४औं स्थानमा झरेको छ। नेपालले यहीँ सेप्टेम्बर ६ मा बंगलादेशसँग अन्तर्राष्ट्रिय मैत्रीपूर्ण खेल खेलेको थियो।&nbsp; जसमा गोलरहित बराबरीमा सकिएको थियो। त्यसपछि दोस्रो खेल ९ सेप्टेम्बरमा तय भएको थियो तर, नेपाल भएको जेनजी प्रर्लशनको कारण उक्त खेल हुन सकेन। यस्तै, विश्वको शीर्ष स्थानमा स्पेन उक्लिएको छ। यसअघि शीर्ष स्थानमा रहेको अर्जेन्टिना तेस्रो स्थानमा झर्दा फ्रान्स दोस्रो, पोर्चुगल पाँचौं स्थानमा उक्लिएको छ। इङ्ल्यान्ड चौथो स्थानमा यथावत् छ।

नेपालको फिफा वरीयता यथावत्, स्पेन शीर्ष स्थानमा

काठमाडौं। अखिल नेपाल फुटबल संघ (एन्फा)का फुटसल निर्देशक राज महर्जनले राजीनामा दिएका छन्। एएफसी फुटसल कप २०२६ को छनोटमा नेपाल सहभागी नहुँदा एएफसीले गरेको कारबाहीको जिम्मेवार सचिवालयलाई ठहराउँदै उनले पद छोडेका हुन्। महर्जनले बजेट विनियोजन नगरेका कारण नेपालले प्रतियोगिताबाट नाम फिर्ता लिनु परेको र त्यसकै लापरवाहीले देशलाई १० हजार डलर जरिवाना तथा आगामी छनोटमा प्रतिबन्ध झेल्नुपरेको उल्लेख गरेका छन्। सचिवालयको गैरजिम्मेवारीका कारण पदमा रहेर काम गर्न नसक्ने भन्दै उनले बिहीबारदेखि लागू हुने गरी राजीनामा दिएका हुन्।

फुटसल निर्देशक महर्जनको राजीनामा

काठमाडौं। साउदी क्लब अल–नासरले एएफसी कपमा फराकिलाे जित हासिल गरेकाे छ।&nbsp; ताजिकिस्तानको इस्तिकलोललाई रियाधमा बुधबार सम्पन्न खेलमा नासरले ५–० ले पराजित गरेको हो।&nbsp; नियमित कप्तान क्रिस्टियानो रोनाल्डोलाई आराममा दिएकाे खेलमा नासरकाे जितमा लिभरपुल पूर्वस्टार साडियो मानेले खेलको अन्त्यतिर गोल गर्दै जितलाई थप फराकिलो बनाए। त्यसअघि किङ्स्ले कोमन, अब्दुर्रहमान घारीब र ब्राजिली खेलाडी वेस्ली तथा एन्जेलोले गोल गरेका थिए।

अल नासरको फराकिलो जित

काठमाडौँ। साफ यु-१७ च्याम्पियनसिप अन्तर्गत नेपालले आज बंगलादेशसँग खेल्दैछ। श्रीलंकाकाे कोलोम्बो रेसकोर्स स्टेडियममा हुने खेल नेपाली समयअनुसार आज साँझ ७:१५ बजेदेखि सुरु हुँदैछ। नेपालले यसअघि आफ्नाे पहिलाे खेलमा घरेलु टाेली श्रीलंकालाई २-० ले पराजित गर्दै प्रतियोगितामा विजयी सुरुआत गरेकाे थियाे। सेप्टेम्बर १५ देखि २७, २०२५ सम्म श्रीलंकामा आयोजना हुने साफ यु–१७ च्याम्पियनसिपमा नेपालसहित बंगलादेश, श्रीलंका, भारत, पाकिस्तान, भुटान र माल्दिभ्स खेल्दैछन्। नेपाल समुह ए मा श्रीलंका र बंगलादेशसँग रहेको छ। त्यस्तै समुह बी मा भारत, पाकिस्तान, भुटान र माल्दिभ्स रहेका छन्।

साफ यु-१७ च्याम्पियनसिप: नेपाल र बंगलादेश खेल्दै

काठमाडौं। क्रिकेट वेस्ट इन्डिजले संयुक्त अरब इमिरेट्स (यूएई)मा हुन लागेको नेपालविरुद्धको टी२० क्रिकेटका लागि १५ सदस्यीय टोलीको घोषणा गरेको छ। टिममा उदीयमान र भेट्रान खेलाडीहरूलाई समावेश गरिएको छ। नेपालविरुद्धको सिरिजका लागि अकिल होसिनलाई कप्तान बनाइएको छ। टिममा ६ जना सम्भावित डेब्यु खेलाडीहरू समावेश छन्। यो सिरिजलाई आईसीसी टी२० विश्वकपको तयारीको रुपमा लिइएको छ।&nbsp; वेस्ट इन्डिजको टोलीःअकिल होसिन (कप्तान), फाबियन एलन, ज्वेल एन्ड्र्यू, अकीम अगुस्ते, नभिन बिडाइसे, जेदियाह ब्लेड्स, केसी कार्टी, करिमा गोर, जेसन होल्डर, अमिर जङ्गु, काइल मायर्स, ओबेड म्याककॉय, जिशान मोटारा, रेमन सिमन्ड्स, शमार स्प्रिङ्गर खेल तालिका&nbsp;पहिलो टी२०आईः सेप्टेम्बर २७, २०२५, शारजाह, यूएईदोस्रो टी२०आईः सेप्टेम्बर २९, २०२५, शारजाह, यूएईतेस्रो टी२०आईः सेप्टेम्बर ३०, २०२५, शारजाह, यूएई

