नेपालले ट्वान्टी ट्वान्टी विश्वकप २०२६ मा बिहीबार बिर्सनलायक हार बेहोरेको छ । वानखेडे स्टेडियमा भएको खेलमा इटाली दस विकेटले विजयी भएको हो । इटालीले जितको लक्ष्य १२.४ ओभरमा पूरा गरेको हो । उसका जस्टिन मोस्का ६० र एन्थोनी मोस्का ६२ रन बनाएर नटआउट रहे । हारले नेपालको सुपर एट सम्भावना कमजोर भएको छ । त्यस अगाडि नेपाल पहिले ब्याटिङ गर्दै १ सय २३ रन बनाएर अलआउट भएको थियो । वानखेडे स्टेडियममा नेपालको प्रदर्शन ब्याटबाट कमजोर रह्यो । नेपाल १९.३ ओभर मात्रै टिकेको हो । नेपालका लागि आरिफ सेखले सर्वाधिक २७ रन बनाए । यस्तै आसिफ सेखले २० र रोहित पौडेलले २३ रन बनाए । इटालीका बलसमध्ये क्रिसन कालुगमागेले १८ रनमा तीन विकेट लिए । नेपाल शून्य अंकमा रह्यो भने इटालीको दुई अंक भएको छ । नेपाल अंक तालिकाको पुछारमा झरेको छ ।

नेपालको लगातार दोस्रो हार

काठमाडौं। स्वामी दयानन्द सरस्वतीको २०२औँ जन्मजयन्तीका अवसरमा डीएभी विद्यालयद्वारा आयोजित प्रथम अन्तर्राष्ट्रिय इन्डो–नेपाल फुटबल च्याम्पियनसिपको उपाधि काठमाडौँ किकर्स फुटबल एकेडेमीले जितेको छ। बिहीबार डीएभी विद्यालयको मैदानमा सम्पन्न फाइनल खेलमा काठमाडौँ किकर्सले जावलाखेल युथ क्लबलाई सडन डेथमा ६–५ ले पराजित गर्दै उपाधि उचालेको हो। निर्धारित समयमा दुवै टोलीले ३–३ गोलको बराबरी खेलेका थिए। त्यस्तै, तेस्रो स्थानका लागि मारियो ग्रासरुट स्पोर्ट्स क्लब र एजी–१० फुटबल एकेडेमीबीच प्रतिस्पर्धा भएको थियो। निर्धारित समयमा खेल १–१ गोलको बराबरीमा सकिएपछि निर्णय पेनाल्टी सुटआउटबाट गरिएको थियो। पेनाल्टीमा उत्कृष्ट प्रदर्शन गर्दै एजी–१० फुटबल एकेडेमी विजयी भई तेस्रो स्थान हासिल गर्न सफल भयो। प्रतियोगितामा बोलपुर टप क्लबले ‘फेयर प्ले अवार्ड’ जित्न सफल भयो। विधागततर्फ काठमाडौँ किकर्सका कबिर तामाङ प्रतियोगिताको उत्कृष्ट खेलाडी घोषित भए। एजी–१० फुटबल एकेडेमीका सिद्धान्त राय सर्वाधिक गोलकर्ता बने भने जावलाखेल युथ क्लबका जयन्द्र चौधरी उत्कृष्ट गोलकिपर घोषित भए। उपाधि विजेता काठमाडौँ किकर्सले नगद २० हजार रुपैयाँ पुरस्कार प्राप्त गर्‍यो भने उपविजेता जावलाखेल युथ क्लबले १० हजार रुपैयाँ नगदसहित सम्मान प्राप्त गरेको आयोजकले जनाएको छ। प्रतियोगितामा राष्ट्रिय खेलाडी विशाल सुनार तथा नेपाली राष्ट्रिय फुटबल टोलीका पूर्व कप्तान अनिल गुरुङको सहभागिता रहेको थियो।

काठमाडौँ किकर्सले जित्यो प्रथम इन्डो–नेपाल फुटबल च्याम्पियनसिपको उपाधि

नेपाल ट्वान्टी ट्वान्टी विश्वकपको इटालीविरुद्धको खेलमा बिहीबार १ सय २३ रन बनाएर अलआउट भएको छ । अब इटालीले जितका लागि १ सय २४ रन बनाउने प्रयास गर्नेछ । वानखेडे स्टेडियममा नेपालको प्रदर्शन ब्याटबाट कमजोर रह्यो । नेपाल १९.३ ओभर मात्रै टिकेको हो । नेपालका लागि आरिफ सेखले सर्वाधिक २७ रन बनाए । यस्तै आसिफ सेखले २० र रोहित पौडेलले २३ रन बनाए । इटालीका बलसमध्ये क्रिसन कालुगमागेले १८ रनमा तीन विकेट लिए ।

