काठमाडौं। ओपनर कुशल भुर्तेलको अर्धशतको सहयोगमा नेपालले युएईविरुद्धको दोस्रो टी-२० खेलमा ८ विकेटले विजयी हासिल गरेको छ। योसँगै दुई खेलको सिरिज १–१ को बराबरी भएका छ। मंगलबार त्रिवि क्रिकेट रंगशालामा सम्पन्न खेलमा युएईले दिएको १२९ रनको लक्ष्य नेपालले १५.५ ओभरमा दुई विकेट गुमाएर पूरा गर्यो। नेपालको जितमा ओपनर कुशल भुर्तेलले अर्धशतकीय पारी खेले। उनले ७५ बलमा १२ चौका र २ छक्का प्रहार गर्दै ८४ रनमा अविजित रहे। यस्तै, अर्का ओपनर कुशल मल्लले १९ रन बनाएर आउट हुँदा कप्तान दिपेन्द्रसिंह ऐरी २३ रनमा अविजित रहे।&nbsp; पहिलो विकेटका लागि कुशल द्वोयले ६७ रनको साँझेदारी गर्दै नेपाललाई समानजनक स्कोरतर्फ अघि बढाएका थिए। कुशल र दीपेन्द्रले ५८ रनको साँझेदारी गर्दै जित दिलाए। युएईका महोमद अर्फान र निलम शेसवानीले समान एक विकेट लिए। त्यसअघि पहिले ब्याटिङ गरेको युएईले निर्धारित २० ओभरमा ८ विकेट गुमाए १२८ रन बनाएको थियो। यूएईका अक्षदीप नाथले सर्वाधिक ५३ रन बनाए। उनले ४२ बलमा ३ चौकार ४ छक्का प्रहार गरे। अदीव उसबानीले ३० रन बनाउँदा महोमद आरफ्यान ३२ रन बनाएर सन्दीपको बलिङमा कप्तान दिपेन्द्रको हातबाट क्याच आउट भए। सातौं विकेटका लागि मोहमद र अक्षयदीपले ६४ रनको साँझेदारी गरे। लगत्तै सन्दीपले पुन दिपेन्द्रको हातबाट कुजयमा तनबिरलाई शून्य रनमा आउट गराए। नेपालका सन्दीप लामिछाने तीन, हेमन्त धामी दुई तथा नन्दन यादव र साहब आलयमले समान एक विकेट लिए।&nbsp; यसअघि सोमबार सम्पन्न पहिलो खेलमा नेपाल ६ विकेटले पराजित भएको थियो।

युएईविरुद्ध नेपाल ८ विकेटले विजयी

काठमाडौं। नेपाल क्रिकेट संघ (क्यान)ले ओमानविरुद्ध हुने एकदिवसीय शृंखला खेलका लागि नेपाल ‘ए’ टोली घोषणा गरेको छ। संघले जारी गरेको प्रेस विज्ञप्तिअनुसार नेपाल ‘ए’ र ओमानबीच दुई खेलको एकदिवसीय शृंखला अप्रिल २२ र २४ मा माथिल्लो मूलपानी क्रिकेट मैदानमा सञ्चालन हुनेछ। नेपाली टोलीको कप्तानी अनिलकुमार साहले गर्नेछन्। टोलीमा देव खनाल, ईशान पाण्डे, सन्दीप जोरा, नृततराज दास, कुशल मल्ल, सन्तोष यादव, राशिद खान, साहब आलम, हेमन्त धामी, रिजन ढकाल, आकाश चन्द, युवराज खत्री र शेर मल्ल समावेश छन्। क्यानले युवा तथा उदीयमान खेलाडीलाई अन्तर्राष्ट्रिय अनुभव दिलाउने उद्देश्यसहित नेपाल ‘ए’ टोली मैदानमा उतार्न लागेको जनाएको छ।&nbsp;

