नेपाली महिला राष्ट्रिय टिमले मंगलबार पहिलो पूर्णकालीन विदेशी प्रशिक्षक पाएको छ र उनी हुन्, भारतका हर्षल पाठक । नेपाल क्रिकेट संघ (क्यान) ले उनलाई महिला राष्ट्रिय टिमको प्रमुख प्रशिक्षक नियुक्त गरेको हो ।&nbsp; अब हर्षलको नेतृत्वमा नेपालले अर्को महिना हुने आईसीसी ट्वान्टी ट्वान्टी ग्लोबल छनोट खेल्नेछ । यो नेपाली भूमिमा हुने अहिलेसम्मकै सबैभन्दा ठूलो अन्तर्राष्ट्रिय क्रिकेट काउन्सिलको औपचारिक प्रतियोगिता हो ।&nbsp; हर्षल यसअघि थाइल्यान्ड टिमको प्रशिक्षक थिए । नेपाल ग्लोबल छनोटको समूह ‘बी’ मा छ । त्यसमा नेपालसँगै थाइल्यान्ड, नेदरल्यान्ड्स, स्कटल्यान्ड र जिम्बावे छन् ।&nbsp;

हर्षल बने महिला टिमको प्रशिक्षक

काठमाडौं। आइओएफटिसी नेपालको आयोजनामा १५औँ इन्टरनेसनल ओपन फ्रेन्डसीप तेक्वान्दो च्याम्पियनसिप बिहीबारदेखि सुरु हुँदैछ। पुस ३ देखि ५ गते (डिसेम्बर १८–२०) सम्म राष्ट्रिय खेलकुद परिषद्‌को कभर्ड हलमा प्रतियोगिता आयोजना हुनेछ। सन् २००० देखि सञ्चालन हुँदै आएको आइओएफटिसीले २५ वर्षको यात्रा पूरा गरेको अवसरमा यसपटक प्रतियोगिता अझ भव्य रूपमा आयोजना गर्न लागिएको हो।&nbsp; १५औँ संस्करण आयोजना गर्ने जिम्मेवारी नेपालले पाएको छ। प्रतियोगितामा नेपालसहित दक्षिण कोरिया, अमेरिका, भारत, चीन, अस्ट्रेलिया, क्यानडा, फिलिपिन्स, पाकिस्तान, मेक्सिको, माल्दिभ्स, बंगलादेशलगायत देशका करिब एक हजार खेलाडी, प्रशिक्षक र रेफ्री सहभागी हुनेछन्। वर्ल्ड तेक्वान्दोको नियमअनुसार क्यारुगी र पुम्से विधामा सिनियर, जुनियर र क्याडेट वर्गमा प्रतिस्पर्धा हुनेछ। प्रतियोगितामा कुल ६५ स्वर्ण, ६५ रजत र १३० कास्य पदकका लागि खेल हुनेछ। कुल पुरस्कार राशि ७ लाख २५ हजार रुपैयाँ रहेको छ। यो प्रतियोगिता नेपाली खेलाडीका लागि सन् २०२६ मा अस्ट्रेलियामा हुने १६औँ आइओएफटिसीको छनोटसमेत हो। अन्तिम दिन सांस्कृतिक महोत्सव पनि आयोजना गरिनेछ।

बिहीबारदेखि इन्टरनेसनल ओपन फ्रेन्डसीप तेक्वान्दो च्याम्पियनसिप

एएस रोमाले इटालीको सिरी ए मा सोमबार कोमामाथि १–० को जित निकालेको छ र यसमा ब्राजिली खेलाडी वेल्सी फ्रान्काले एक मात्र निर्णायक गोल गरे । स्टाडियो ओलम्पिकोमा भएको खेलमा ६० औं मिनेटमा निर्णायक गोल सम्भव भएको हो । यो जितपछि रोमाको १५ खेलबाट ३० अंक भएको छ र चौथो स्थानमा छ । यो नतिजाले इटालीमा लिग उपाधिको होड यसपल्ट खुल्ला रहेको छ । लिग तालिकामा इन्टर मिलान ३३ अंकमा शीर्ष स्थानमा छ । उसको पछाडि एसी मिलानको ३२ र नेपोलीको ३१ अंक रहेको छ ।