नेपाल १ सय २३ रनमा अलआउट

नेपालले इटालीविरुद्धको ट्वान्टी ट्वान्टी विश्वकप २०२६ को खेलमा पहिले ब्याटिङ गर्ने भएको छ । इटालीले टस जितेर पहिल बलिङको निर्णय गरेको हो । नेपाली टिम यस प्रकार रहेको छ, रोहित पौडेल (कप्तान), कुशल भुर्तेल, आसिफ सेख, दीपेन्द्रसिंह ऐरी, आरिफ सेख, लोकेश बम, गुल्सन झा, करण केसी, नन्दन यादव, सन्दीप लामिछाने र ललित राजवंशी रहेका छन् । इंग्ल्यान्डविरुद्ध शेर मल्लले खेलेकोमा उनको स्थानमा ललितल टिममा समोवशे गरिएको छ ।

नेपालले पहिले ब्याटिङ गर्दै

इंग्लिस प्रिमियर लिगमा बुधबारका खेलमा म्यानचेस्टर सिटी र एस्टन भिल्ला विजयी रहे । सिटीले फुलहमलाई ३–० र एस्टन भिल्लाले ब्राइटनलाई १–० ले पराजित गरेको हो । यो नतिजापछि सिटीको ५३ र भिल्लाको ५० अंक भएको छ । आर्सनल भने ५६ अंकमा शीर्षमा रहेको छ । यस्तै लिभरपुल भने ४२ अंकमा छैटौं स्थानमा रह्यो । सिटीको जितमा एन्टोन सेमेन्यो, निको ओ रेनी र इर्लिङले गोल गरे । भिल्ला भने ज्याक हिन्सहेलउडको आत्मघाती गोलले विजयी रह्यो ।<img src="https://app.nepalsportz.com/media/django-summernote/2026-02-12/a51bcfc4-ba75-4f88-a0d1-3d17df173953.webp" style="width: 600px;"> भिलरपुलले भने भर्जिल भान डाइकको गोलमा सन्डरल्यान्डलाई १–० ले हराएको हो । यस्तै बर्नलीले क्रिस्टल प्यालेसलाई ३–२ ले पराजित गर्‍यो भने नटिंघम फरेस्ट र उल्भ्सले गोलरहित बराबरी खेले ।

सिटी र भिल्ला विजयी

काठमाडौं । अस्ट्रेलियाले भारत र श्रीलंकामा जारी आईसीसी टी-२० विश्वकपमा विजयी सुरुआत गरेको छ ।&nbsp; बुधबार सम्पन्न खेलमा समूह 'बी' मा रहेको अस्ट्रेलियाले आयरल्याण्डलाई ६७ रनको फराकिलो अन्तरमा पराजित गरेको हो ।&nbsp; चोटका कारण समस्यामा रहेको अस्ट्रेलियाको जितमा नेथन एलिसले महत्वपुर्ण चार विकेट आफ्नो नाममा गर्दै प्लेयर अफ द म्याच भए । एडम जाम्पाको नाममा पनि चार विकेट रह्यो । ब्याटिङ तर्फ भने मार्कस स्टोइनेसले २९ बलमा २ चौका र १ छक्काको सहयोगमा सर्वाधिक ४५ रन बनाए । जस इङ्लीस १७ बलमा ३७, म्याट रेन्शो ३३ बलमा ३७ तथा क्यामरन ग्रिन ११ बलमा २१ रन बनाउँदै आउट भए ।&nbsp; अस्ट्रेलियाले दिएको १ सय ८३ रनको लक्ष्य पछ्याएको आयरल्याण्ड १६ दशमलब ५ ओभरमा १ सय १५ रनमा समेटियो । आयरल्याण्डका लागि जर्ज डकरेलले २९ बलमा ३ चौका र १ छक्काको सहयोगमा सर्वाधिक ४१ रनमा आउट भए । लोर्कन टोर्कल २७ बलमा २४, गारेथ डिलेनि ११ तथा मार्क अडिर १२ रनमा आउट भए ।&nbsp; पहिलो खेलमा जितसँगै अस्ट्रेलिया समूह बी को शीर्ष स्थानमा छ । लगातार दुई खेलमा पराजित आयरल्याण्ड अंकबिहिन रुपमा चौथो स्थानमा छ । आयरल्याण्ड पहिलो खेलमा श्रीलंकासँग पराजित भएको थियो ।&nbsp; बुधबारको पहिलो खेलमा दक्षिण अफ्रिकाले अफगानिस्तानलाई पराजित गरेको थियो । ट्वान्टी २० विश्वकपको इतिहासमा पहिलो पटक उक्त खेलमा दुई सुपर ओभर भएको थियो ।