अनिलको कप्तानीमा नेपाल ‘ए’ टोली घोषणा

काठमाडौं। अखिल नेपाल फुटबल संघ (एन्फा)ले भारतमा आयोजना हुने साफ महिला च्याम्पियनसिप २०२६ का लागि ३५ सदस्यीय प्रारम्भिक टोली घोषणा गरेका छन्। नविन न्यौपानेको प्रशिक्षणमा रहने टिमका लागि घोषित टोलीले वैशाख १५ देखि सातदोबाटोस्थित एन्फा कम्प्लेक्समा बन्द प्रशिक्षण सुरु गर्ने तालिका छ। प्रतियोगिता मे २५ देखि जुन ७ सम्म भारतको गोवास्थित फातोर्दा रंगशालामा आयोजना हुनेछ। उपविजेता बन्दै आएको नेपालले न्यौपानेको नेतृत्वमा पहिलो पटक उपाधि जित्ने लक्ष्य राखेको छ। प्रारम्भिक टोलीअञ्जिला तुम्बापो सुब्बा, अञ्जना राना मगर, अनिता बस्नेत, अनिता लम्जेल, अनिता केसी, अस्मिता नेपाली, वर्षा ओली, बिमला बिके, बिमला चौधरी, बिर्सना चौधरी, दिपा शाही, गीता राना, हिराकुमारी भुजेल, जेनीफर राना, मानमाया दमाई, मीना देउवा, नेहा कुमारी चौधरी, निशा ठोकर, पुनम छेम्जोङ, प्रतीक्षा चौधरी, प्रीति राई, पूजा राना, पूर्णिमा राई, रश्मीकुमारी घिसिङ, रेखा पौडेल, रेनुका नगरकोटी, सबिना चौधरी, सजनी ठोकर, समीक्षा घिमिरे, सरस्वती हमाल, सरु लिम्बु, सिलु परियार, सुकृया मिया, सुषिला कुमारी र उषा नाथ रहेका छन्।

साफको लागि ३५ सदस्यीय प्रारम्भिक टोली घोषणा

काठमाडौँ। नेपाल र युएईबीच जारी टी–२० अन्तर्राष्ट्रिय शृंखलाको दोस्रो खेल आज हुँदैछ। कीर्तिपुरस्थित टियु अन्तर्राष्ट्रिय क्रिकेट मैदानमा हुने खेल साँझ ५ बजेदेखि सुरु हुनेछ। पहिलो खेलमा युएईसँग ६ विकेटले पराजित भएको नेपाल शृंखलामा १–० ले पछि परेको छ। वर्षाले प्रभावित उक्त खेलमा नेपालले अपेक्षाअनुसार प्रदर्शन गर्न नसक्दा हार व्यहोर्नुपरेको थियो। आजको खेल नेपालका लागि अत्यन्तै महत्वपूर्ण छ। शृंखला बराबरीमा ल्याउन घरेलु टोलीलाई जित अनिवार्यजस्तै बनेको छ भने युएई जित निकाल्दै शृंखला आफ्नो पक्षमा पार्ने लक्ष्यसहित मैदान उत्रनेछ।

नेपाल र युएईबीच दोस्रो खेल हुँदै

काठमाडाैं। रारा तयारी चाउचाउको मुख्य प्रायोजनमा हुने १०औं पोखरा स्पोर्ट्स अवार्डको हस्पिटालिटि पार्टनरमा टेम्पल बेल बुटिक होटल र प्लाजा होटल गू्रपले साथ दिने भएका छन्।&nbsp; वैशाखको १८ गते पोखरा इभेन्ट सेन्टरमा आयोजना हुने अवार्डको हस्पिटालिटी पार्टनरमा रहेर पोखराको लेकसाईडमा रहेको फोर स्टार डिलक्स हेरिटेज टेम्पल बेल बुटिक होटल एण्ड स्पा र काठमाडाैंको नक्सालस्थित होटल क्राउन प्लाजाले साथ दिने भएका छन्। हस्पिटालिटी पार्टनरको लागि फोर स्टार डिलक्स हेरिटेज टेम्पल बेल बुटिक होटल एण्ड स्पाका सञ्चालक विश्वराज पौडेल र प्लाजा होटल ग्रूपका अध्यक्ष युवराज श्रेष्ठ बीच नेपाल खेलकुद पत्रकार मञ्च गण्डकीका अध्यक्ष एमबी आस्थाले सम्झौता गरेका छन्। सो अवसरमा वोल्दै फोर स्टार डिलक्स हेरिटेज टेम्पल बेल बुटिक होटल एण्ड स्पाका सञ्चालक विश्वराज पौडेलले खेलाडीलाई सम्मान गर्ने गण्डकी प्रदेशको गौरवको कार्यक्रम संग टेम्पल बेलले सहकार्य गर्न पाउदा खुसी लागेको बताए। खेलकुद क्षेत्रमा कलम चलाउने पत्रकारहरुको संस्थाले खेलाडीहरुको सम्मान गर्ने काम आफैमा महान कार्य भएको उनको भनाइ रहेको थियो। त्यस्तै प्लाजा होटल ग्रूपका अध्यक्ष युवराज श्रेष्ठले खेल क्षेत्रलाई समेटेर आयोजना हुन लागेको कार्यक्रमको सफलताको कामना गर्दै प्लाजा होटल ग्रूपले समेत पोखरा स्पोर्ट्स अवार्डमा सहकार्य गर्न पाउदा खुसी लागेको बताए। मञ्चका अध्यक्ष आस्थाले पोखरा स्पोर्ट्स अवार्ड कार्यक्रमलाई सभ्य र भब्य बनाउन सहयोगी हातहरु खोज्ने क्रममा हस्पिटालिटी पार्टनरको रुपमा पोखराको टेम्पल बेल होटल र काठमाडाैंको प्लाजा होटल ग्रूपसँग जोडिन पुगेको बताए। गण्डकी क्षेत्रमा रहेको खेलकुदको गतिविधीहरुलाई समेटेर आयोजना गरिने पोखरा स्पोर्ट्स अवार्डमा हस्पिटालिटी पार्टनरको समेत महत्वपूर्ण आवश्यक रहने र त्यसमा सहयोग गर्ने दुवै होटल सञ्चालक प्रति उनले आभार समेत प्रकट गरे। अवार्डमा विभिन्न आठ विधामा अवार्ड प्रदान गरिदै छ। जसमा लाइफटाईम एचिभमेन्ट अवार्ड, वर्ष उत्कृष्ट प्रशिक्षक, वर्ष उत्कृष्ट खेलाडी पुरुष, वर्ष उत्कृष्ट महिला, वर्ष उदियमान खेलाडी, वर्ष उत्कृष्ट खेल संघ संस्था, पिपुल्स च्वाइस अवार्ड र वर्ष उत्कृष्ट खेल पत्रकार रहेका छन्। पोखरा स्पोर्टस अवार्डमा पिपुुल्स च्वाइस अवार्डका लागि गुरुङ गहना घर प्रालिले स्कुटर प्रायोजन गरेको छ।

