काठमाडौँ। भारतमा जारी आईसीसी टी-२० विश्वकप अन्तर्गत आज नेपालले आफ्नो पहिलो खेलमा इङल्यान्डको सामना गर्दैछ। मुम्बईको वानखेडे स्टेडियममा हुने समुह 'सी' अन्तर्गतको यो खेल नेपाली समयअनुसार दिउसो ३:१५ बजेदेखि शुरु हुँदैछ। नेपालले इङल्यान्डविरुद्ध कुनै पनि फर्म्याटमा खेल्न लागेको यो पहिलो पटक हो।&nbsp; विश्वकप अन्तरगत आज बिहान ११:१५ बजेदेखि समुह 'डी' को अफगानिस्तान र न्यूजील्याण्डबीच खेल हुँदैछ भने आजै राति ७:१५ बजेदेखि समुह 'बी' अन्तर्गतको श्रीलंका र आयरल्यान्डबीच खेल हुने तालिका रहेको छ।

टी–२० विश्कप : नेपालले पहिलो खेलमा इङ्ल्यान्डको सामना गर्दै

<div>बार्सिलोनाले स्पेनी ला लिगामा शनिबार रियल मार्लोकामाथि ३–० को सजिलो जित निकालेको छ । त्यसमा रोबर्ट लेवनडोस्की र लामिन यामल सुरुमै गोल गरे । त्यसपछि मार्क बेरनल तेस्रो गोल थपे ।</div><div> </div><div>बार्सिलोना यो जितपछि शीर्ष स्थानमा चार अंकको अग्रता लिन सफल रह्यो र उसको ५८ अंक भएको छ । रियल म्याड्रिडको ५४ अंक छ र दोस्रो स्थानमा छ । रियल मात्र बार्सिलोनालाई उपाधि होडमा चुनौती दिने टिम बनेको छ ।</div><div> </div><div> </div><div>मार्लोका भने २४ अंकमा १५ औं स्थानमा छ । यस्तै अर्को खेलमा रियल सोसिडाडले एल्चेलाई ३–१ ले हरायो र ३१ अंकमा आठौं स्थानमा उक्लिन सफल रह्यो । </div>

शीर्षमा बार्सिलोना मजबुत

कुनै ठूलो नाटकीय पतन भएन भने आर्सनलले यसपल्ट इंग्लिस प्रिमियर लिग जित्नेछ । उसले शनिबार लिग तालिकाको शीर्षमा नौ अंकको ठोस अग्रता लिएको छ र यसका लागि सन्डरल्यान्डलाई सजिलै ३–० ले हरायो । त्यसमा भिक्टर ग्वेक्वेरेसले दुई र मार्टिन जुडिबेन्डीले एक गोल गरे । यो जितपछि आर्सनलको ५६ अंक भएको छ । दोस्रोमा रहेको म्यानचेस्टर सिटी ४७ अंकमा रहेको छ । एस्टन भिल्ला ४७ अंकमै तेस्रो स्थानमा छ । भिल्लाले भने बर्नमाउथसँग १–१ को बराबरी खेलेको छ । यस्तै चेल्सीले उल्भ्सलाई ३–१ ले हरायो । अन्य खेलमा एभरटनले फुलहमलाई २–१, वेस्ट ह्यामले बर्नलीलाई २–०, म्यानचेस्टर युनाइटेडले टोटनहमलाई २–० र ब्रेन्टफोर्डले न्युकासल युनाइटेडलाई ३–२ ले हरायो ।