टी-२० विश्वकप : अस्ट्रेलियाको विजयी सुरुवात

काठमाडौं । भारत र श्रीलंकामा जारी ट्वान्टी २० विश्वकपमा दक्षिण अफ्रिकाले अफगानिस्तानमाथि दोस्रो सुपर ओभरमा रोमाञ्चक जित हासिल गरेको छ । दक्षिण अफ्रिकाले दोस्रो सुपर ओभरमा दिएको २४ रनको लक्ष्य पछ्याएको अफगानिस्तानले १९ रन मात्र बनाउँन सकेपछि दक्षिण अफ्रिका विजयी भएको हो ।&nbsp; खेलमा भएको पहिलो सुपर ओभरमा दुवै टोलीले समान १७ रन बनाएपछि खेल दोस्रो सुपर ओभरमा पुगेको थियो । त्यसअघि टस हारेर पहिले ब्याटिङ गरेको दक्षिण अफ्रिकाले निर्धारित २० ओभरमा ६ विकेट गुमाएर १ सय ८७ रनको योगफल तयार गरेको थियो ।&nbsp; दक्षिण अफ्रिकाका लागि क्विटन डि कक र रायन रिकल्टनले अर्धशतकीय इनिङ खेलेका थिए । रिकल्टनले २८ बलमा ५ चौका र ४ छक्काको सहयोगमा सर्वाधिक ६१ रन बनाउँदै आउट भए । डि ककले ४१ बलमा ५ चौका र ३ छक्काको सहयोगमा ५९ रन बनाए । दोस्रो विकेटका लागि डि कक र रिकल्टनले १ सय २ रनको साझेदारी गरेका थिए ।&nbsp; डिवाल्ड ब्रेभिस १९ बलमा २३ तथा मार्को यानसन ७ बलमा १६ रनमा आउट हुँदा डेभिड मिलर १५ बलमा २० रनमा नट आउट रहे ।&nbsp; १ सय ८८ रनको लक्ष्य पछ्याएर जवाफी ब्याटिङमा उत्रिएको अफगानिस्तानले १९.४ ओभरमा सबै विकेट गुमाएर १ सय ८७ रन बनाए पछि खेल सुपर ओभरमा गएको थियो । अफगानिस्तानलाई अन्तिम ओभरमा जितका लागि १३ रन आवश्यक थियो । भने, उसको हातमा १ विकेट मात्र रहेको थियो । अफगानिस्तानले १२ रन मात्र जोडे पछि खेलमा बराबरी भएको थियो ।&nbsp; अफगानिस्तानका लागि ओपनर रहमानुउल्लाह गुर्वाजले ४२ बलमा ४ चौका र ७ छक्काको सहयोगमा ८४ रनको अर्धशतकीय इनिङ खेले । अजमतुल्लाह उमरजाइ १७ बलमा २२, कप्तान रशिद खान १२ बलमा २० तथा दारविस रसोली १५ रनमा आउट भए ।&nbsp; दक्षिण अफ्रिकाका लागि लुगिं एन्गेडीले ३ तथा मार्को यानसन, कागिसो रबडा, जर्ज लिन्डा र केशब महाराजले समान १ विकेट लिएका थिए । जित पछि दुई खेलमा शतप्रतिशत जितका साथ दक्षिण अफ्रिका चार अंकका साथ समूह डी को दोस्रो स्थानमा रहेको छ । लगातार दुई खेलमा पराजित अफगानिस्तान अंकबिहिन रुपमा तेस्रो स्थानमा छ ।