१०औं पोखरा स्पोर्ट्स अवार्डलाई टेम्पल बेल बुटिक र प्लाजा होटल ग्रूपको साथ

इंग्लिस प्रिमियर लिगमा सोमबार वेस्ट ह्याम र क्रिस्टल प्यालेसले गोलरहित बराबरी खेलेपछि अंक तालिकाको पुछारमा रहेको उल्भ्स रेलिगेसनमा पर्ने निश्चित भएको छ । उल्भ्स १७ अंकमा २० टिममध्ये अन्तिम स्थानमा रहेको छ र अब उसले अर्को सिजन दोस्रो डिभिजन च्याम्पियनसिपमा खेल्नेछ । यो नतिजाले टोटनहममाथि दबाब बढाएको छ । वेस्ट ह्याम ३३ अंकमा १८ औं स्थानमा रह्यो । टोटनहम ३१ अंकमा १८ औं स्थानमा छ । उल्भ्स भने १७ अंकमा रहेको छ र अब उसले अर्को सिजन दोस्रो डिभिजन च्याम्पियनसिपमा खेल्नेछ । बर्नली २० अंकमा १९ औं स्थानमा छ र उसको पनि रेलिगेनस तय मानिएको छ । प्यालेस भने ४३ अंकमा १३ औं स्थानमा छ ।

उल्भ्स पर्‍यो रेलिगेसनमा

तिलक वर्माले बनाएको पहिलो शतकको मदतले मुम्बई इन्डियन्सले सोमबार इन्डियन प्रिमियर लिग (आईपीएल) २०२६ मा गुजरात टाइटन्सलाई सजिलै ९९ रनले हराएको छ । अहमदावादमा पहिले ब्याटिङ गरेको मुम्बईले पाँच विकेटमा १ सय ९९ रन बनाएको थियो । पाँचौं क्रममा ब्याटिङका लागि ओर्लेका तिककले ४५ बलको सामना गरेर १ सय १ रन बनाए र नटआउट पनि रहे । उनले आठ चौका र सात छक्का प्रहार गरे । नमन धिरले पनि ४५ रनको योगदान गरे । जवाफमा गुजरात एक सय रन बनाएर १५.५ ओभरमा अलआउट भयो । उसका लागि कोही पनि ब्याटरले गतिलो योगदान गर्न सकेनन् । यो नतिजापछि गुजरात छ अंकमा छैटौं र मुम्बई चार अंकमा सातौं स्थानमा रह्यो ।