रोमाको जितमा फ्रान्का निर्णायक

म्यानचेस्टर युनाइटेड र बर्नमाउथले सोमबार इंग्लिस प्रिमियर लिगमा आठ गोलको थ्रिलर खेलेका छन् । ओल्ड ट्रायफोर्डमा भएको खेल ४–४ को बराबरीमा टुंगेको हो । घरमा भएको खेलमा युनाइटेड तीन पल्ट अगाडि रहेर पनि खेल जित्न असफल रह्यो । म्याथेस कुन्हाले युनाइटेडका लागि ७९ औं मिनेटमा गोल गर्दा युनाइटेड जिततर्फ अग्रसर देखिएको थियो । तर बर्नमाउथका लागि एलि जुनियरले ८४ औं मिनेटमा अन्तिम तथा बराबरी गोल गरे । यो नतिजापछि युनाइटेडको २६ अंक भएको छ र छैटौं स्थानमा रह्यो । बर्नमाउथ भने २१ अंकमा १३ औं स्थानमा रह्यो ।

युनाइटेड र बर्नमाउथबीच आठ गोलको थ्रिलर

काठमाडौं। अखिल नेपाल फुटबल संघ ९एन्फा० ले महिला च्याम्पियनसिप २०८२ को नकआउट चरणको ड्र सार्वजनिक गरेको छ। सातदोबाटोस्थित एन्फा कम्प्लेक्समा आइतबार सम्पन्न ड्र अनुसार प्रतियोगिता माघ २ गतेदेखि उदयपुर जिल्लाको थरुहट रंगशालामा आयोजना हुनेछ। प्रतियोगितामा कुल १० टोलीको सहभागिता रहनेछ। ड्र अनुसार प्रतियोगिताको उद्घाटन खेलमा न्युरोड टिम ९एनआरटी० र गाईघाट फुटबल क्लब आमनेसामने हुनेछन्। एन्फाले सार्वजनिक गरेको खेल तालिका अनुसार नकआउट ढाँचामा सञ्चालन हुने प्रतियोगितामा विभागीय टोली नेपाल पुलिस क्लब र एफसी रियालसँगै त्रिभुवन आर्मी क्लब, संकटा फुटबल क्लब, छाहरी युथ क्लब, चर्च ब्वाइज युनाइटेड, आरसी रिसोर्ट तथा एपीएफ क्लबले प्रतिस्पर्धा गर्नेछन्। नकआउट चरणको ड्र अनुसार त्रिभुवन आर्मी क्लब भने सिधै क्वार्टरफाइनल चरणमा प्रवेश गर्नेछ। बाँकी टोलीहरूले प्रिक्वार्टरफाइनल चरणबाट आफ्नो यात्रा सुरु गर्नेछन्।

एन्फा महिला च्याम्पियनसिपको ड्र सार्वजनिक

काठमाडौं। एसीसी यु–१९ एसिया कप क्रिकेटमा नेपालले लगातार दोस्रो हार बेहोरेपछि सेमिफाइनलमा पुग्ने सम्भावना कठिन भएको छ। आइतबार दुबईस्थित ‘दि सेभेन्स’ रंगशालामा सम्पन्न समूह ‘बी’ को खेलमा नेपाल बंगलादेशसँग ७ विकेटले पराजित भयो। नेपालले दिएको १३१ रनको लक्ष्य बंगलादेशले २४।५ ओभरमै ३ विकेट गुमाउँदै पूरा गर्‍यो। बंगलादेशको जितमा ओपनर जावद अब्रारले ६८ बलमा ४ चौका र ३ छक्कासहित शानदार ७० रन बनाए। चौथो नम्बरमा आएका कलाम सिद्दिकीले ३४ रनको योगदान गरे भने रिजन होस्सन १२ रनमा अविजित रहे। नेपालका लागि अभिशेष तिवारी र युवराज खत्रीले एक–एक विकेट लिए। यसअघि टस हारेर ब्याटिङमा उत्रिएको नेपाल ३१.१ ओभरमै सबै विकेट गुमाउँदै १३० रनमै समेटियो। नेपालका लागि अभिशेष तिवारीले ४३ बलमा २ छक्कासहित ३० रन बनाए। विकेटकिपर आशिष लुहारले २३, साहिल पटेलले १८ र निरज कुमार यादवले १४ रन जोडे। बंगलादेशका मोहम्मद सोबुजले ३ विकेट लिए भने साद इस्लाम, शहरियार अहमद र अजिजुल हाकिमले समान २–२ विकेट हात पारे।&nbsp; यसअघि नेपाल पहिलो खेलमा श्रीलंकासँग ८ विकेटले पराजित भएको थियो। बंगलादेशले भने पहिलो खेलमा अफगानिस्तानलाई ३ विकेटले हराउँदै लगातार दोस्रो जित हात पारेको हो।

