Kathmandu Rayzrs

काठमाडौं। अखिल नेपाल फुटबल संघ (एन्फा)ले सहिद स्मारक महिला राष्ट्रिय लिग २०८२ अन्तर्गतका बाँकी खेलहरू स्थगित गरेको जनाएको छ। एन्फाले शुक्रबार एक सूचना जारी गर्दै प्राविधिक कारण देखाउँदै लिगका खेलहरू अर्को सूचना प्रकाशित नभएसम्मका लागि स्थगित गरिएको जानकारी दिएको हो। चैत ४ गतेदेखि सञ्चालन भइरहेको प्रतियोगितामा म्याच नम्बर ५ देखि अगाडिका खेलहरू रोकिने उल्लेख गरिएको छ। एन्फाका प्रमुख कार्यकारी अधिकृत इन्द्रमान तुलाधरद्वारा हस्ताक्षरित सूचनामा सहभागी क्लबहरू—एपीएफ क्लब, नेपाल पुलिस क्लब, त्रिभुवन आर्मी क्लब, एनआरटी क्लब, बागमती युवा क्लब, आरएस पोखरा एन्ड विंग्स फुटबल, संकटा फुटबल क्लब, चर्च ब्वाइज युनाइटेड र झापा एफसी—लाई जानकारी गराइएको छ। लिग स्थगित भएसँगै प्रतियोगिताको आगामी तालिका अन्य सूचना आएपछि मात्रै सार्वजनिक हुने एन्फाले जनाएको छ। लिग अन्तर्गत पहिलो दिनको खेलमा संकटा फुबटल क्लबले एनआरटीलाई ४-० ले हराएको थियो। दोस्रो खेलमा आर्मीले झापा एफसीलाई ५-० ले पराजित गरेको थियो। दोस्रो दिनको खेलमा बागमतीले आरएस पोखरालाई ५-४ ले पराजित गर्यो भने अर्को खेलमा पुलिसले चर्च ब्वाइज ५-० ले पराजित गर्यो।

महिला लिगअनिश्चितकालका लागि स्थगित

काठमाडौं। सहिद स्मारक महिला लिगअन्तर्गत दोस्रो दिनको खेलमा विभागीय टोली नेपाल पुलिस क्लबले प्रभावशाली प्रदर्शन गर्दै विजयी सुरुआत गरेको छ। ललितपुरस्थित च्यासल रंगशालामा बिहीबार सम्पन्न खेलमा पुलिसले चर्च ब्वाइज युनाइटेडलाई ५–० को फराकिलो अन्तरले पराजित गर्‍यो। पुलिसको जितमा मिना देउवा र रेखा पौडेलले समान दुई–दुई गोल गरे भने कप्तान अमृता जौशीले एक गोल थपिन्। खेलको सुरुवातदेखि नै आक्रामक देखिएको पुलिसका लागि मिना देउवाले १२औं र १८औं मिनेटमा गोल गर्दै टोलीलाई २–० को अग्रता दिलाइन्। पहिलो हाफको अन्त्यतिर ४२औं मिनेटमा रेखा पौडेलले गोल थप्दा पुलिस ३–० ले अघि बढ्यो। त्यसको एक मिनेट नबित्दै कप्तान अमृता जौशीले गोल गर्दै पहिलो हाफमै पुलिसलाई ४–० को मजबुत अवस्थामा पुर्‍याइन्। दोस्रो हाफमा चर्च ब्वाइजले खेल सुधार्ने प्रयास गरे पनि प्रभावकारी आक्रमण गर्न सकेन। ५१औं मिनेटमा रेखा पौडेलले व्यक्तिगत दोस्रो गोल गर्दै पुलिसको ५–० को जित सुनिश्चित गरिन्। यस जितसँगै नेपाल पुलिस क्लबले प्रतियोगितामा तीन अंक जोड्दै सुरुआत गरेको छ।