टि-२० विश्वकप : अफगानिस्तानमाथि दक्षिण अफ्रिकाको रोमाञ्चक जित

काठमाडौं। स्वामी दयानन्द सरस्वतीको २०२औँ जन्मजयन्तीको अवसरमा डीएभी विद्यालयद्वारा आयोजित प्रथम अन्तर्राष्ट्रिय इन्डो–नेपाल फुटबल च्याम्पियनसिपको सेमिफाइनल समीकरण पूरा भएको छ। बुधबार समूह चरणका सबै ६ खेल सम्पन्न भएसँगै अन्तिम चारमा पुग्ने टोलीको टुंगो लागेको हो। समूह चरणको पहिलो खेलमा मारियो ग्रासरुट क्लबले बोलपुर टाउन क्लबलाई ४–० गोल अन्तरले पराजित गर्दै शानदार सुरुआत गर्‍यो। दोस्रो खेलमा दिलीप मेमोरियल एफसी र एजी–१० फुटबल एकेडेमीबीच रोमाञ्चक ३–३ गोलको बराबरी भयो। तेस्रो खेलमा एजी–१० ले बोलपुर टाउन क्लबलाई ३–० ले हराउँदै महत्वपूर्ण जित दर्ता गर्‍यो। चौथो खेलमा मारियो ग्रासरुटले दिलीप मेमोरियल एफसीलाई ५–१ गोलले पराजित गर्दै आफ्नो दबदबा कायम राख्यो। पाँचौं खेलमा दिलीप मेमोरियल एफसीले बोलपुर टाउन क्लबलाई ५–३ गोलले हरायो। छैटौं तथा अन्तिम खेलमा मारियो ग्रासरुट र एजी–१० बीच प्रतिस्पर्धात्मक खेल ३–३ गोलको बराबरीमा सकियो। समूह ‘बी’का लिग चरणका खेल सकिएसँगै मारियो ग्रासरुट क्लब समूह विजेता बन्दै सेमिफाइनलमा प्रवेश गरेको छ। सेमिफाइनलमा जावलाखेल युथ क्लब, काठमाडौं&nbsp;किकर्स, एजी–१० फुटबल एकेडेमी र मारियो ग्रासरुट क्लबले स्थान सुरक्षित गरेका छन्। मंगलबारदेखि जावलाखेलस्थित डीएभी विद्यालय परिसरमा सुरु भएको प्रतियोगिताको समापन बिहीबार हुनेछ। प्रतियोगितामा नेपाल र भारतका गरी आठ फुटबल एकेडेमी तथा क्लबको सहभागिता रहेको छ।

प्रथम अन्तर्राष्ट्रिय इन्डो–नेपाल फुटबल च्याम्पियनसिपको सेमिफाइनल समीकरण पूरा

बेन्जामिन सेस्कोको गोलको मदतले म्यानचेस्टर युनाइेटडले इंग्लिस प्रिमियर लिगमा मंगलबार वेस्ट ह्यामसँग १–१ को बराबरी खेलेको छ । वेस्ट ह्यामले दोस्रो हाफमा थोमास सोचेकको गोलले अग्रता लिएको थियो । खेलको अन्तिम क्षणमा बेन्जामिन सेस्कोले युनाइटेडका लागि बराबरी गोल फर्काए । यससँगै युनाइटेड लगातार पाँचौं जित निकाल्न असफल रह्यो । युनाइटेड ४५ अंकमा चौथो स्थानमा छ । वेस्ट ह्याम भने २४ अंकमा अझै रेलिगेसन क्षेत्रमा छ । टोटनहम भने न्युकासल युनाइटेडको हातबाट २–१ ले पराजित रह्यो । न्युकासलको जितमा ज्याकोब राम्सीले गरेको निर्णायक गोल गरे । यसले हारले प्रशिक्षक थोमस फ्रान्क वर्खास्तीको अझ नजिक पुगेका छन् । अन्य खेलमा एभरटन पनि बर्नमाउथको हातबाट २–१ ले नै पराजित रह्यो भने चेल्सीले लिड्स युनाइटेडसँग २–२ को बराबरी खेल्यो ।

वेस्ट हयामसँग युनाइटेडको बराबरी

काठमाडौं। न्युजिल्यान्डले युएईलाई १० विकेटले पराजित गर्दै आईसीसी टी २० विश्वकपमा एकपक्षीय जित हात पारेको छ युएईले दिएको १७४ रनको लक्ष्य न्युजिल्यान्डले १५.२ ओभरमै विकेट नगुमाई पूरा गर्‍यो। पहिले ब्याटिङ गरेको युएईले २० ओभरमा ६ विकेट गुमाउँदै १७३ रन बनाएको थियो। कप्तान मोहम्मद वसीमले अविजित ६६ रन (४५ बल) र अलिशान शरफुले ५५ रन (४७ बल) बनाए। मयंक कुमारले २१ रनको योगदान दिए। न्युजिल्यान्डका बलरमध्ये म्याट हेनरीले २ तथा डफी, फर्गुसन, स्यान्टनर र फिलिप्सले समान १–१ विकेट लिए। जवाफमा न्युजिल्यान्डका ओपनरहरू रोक्नै नसकिने बने। टिम सेइफर्टले अविजित ८९ रन (४२ बल) बनाउँदै १२ चौका र ३ छक्का प्रहार गरे। उनलाई फिन एलेनले अविजित ८४ रन (५० बल) बनाएर उत्कृष्ट साथ दिए। दुवैले पहिलो विकेटका लागि १७५ रनको अविजित साझेदारी गर्दै टोलीलाई सहज जित दिलाए। युएईका कुनै पनि बलरले विकेट लिन सकेनन्। आक्रामक ब्याटिङ र बलियो सुरुवातकै कारण न्युजिल्यान्डले खेललाई पूर्ण रूपमा आफ्नो पक्षमा राख्यो।