लगातार दोस्रो हारपछि नेपालको सेमिफाइनल यात्रा कठिन

काठमाडौं। श्राम १२ औं राष्ट्रिय एमबिटी डाउनहिल तथा २०औं क्रस कन्ट्री एमटिबी प्रतियोगिता आगामी पुसको पहिलो साता काठमाडौंमा हुने भएको छ। नेपाल साइक्लिङ संघको आयोजनामा काठमाडौंमा नेपाल नेसनल माउन्टेन बाइक च्याम्पियनसिप हुन लागेको हो। संघले पत्रकार सम्मेलन आयोजना गर्दै प्रतियोगिता बारे जानकारी दियो। सो अवसरमा गोकर्ण नगरपालिकाका मेयर दीपककुमार रिसाल, राष्ट्रिय शहिद तथा शान्ति पार्क निजामति स्मारक बिस्तारित बोर्डका अध्यक्ष सुदर्शन सिग्देल र साइक्लिङ संघका अध्यक्ष सुदीप पौडेल र संघका वरिष्ठ उपाध्यक्ष तथा नेपाली चुलोका प्रबन्ध निर्देशक संघर्ष बिष्टलगायत उपस्थित थिए। कार्यक्रममा मेयर रिसालले धेरै युवाले रूचाएको खेललाई नगरपालिकाले सहयोग गरेको र नगरले सम्पूर्ण खेलकुद विकासमा काम गरिरहेको बताए । साथै मेयर रिसालले ट्रयाक बनाउन नगरले सहयोग गरेको उल्लेख गरे। काठमाडौंको गोकर्णेश्वर नगरपालिका–४ मा रहेको सहिद स्मारक पार्कमा आगामी पुष ४ र ५ गते प्रतियोगिता हुने आयोजकले जनाएको छ । यो कोर्षमा १३औं दक्षिण एसियाली खेलकुद पनि भएको थियो । डाउनहिल र क्रस कन्ट्री गरी दुई विधामा प्रतिस्पर्धा हुने रेस डाइरेक्टर देवेन्द्र बस्नेतले जानकारी दिए । पुरूष इलिट (१९ देखि ३० वर्ष) र महिला इलिट, जुनियर (१७ र १८ वर्ष उमेरसमूह) , मास्टर्स (३० वर्षमाथि) र युथ (१४ देखि १६ वर्ष उमेरसमूह) गरी पाँच इभेन्टमा गरी कुल ३० पदकका लागि प्रतिस्पर्धा गरिने बस्नेले उल्लेख गरेका छन् । डाउनहिल र क्रस कन्ट्रीमा समान ५० जना खेलाडीले प्रतिस्पर्धा गर्ने भएका छन् । दुवै विधामा मास्टर्स र जुनियरमा महिला तथा पुरूषमा गरी चार विधामा प्रतिस्पर्धा हुनेछन् । यस प्रतियोगिताका लागि कोर्ष बनाउन गोकर्ण नगरपालिकाले सहयोग गरेको संघले जनाएको छ । बाइकिङ एन्ड हाइकिङ गर्ने हिसाबले पहिलेदेखि ट्रयाक तयार पारिएको संघका अध्यक्ष सुदीप पौडेलले बताए । साथै उनले हरेक खेलाडीको बिमा पनि गरिएको उल्लेख गरे । यस प्रतियोगिताका लागि स्रामका सन्चालक तथा साइक्लिङका प्रमुख प्रशिक्षक प्रयास तामाङले एक लाख रूपैयाँ सहयोग गरेको संघले जनाएको छ ।