पुलिसको शानदार सुरुआत, चर्च ब्वाइजमाथि फराकिलो जित

काठमाडौं। सहिद स्मारक महिला लिगअन्तर्गत अत्यन्त रोमाञ्चक खेलमा बागमती युथ क्लब विजयी भएको छ। ललितपुरस्थित च्यासल रंगशालामा बिहीबार सम्पन्न दिनको पहिलो खेलमा बागमतीले आरएस पोखरामाथि ५–४ को संघर्षपूर्ण जित निकाल्यो। जितसँगै बागमतीले तीन अंक जोड्दै प्रतियोगितामा सुखद सुरुआत गरेको छ। बागमतीको जितमा अस्मिता मगर र दीक्षा रानपालले समान दुई–दुई गोल गर्दा प्रजिता राईले एक गोल थपिन्। आरएस पोखराका लागि गीता श्रेष्ठले दुई गोल गरिन् भने तुलसी कुमारी वली र वर्षा कुँवरले समान एक–एक गोल योगदान दिए। खेलको सातौं मिनेटमै गीता श्रेष्ठको गोलमार्फत आरएसले अग्रता लिएको थियो। तर, त्यसको दुई मिनेटपछि अस्मिता मगरले गोल फर्काउँदै बागमतीलाई खेलमा फर्काइन्। दोस्रो हाफ झन् प्रतिस्पर्धात्मक बन्यो। ४८औं मिनेटमा तुलसी कुमारी वलीले गोल गर्दै आरएसलाई पुनः अग्रता दिलाइन्। तर, ५१औं मिनेटमा प्रजिता राईले बराबरी गोल गर्दै खेल २–२ को अवस्थामा ल्याइन्। ६०औं मिनेटमा दीक्षा रानपालले गोल गर्दै बागमतीलाई पहिलोपटक अग्रता दिलाइन् भने ६८औं मिनेटमा वर्षा कुँवरले गोल गर्दै खेल पुनः ३–३ को बराबरीमा पुगेको थियो। त्यसपछि बागमतीले खेलमा पकड जमायो। ७०औं मिनेटमा अस्मिता मगर र ७८औं मिनेटमा दीक्षा रानपालले गोल गर्दै बागमतीलाई ५–३ को मजबुत अग्रता दिलाए। ८३औं मिनेटमा गीता श्रेष्ठले व्यक्तिगत दोस्रो गोल गर्दै अन्तर घटाए पनि बाँकी समयमा आरएस खेलमा फर्किन नसक्दा बागमतीले रोमाञ्चक जित हात पार्न सफल भयो।

रोमाञ्चक खेलमा बागमतीको शानदार जित

काठमाडौं। अखिल नेपाल फुटबल संघ (एन्फा) ले जारी राष्ट्रिय लिगअन्तर्गतका केही खेलहरू स्थगित गरेको जनाएको छ। एन्फाले बिहीबार एक सूचना जारी गर्दै प्राविधिक कारणले लिगअन्तर्गतका म्याच नम्बर ९७ देखि १००–१३६ सम्मका खेलहरू अर्को सूचना प्रकाशित नभएसम्मका लागि स्थगित गरिएको जानकारी दिएको हो। एन्फाका प्रमुख कार्यकारी अधिकृत इन्द्रमान तुलाधरद्वारा हस्ताक्षरित सूचनामा लिग सञ्चालन सम्बन्धी व्यवस्थापनमा देखिएका प्राविधिक समस्याका कारण खेलहरू तत्कालका लागि रोकिएको उल्लेख गरिएको छ। उक्त सूचना त्रिभुवन आर्मी क्लब, नेपाल पुलिस क्लब, एपीएफ क्लब, संकटा एफसी, मछिन्द्र क्लब, जावलाखेल युथ क्लब, सातदोबाटो युथ क्लब, लालीगुराँस एसोसिएसन क्लबलगायत सहभागी क्लबहरूलाई पठाइएको एन्फाले जनाएको छ। अब स्थगित खेलहरूको नयाँ मिति र समय एन्फाले पछि सार्वजनिक गर्नेछ।<img src="https://app.nepalsportz.com/media/django-summernote/2026-03-19/e1166e72-e50b-4be0-85b1-4f9c5dcff5b9.jpeg" style="width: 698px;">

राष्ट्रिय लिगका खेल स्थगित

काठमाडौं। एन्फा राष्ट्रिय लिगअन्तर्गत चित्लाङ एफसीमाथि महत्वपूर्ण जित निकाल्दै लालीगुराँस एसोसिएसन क्लब अंकतालिकाको शीर्ष स्थानमा उक्लिएको छ। सातदोबाटोस्थित एन्फा कम्प्लेक्समा बिहीबार सम्पन्न खेलमा लालीगुराँसले चित्लाङलाई १–० ले पराजित गर्‍यो। प्रतिस्पर्धात्मक खेलमा लालीगुराँसका लागि अब्दुल युसुफ हाउलेले निर्णायक गोल गरे। उनले दोस्रो हाफको ४९औँ मिनेटमा गरेको गोल नै खेलको नतिजा तय गर्न पर्याप्त बन्यो। यस जितसँगै लालीगुराँसले १३ खेलबाट २७ अंक जोड्दै शीर्ष स्थान कब्जा गरेको छ। पराजित चित्लाङ भने १३ खेलबाट मात्र ८ अंकसहित १५औँ स्थानमा सीमित रहेको छ।

