कोलकाता नाइटराइडर्सले इन्डियन प्रिमियर लिग (आईपएिल) २०२६ मा बिहीबार लगातार दोस्रो हार बेहोरेको छ । उसलाई सनराइज हैदरावादले ६५ रनले हराएको हो । हैदरवादको भने यो पहिलो जित हो ।

इडेन गार्डेनमा हैदरावादले पहिले ब्याटिङ गर्दै आठ विकेटमा २ सय २६ रन बनाएको थियो । त्यसमा हेनरिक क्लासेनले सर्वाधिक ५२ रन बनाए । यस्तै ट्रेभिस हेडले ४६ र अभिषेक शर्माले ४८ रन बनाए ।

कोलकाताका लागि ब्लेसिङ मजराबानीले ४१ रनमा चार विकेट लिए । त्यसको जवाफमा कोलकाता १६ ओभरमा १ सय ६१ रन मात्र बनाएर अलआउट भयो । अंगकृश रधुवंशीको ५२ र रिन्कु सिंहको ३५ रन बाहेक अरुले गतिलो योगदान गर्न सकेनन् ।