नेपाल राष्ट्रिय माउन्टेन बाइक च्याम्पियनसिप पुष ४ देखि

जर्मन बुंडेसलिगामा बायर्न म्युनिक आइतबार मेन्जको हातबाट २–२ को बराबरीमा रोकिएको छ । बोरुसिया डर्टमुन्डले पनि फ्रेबर्गविरुद्धको खेलमा १–१ को बराबरीमै चित्त बुझाए । एलिनाज एरेनामा ह्यारी केनले पेनाल्टीबाट ८७ औं मिनेटमा गोल गरेपछि बायर्न संघर्ष गर्दै एक अंक बटुल्न सफल रहेको हो । यससँगै बायर्न र डर्टमुन्ड दुवै टिम यसअघिको लाइपजिगको हारको फाइदा लिन चुके । लिग तालिकामा बायर्न ३८, लाइपजिग २९ र डर्टमुन्ड २९ अंकमै शीर्ष तीन स्थान भित्र रहेका छन् । बायर्नको अग्रता भने नौ अंक रहेको छ र उसलाई उपाधि होडमा रोक्ने काम कठिन मानिएको छ ।

मेन्जसँग बायर्नको बराबरी

म्यानचेस्टर सिटीले इंग्लिस प्रिमियर लिगमा आइतबार लगातार चौथो जित निकाल्दै आफूलाई उपाधि होडमा कायम राखेको छ । उसले क्रिस्टल प्यालेसलाई सजिलै ३–० ले हरायो । त्यसमा इर्लिङ हालान्डले दुई र फिल फोडेनले एक गोल गरे । यो जितपछि पेप ग्वार्डिओलाको सिटीको १६ खेलबाट ३४ अंक भएको छ । शीर्षमा आर्सनलको ३६ अंक रहेको छ । अन्य खेलमा नटिंघम फरेस्टले टोटनहमलाई ३–०, सन्डरल्यान्डले न्युकासल युनाइटेडलाई १–० र एस्टन भिल्लाले वेस्ट ह्यामलाई ३–२ ले हरायो । यस्तै ब्रेन्टफोर्ड र लिड्स युनाइटेडले १–१ को बराबरी खेले । भिल्ला ३३ अंकमा दोस्रोमा छ भने सन्डरल्यान्ड २६ अंकमा सातौं स्थानमा छ ।

सिटीको लगातार चौथो जित

एसी मिलान र नेपोलीको खराव प्रदर्शनको फाइदा लिंदै इन्टर मिलान फेरि इटालीको सिरी ए को शीर्ष स्थानमा उक्लेको छ । उसले आइतबारको खेलमा जेनोआलाई २–१ ले पराजित हो । इन्टरको जितमा यान बिसेक र लउटारो मार्टिनेजले एक एक गोल गरे । जेनोआका तर्फबाट ओलिभेराले एक गोल फर्काए, तर त्यो नतिजा फेर्न पर्याप्त रहेन् । त्यस अगाडि एसी मिलान ससुलोको हातबाट २–२ को बराबरीमा चित्त बुझाउन बाध्य रह्यो भने डिफेन्डिङ च्याम्पियन नेपोली युडिनेजीसँग १–० ले पराजित नै रह्यो । इन्टरको ३३ अंक भएको छ । उसको पछाडि दोस्रोमा मिलानको ३२ र तेस्रोमा नेपोलीको ३१ अंक छ ।