नेपालविरुद्ध खेल्ने वेस्ट इन्डिजको टिमको घोषणा

लिभरपुलले फेरि एकपल्ट इन्ज्युरी समयको गोलमा जित निकालेको छ र यसपल्ट उसले युरोपली च्याम्पियन्स लिगमा एटलेटिको म्याड्रिडलाई ३–२ ले हराएको हो । डिफेन्डिङ च्याम्पियन पेरिस सेन्ट जर्मेन (पीएसजी) ले पनि एटलान्टामाथि ४–० को प्रभावशाली जित रचेको छ । शानदार जित निकाल्नेमा बायर्न म्युनिक पनि रह्यो । उसले ह्यारी केनको दुई गोलको मदतले क्लब वर्ल्डकप च्याम्पियन चेल्सीलाई सजिलै ३–१ ले हराएको छ । एनफिल्डमा लिभरपुलका लागि एलेक्जान्डर इसाकले डेब्यु गरे र घरेलु टिमले बलियो सुरुआत लिएको थियो । &nbsp; एन्डी रोबर्टस र मोहमद सलाहले गोलले सुरुआती छ मिनेटै लिभरपुल दुई गोलले अगाडि रह्यो । त्यसपछि कार्सोस लारेन्टले एटलेटिकोका लागि दुई गोल फर्काए र खेल बराबरीमा स्थितिमा पुगेको थियो । यही बेला डोमिनिक सबोसलाईको कर्नरमा कप्तान भान डाइकले हेडबाट निर्णायक गोल गरे । आर्ने स्लट लिभरपुलले यसपल्ट आफ्ना सुरुआती पाँचै खेलमा अन्तिम दस मिनेटमा सम्भव निर्णायक गोलको मदतले जितेको छ । खेलको अन्त्यमा एटलेटिकोको प्रशिक्षक डिएगो सिमोनीलाई लिभरपुल समर्थकसँग झगडा गरेपछि रातो कार्ड देखाइएको थियो । यस्तै अर्को महत्त्वपूर्ण खेलमा इन्टर मिलानले आयाक्सको घरमा २–० को जित निकाल्यो । त्यसमा दुवै गोल मार्कस थुरामले गरेका थिए । च्याम्पियन्स लिगमा डेब्यु गरिरहेका क्लबमध्ये पाफोसले ओलम्पियाकोजलाई गोलरहित बराबरीमा रोक्यो भने बोडो/ग्लिम्टले स्लाभिया प्रागसँग २–२ को बराबरी खेल्यो ।

पीएसजीसँगै लिभरपुल र बायर्नको शानदार सुरुआत

काठमाडौं एसियाली फुटबल महासंघ (एएफसी) ले अखिल नेपाल फुटबल संघ एन्फा लाई कारबाही गर्दै १० हजार अमेरिकी डलर जरिवाना गरेको छ। एएफसीको अनुशासन र आचारसंहिता कमिटीले नेपाललाई कारबाही गर्ने निर्णय गरेको हो। त्यस कमिटीको अगस्ट २१ मा बसेको बैठकले एन्फालाई जरिवाना लगाएको हो। नेपालले एएफसी फुटसल कप २०२६ को छनोटमा भाग नलिएपछि यो कारबाही गरिएको हो। कमिटीका अनुसार एन्फाले छनोटका खेल सुरु हुन १ सय ६ दिन अगाडि नाम फिर्ता लिएको थियो। एन्फालाई प्रतियोगिताको नियमावाली ६.७ अनुसार कारबाही गरिएको हो। कारबाही अनुसार नेपालले १० हजार अमेरिकी जरिवाना यसबारे सूचना दिएको ३० दिनभित्र बुझाउनु पर्नेछ।

एन्फालाई एएफसीको १० हजार जरिवाना

नेपाल ओलम्पिक कमिटी (एनओसी) ले जापानको आइची र नागोयामा हुने २० औं एसियाली खेलकुदमा ३२ खेलका कुल ४ सय ३४ खेलाडी संख्या दर्ता गरेको बुधबार जनाएको छ । त्यसमा २ सय ३९ पुरुष र १ सय ९५ महिला खेलाडीको संख्या रहेको छ । आउँदो एसियाली खेलकुद सन् २०२६ को सेप्टेम्बर २३ देखि अक्टोबर ८ सम्म हुँदैछ । हिजो सेप्टेम्बर १६ सम्म सहभागी हुने देशले खेल र त्यसमा सहभागी हुने खेलाडीको संख्या दर्ता गर्नु पर्ने थियो । यसअघि ३० खेलमा सहभागी हुने दर्ता भएकोमा त्यसमा तेक्वान्दो र फुटबल पनि समावेश गरेर ३२ खेल पुर्‍याएको छ । यस्तै म्याराथनमा एक पुरुष र एक महिला खेलाडी संख्या पनि पठाएको छ । एनओसीले खेलाडीको खेल संख्या सहित दर्ताका लागि युवा तथा खेलकुद मन्त्रालय तथा राष्ट्रिय खेलकुद परिषदमा पत्राचार गरे पनि तिनीहरू प्रतिक्रिया नदिएको पनि जनाएको छ ।

Nepalsports

धारा नेपालगन्ज म्याराथनको एयरलाइन्स पार्टनर बन्यो यती एयर

📰 Recent News

Nepalsports