चित्लाङलाई पराजित गर्दै लालीगुराँस शीर्ष स्थानमा

काठमाडौं। एन्फा राष्ट्रिय लिग अन्तर्गत आज तीन खेल हुँदैछ।&nbsp; सादोबाटोस्थित एन्फा कम्प्लेक्समा बिहान १० बजेबाट सुरु हुने खेलमा चित्लाङ फुटबल क्लब र लालीगुराँस एसोसिएसनबीच हुनेछ। जारी लिगमा १२ खेलबाट आठ अंक रहेको चित्लाङ १५औं तथा समान खेलबाट २४ अंक रहेको लालीगुराँस चौथो स्थानमा छ। यदि चिल्लाङलाई पराजित गरेको खण्डमा लालीगुराँस केहि समयको लागि शीर्ष स्थामा उक्लनेछ।&nbsp; दिनको दोस्रो खेलमा विभागीय टोली त्रिभुवन आर्मी क्लबले सातदोबाटो युथ क्लबको सामना गर्नेछ। यो खेल दशरथ रंगशालामा दिउँसो दुई बजेबाट सुरु हुनेछ।&nbsp; पछिल्लो तीन खेलमा बराबरीमा रोकिएको सातदोबाटो ११ खेलबाट एक जित दर्ता गर्दै ९ अंकसहित १४औं स्थानमा छ। समान खेलबाट २३ अंक जोडेको आर्मी पाँचौं स्थानमा छ।&nbsp; यस्तै, दिनको अन्तिम खेलमा शीर्ष दौडमा रहेको एपीएफ र मच्छिन्द्र भिड्दै छन्। समान ११ खेलबाट २५ अंक रहेको मच्छिन्द्र शीर्ष स्थानमा रहँदा २५ अंक नै भएको एपीएफ तेस्रो स्थानमा छ। २५ अंक भएको चर्च ब्वाइज दोस्रो स्थानमा छ।&nbsp;

राष्ट्रिय लिगमा आज तीन खेल हुँदै

काठमाडौं। सहिद स्मारक महिला लिगमा आज बिहीबार दुई खेल हुँदैछन्। ललितपुरको च्यासल रंगशालामा हुने पहिलो खेलमा बागमती युवा क्लबले आरएस पोखरासँग प्रतिस्पर्धा गर्नेछ भने दोस्रो खेलमा नेपाल प्रहरी क्लबले चर्च ब्वाइज युनाइटेडसँग भिड्नेछ। बिहान ११ बजे सुरु हुने खेलमा बागमती युवा क्लब र आरएस पोखरा आमनेसामने हुनेछन्। यस्तै, दिउँसो ३ बजेबाट सुरु हुने खेलमा नेपाल प्रहरी क्लब र चर्च ब्वाइज युनाइटेडबीच प्रतिस्पर्धा हुनेछ। बुधबारदेखि सुरु भएको लिगमा नौ टोलीको सहभागिता रहेको छ। उद्घाटन खेलमा संकटा फुटबल क्लबले न्युरोड टिमलाई तथा त्रिभुवन आर्मी क्लबले झापा फुटबल क्लबलाई पराजित गर्दै विजयी सुरुआत गरेका थिए।

महिला लिगमा आज दुई खेल हुँदै

युरोपेली च्याम्पियन्स लिगको अन्तिम आठको समीकरण बुधबार पूरा भएको छ र त्यसमा दुई इंग्लिस क्लबको चुनौती मात्र बाँकी रहेको छ । अब अन्तिम आठमा स्पोर्टिङ लिस्वन र आर्सनल, रियल म्याड्रिड र बायर्न म्युनिक, बार्सिलोना र एटलेटिको म्याड्रिड तथा पेरिस सेन्ट जर्मेन (पीएसजी) र लिभरपुल भिड्ने भएका छन् । आर्सनलपछि लिभरपुलले भने अबको चरण खेल्ने भएको हो र यसका लागि उसले एक गोलले पछाडि रहेको स्थिति उल्टाएर समग्रमा ४–१ को जित निकाल्न सफल रह्यो । उसले गालातासारेलाई एनफिल्डमा सजिलै ४–० ले पराजित गरेको हो । त्यसमा डोमिनिक सबोसलाई, ह्युगो एकिटिके, रायन ग्रेभेनवेर्च र मोहमद सलाहले गोल गरे । तर टोटनहम र न्युकासल युनाइटेड भने प्रतियोगिताबाट बाहिरिएका छन् । टोटनहमले बुधबार अन्तिम १६ को दोस्रो लेगको खेलमा एटलेटिको म्याड्रिडलाई ३–२ ले हराए पनि समग्रमा ७–५ ले पछाडि रह्यो । टोटनहमका लागि त्यस खेलमा जाभी सिमोन्सले दुई गोल गरे, तर त्यो पर्याप्त रहेन् । बार्सिलोनाले न्युकासल युनाइटेडमाथि ७–२ को जित निकाल्यो । यसक्रममा उसले समग्रमा ८–३ को निर्णायक अग्रता लिन सफल रह्यो । बार्सिलोनाका लागि राफिन्हा, लामिन यामल र रोबर्ट लेवनडोस्कीले दुई दुई गोल गरे । बायर्न म्युनिकले भने एटलान्टामाथि ४–१ को जित निकाल्दै समग्रमा १०–२ को ठूलो अग्रता लिएको हो । प्रतियोगितामा स्पेनी ला लिगाका तीन, इंग्लिस प्रिमियर लिगका दुई तथा जर्मन बुंडेसलिगा, फ्रान्सेली लिग वान र पोर्चुगाली प्रिमेरा लिगका एक एक टिमले अबको चरण खेल्नेछन् ।