इन्टर उक्लियो पहिलो स्थानमा

स्पेनी ला लिगामा आइतबार रियल म्याड्रिडले एलाभेसलाई २–१ ले हराएको छ र यसले प्रशिक्षक ज्याभी एलोन्सोलाई धेरै राहत हुनेछ । अन्यथा उनी वर्खास्तमा पर्न सक्ने अनुमान गरिएको थियो । आफ्ना पछिल्ला नौ खेलमा रियलको यो तेस्रो जित मात्र हो । रियलका लागि केयलिन एमबापे र रोड्रिगोको गोल । एलाभेसका लागि कार्लोस भिन्सेन्टले एक गोल फर्काए । यो जितले रियलको १७ खेलबाट ३९ अंक भएको छ र दोस्रोमा छ । यो शीर्षमा रहेको बार्सिलोनासँग चार अंकको दूरी हो । अन्य खेलमा सेभियाले रियल ओभिएडोलाई ४–० र सेल्टा भिगोले एथलेटिको बिलबाओलाई २–० ले हराएको छ ।

रियल जितेपछि एलोन्सोलाई राहत

काठमाडौं। पाकिस्तानको कराँची सिटी एफसीलाई पराजित गर्दै नेपालको एपीएफ साफ क्लब महिला च्याम्पियनसिपको फाइनलनजिक पुगेको छ। त्रिपुरेश्वरस्थित दशरथ रंगशालामा आइतबार सम्पन्न खेलमा एपीएफले १–० को जित निकालेको हो। एपीएफको जितका रश्मिकुमारी घिसिङले गरेको गोल नै निर्णायक रह्यो। उनले खेलको ५२औं मिनेटमा हेडरबाट गोल गरेकी हुन्। पेनाल्टी बक्स बाहिरबाट मिडफिल्डर रेनुका नगरकोटेले दिएको हाइ बललाई उनले सिक्स यार्ड बक्सबाट सहजै हेडर गर्दै गोलमा परिणत गर्दिइन्। एपीएफको यो दोस्रो जित हो। जितसँगै एपीएफले ३ खेलबाट ७ अंक पुर्‍याएको एपीएफ अंक तालिकाको शीर्ष स्थानमा उक्लिएको छ। एपीएफले पहिलो खेलम बंगलादेशको नासरिन स्पोर्ट्स एकेडेमीलाई ४–० ले हराएको थियो। तर, दोस्रो खेलमा भने भुटानको ट्रान्सपर्ट युनाइटेड एफसीसँग गोलरहित बराबरी खेल्दै अंक बाँढ्यो। लगातार दुई हार बेहोरको कराँची भने प्रतियोगिताबाट बाहिरिएको छ।

एपीएफ फाइनलनजिक

काठमाडौँ। सहिद स्मारक 'सी' डिभिजन लिग छनोटको उपाधि नेपालगञ्ज ११ स्पोर्ट्स क्लबले जितेको छ। सातदोबाटोस्थित एन्फा कम्प्लेक्समा आइतबार सम्पन्न फाइनल खेलमा नेपालगञ्ज ११ स्पोर्ट्स क्लबले सिन्धुपाल्चोक एफसीलाई २-० गोलले पराजित गर्दै उपाधि जितेको हो। ३७औँ मिनेटमा नेपालगञ्ज ११ स्पोर्ट्स क्लबका लागि सबिन राईले पहिलो गोल गर्दै सुरुआती अग्रता दिलाएका थिए। त्यसपछि दोस्रो हाफमा ६४औँ मिनेटमा रोशेस श्रेष्ठले दोस्रो गोल थपे। फाइनल प्रवेश गरेका दुवै टोलिले 'सी' डिभिजन लिगमा बढुवा भइसकेका छन्। सेमिफाइनलमा सिन्धुपाल्चोकले शिव शक्ति युवा क्लबलाई ४-२ गोलले हराएपछि छनोट भएको थियो भने मसुरिया फुटबल एकाडेमिविरुद्ध १-० गोलको जित निकाल्दै नेपालगञ्जपनि छनोट भएको हो। नेपालगन्ज समूह ‘ए’ बाट फाइनलसम्म पुगेको हो भने सिन्धुपाल्चोक समूह ‘जे’ मा रहेको थियो।