आर्सनल उपाधितर्फ अगाडि बढ्दै

काठमाडौं। अमेरिका आईसीसी टी–२० विश्वकपमा निराशाजनक सुरुआत गर्न बाध्य भएको छ। शनिबार सम्पन्न समूह ‘ए’ को खेलमा अमेरिका भारतसँग २९ रनले पराजित भयो। १६२ रनको लक्ष्य पछ्याएको अमेरिकाले निर्धारित २० ओभरमा ८ विकेट गुमाउँदै १३२ रन मात्र बनाउन सक्यो। यस जितसँगै भारतले समूह चरणमा महत्वपूर्ण दुई अंक जोडेको छ। खेलको सुरुआतमै अमेरिकाले लगातार विकेट गुमाउँदै दबाब खेप्यो। एन्ड्रिज गाउस (६), साईतेजा मुक्कामल्ला (२) र कप्तान मोनाङ्क पटेल खाता नखोली आउट भएपछि अमेरिकी ब्याटिङ धराशायी बन्न पुग्यो। माथिल्लो क्रम असफल भए पनि मिलिन्द कुमार ले ३४ रनको उपयोगी इनिङ्स खेले। साथै सञ्जय कृष्णमूर्ति र शुभम रञ्जाने ले आक्रामक ब्याटिङ गर्दै टोलीलाई प्रतिस्पर्धामा फर्काउने प्रयास गरे। कृष्णमूर्तिले ३७ रन बनाए भने रञ्जानेले मात्र २२ बलमा ३७ रन जोड्दै रनगति बढाएका थिए। तर अन्य ब्याट्सम्यानबाट साथ नपाउँदा अमेरिका लक्ष्य नजिक पुग्न सकेन। बलिङतर्फ भारतका मोहम्मद सिराज ले उत्कृष्ट प्रदर्शन गर्दै ३ विकेट लिए। अरशदीप सिंह र अक्षर पटेल ले समान २–२ विकेट हात पारे भने वरुण चक्रवर्ती ले १ विकेट लिए। यसअघि वानखेडे मैदानमा टस हारेर पहिले ब्याटिङ गरेको भारतले २० ओभरमा ९ विकेट गुमाउँदै १६२ रनको मध्यम लक्ष्य खडा गरेको थियो। भारतीय कप्तान सूर्यकुमार यादव ले शानदार ब्याटिङ गर्दै ४९ बलमा ८४ रन जोडे। उनले १० चौका र ४ छक्का प्रहार गर्दै इनिङ्स सम्हाले। तिलक बर्मा २५ रनमा आउट हुँदा इशान किसन ले २० रनको योगदान दिए। अक्षर पटेल ले १४ रन जोड्दै भारतको स्कोर १६० पार गराए। अमेरिकाका लागि बलिङमा शाडली भान स्काल्कवाइक सर्वाधिक सफल रहे। उनले ४ ओभरमा २५ रन खर्चेर ४ विकेट लिँदै भारतीय ब्याटिङ लाइनअपलाई दबाबमा राखे। हर्मित सिंह ले २ विकेट लिए भने अली खान ले १ विकेट हात पारे।

विश्वकपमा भारतको विजयी सुरुआत

काठमाडौं। म्यानचेस्टर युनाइटेडले प्रिमियर लिग अन्तर्गतको खेलमा टोटेनह्याम हट्सपुरलाई २–० ले पराजित गरेको छ। घरेलु मैदानमा भएको खेलमा युनाइटेडले दुवै हाफमा एक–एक गोल गर्दै महत्त्वपूर्ण जित हात पारेको हो। खेलको ३८औँ मिनेटमा ब्रायन म्बेउमोले गोल गर्दै युनाइटेडलाई अग्रता दिलाए। कर्नरबाट आएको बललाई कोब्बी माइनूले पास गरेपछि म्बेउमोले नजिकबाट गोल गरे। २९औँ मिनेटमै टोटेनह्यामका क्रिस्टियन रोमेरोले रातो कार्ड पाएपछि पाहुना टोली दबाबमा परेको थियो। दोस्रो हाफमा युनाइटेडले निरन्तर आक्रमण जारी राख्दै खेल नियन्त्रणमा राख्यो। त्यसको फलस्वरूप ८१औँ मिनेटमा ब्रुनो फर्नान्डेसले डियोगो डालोटको क्रसमा गोल गर्दै जित सुनिश्चित गरे। हारका बाबजुद टोटेनह्यामका गोलरक्षक गुग्लिएल्मो भिकारियोले उत्कृष्ट प्रदर्शन गर्दै थुप्रै प्रहार बचाए। यस जितसँगै युनाइटेड २५ खेलबाट ४४ अंक जोड्दै तालिकाको चौथो स्थानमा उक्लिएको छ। युनाइटेडले पछिल्ला चार खेलमा लगातार जित निकाल्दै उत्कृष्ट लय कायम राखेको छ।