अन्तिम आठको समीकरण पूरा

काठमाडौं। एन्फा राष्ट्रिय लिगमा बुधबार दुई खेल सम्पन्न भएको छ।&nbsp; सातदोबाटोस्थित एन्फा कम्प्लेक्समा सम्पन्न दिनको पहिलो खेलमा जावलाखेल युथ क्लब र फ्रेन्ड्स क्लबले १-१ को बराबरी खेल्दै अंक बाँडेका छन्।&nbsp; पहिलो हाफ गोलरहित बराबरीमा सकिएको खेलको ४७औं मिनेटमा विकास दर्लामी मगरले गोल गर्दै जावलाखेललाई सुरुआती अग्रता दिलाएबा थिए। तर, ५२औं मिनेटमा फ्रेन्ड्सका प्रशान्त लक्क्षमले गोल गर्दै खेल १-१ को बराबरी अबस्थामा ल्याए।&nbsp; त्यसपछि बाँकी समय थप गोल नहुँदा खेलमा दुवै टोलीले एक एक अंक बाँडे।&nbsp; यस्तै, दिनको दोस्रो खेलमा चर्च ब्वाइज युनाइटेडले संकटा फुटबल क्लबलाई ५-२ को फराकिलो अन्तरले पराजित गरेको छ।&nbsp; चर्चको जितमा सुमित श्रेष्ठले दुई गोल गर्दा रोहन कार्की र मिलन राईले समान एक गोल गरे। अर्को उपहार पायो। संकटाका विवेक मगरले आत्माघाती गोल गरे। संकटाको लागि रिचार्ड र विवेक राईले गरेको गोल सान्त्वना बन्यो।&nbsp;

राष्ट्रिय लिग: संकटामाथि चर्च ब्वाइजको फराकिलो जित, जावलाखेल र फ्रन्ड्सले अंक बाँडे

काठमाडौं। विभागीय टोली त्रिभुवन आर्मी क्लबले सहिद स्मारक महिला लिगमा प्रभावशाली सुरुआत गरेको छ। ललितपुरस्थित च्यासल रंगशालामा बुधबार सम्पन्न दिनको दोस्रो खेलमा आर्मीले झापा फुटबल क्लबलाई ५–० को फराकिलो अन्तरले पराजित गर्‍यो। आर्मीको जितमा अञ्जना टुलुङ राईले दुई गोल गरिन् भने दिपा शाही, हिमा चौधरी र तुलसा बोहराले समान एक–एक गोल थपे। पहिलो हाफ गोलरहित बराबरीमा सकिएको खेलमा आर्मीले दोस्रो हाफमा उत्कृष्ट प्रदर्शन गर्दै पाँचै गोल गर्न सफल भयो। यस जितसँगै आर्मीले पहिलो खेलमै तीन अंक जोड्दै लिग तालिकामा शीर्ष स्थान कब्जा गरेको छ। यसअघि बुधबार नै सम्पन्न अर्को खेलमा संकटा फुटबल क्लबले न्यूरोड टिम (एनआरटी) लाई ४–० ले हराउँदै विजयी सुरुआत गरेको थियो।