नेपालगन्ज ११ स्पोर्ट्सले जित्यो 'सी' डिभिजन छनोटको उपाधि

पेरिस सेन्ट जर्मेन (पीएसजी) ले शनिबार फ्रान्सेली लिग वानमा पुछारमा रहेको मेट्जमाथि ३–२ को कठिन जित निकालेको छ । तर यो जितले उसलाई लिग तालिकाको शीर्ष स्थानमा भने पुर्‍याएको छ । यो जितपछि पीएसजीको १६ खेलबाट ३६ अंक भएको छ । लेन्स एक खेल कम खेलेर ३४ अंकमा दोस्रो स्थानमा छ । मेन्जको घरेलु मैदानमा भएको खेलमा पीएसजीका लागि गोन्जालो रामोस, क्वेन्टिन एडिजाटोउ र डसायर डोले एक एक गोल गरे । मेट्जका तर्फबाट जेसमी डेमिग्वेट र हेरही सिटासभिलीले गोल फर्काए । मेट्ज १६ खेलबाट ११ अंकमा सीमित रहेर १८ टिममध्ये सबैभन्दा पुछारमा छ र रेलिगेसनबाट बच्न संघर्षरत छ ।

मेट्जसँग पीएसजको कठिन जित

ब्राजिली विन्गर राफिन्हाले गरेको दुई गोलको मदतले बार्सिलोनाले स्पेनी ला लिगामा शनिबार ओसासुनामाथि २–० को जित दर्ता गरेको छ । यो जितपछि बार्सिलोनाको १७ खेलबाट ४३ अंक भएको छ । रियल म्याड्रिड एक खेल कम खेलेर ३६ अंकमा दोस्रोमा रहेको छ । रियलले आइतबार एलाभेसको सामना गर्नेछ र उसको सामु दुई टिमबीचको अन्तर घटाउने अवसर हुनेछ । एटलेटिको म्याड्रिडले अर्को खेलमा भ्यालेन्सियालाई २–१ ले हरायो र ३४ अंकमा चौथो स्थानमा रह्यो । यस्तै पाँचौमा रहेको इस्पनयोलले गेटाफेलाई १–० ले हरायो र उसको ३० अंकमा छ ।

बार्सिलानाको जितमा राफिन्हाको दुई गोल

उल्भ्सले उपहारका रूपमा दिएका दुई आत्मआती गोलको मदतले आर्सनलले इंग्लिस प्रिमियर लिगमा शनिबार २–१ को जित निकालेको छ । इमिरेट्समा दोस्रो हाफको इन्ज्युरी समयको चौथो मिनेटमा यरसन मोसक्वेराले निर्णायक सावित आत्मघाती गोल गरे । खेलको ७० औं मिनेटमा साम जोनस्टोनले पनि आत्मघाती गोल गरेपछि आर्सनल अगाडि रह्यो । त्यसबीच उल्भ्सका लागि टोलु आरोकोडारेले ९० औं मिनेटमा एक गोल फर्काए । यो जितपछि आर्सनल १६ खेलबाट ३६ अंक भएको छ र शीर्षमा रह्यो । उसको पछाडि म्यानचेस्टर सिटीको ३१ अंक छ । शनिबारका अन्य खेलमा प्रमुख खेलमा लिभरपुलले ब्राइटनलाई २–० र चेल्सीले एभरटनलाई २–० ले पराजित गरेको थियो । यस्तै फुलहमले बर्नलीलाई ३–२ ले हरायो ।