टोटेनह्याममाथि युनाइटेडको जित

काठमाडौं। आइसीसी पुरुष टी-२० विश्वकपको पहिलो खेलमा समूह ‘ए’ को पाकिस्तानले नेदरल्यान्ड्समाथि ३ विकेटको रोमाञ्चक जित हासिल &nbsp;गरेको छ। श्रीलंकाको कोलम्बोस्थित सिन्हलिज स्पोर्ट्स क्लब मैदानमा नेदरल्यान्ड्सले दिएको १४८ रनको लक्ष्य पछ्याएको पाकिस्तानले १९.३ ओभरमा ७ विकेट गुमाएर पूरा गर्‍यो।&nbsp; कुनै समय नेदरल्यान्ड्स जित नजिक पुगेको थियो। तर, अन्त्यमा फहिम अशरफको विस्फोटक ब्याटिङले पाकिस्तानलाई जित दिलायो। उनले ११ बलमा तीन छक्का र दुई चौका प्रहार गर्दै अविजित २९ रन जोडे। साहिवजादा फरहानले ४७, साइम अयुवले २४, बाबर आजमले १५ तथा सलमान अघाले १२ रन बनाए।&nbsp; यता, बलिङतर्फ नेदरल्यान्ड्सका आर्यान दत्त र पल भान मिकेरनले दुई–दुई विकेट लिए भने रोइलफ भान डर मेर्वे, लोगान भान बीक र काइल क्लेइनले एक–एक विकेट लिए। त्यसअघि टस हारेर पहिले ब्याटिङ गरेको नेदरल्यान्ड्सले १९.५ ओभरमा १४७ रन बनाउँदै अलआउट भयो।&nbsp; नेदरल्यान्ड्सका कप्तान स्कट इडवार्ड्सले ३७, बास डी लिडेले ३०, माइकल लेभिटले २४, कोलिन एकरम्यानले २० तथा आर्यान दत्तले १३ रन बनाए। अन्य ब्याट्सम्यानले दोहोरो अंकमा रन जोड्न सकेनन्।&nbsp; पाकिस्तानका सलमान मिर्जाले तीन विकेट लिए भने साइम अयुव, मोहम्मद नवाज र अबरार अहमदले दुई–दुई विकेट हात पारे। साहिन शाह अफ्रिदीले एक विकेट लिए।

टी-२० विश्वकप : रोमाञ्चक खेलमा पाकिस्तान विजयी

काठमाडौं। साबिक विजेता बंगलादेशलाई ४–० ले पराजित गर्दै भारतले साफ यू–१९ महिला च्याम्पियनसिपको उपाधि जितेको छ। पोखरा रंगशालामा शनिबार सम्पन्न फाइनलमा उत्कृष्ट प्रदर्शन गरेको भारतले उमेर समूहमा तेस्रोपल्ट उपाधि हात पारेको हो। भारतको जितमा जुलन नोङमाइथेम, एलिजाबेथ लाक्रा, पर्ल फर्नान्डेज र अन्विता रघुरमनले समान एक–एक गोल गरिन्। पहिलो हाफमा एक गोलको अग्रता बनाएको भारतले दोस्रो हाफमा थप तीन गोल गर्दै उपाधि सुनिश्चित गर्‍यो। समूह चरणमा बंगलादेशसँग २–० ले पराजित भएको भारतले फाइनलमा आएर त्यस हारको बदला लिएको हो। समूह चरणका तीनै खेल जित्दै बंगलादेश समूह विजेता बनेको थियो भने भारत उपविजेता हुँदै फाइनल पुगेको थियो। माघ १७ गतेबाट सुरु भएको प्रतियोगितामा आयोजक नेपालसहित भारत, बंगलादेश र भुटानको सहभागिता रहेको थियो। नेपाल एक जित र दुई हारसहित तेस्रो स्थानमा रहँदा सबै खेलमा पराजय ब्यहोरेको भुटान पुछारमा रह्यो।