तिलकको शतकमा मुम्बई विजयी

काठमाडौं। घरेलु टोली नेपालविरुद्धको पहिलो टी-२० खेलमा युएईले ६ विकेटले विजयी भएको छ। त्रिवि क्रिकेट रंगशालामा वर्षाका कारण खेल १० ओभरमा छोटिएपछि युएईले पाएको ७८ रनको लक्ष्य ८.५ ओभरमा ४ विकेट गुमाएर पूरा गर्यो। युएईशको जितमा कप्तान महोमद वासिमले १५ बलमा ३३ रन बनाउँदै सानादर सुरुआत दिलाएका थिए। उनले ३ चौका र ३ छक्का प्रहार गरे। अलिशान १८ रन बनाए। अंक्षयदीप नाथले १७ रनमा अविजित रहे। बलिङतर्फ नेपालका सन्दीप लामिछानेले तीन र कुशल मल्लले एक विकेट लिए। त्यसअघि टस जितेर पहिले ब्याटिङ थालेको नेपालका लागि कप्तना दिपेन्द्रसिंह ऐरीले ३५ बलमा सर्वाधिक ३५ रन बनाए। कुशल मल्ल १७, कुशल भर्तेल १६ तथा १४ रन बसिर अहमदले बनाउँदा नन्दन यादव र ओपनर अर्जुन साउदले समान १३ रन बनाए।&nbsp; युएईका मोहमद जुहेबले सर्वाधिक ३ विकेट लिए। जुनेद सिद्धकीले दुई विकेट हात पारे।&nbsp; खेल १८.५ ओभर चलिरहँदा वर्षा भएको थियो। वर्षा अघि नेपालले १२२ रन बनाउँदा ८ विकेट गुमाएको थियो।

नेपाल ६ विकेटले पराजित

<img src="https://app.nepalsportz.com/media/django-summernote/2026-04-20/9d82ab52-a65c-41eb-9c0e-668bcb3de7fc.jpeg" style="width: 698px;">काठमाडौं। नेपाल क्रिकेट संघले ‘नेपाल ए’ टोलीको प्रारम्भिक स्क्वाड घोषणा गरेको छ। आगामी अप्रिल २२ देखि मे ११ सम्म माथिल्लो मुलपानी क्रिकेट मैदानमा ओमान, स्कटल्याण्ड र संयुक्त राज्य अमेरिका ९यूएसए० विरुद्ध हुने शृंखलाका लागि ३२ सदस्यीय टोली छनोट गरेको हो। संघले जारी गरेको प्रेस विज्ञप्तिअनुसार प्रतियोगितालाई लक्षित गर्दै अनुभवी र युवा खेलाडीको समिश्रणसहित टोली तयार पारिएको छ। ‍ टोलीमा तृजराज दास, देव खनाल, शंकर राना, ईशान पाण्डे, अरनिको यादव, विवेक रानामगर, अनिलकुमार साह, अर्जुन घर्तीमगर, नारायण जोशी, रशिद खान, सन्तोष यादव, हेमन्त धामी, रिजन ढकाल, आकाश चन्द, विशाल पट्टेल, अर्जुन साउद, प्रतिश जीसी, कुशल मल्ल, युवराज खत्री, विपिन खत्री, दीपेश कँडेल, शेर मल्ल, रुपेश सिंह, सुभ कंसकार, पवन सराफ, सागर ढकाल, दीपक प्रसाद डुम्रे, साहब आलम, प्रकाश जैसी, सन्दीप जोरा, नयन यादव र अभिषेक गौतम रहेका छन्। टोलीको प्रमुख प्रशिक्षकमा राजु बस्न्यात नियुक्त भएका छन् भने सहायक प्रशिक्षकको जिम्मेवारी प्रकाश शर्मा ले पाएका छन्।