महिला लिग: झापामाथि आर्मीको फराकिलो जित

काठमाडौं। सहिद स्मारक महिला लिगमा संकटा फुटबल क्लबले प्रभावशाली प्रदर्शन गर्दै विजयी सुरुआत गरेको छ। ललितपुरको च्यासल रंगशालामा बुधबार सम्पन्न उद्घाटन खेलमा संकटाले न्यूरोड टिम (एनआरटी) लाई ४–० को फराकिलो अन्तरले पराजित गर्दै प्रतियोगितामा दमदार सुरुआत गर्‍यो। संकटाको जितमा विन थेइङ्गी टुन, सुक्रीया मिया, लुसिया लेइला जोसे र क्विनाबेल अकोसुअले समान एक–एक गोल गरिन्। खेलको सुरुआतदेखि नै आक्रामक देखिएको संकटाले पाँचौं मिनेटमै विन थेइङ्गी टुनको गोलमार्फत अग्रता लिएको थियो। त्यसपछि २३औं मिनेटमा सुक्रीया मियाले गोल थप्दै अग्रता दोब्बर पारिन्। पहिलो हाफ सकिनुअघि नै लुसिया लेइला जोसे मोकम्बिक्वेले २७औं मिनेटमा गोल गर्दै संकटालाई ३–० को सहज अवस्थामा पुर्‍याइन्। दोस्रो हाफमा पनि संकटाको दबाब कायम रहँदा क्विनाबेल अकोसुअ अमनक्रहले थप एक गोल गर्दै टोलीको जितलाई ४–० मा सुरक्षित बनाइन्। यो जितसँगै संकटाले प्रतियोगितामा महत्वपूर्ण तीन अंक जोड्दै सुखद सुरुआत गरेको छ भने एनआरटीले हारबाट यात्रा सुरु गरेको छ।

एनआरटीमाथि ४–० को शानदार जित, संकटाको विजयी सुरुआत

युरोपेली च्याम्पियन्स लिगबाट मंगलबार दुई इंग्लिस टिम बाहिरिएका छन् र तिनको ठाउँमा डिफेन्डिङ च्याम्पिनय पेरिस सेन्ट जर्मेन (पीएसजी) र कीर्तिमान १५ पल्टको च्याम्पियन रियल म्याड्रिडले अन्तिम आठको यात्रा तय गरेको छ । पीएसजीले अन्तिम १६ को दोस्रो लेगको खेलमा चेल्सीलाई उसकै घरमा ३–० ले हरायो र समग्रमा ८–२ को अग्रता लियो । रियलले भने म्यानचेस्टर सिटीलाई पनि उसकै घरमा दोस्रो लेगमा २–१ ले पराजित गर्दै समग्रमा ५–१ को अग्रता लिन सफल रह्यो । <img src="https://app.nepalsportz.com/media/django-summernote/2026-03-18/3826d90a-c0ae-4742-93c1-cd0bc2409834.jpeg" style="width: 698px;"> प्रिमियर लिगको शीर्षमा रहेको आर्सनल भने भाग्यमानी रह्यो र उसले दोस्रो लेगमा बायर लेभरकुजनलाई २–० ले पन्छाएर समग्रमा ३–१ ले अगाडि रहन सफल रह्यो । स्पोर्टिङ लिस्वनले भने उत्कृष्ट पुर्नआगमन रच्दै बोडो/गिल्म्टलाई दोस्रो लेगमा ५–० ले हरायो र ५–३ को निर्णायक अग्रता लियो ।

पीएसजी र रियल सजिलै अन्तिम आठमा

सन् २०२६ को अफ्रिकी कप अफ नेसन्सको विजेता अब आयोजक मोरक्को हुने भएको छ । अफ्रिकी फुटबल महासंघ (काफ) ले मंगलबार सनसनीपूर्ण रूपमा सेनेगलबाट उपाधि खोसेको छ । काफले मोरक्को उल्टै ३–० ले विजेता बनेको घोषणा गरेको छ । रबाटमा भएको जनवरी १८ को फाइनलको दोस्रो हाफको इन्ज्युरी समयमा मोरक्कोको पक्षमा पेनाल्टीको निर्णय सुनाइएपछि सेनेगलका अधिकांस खेलाडीले त्यसको विराधेमा मैदान छाडेका थिए । कप्तान साडियो मानेको अनुरोधमा केही समयपछि सेनेगलका खेलाडी मैदानमा फर्के, तर मोरक्को त्यस पेनाल्टीमा गोल गर्न चुकेको थियो । त्यसपछि पापे गुयेले गोल गरे र सेनेगल १–० ले विजयी रह्यो । मोरक्कोको अपिलपछि काफले उसको पक्षमा ३–० को नतिजा सुनाएको छ र सेनेगलले त्यस फाइनल छाडेको स्थिति मानिएको छ । प्रतियोगिताको नियम अनुसार कुनै टिमले रेफ्रीको निर्णय विना खेल छाडेमा अथवा खेल्न अस्विकार गरेमा त्यसलाई पराजित मानिने भनिएको छ ।