बंगलादेशलाई हराउँदै भारत च्याम्पियन

काठमाडौँ। काभा वुमन्स लिगअन्तर्गत आफ्नो दोस्रो खेलमा नेपाल पुलिस क्लब पराजित भएको छ।&nbsp; माल्दिभ्सको मालेमा शुक्रबार सम्पन्न खेलमा पुलिस इरानी क्लब फौलादसँग ३–० को सोझो सेटमा हार बेहोर्न बाध्य भयो। पहिलो सेटमा पुलिस २५–१४ र दोस्रो सेटमा २५–१५ ले पराजित भयो। प्रतिस्पर्धात्मक बनेको तेस्रो सेटमा भने पुलिसले केही सुधारिएको प्रदर्शन गरे पनि २५–१८ ले हार्दै जारी प्रतियोगितामा पहिलो हार व्यहोरेको हो। यो जितसँगै फौलादले प्रतियोगितामा लगातार दोस्रो जित दर्ता गरेको छ।

पुलिस पराजित

बहिस्कारको विवाद र अन्यौलताबीच ट्वान्टी ट्वान्टी विश्वकप २०२६ भारत र श्रीलंकामा आज सुरु हुँदैछ । पाकिस्तानले भारतविरुद्ध कोलम्बोमा हुने खेल बहिस्कार गर्ने घोषणा पनि प्रतियोगिता विवाद परेको हो । अहिलेसम्म पाकिस्तानी क्रिकेट बोर्डले त्यो खेल नखेल्ने भनेर भनेको छैन्, त्यसैले यो अन्यौलतामा पनि परेको छ । यसअघि अन्तर्राष्ट्रिय क्रिकेट काउन्सिल (आईसीसी) ले बंगलादेशलाई प्रतियोगिताबाट निकालेको छ । बंगलादेशले सुरक्षाको कारण देखाएर भारतमा नखेल्ने भनेको थियो । &nbsp;दक्षिण एसियाली भू राजनीतिको चपेटामा परेको यस विश्वकपमा कुल २० टिमको सहभागिता रहेको छ र तिनलाई चार समूहमा विभाजन गरिएको छ । लिग चरणको खेलको समाप्तीमा प्रत्येक समूहको शीर्ष दुई स्थानमा रहने टिमले सुपर एटको यात्रा तय गर्नेछ । शनिबार पहिलो दिनको खेलमा कोलम्बोमा नेदरल्यान्ड्स र पाकिस्तान, कोलकातामा स्कटल्यान्ड र वेस्ट इन्डिज तथा मुम्बईमा भारत र अमेरिका भिड्ने छन् । नेपाल प्रतियोगिताको समूह सी मा रहेको छ । त्यसमा दुई दुई पल्टका विश्वकप च्याम्पियन इंग्ल्यान्ड र वेस्ट इन्डिज रहेका छन् । यस्तै यस समूहमा स्टकल्यान्ड र स्कटल्यान्ड पनि रहेका छन् । शनिबार नेपालले मुम्बईको वानखडेमा हुने पहिलो खेलमा इंग्ल्यान्डको सामना गर्नेछ । खेलको पूर्व सन्ध्यामा नेपाली टिमका कप्तान रोहित पौडेलले आफ्नो टिमले अर्को चरण प्रवेशकै लागि खेल्ने बताएका छन् ।