नेपाल ‘ए’ टोली घोषणा, मुलपानीमा ओमान–स्कटल्याण्ड–अमेरिकासँग शृंखला खेल्दै

काठमाडौंस्थित टियु क्रिकेट रंगशालामा नेपाल र संयुक्त अरब इमिरेट्स बीच दुई खेलको टी–२० अन्तर्राष्ट्रिय सिरिज आजबाट सुरु हुँदैछ। साँझ ५ बजेदेखि सुरु हुने खेलमा घरेलु टोली नेपाल जितका साथ सिरिजको सुरुआत गर्ने लक्ष्यमा हुनेछ। सिरिजको दोस्रो तथा अन्तिम खेल भोलि हुने तालिका रहेको छ। यस सिरिजका लागि नेपाल क्रिकेट संघ (क्यान) ले दीपेन्द्र सिंह ऐरीको कप्तानीमा १५ सदस्यीय टोली घोषणा गरिसकेको छ। टोलीमा दीपेन्द्र सिंह ऐरी (कप्तान), कुशल भुर्तेल, कुशल मल्ल, सन्दीप जोरा, आरिफ सेख, बसिर अहमद, गुलशन झा, लोकेश बम, सन्दीप लामिछाने, नन्दन यादव, सन्तोष यादव, अर्जुन साउद, हेमन्त धामी, साहब आलम र शेर मल्ल समावेश छन्। यस्तै, वैकल्पिक खेलाडीका रूपमा प्रतिश जीसी, नारायण जोशी र राशिद खानलाई राखिएको छ। विशेषगरी, नेपालले पहिलो पटक टी–२० र एकदिवसीय अन्तर्राष्ट्रिय क्रिकेटमा फरक–फरक कप्तान प्रयोग गर्ने रणनीति अपनाएको छ, जसले टोलीको नेतृत्व विकास र दीर्घकालीन योजनामा नयाँ आयाम थप्ने अपेक्षा गरिएको छ।

नेपाल र युएईबीच आजदेखि टी–२० सिरिज

७ बैशाख , ललितपुर । नेपाल बुद्धिचाल महासंघका अध्यक्ष हेराकाजी महर्जनको अध्यक्षतामा बसेको पूर्ण बैठकले राष्ट्रिय प्रतियोगिताहरु बारे &nbsp; महत्वपुर्ण निर्णयहरु गरेका छन्।&nbsp; बैठकले बैशाख १६ देखि १८ गतेसम्म नेशनल रापिड तथा ब्लिट्ज चेस च्याम्पियनसिप गर्ने निर्णय सँगै &nbsp;प्रतियोगिताको स्थानीय व्यवस्थापनको जिम्मेवारी काठमाडौं स्थित क्षेत्रपाटी क्लवलाई प्रदान गरिएको छ । यस्तै जेठ ४ देखि ८ गतेसम्म झापाको बिर्तामोडमा २७ औं खुल्ला राष्ट्रिय बुद्धिचाल प्रतियोगिता तथा ११ औं महिला राष्ट्रिय बुद्धिचाल प्रतियोगिताको लागि नेशनल ‘बी’ छनौट प्रतियोगिता सञ्चालन गर्ने निर्णय गरेकाे छ। राष्ट्रिय बी छनौट प्रतियोगिता आयोजना गर्न स्थानीय व्यवस्थापनको जिम्मेवारी काँकडभिट्टा स्थित नाइट चेस क्लब लाई प्रदान गरिएको छ। उक्त छनौट प्रतियोगिताबाट पुरुष तथा महिला दुबैतर्फ गरि ९/९ जना खेलाडीहरु नेशनल ‘ए’ को लागि छनौट हुनेछन् । त्यसैगरि नेशनल ‘ए’ पुरुष तथा महिलाको राष्ट्रिय प्रतियोगिता जेठ २९ देखि असार ४ गतेसम्म कास्कीमा सञ्चालन हुनेछ। राष्ट्रिय प्रतियोगिताबाट समान चार चार जना खेलाडीहरु उज्बेकिस्तानमा हुने ४७ औं चेस ओलम्पियाडका लागि छनौट गर्नेछन् ।&nbsp; वार्षिक रुपमा नियमित आयोजना हुँदै आएका सात विधागत राष्ट्रिय प्रतियोगिताहरु मध्ये जेठ १० देखि १२ गतेसम्म ललितपुरमा नेशनल जुनियर चेस च्याम्पियनसिपको समेत आयोजना गर्ने निर्णय गरेको छ । नेपाल बुद्धिचाल महासंघले आफ्नो विधान अन्तर्गत नियमित साधारणसभा मधेस प्रदेशको धनुषा स्थित जनकपुरधाममा गर्ने निर्णय गरेको छ ।&nbsp; सो को लागि महासंघले सार्वजनिक सुचना सँगसँगै पत्राचार मार्फत निर्धारित समयसिमा भित्र अधिवेशन सम्पन्न गरेका २० जिल्लाहरु छन्।&nbsp; जम्मा ५५ जिल्ला संघहरु मध्ये अधिवेशन हुन नसकेका जिल्लाहरुको हकमा चेस खेलको गतिविधि भए नभएको सकृयता अनुगमन गरि मुल्यांकनका आधारमा जिल्ला बुद्धिचाल संघ तदर्थ समिति गठन गर्ने निर्णय गरेको छ। अनुगमन उपसमितिमा अध्यक्ष हेराकाजी महर्जन संयोजक वरिष्ठ उपाध्यक्ष दिपेन राई, उपाध्यक्ष माधव प्रसाद प्रधान, महासचिव धरमबहादुर लामा र खेलाडी रुपेश जैसवाल सदस्य रहने गरि उपसमिति गठन गरेको छ।&nbsp; यस उपसमितिले एक हप्ता भित्र रिपोर्ट तयार गरि बैशाख १२ गते बस्ने कार्य समितिको बैठकमा जिल्लाहरुको तदर्थ समिति गठनको लागि प्रतिवेदन पेश गर्नेछन् । महासंघले आगामी नेशनल रापिड र ब्लिट्ज चेसको प्रमुख निर्णायकमा एफए सोराज ताम्राकार तथा नेशनल बी को प्रमुख निर्णायकमा एफए भुपेन्द्र निरौलालाई जिम्मेवारी प्रदान गरिएको छ।