सेइफर्ट–एलेनको विस्फोटक ब्याटिङमा न्युजिल्यान्डको सहज जित

काठमाडौं। नेपाल पुलिस क्लबले काभा वुमन्स लिगमा तेस्रो स्थान हासिल गर्दै कास्य पदक जितेको छ। माल्दिभ्सको मालेस्थित सोसियल सेन्टर इन्डोर हलमा मंगलबार सम्पन्न तेस्रो स्थानको खेलमा पुलिसले श्रीलंकाको हिर्दारामानी क्लबलाई ३–१ सेटले पराजित गर्दै प्रतियोगिताको सुखद अन्त्य गरेको हो। खेलमा पहिलो सेट २५–२१ ले गुमाएको पुलिसले त्यसपछि उत्कृष्ट पुनरागमन गर्दै बाँकी तीनै सेट आफ्नो पक्षमा पार्न सफल भयो। दोस्रो सेट २५–१२, तेस्रो सेट २५–१६ तथा चौथो सेटमा २५–२२ ले विजयी भयो। यसअघि सोमबार सम्पन्न सेमिफाइनलमा नेपाल पुलिस क्लब काजकिस्तानको तुरान भलिबल क्लबसँग ३–० सेटले पराजित हुँदै उपाधि दौडबाट बाहिरिएको थियो। यद्यपि तेस्रो स्थानको खेलमा जित निकाल्दै पुलिसले प्रतियोगितामा कास्य पदक सुरक्षित गरेको छ।

नेपाल पुलिस क्लबलाई कास्य

काठमाडौं। फेब्रुअरी १३ तारिखदेखि थाइल्यान्डमा सुरु हुने राइजिङ स्टार्स महिला एसिया कप क्रिकेट प्रतियोगिताका लागि नेपाली महिला टोलीलाई मंगलबार औपचारिक रूपमा बिदाइ गरिएको छ। नेपाल क्रिकेट सङ्घ ९क्यान० ले बिदाइ समारोहमा पूजा महतोको कप्तानीमा नेपालले प्रतिस्पर्धा गर्ने जानकारी दिएको हो। नियमित कप्तान इन्दु बर्मा चोटका कारण बाहिरिएपछि उपकप्तान महतोलाई टोलीको नेतृत्व सुम्पिएको क्यानले जनाएको छ। आइसिसी महिला टी–२० विश्वकप ग्लोबल छनोट खेलका क्रममा घाइते भएकी इन्दु बर्मा करिब आठ महिना मैदान बाहिर रहने बताइएको छ। त्यसैले टोलीले नयाँ नेतृत्वमा एसिया कप खेल्न लागेको हो। नेपाली टोलीमा पूजा महतोसँगै विन्दु रावल, सम्झना खड्का, रुबी पाद्दोर, रुविना क्षेत्री, कविता जोशी, कविता कुँवर, सीता रानामगर, रिया शर्मा, सुमन विष्ट, अनु कठायत, मनिषा उपाध्याय, काजल श्रेष्ठ र सीमना केसी समावेश छन्। समूह ‘ए’ मा रहेको नेपालले प्रतियोगितामा पाकिस्तान, भारत ‘ए’ टोली र युएईसँग प्रतिस्पर्धा गर्नेछ। यता समूह ‘बी’ मा बंगलादेश ‘ए’, श्रीलंका ‘ए’, मलेसिया र आयोजक थाइल्यान्ड रहेका छन्।