आजदेखि ट्वान्टी ट्वान्टी विश्वकप

लिड्स युनाइटेडले इंग्लिस प्रिमियर लिगमा शुक्रबार त्यस्तो जित निकालेको छ, जसले उसलाई रेलिगेसनबाट बचाउन मदत गर्नेछ । लिड्सले आफ्नै घरमा नटिंघम फरेस्टमाथि ३–१ को जित रचेको हो । यो जितले लिड्सको २९ अंक भएको छ र यो रेलिगेसन क्षेत्रबाट नौ अंकले अगाडि हो । हारले फरेस्ट २६ अंकमा १७ औं स्थानमा रह्यो र उसमाथि रेलिगेसनको दबाब बढेको छ । एलान रोडमा लिड्सका लागि जेयडन बोग्ले, नोहा ओखफर र डोमिनिक क्लेभर्ट लेविनले एक एक गोल गरे । लोरेन्जो लुकाले फरेस्टले फरेस्टका लागि एक गोल फर्काए ।

लिड्स रेलिगेसन क्षेत्रबाट नौ अंक अगाडि

काठमाडाैं। राष्ट्रिय बहिरा ११–ए साईड फुटबल प्रतियोगिता २०८२ (पुरुष) यहि माघ २५ र २६ गते काठमाण्डौको त्रिपुरेश्वर स्थित दशरथ रंगशालामा हुने भएको छ।&nbsp; आज नेपाल पारा ओलम्पिकको कार्यालय दशरथ रंगशाला, त्रिपुरेश्वर काठमाण्डौमा पत्रकार सम्मेलन मार्फत प्रतियोगिताका बारेमा जानकारी गराईएको हो । सुन्दरढोका साथीसेवाले आपंगता खेलकुद प्रवद्र्धन गर्ने उद्देश्यले संचालन गर्दै आएको विकास शिल्ड अन्तरगत यस पटक राष्ट्रियस्तरमै बहिरा फुटबल प्रतियोगिता आयोजना गरिएको संस्थाकी कार्यकारी निर्देशक बिजेता लुईटेल अधिकारीले बताउनुभयो । “सुन्दरढोका साथी सेवाका संस्थापक स्व. श्री विकास अधिकारीको अपांगता खेलकुद प्रतिको अत्याधिक चाहना अनुरुप विकास शिल्डको स्थापना भएको हो ।” उहाँले भन्नुभयो “विकास शिल्ड अन्तरगत नै उक्त फुटबल प्रतियोगिता हुन लागेको हो, प्रतियोगिताको सम्पुर्ण तयारी पुरा भएको छ । हामी निकै उत्साहित छौँ ।” उक्त प्रतियोगितामा सहभागी हुनका लागि देशैभरीबाट खेलाडीहरु आउने र खेल दुई दिनसम्म दशरथ रंगशालामा सम्पन्न हुने आयोजकले बताएको छ । प्रतियोगितामा सहभागी हुनका लागि खेलाडीहरुको विभिन्न मापदण्ड पुरा भएको हुनुपर्ने आयोजकले जनाएको छ । जसमा अपांगता परिचय पत्र भएको हुनुपर्ने, कम्तिमा ५५ डेसिबल श्रवणशक्तिमा कमी रहेको हुनुपर्ने, १८ वर्ष पुरा भएको नेपाली नागरिक हुनुपर्ने, सुनाई क्षमताको लागि प्रमाणित अडियोलोजी रिपोर्ट हुनुपर्ने र शारीरिक रुपमा पुर्ण रुपमा तन्दुरुस्त हुनुपर्ने रहेको प्रेस विज्ञप्ती मार्फत जनाईएको छ ।&nbsp; राष्ट्रिय बहिरा ११–ए साईड फुटबल प्रतियोगिता २०८२ हेर्न आउने दर्शकहरुका लागि भने टिकट नलाग्ने र प्रवेश निशुल्क रहेको आयोजकले जनाएको छ । बहिरा अपांगता भएका व्यक्तिहरुको मनोबल र आत्मविस्वास बढाईदिन प्रतियोगिता हेर्न आउन आयोजकले सबैलाई आह्वान पनि गरेको छ ।&nbsp; सुन्दरढोका साथीसेवाले विकास शिल्ड मार्फत स्थापना काल देखी नै अपांगता खेलकुद सम्बन्धी प्रतियोगिताहरु सञ्चालन, खेल तथा खेलाडीको क्षमता विकासका लागि राष्ट्रिय तथा अन्तरराष्ट्रिय प्रशिक्षणहरु, खेलाडीलाई खेल समग्रीहरु प्रदान गरी अन्तराष्ट्रियस्तरमा मौका दिने जस्ता कार्यहरु गर्दै आएको पत्रकार सम्मेलन मार्फत जानकारी गराईएको छ ।