आत्मघाती गोलमा आर्सनलको उद्धार

काठमाडौं। लुम्बिनी लायन्सका कप्तान रोहितकुमार पौडेलले नेपाल प्रिमियर लिग ९एनपिएल० को दोस्रो सिजनमा प्लेअर अफ दी टुर्नामेन्ट हुँदै कार पाएका छन्। लुम्बिनीले फाइनलमा सुदूरपश्चिम रोयल्सलाई ६ विकेटले हराउँदै पहिलोपल्ट एनपिएलको उपाधि उचाल्यो। लुम्बिनीको सफलता रोहितको प्रदर्शन अलराउन्ड रह्यो। उनी सिजनमा सर्वाधिक २७६ रनकर्ताको सूचीमा दोस्रो स्थानमा रहे।&nbsp; नेपालको तर्फबाट उनी सर्वाधिक रनकर्ता पनि हुन्। विनोद भण्डारी २६४ रनसहित नेपालका लागि दोस्रो स्थानमा रहे। रोहितले बलिङतर्पm पनि १० विकेट पनि लिए। रोहित उत्कृष्ट ब्याटर पनि भए। प्रतियोगिताको इमर्जिङ प्लेअर अफ दी टुर्नामेन्ट हुँदै पल्सर बाइक पाए। उनले १७ विकेट लिँदै सर्वाधिक विकेटकर्ताको सूचीमा संयुक्त ९सन्दीप लामिछाने र अविनाश बोहोरा० शीर्ष स्थानमा रहे। प्रतियोगिताका सर्वोत्कृष्ट खेलाडी रुबेन ट्रम्पलमेन, सर्वोत्कृष्ट बलर सन्दीप लामिछाने, रेडबुल प्लेअर अफ दी टुर्नामेन्ट अविनाश बोहरा र सन्दीपले सर्वोत्कृष्ट बलर पुरस्कार पाए।

प्लेअर अफ दी टुर्नामेन्ट लुम्बिनीका कप्तान रोहितले पाए कार

२६ मंसिर, ललितपुर। दृष्टिविहिन खेलाडी सन्देश स्याङ्बोले चेस उपाधि उचाले सँगै नेपालमा पहिलो पटक "पभिलियन दृष्टिविहिन चेस प्रतियोगिता सम्पन्न भएको छ। राष्ट्रिय सहकारी महासंघ हरिहरभवनको सभाहलमा सञ्चालन भएको दुई दिने दृष्टिविहिन बुद्धिचाल प्रतियोगिता पभिलियन चेस एकेडेमी र नेपाल त्रिवासा संस्थाको संयुक्त आयोजनामा सम्पन्न भएको हो। दृष्टिविहिन चेस प्रतियोगितामा आदर्श सेकेण्डरी स्कुल सानो ठिमीका सन्देश स्याङ्वोले उपाधि उचालेका छन्। उपाधि सँगै सन्देशले नगद रु १० हजार, ट्रफी, मेडल र प्रमाणपत्र प्राप्त गर्न सफल भएका छन्। यस्तै नमुना मछिन्द्र उच्च मा. वि. लगनखेलका निमेश महतो थारू दोश्रो स्थानमा रहँदै नगद रु ६ हजार, मेडल, प्रमाणपत्र प्राप्त गरे। आदर्श सेकेण्डरी स्कुलका अजय बर्देवाले तृतीय स्थान प्राप्त गर्दै नगद रु ४ हजार, मेडल र प्रमाणपत्र हात पारेका छन्।&nbsp; यसैगरी सञ्जीवनी उच्च मा. वि. धुलिखेलका सहदेव के.सि. चौथो, आदर्श सेकेण्डरी स्कुल, सानो ठिमीका अजय नेपाल पाँचौं, पृथ्वीनारायण उच्च मा. वि., तारकेश्वरका दिपेश उपाध्याय छैंटौं, अमन थारू ल्यावोटरी स्कूल, किर्तिपुरका अमन थारु सातौं स्थानमा रहेका छन्। स्पर्धामा पृथ्वीनारायण उच्च ‌मा.वि. तारकेश्वरका खेलाडीहरु संयोग के.सी., सुजित तामाङ्ग, सोफिक तामाङ क्रमश: आठौँ देखि दशौ स्थान ओगट्न सफल भएको छन्। महिलातर्फ ल्यावोटरी स्कूल, किर्तिपुरका ऋतिका घिमिरे प्रथम बन्दै नगद रु ५ हजार, मेडल र प्रमाणपत्र प्राप्त गरेका छन्।&nbsp; खेलमा आरोही सुवेदी द्वितीय बन्दै नगद रु ३ हजार, मेडल र प्रमाणपत्र पाइन् भने पृथ्वीनारायण उच्च मा. वि., तारकेश्वरका कोपिला तामाङ तृतिय बन्दै नगद रु २ हजार, मेडल र प्रमाणपत्र पाउन सफल भएका छन् ।&nbsp; यसैबिच एक समारोहमा प्रमुख अतिथि ललितपुर महानगर पालिकाका मेयर चिरिबाबु महर्जनले विजेता खेलाडीहरूलाई पुरस्कृत गरेका छन् । समापन तथा पुरस्कार वितरण कार्यक्रममा मेयर चिरिबाबु महर्जनले नगद ३० हजार पुरस्कार हस्तान्तरण गर्दै प्रतियोगिताको प्रशंसा गरेका छन्। मेयर चिरिबाबु महर्जनले ललितपुर महानगरपालिका आफ्नो योजना अनुसार सानो ठूलो परियोजनाहरु क्रमिक रूपमा सम्पन्न गर्दै अगाडि बढिरहेको जानकारी दिदै बुद्धिचाल खेलको धेरै अंश अनुशरण गरेको बताएका छन्।उनले महानगरपालिकाको सानो गल्ली देखि ठूला ठूला पुरातात्विक पोखरी पुनःनिर्माण कार्य मार्फत राष्ट्रिय तथा अन्तर्राष्ट्रिय पुरस्कारवाट सम्मान पाउन सफल भएको जिकिर गरे। नेपाल बुद्धिचाल महासंघका कोषाध्यक्ष ताराबहादुर रानाभाटको समेत उपस्थिति रहेको कार्यक्रममा ल्यावोटरी स्कूल(किर्तिपुर), नमुना मछिन्द्र उच्च मा.वि.(लगनखेल), सञ्जीवनी उच्च मा. वि.(धुलिखेल), पृथ्वीनारायण उच्च मा. वि.(तारकेश्वर), आदर्श सेकेण्डरी स्कुल (सानो ठिमी) र अपाङ्ग सेवा संघ (बुङ्ममति) का ५० जना दृष्टिविहिन खेलाडी सहभागिता रहेको थियो । प्रतियोगितामा नेपाल त्रिविसा संस्थाका संस्थापक रमिला पोखरेल र पभेलियन चेस एकेडेमीका संस्थापक सुशील चौधरीले दोश्रो संस्करण छिटै हुने जानकारी गराएका छन्।