राइजिङ स्टार्स महिला एसिया कपका लागि नेपाली टोलीको बिदाइ

काठमाडौं। स्वामी दयानन्द सरस्वतीको २०२औँ जन्मजयन्तीको अवसरमा डीएभी विद्यालयद्वारा आयोजित प्रथम अन्तर्राष्ट्रिय इन्डाे–नेपाल फुटबल च्याम्पियनसिप मंगलबारदेखि जावलाखेलस्थित डीएभी विद्यालय परिसरमा सुरु भएको छ। नेपाल र भारतका आठ फुटबल एकेडेमी तथा क्लबको सहभागिता रहेको प्रतियोगिताको पहिलो दिन समूह ‘ए’ का खेलहरू सम्पन्न भएका छन्। समूह चरणको खेलपछि जावलाखेल युथ क्लब समूह विजेता बन्दै सेमिफाइनलमा प्रवेश गरेको छ भने काठमाडौं किकर्स उपविजेता बनेको छ। समूह ‘ए’ को पहिलो खेलमा होलिभिजन फुटबल एकेडेमीले डीएभी स्पोर्ट्स एकेडेमीलाई ३–० ले पराजित गर्‍यो। दोस्रो खेलमा जावलाखेल युथ क्लबले काठमाडौं किकर्सलाई ३–१ ले हरायो। तेस्रो खेलमा होलिभिजन फुटबल एकेडेमी र जावलाखेल युथ क्लबबीचको प्रतिस्पर्धा ३–३ गोलको बराबरीमा सकियो। चौथो खेलमा काठमाडौं किकर्सले डीएभी स्पोर्ट्स एकेडेमीलाई ४–३ ले पराजित गर्‍यो। त्यसैगरी पाँचौँ खेलमा काठमाडौं किकर्सले होलिभिजनलाई ५–१ को फराकिलो अन्तरले हरायो। समूह चरणको अन्तिम खेलमा जावलाखेल युथ क्लबले डीएभीलाई ५–१ ले पराजित गर्दै समूह विजेता बन्ने यात्रा पूरा गर्‍यो। माघ २७ देखि २९ गतेसम्म सञ्चालन हुने प्रतियोगितामा आयोजक डीएभी स्पोर्ट्स एकेडेमीसहित बोलपुर टाउन क्लब (पश्चिम बंगाल, भारत), होलिभिजन फुटबल एकेडेमी, काठमाडौं किकर्स फुटबल एकेडेमी, जावलाखेल युथ क्लब, मारियो ग्रासरुट क्लब, एजी–१० फुटबल एकेडेमी र दिलिप मेमोरियल फुटबल एकेडेमी सहभागी छन्। आयोजकका अनुसार प्रतियोगिताका विजेतालाई नगद पुरस्कार प्रदान गरिनेछ। भारत र नेपालबीचको फुटबल सम्बन्ध मजबुत बनाउनुका साथै युवा खेलाडीलाई अन्तर्राष्ट्रिय प्रतिस्पर्धात्मक अनुभव दिलाउने उद्देश्यले प्रतियोगिता आयोजना गरिएको जनाइएको छ।

प्रथम अन्तर्राष्ट्रिय इन्डो–नेपाल फुटबल च्याम्पियनसिप सुरु

काठमाडौं। जारी आईसीसी टी–२० विश्वकप अन्तर्गत समूह ‘ए’को खेलमा नेदरल्याण्ड्सले नामिबियालाई ७ विकेटले पराजित गरेको छ। यो जितसँगै भारत र पाकिस्तान रहेको समूहको नेदरल्याण्ड्सले दुई खेलबाट दुई अंक जोडको छ। १५७ रनको लक्ष्य पछ्याएको नेदरल्याण्ड्सले १८ ओभरमै ३ विकेट गुमाउँदै लक्ष्य पूरा गर्‍यो। बास डे लिडेले अविजित ७२ रनको उत्कृष्ट पारी खेले भने कोलिन एकरम्यानले ३२ रन बनाए। कप्तान स्कट एड्वर्ड्स १८ रनमा अविजित रहे। नामिबियाका तर्फबाट बर्नार्ड स्कोल्ट्ज, रुबेन ट्रम्पेलम्यान र लोफ्टी–इटनले समान १–१ विकेट लिए। पहिले ब्याटिङ थालेको नामिबियाले निर्धारित २० ओभरमा ८ विकेट गुमाउँदै १५६ रन बनाएको थियो। नामिबियाका जान निकोल लोफ्टी–इटनले ३८ बलमा ४२ रनको योगदान दिए भने जान फ्राइलिन्कले ३० रन बनाए। कप्तान गेरहार्ड इरास्मसले १८ र जेजे स्मिटले २२ रन जोडे। नेदरल्याण्ड्सका बलरमध्ये लोगान भान बिक र बास डे लिडेले समान २–२ विकेट लिए।