नेपाल बुद्धिचाल महासंघले राष्ट्रिय प्रतियोगिता गर्ने

ब्राजिली युवा स्टार खेलाडी एन्डरिकले एक गोल गर्दै अर्कोमा अवसर सिजना गरेपछि लियोनले फ्रान्सेली लिग वानमा आइतबार पेरिस सेन्ट जर्मेन (पीएसजी) लाई २–१ ले पराजित गरेको छ । हारले युरोपेली च्याम्पियन पनि रहेको पीएसजीलाई उपाधि होडमा गाह्रो भएको छ । लियोनका लागि एन्डरिकको पासमा एफोन्सो मोरेराले अर्को गोल गरे । लिभरपुलविरुद्धको च्याम्पियन्स लिगमा खेलेका अधिकांस खेलाडीलाई आराम दिएको पीएसजीले आफ्नो अपेक्षा अनुसार प्रदर्शन गर्न सकेन् र हार बेहोर्न बाध्य रह्यो । पीएसजीको यो सिजनको पाँचौं लिग हार हो, यद्यपि टिम अझै पनि एक अंकको अग्रतामा लिग तालिकाको शीर्षमा छ । उसको पछाडि लेन्स रहेको छ ।

पीएसजीलाई लियोनको धक्का

बायर्न म्युनिकले आइतबार स्टुटगार्टलाई ४–२ ले पराजित गर्दै जर्मन बुंडेसलिगा जितेको छ । यो बायर्नले जितेको कीर्तिमान ३५ औं जर्मन लिग उपाधि हो । ह्यारी केनले सिजनको ३२ औं लिग गोल गरेपछि बायर्नको सजिलो जित सम्भव भएको हो । उसका लागि राफेल गुरेरो, निकोलस ज्याक्सन र एल्फोन्सो डाभिसले पनि गोल गरे । स्टुटगार्टले सुरुमै अग्रता लिए बायर्नलाई खेल जित्न गाह्रो भएन् । यसअघि शनिबारको खेलमा दोस्रो स्थानमा रहेको बोरुसिया डर्टमुन्ड होफनहायनसँग पराजित भएपछि बायर्नलाई उपाधि जित्ने अवसर बनेको हो । स्टुटगार्टविरुद्ध बराबरी पनि बायर्नका लागि लिग जित्न पर्याप्त बनेको थियो । लिगमा ३० औं चरणको खेल सकिंदा बायर्नको ७९ अंक भएको छ र यो डर्टमुन्डमाथि १५ अंकको निर्णायक अग्रता हो । अब डर्टमुन्डले बायर्नलाई उछिन्न सक्ने छैन् ।

बायर्नलाई कीर्तिमान ३५ औं बुंडेसलिगा उपाधि

इर्लिङ हालान्डले ६५ औं मिनेटमा गरेको निर्णायक गोलको मदतले म्यानचेस्टर सिटीले इंग्लिस प्रिमियर लिगमा आइतबार आर्सनललाई २–१ ले हराएको छ । यो जितपछि सिटी फेरि उपाधि होडमा बलियो ढंगले फर्केको छ । सिटीले रायन चेर्कीको गोलले अग्रता लिएपछि काई हार्भटेजले आर्सनलका लागि बराबरी गोल फर्काए । यो जितपछि सिटी ६७ अंकमा दोस्रो स्थानमा रह्यो र यो शीर्षमा रहेको आर्सनलसँग तीन अंकको दूरी मात्रै हो । सिटीले आर्सनलको तुलनामा एक खेल कम खेलेको छ र अबको खेल जितेर आर्सनललाई उछिन्ने अवसर हुनेछ । &nbsp; आइतबारका अन्य प्रमुख खेलमा एस्टन भिल्लाले सन्डरल्यान्डलाई ४–३ र लिभरपुलले एभरटनलाई २–१ ले हरायो । भिल्ला ५८ अंकमा चौथो र लिभरपुल ५५ अंकमा पाँचौं स्थानमा रहेका छन् । दुवै टिम च्याम्पियन्स लिगमा छनोट हुने संघारमा छन् । नटिंघम फरेस्टले भने बर्नलीलाई ४–१ ले पराजित गर्न सफल रह्यो ।