सेनेगल होइन, मोरक्को अब च्याम्पियन

काठमाडौं। सहिद स्मारक राष्ट्रिय महिला लिग २०८२ को पूर्वसन्ध्यामा आज सातदोबाटोस्थित एन्फा कम्प्लेक्समा आयोजित पत्रकार सम्मेलनमा सहभागी टोलीका प्रशिक्षक, कप्तान तथा पदाधिकारीहरूले आफ्ना धारणा सार्वजनिक गरेका छन्। पत्रकार सम्मेलनमा बोल्दै विभिन्न टोलीका प्रतिनिधिहरूले प्रतियोगिताका लागि आफूहरू पूर्ण रूपमा तयार रहेको बताएका छन्। उनीहरूले उच्च लक्ष्यका साथ मैदान उत्रने, उत्कृष्ट प्रदर्शन गर्ने र उपाधिका लागि कडा प्रतिस्पर्धा गर्ने प्रतिबद्धता व्यक्त गरेका छन्। साथै, यसपटकको लिगलाई अझ प्रतिस्पर्धात्मक र रोमाञ्चक बनाउने विश्वाससमेत व्यक्त गरिएको छ। यस संस्करणको महिला लिगमा सशस्त्र प्रहरी बल (एपीएफ) फुटबल क्लब, बागमती युवा क्लब, चर्च ब्वाइज युनाइटेड, झापा फुटबल क्लब, न्युरोड टिम (एनआरटी), नेपाल पुलिस क्लब, आरएस रिसोर्ट एन्ड बिच फुटबल क्लब, संकटा फुटबल क्लब र त्रिभुवन आर्मी फुटबल क्लब गरी कुल नौ टोली सहभागी हुनेछन्। प्रतियोगिता भोलिदेखि ललितपुरको च्यासल रंगशालामा सुरु हुनेछ। उद्घाटन दिनमै दुई खेल आयोजना गरिने तालिका रहेको छ। एनआरटी–संकटा र आर्मी–झापा भिड्ने छन्। आयोजक अखिल नेपाल फुटबल संघ (एन्फा) ले प्रतियोगितालाई व्यवस्थित, अनुशासित र सफल रूपमा सञ्चालन गर्न सम्पूर्ण तयारी पूरा भएको जनाएको छ।

महिला लिग भोलिदेखि सुरु हुँदै

काठमाडौं। एन्फा राष्ट्रिय लिग अन्तर्गत मंगलबार सातदोबाटोस्थित एन्फा कम्प्लेक्समा सम्पन्न खेलहरूमा श्री भगवती क्लब र नव जनजागृति क्लबले महत्वपूर्ण जित दर्ता गरेका छन्। दिनको पहिलो खेलमा श्री भगवती क्लबले मनाङ मर्स्याङदी क्लबलाई १–० ले पराजित गर्‍यो। भगवतीको जितमा सिमान्त थापाले निर्णायक गोल गरे। उनले दोस्रो हाफको ४६औं मिनेटमा गरेको गोल नै खेलको एकमात्र तथा निर्णायक गोल बन्यो। <img src="https://app.nepalsportz.com/media/django-summernote/2026-03-17/ac8e8c00-46df-49f3-99b5-dd612ff7d78c.jpeg" style="width: 698px;"> यस्तै, अर्को खेलमा नव जनजागृति क्लबले काक्रेबिहार क्लबलाई २–१ ले हरायो। जनजागृतिको जितमा छिन्ना लामा र उदितनारायण चौधरीले समान एक–एक गोल गरे भने काक्रेबिहारका लागि सोनाम आचार्यले सान्त्वना गोल फर्काए। खेलको ३६औं मिनेटमा छिन्ना लामाले गोल गर्दै जनजागृतिलाई अग्रता दिलाएका थिए। तर, खेलको ८७औं मिनेटमा सोनाम आचार्यले गोल गर्दै खेल १–१ को बराबरीमा ल्याए। त्यसपछि इन्जुरी समयको पहिलो मिनेटमै उदितनारायण चौधरीले निर्णायक गोल गर्दै जनजागृतिको जित सुनिश्चित गरे।

श्री भगवती र नव जनजागृति विजयी

काठमाडौं। अखिल नेपाल फुटबल संघ (एन्फा)ले हङकङविरुद्ध हुने अन्तर्राष्ट्रिय मैत्रीपूर्ण खेलका लागि बालगोपाल साहुखला र चेतकुमार घिमिरे सहायक प्रशिक्षकमा नियुक्त छ। यस्तै, एन्फाले मदनलाल श्रेष्ठ टीम व्यवस्थापकको जिम्मेवारीमा रहनेछन् भने राजीव कुमार यादव सहायक टोली व्यवस्थापक नियुक्त भएका छन्। पंकज शाहीले प्रदर्शन विश्लेषक ९परफर्मेन्स एनालिस्ट० को भूमिका सम्हाल्नेछन्। <img src="https://app.nepalsportz.com/media/django-summernote/2026-03-17/3eb2e75e-561e-4cdd-994f-e65e2a2f1a14.jpeg" style="width: 698px;"> नियुक्त भएका सबै पदाधिकारीलाई एन्फाका महासचिव किरण राईले सातदोबाटोस्थित एन्फा कम्प्लेक्समा नियुक्तिपत्र प्रदान गरेका हुन्। नेपालले यही चैत १३ गते (मार्च २६) त्रिपुरेश्वरस्थित दशरथ रंगशालामा हङकङसँग अन्तर्राष्ट्रिय मैत्रीपूर्ण खेल खेल्ने तालिका छ।