नेदरल्याण्ड्सद्वारा नामिबिया ७ विकेटले पराजित

काठमाडौं, माघ २७ गते । प्रयास मञ्च नेपालले पूर्व धावक हरिबहादुर रोकायालाई मंगलबार सम्मान गरेको छ । खेलकुदमा पु¥याएको योगदानको कदर गर्दै रोकायालाई सम्मान गरिएको हो । एभरेष्ट म्यानराथनमा गिनिज बुक अफ वल्र्ड रेकर्डमा नाम लेखाउन सफल रोकायाले नेपालको प्रतिनिधित्व २ ओलम्पिक, एसियाली खेलकुद, ४ दक्षिण एसियाली खेलकुदलगायत विभिन्न अन्तर्राष्ट्रिय प्रतियोगितामा सहभागिता जनाएका छन् । रोकाया जुम्लामा एथलेटिक्स खेलाडी उत्पादनमा पनि सक्रिय छन् । सोही अवसरमा दक्षिण एसियाली भेट्रान एथलेटिक्स च्याम्पियनसिपका पदक विजेता पुष्पलाल श्रेष्ठ र समाजसेवी बम भण्डारीलाई पनि सम्मान गरिएको थियो । उनीहरुलाई दक्षिण एसियाली खेलकुदका कीर्तिमानी पूर्व धावक वैकुण्ठ मानन्धर, प्रयास मञ्च नेपालका अध्यक्ष शिवध्वज कार्की र गीतकार समेत रहेका भेट्रान धावक बुद्धवीर लामाले दशरथ रंगशालामा आयोजित एक कार्यक्रमबीच सम्मान गरे । त्यसै अवसरमा बुद्धवीर लामाले जुम्लाका एथलेटिक्स खेलाडीका लागि खेल पोशाक पनि रोकायालाई हस्तान्तरण गरेका थिए ।

रोकाया सम्मानित

काठमाडौं। पाकिस्तानले आईसीसी टी–२० विश्वकपमा भारतविरुद्धको समूहचरणको खेल बहिष्कार गर्ने निर्णय फिर्ता लिएको छ।&nbsp; भारत र श्रीलंकामा संयुक्त रूपमा जारी विश्वकपमा अब भारत र पाकिस्तान आगामी फेब्रुअरी १५ मा श्रीलंकाको कोलम्बोमा आमनेसामने हुने भएका छन्। पाकिस्तान सरकारले मित्र राष्ट्रहरूको आग्रह र हालसम्म भएका छलफललाई ध्यानमा राख्दै खेल्न अनुमति दिएको जनाएको छ। पीसीबी, बीसीबी र आईसीसीबीच भएको निरन्तर संवादपछि बहिष्कारको निर्णय फिर्ता लिइएको हो।&nbsp; यस्तै, आईसीसीले बंगलादेशमाथि कुनै जरिवाना नलगाउने र आगामी चक्रमा थप प्रतियोगिता आयोजना अधिकार दिने निर्णय गरेपछि स्थिति सहज बनेको बताइएको छ।

पाकिस्तानले भारतविरुद्धको खेल बहिष्कार गर्ने निर्णय फिर्ता लियो

भिल्लारियलले स्पेनी ला लिगामा सोमबार इस्पनयोललाई ४–१ ले हराएर चौथो स्थानमा आफ्नो पकड अझ बलियो बनाएको छ । एटलेटिको म्याड्रिड र भिल्लारियल समान ४५ अंकमा क्रमशः तेस्रो र चौथो स्थानमा छन् । एटलेटिको गोल अन्तरले अगाडि रहेको हो । भिल्लारियल पाँचौंमा रहेको रियल बेटिस भन्दा सात अंकले अगाडि हुनाले उसको अर्को सिजन च्याम्पियन्स लिग खेल्ने सम्भावना मजबुत बनेको छ । भिल्लारियलको जितमा जर्जेस मिकाउटाड्जे, निकोलस पेप र अल्बर्टो मोलेरोले भिल्लारियलका एक एक गोल गरेपछि थप एक गोल आत्मघाती प्राप्त भएको थियो । लियान्ड्रो क्याब्रेराले इस्पनयोलका लागि एक सान्त्वता गोल गरे ।

इस्पनयोललाई हराएर भिल्लारियल मजबुत

काठमाडौं। साविक विजेता नेपाल पुलिस क्लब काभा वुमन्स लिगको सेमिफाइनलमा तुरान भलिबल क्लबसँग पराजित भएको छ। सोमबार माल्दिभ्सको मालेस्थित शोसियल सेन्टर इन्डोर हलमा सम्पन्न खेलमा पुलिसले ३–० को सोझो सेटमा हार व्यहोरेको हो। पहिलो सेट २५–१४, दोस्रो सेट २५–१३ र तेस्रो सेट २५–११ ले पुलिस पराजित भयो। यस हारसँगै पुलिस क्लब अब तेस्रो स्थानको लागि खेल्नेछ। पुलिसले तेस्रो स्थानको लागि श्रीलंकाको हिर्दारामानी क्लबसँग प्रतिस्पर्धा गर्नेछ। अर्कोतर्फ, तुरान भलिबल क्लब सहज जीतसँगै फाइनलमा प्रवेश गरेको छ। तुरानले अब इरानको फुलाद क्लबसँग उपाधिका लागि खेल्नेछ।