आर्सनललाई सिटीको कडा चुनौती

पंजाव किंग्सले आइतबार लखनउ सुपर जायन्ट्सलाई ५४ रनले हराएर शीर्ष स्थानमा आफ्नो पकड अझ बलियो बनाएको छ । यो जितपछि पंजावको ११ अंक भएको छ र यो दोस्रो स्थानमा रहेको रोयल च्यालेर्न्स बेंगलुरुमाथि तीन अंकको अग्रता हो । चंडिगढमा भएको खेलमा पंजावले पहिले ब्याटिङ गर्दै सात विकेटमा २ सय ५४ रनको बलियो स्कोर खडा गरेको थियो । त्यसमा प्रियन्स आर्यले ९३ र कुपनर कोनलीले ८७ रनको योगदान दिए । जवाफमा लखनउले पाँच विकेटमा दुई सय रन मात्र बनाउन सक्यो । त्यसमा सबैभन्दा ठूलो स्कोर कप्तान ऋषव पन्तको रह्यो, उनले ४३ रन बनाए । आफ्नो स्वभाविक लय समाट्न संघर्षरत लखनउ यो हारपछि चार अंकमै सीमित रहेर आठौं स्थानमा रह्यो ।

शीर्षमा पंजाव अझ बलियो

काठमाडौं। नेपाली पुरुष राष्ट्रिय क्रिकेट टोलीका लागि सहायक प्रशिक्षकमा नयाँ जिम्मेवारी तोकिएको छ। टिम व्यवस्थापनले कलाम अली र बसन्त शाहीलाई सहायक प्रशिक्षकको भूमिकामा नियुक्त गरेको हो। उनीहरूले अब टोलीको प्रदर्शन सुधार र खेलाडी विकासमा महत्वपूर्ण भूमिका खेल्नेछन्। अनुभवी प्रशिक्षकका रूपमा चिनिएका कलाम अलीले अन्तर्राष्ट्रिय स्तरको अनुभव टोलीमा भित्र्याउने अपेक्षा गरिएको छ भने बसन्त शाहीले घरेलु क्रिकेटमा लामो समय काम गरेकाले स्थानीय खेलाडीको क्षमता अभिवृद्धिमा योगदान पुर्‍याउने विश्वास गरिएको छ। पछिल्लो समय नेपाल क्रिकेट टोली अन्तर्राष्ट्रिय प्रतियोगितामा प्रतिस्पर्धात्मक बन्दै गइरहेको अवस्थामा नयाँ सहायक प्रशिक्षकहरूको आगमनले टोलीलाई थप मजबुत बनाउने अपेक्षा गरिएको छ।

कलाम र बसन्त सहायक प्रशिक्षक

काठमाडौं। आइसीसी महिला टी-२० च्यालेन्ज ट्रफीअन्तर्गत अमेरिकासँग नेपाल पराजित भएको छ। रुवाण्डामा शनिबारबाट सुरु भएको प्रतियोगिताको आफ्नो पहिलो खेलमा नेपाल अमेरिकासँग ४४ रनले पराजित भएको हो। अमेरिकाले दिएको १२४ रनको लक्ष्य पछ्याएको नेपाल निर्धारित २० ओभरमा ९ विकेट गुमाएर ७९ रनमा समेटियो। नेपालका लागि बिन्दु रावलले सर्वाधिक २७ रन बनाइन्। उनले ४५ बलको सामना गर्दै एक चौकाको मद्दतमा २७ रन जोडेकी हुन्। कविता जोशी ११ रनमा आउट हुँदा अन्य ब्याटरले दोहोरो अङ्कमा रन बनाउन सकेनन्। अमेरिकाकी माहि माधवन र तरनुम चोपराले समान दुई तथा रितु सिंह, लेखा शेट्टी र सैनभीले समान एकरएक विकेट लिए। त्यसअघि पहिले ब्याटिङ गरेको अमेरिकाले निर्धारित २० ओभरमा छ विकेट गुमाएर एक सय २३ रनको योगफल बनाएको थियो। प्रतियोगिताअन्तर्गत आफ्नो दोस्रो खेल नेपालले आइतबार इटलीसँग खेल्नेछ।