सन्देश स्याङ्वो पहिलो दृष्टिविहिन चेस च्याम्पियन

&nbsp;काठमाडौं। सुदूरपश्चिम रोयल्सलाई फाइनलमा ६ विकेट हराउँदै लुम्बिनी लायन्सले दोस्रो संस्करणको नेपाल प्रिमियर लिग (एनपिएल) उपाधि जितेको छ। सुदूरले दिएको ८६ रनको विजयी लक्ष्य लुम्बिनीले ९ ओभरमा ४ विकेट गुमाएर पूरा गर्यो। यो सँगै सुदूर लगातार दोस्रोपल्ट एनपिएलको फाइनमा पराजित भएको छ।

सुदूरपश्चिमलाई हराउँदै लुम्बिनी एनपिएल च्याम्पियन

&nbsp;काठमाडौं। कप्तान रोहितकुमार पौडेलले र शेर मल्ल चम्किँदा जारी नेपाल प्रिमियर लिग (एनपिएल) को फाइनलमा सुदूरपश्चिम रोयल्स ८५ रनमै सिमित बनेको छ। त्रिवि क्रिकेट रंगशालामा टस जितेर पहिले ब्याटिङ थालेको सुदूरले १९.१ ओभरमै सबै विकेट गुमाए ८५ रन मात्रै पायो। यो सँगै लुम्बिनी लायन्सले उपाधि जित्न ८६ रनको विजयी लक्ष्य पाएको हो।

Nepalsports

हर्षल बने महिला टिमको प्रशिक्षक

📰 Recent News

Nepalsports