पुलिस सेमिफाइनलमा चुक्यो, तुरान फाइनलमा प्रवेश

काठमाडौं। श्रीलंका र भारतमा जारी आइसीसी टी–२० विश्वकप क्रिकेटमा स्कटल्यान्डले फराकिलो जित दर्ता गरेको छ।&nbsp; कोलकाताको इडन गार्डेन स्टेडियमा जर्ज मुन्सीको आक्रामक अर्धशतक र माइकल लिस्कको चार विकेटको मद्दतमा स्कटल्यान्डले इटालीलाई ७३ रनले पराजित गरेको हो। पहिले ब्याटिङ गरेको स्कटल्यान्डले २० ओभरमा ४ विकेट गुमाउँदै २०७ रन बनायो। मुन्सीले ५४ बलमा १३ चौका र २ छक्कासहित ८४ रन जोड्दै इनिङ्सको आधार तयार गरे। माइकल जोन्सले ३७ रन बनाए भने ब्रान्डन म्याकमुलनले १८ बलमा ४ छक्कासहित अविजित ४१ रनको तीव्र इनिङ्स खेले। अन्त्यतिर माइकल लिस्कले मात्र ५ बलमा २२ रन जोडेर स्कोर थप उचाइमा पुर्‍याए। २०८ रनको लक्ष्य पछ्याएको इटाली १६।४ ओभरमै १३४ रनमा समेटियो। बेन मानेन्टीले ३१ बलमा ५२ रन र ह्यारी मानेन्टीले ३७ रन बनाए पनि अन्य ब्याटर टिक्न सकेनन्।&nbsp; स्कटल्यान्डका माइकल लिस्कले किफायती बलिङ गर्दै ४ ओभरमा १७ रन खर्चेर ४ विकेट लिए। मार्क वाटले २ तथा ब्राड कर्री, ब्राड व्हिल र ओलिभर डेभिडसनले समान १–१ विकेट झारे। यो जितसँगै स्कटल्यान्डले समूह 'सी' मा पहिलो जित दर्ता गरेको छ। पहिलो खेलमा वेस्ट इन्डिजसँग पराजित भएको स्कटल्यान्डले दोस्रो खेलमा सफलता हात पारेको हो।

स्कटल्यान्डको फराकिलो जित

काठमाडौं। एन्फा महिला च्याम्पियनसिप नकआउट फुटबल प्रतियोगिताको विजेताले ७ लाख ५० हजार रुपैयाँ नगद पुरस्कार प्राप्त गर्ने भएको छ। अखिल नेपाल फुटबल संघ (एन्फा) को आयोजनामा हुने प्रतियोगिता फागुन ९ देखि २१ गतेसम्म उदयपुरको त्रियुगा नगरपालिकास्थित थरुहट रंगशालामा सञ्चालन हुनेछ। प्रतियोगिताको उपविजेताले ५ लाख रुपैयाँ प्राप्त गर्नेछ भने सेमिफाइनल चरणमा पराजित दुई टोलीलाई जनही ५० हजार रुपैयाँ प्रदान गरिनेछ। त्यसैगरी प्रतियोगितामा उत्कृष्ट प्रदर्शन गर्ने खेलाडीहरूलाई पनि नगद पुरस्कार दिइनेछ। उत्कृष्ट खेलाडी, उत्कृष्ट गोलरक्षक र सर्वाधिक गोलकर्ता प्रत्येकलाई जनही ५० हजार रुपैयाँ नगदसहित सम्मान गरिनेछ। प्रतियोगितामा गाईघाट एफसी, न्युरोड टिम (एनआरटी), त्रिभुवन आर्मी फुटबल क्लब, नेपाल पुलिस क्लब, एफसी रियाले, एपीएफ फुटबल क्लब, आरएस रिसोर्ट एन्ड बिच फुटबल क्लब, चर्च ब्वाइज युनाइटेड, छहारी एफसी र संकटा एफसी गरी १० टोलीको सहभागिता रहनेछ। दर्शकका लागि टिकट दर क्वार्टरफाइनलसम्म १०० रुपैयाँ र सेमिफाइनल चरणका लागि २०० रुपैयाँ तोकिएको छ। प्रतियोगिताको अनुमानित कुल बजेट १ करोड २० लाख ६२ हजार २० रुपैयाँ रहेको एन्फाले जनाएको छ।

Nepalsports

नेपाल १ सय २३ रनमा अलआउट

📰 Recent News

Nepalsports