नेपाल अमेरिकासँग पराजित

रियल सोसिडाडले एटलेटिको म्याड्रिडलाई रोमाञ्चक फाइनलमा टाइब्रेकरमा ४–३ ले पराजित गर्दै शनिबार कोपा डेल रेको उपाधि चुमेको छ । बाक्स क्लबले स्पेनी घरेलु कपको सबैभन्दा ठूलो उपाधि जितेको यो चौथो पल्ट मात्र हो । सेभियामा भएको फाइनल २–२ को तनावर्पूा बराबरीमा टुंगेपछि पेनाल्टी सुटआउट गएको हो । त्यस अगाडि एटलेटिकोले दुई पल्ट पछाडि रहेको स्थितिबाट खेलमा फर्केका हो । तर टाइब्रेकरमा एटलेटिकोका लागि एलेक्जान्डर सोरलोथ र जुलियन एल्भारेज पेनाल्टीमा चुके । त्यसपछि सोसिडाडका लागि पाब्लो मारिनले निर्णायक गोल गरे । एटलेटिकोले सन् २०१३ यता कोपा डेल रेको उपाधि जित्न सकेको छैन् । एटलेटिकोको युरोपेली च्याम्पियन्स लिगमा भने चुनौती कायम छ ।

सोसिडाडलाई कोपा डेल रेको उपाधि

डिफेन्डिङ च्याम्पियन नेपोलीले इटालीको सिरी ए मा शनिबार लाजियोको हातबाट २–० ले पराजित रह्यो । त्यसमा म्याटेओ क्यान्सेलेरी छैटौं र टोमा बासिचले ५७ औं मिनेटमा गोल गरे । यो हारपछि नेपोली ६६ अंकमा दोस्रो स्थानमा रह्यो । तर यो शीर्षमा रहेको इन्टर मिलानसँग १२ अंकको दूरी हो । लिगमा पाँच चरणका खेल मात्र बाँकी रहेका छन्, त्यसैले डिफेन्डिङ च्याम्पियनका रूपमा नेपोलीले लिग उपाधि रक्षा गर्न नसक्ने लगभग निश्चित भएको छ । अर्को प्रमुख खेलमा रोमा र एटलान्टाले १–१ को बराबरी खेले । यो बराबरीले दुवैलाई फाइदा गर्ने छैन् । रोमा ५८ अंकमा छैटौ स्थानमा छ । एटलान्टा उसको ठीक पछाडि ५४ अंकमा छ । यस्तै पार्मा भने युडिनेजीमाथि १–० को जित दर्ता गर्न सफल रह्यो ।

नेपोली उपाधि होडमा कमजोर हुँदै

म्याथेस कुन्हाले गरेको निर्णायक गोलको मदतले म्यानचेस्टर युनाइटेडले शनिबार इंग्लिस प्रिमियर लिगमा चेल्सीलाई १–० ले पराजित गरेको छ । यो जितपछि युनाइटेड अर्को सिजन युरोपेली च्याम्पियन्स लिग खेल्ने सम्भावना बलियो भएको छ । यो जितपछि युनाइटेड ५८ अंकमा तेस्रो स्थानमा पकड बलियो भएको छ । युनाइटेडले पछिल्लो दुई सिजन च्याम्पियन्स लिगमा अनुपस्थित रहेको थियो । चेल्सी भने ४८ अंकमा छैटौं स्थानमा रह्यो । यस्तै टोटनहम र ब्राइटनबीचको खेल २–२ को बराबरीमा समाप्त भएको छ । टोटनहम यो वर्षको पिहलो जिततर्फ अग्रसर रहेको बेला ब्राइटनका लागि जर्जिन्होले दोस्रो हाफको इन्ज्युरी समयको पाँचौं मिनेटमा बराबरी गोल गरे । यो नतिजापछि टोटनहम ३१ अंकमा १८ औं स्थानमा रह्यो । उसमाथि रेलिगेसनको दबाब चर्को छ । यस्तै अन्य खेलमा बर्नमाउथले न्युकासल युनाइटेडलाई २–१ र लिड्स युनाइटेडले उल्भ्सलाई ३–० ले पराजित गर्‍यो ।

Nepalsports

अनिलको कप्तानीमा नेपाल ‘ए’ टोली घोषणा

📰 Recent News

Nepalsports