बालगोपाल र चेतकुमार सहायक प्रशिक्षकमा नियुक्त

पोखरामा खेलकुद पत्रकारको क्षमता अभिबृद्धिका लागि दुईदिने खेलकुद पत्रकारिता तालिम सम्पन्न भएको छ।&nbsp; नेपाल खेलकुद पत्रकार मञ्च गण्डकीको आयोजना तथा प्रेस रजिष्ट्रारको कार्यालय गण्डकी प्रदेशको सहयोगमा तालिमको आयोजना भएको हो। पोखरामा रहेर काम गरिरहेका पत्रकारहरूलाई विभिन्न विधाका खेलका रिपोर्टिङ कसरी गर्ने र कस्ता नियम छन् भन्ने बारेमा प्रशिक्षण दिइएको थियो। विशेष गरि खेलकुदको क्षेत्रमा कलम चलाउन मद्दत पुग्ने लक्ष्यका साथ तालिमको आयोजना गरिएको हो। दुईदिने तालिममा राष्ट्रिय खेल भलिबलका प्रशिक्षक राजन पौडेल, क्रिकेटका अन्तर्राष्ट्रिय अम्पायर दुर्गानाथ सुवेदी, गल्फ विधामा जिवाराम गुरुङ्ग, मार्शलआर्ट विधामा प्रशिक्षक सुवास खड्का र फुटबल विधामा प्रशिक्षक हिमेश रत्न बज्राचार्यले प्रशिक्षण दिएका थिए। तालिमको समापनका अवसरमा नेपाल पत्रकार महासंघ कास्कीका अध्यक्ष माधव बरालले तालिमले विभिन्न सञ्चार माध्यममा कार्यरत पत्रकारहरूको क्षमता वृद्धि सँगै लेखन शैलीमा निखार ल्याउने बताए। तालिममा ६५ जना पत्रकारको सहभागिता रहेको थियो। तालिमपश्चात् प्रमुख प्रशिक्षक दुर्गानाथ सुवेदीले खेलाडीहरूको उत्साहसँगै उनीहरूको लगनशीलता र मेहनतलाई देखाउने माध्यम नै खेल पत्रकार रहेको बताए। उनले खेलका नियम र सिस्टमलाई राम्रोसँग बुझेर प्रसारण गर्नका लागि यस तालिमले महत्त्वपूर्ण भूमिका खेलेको सुनाए। गण्डकी प्रदेशमा रहेर खेल्ने खेलाडी, खेल प्रशिक्षक, खेलकुदका संघ संस्था र सरोकारवालाहरूका लागि यस्ता तालिमले खेलकुदको विकाससँगै खेल पर्यटनको प्रवद्र्धनमा महत्त्वपूर्ण योगदान दिने उनले बताए। यस्तै पत्रकार कमल पौडेल (अथक) ले प्रत्यक्ष खेल भइरहेकै ठाउँमा समेत पुगेर तालिम लिने अवसर पाएकोमा खुसी व्यक्त गर्दै तालिमले लेखन शैलीमा निखार आउने र खेलकुदका समाचार बनाउँदा हुने समस्यामा कमी आउने बताए। मञ्चका अध्यक्ष मान बहादुर घर्तिमगर (एमबि आस्था) ले दुईदिनसम्म सञ्चालन भएको तालिमबाट केही न केही नयाँ ज्ञान प्राप्त भएको विश्वास व्यक्त गरे। उनले आगामी दिनमा खेलकुद सम्बन्धी समाचार उत्पादन तथा प्रसारणमा सहजता ल्याउने चर्चा गर्दै तालिमका प्रशिक्षक तथा सहभागीहरूलाई धन्यवाद ज्ञापन गरे।&nbsp; प्रशिक्षार्थीहरुलाई खेलकुद पत्रकार मञ्च गण्डकीका अध्यक्ष एमबि आस्था, नेपाल पत्रकार महासंघ कास्कीका अध्यक्ष माधव बराल, मञ्चका सल्लाहकार सुरज श्रेष्ठ, पूर्व अध्यक्ष प्रेम नारायण न्यौपाने, उपाध्यक्ष राजाराम पौडेल संगै प्रशिक्षकहरु दुर्गानाथ सुवेदी, हिमेश रत्न बज्राचार्य, सुबास खड्का लगायतले प्रमाणपत्र प्रदान गरेका थिए।&nbsp;

