राजस्थान रोयल्सले गुजरात टाइटन्समाथि शनिबार छ रनको रोमाञ्चक जित निकाल्दै इन्डियन प्रिमियर लिग (आईपीएल) २०२६ को शीर्ष स्थानमा उक्लेका छ । राजस्थानको यो लगातार दोस्रो जित हो र उसको चार अंक भएको छ । समान चार अंकमा दिल्ली क्यापिटल्स र पंजाव किंग्स पनि रहेका छन् ।

अहमदावादमा भएको खेलमा राजस्थानले पहिले ब्याटिङ गर्दै छ विकेटमा २ सय १० रन बनाएको थियो । त्यसमा ध्रुव जुरेलले सर्वाधिक ७५ रन बनाए । यस्तै ओपनर यशस्वी जयसवालले ५५ रन बनाए । जवाफमा गुजरातले साइ शुदर्शनको ७३ रनको बावजुत आठ विकेटमा २ सय ४ रन मात्र बनाउन सक्यो ।

रवि विश्नोइले ४१ रनमा चार विकेट लिएर राजस्थानलाई जित दिलाउने ठोस भुमिका खेले । गुजरातको यो लगातार दोस्रो हार हो र टिम शून्य अंकमा रहेको छ ।