पोखरामा दुईदिने खेलकुद पत्रकारिता तालिम सम्पन्न

इंग्लिस प्रिमियर लिगमा उल्भ्सले दुई गोलले पछाडि रहेको स्थितिबाट सोमबार ब्रेन्टफोर्डलाई २–२ को बराबरीमा चित्त बुझाउन बाध्य पारेको छ । पूरा सिजन खराव खेलेको उल्भ्स लिगका पछिल्ला तीन खेलमा अपराजित रहेको छ । त्यस अगाडि उसले एस्टन भिल्ला र लिभरपुललाई हराएको थियो । तर पनि उल्भ्स रेलिगेसनमा पर्ने निश्चित छ, अहिले भने दोस्रो डिभिजनमा झर्न अगाडि उल्भ्स लयमा देखिएको हो । ब्रेन्टफोर्डले माइकल कयोडे र इयोर थिएगोको गोलमा अग्रता लिएको थियो । त्यसपछि एडम आम्स्ट्रङ र टोलु एराकोडारले बराबरी गोल फर्काए । ब्रेन्टफोर्ड ४५ अंकमा सातौं स्थान छ । उल्भ्स भने १७ अंकमा २० औं स्थानमा छ ।

झर्न अगाडि उल्भ्स लयमा

काठमाडौं। एन्फा राष्ट्रिय लिग अन्तर्गत सोमबार तीन खेल हुँदैछन्। सातदोबाटोस्थित एन्फा कम्प्लेक्स र त्रिपुरेश्वरस्थित दशरथ रंगशालामा हुने खेलमा शीर्ष टोलीदेखि मध्यतालिकाका टोलीसम्म प्रतिस्पर्धामा उत्रनेछन्। दिनको पहिलो खेलमा सातदोबाटो युथ क्लबले विभागीय टोली नेपाल पुलिस क्लबसँग प्रतिस्पर्धा गर्नेछ। यो खेल बिहान १० बजे सातदोबाटोस्थित एन्फा कम्प्लेक्समा सुरु हुनेछ। दोस्रो खेलमा लालीगुराँस एसोसिएसन र प्लानिङ ब्वाइज युनाइटेडबीच प्रतिस्पर्धा हुनेछ। यी दुई टोलीबीचको खेल दिउँसो २ बजे त्रिपुरेश्वरस्थित दशरथ रंगशालामा सुरु हुनेछ। दिनको अन्तिम खेलमा मच्छिन्द्र फुटबल क्लबले विभागीय टोली त्रिभुवन आर्मी क्लबसँग भिड्नेछ। यो खेल साँझ ६ बजे दशरथ रंगशालामा हुनेछ। जारी लिगमा १० खेलबाट २५ अंक जोडेको मच्छिन्द्र फुटबल क्लब तालिकाको शीर्ष स्थानमा छ। ११ खेलबाट समान २५ अंक जोडेको सशस्त्र प्रहरी बलको एपिएफ फुटबल क्लब दोस्रो स्थानमा रहेको छ। यस्तै, ११ खेलबाट २२ अंक जोडेको प्लानिङ ब्वाइज युनाइटेड तेस्रो स्थानमा रहँदा १० खेलबाट समान २२ अंक रहेको संकट फुटबल क्लब चौथो स्थानमा रहेको छ।

एन्फा राष्ट्रिय लिगमा आज तीन खेल हुँदै

इटालीको सिरी ए मा एसी मिलानले आइतबार लाजियोलाई १–० ले हराएको छ । यो स्तब्धपूर्ण हारले मिलानको उपाधि होड कमजोर बनेको छ । त्यस खेलमा निर्णायक गोल गुस्ताभ इसाकेसनले गरे । मिलानसामु जितसँगै शीर्षमा रहेको इन्टर मिलानसँको दूरी छोट्याउने अवसर थियो । तर अब इन्टर ६८ अंकमा शीर्षमा रह्यो भने मिलान ६० अंकमा दोस्रो स्थानमा रह्यो । यो सिजनको आश्चर्यजनक टिम कोमो भने ५४ अंकमा चौथो स्थानमा रहेको छ । यसका लागि उसले अर्को खेलमा एएस रोमालाई २–१ ले हरायो । कोमोको ५४ अंक भएको छ । रोमा भने ५१ अंकमै सीमित रहेर छैटौं स्थानमा रह्यो ।

Nepalsports

⚽ Upcoming Matches

🎖 Recent Matches

📰 Recent News

Nepalsports