राष्ट्रिय बहिरा फुटबल प्रतियोगिता दशरथ रंगशालामा

काठमाडौं। मच्छिन्द्र फुटबल क्लबले राष्ट्रिय लिगमा श्री भगवती क्लबविरुद्ध जित निकालेको छ। त्रिपुरेश्वरस्थित दशरथ रंगशालामा शुक्रबार सम्पन्न खेलमा मच्छिन्द्रले २–० गोल अन्तरले हराएको हो। लिगमा भागवतीको यो चौथो हार हो। मच्छिन्द्रको भने पाँचौं जित हो।&nbsp; जितसँगै शीर्ष स्थानमा रहेको मच्छिन्द्रले ६ खेल खेल्दै १६ अंक पुर्‍याएको छ। समान खेलबाट भगवतीको ४ अंक छ। पहिलो हाफ गोलरहित बराबरीमा सकिएको थियो। खेलको ५३औं मिनेटमा जोनाथनको फ्री किकमा प्रदीप बुढाथोकीले गोल गर्दै मच्छिन्द्रलाई सुरुआती अग्रता दिलाए। ५७औं मिनेटमा दिवाकर चौधरीको पासमा फ्रैंकले गोल गर्दै मच्छिन्द्रलाई जित दिलाए।

भगवतीविरुद्ध मच्छिन्द्रको जित

काठमाडौं। करिम बेन्जेमाले ह्याट्रिक पूरा गरेपछि अल हिलालले अल ओख्दूदलाई फराकिलो अन्तरले पराजित गरेको छ।&nbsp; साउदी प्रो लिग अन्तर्गत बिहिबार राति सम्पन्न खेलमा हिलाल ६–० ले विजयी भयो। अल हिलालका लागि बेन्जेमाले खेलको ३१औं, ६०औं र ६४औं मिनेटमा गोल गर्दै ह्याट्रिक पूरा गरे। त्यसपछि ७०औं मिनेटमा माल्कमले गोल गर्दै अग्रता थपे।सलिम अल–दवसारीले ७४औं र इन्जुरी समयमा ९३औं मिनेटमा गोल गर्दै टोलीको फराकिलो जित पक्का गरे। यो जितसँगै अल हिलालले २० खेलबाट लिगमा ५० अंक जोड्दै शीर्ष स्थान थप मजबुत बनाएको छ। पछिल्लो चार खेलमा हिलालको यो पहिलो जित हो।

बेन्जेमाको ह्याट्रिकमा अल हिलालको फराकिलो जित

काठमाडौं। काभा वुमन्स लिगअन्तर्गत नेपाल पुलिस क्लबले आफ्नो दोस्रो खेलमा इरानी क्लब फौलादसँग प्रतिस्पर्धा गर्ने भएको छ। माल्दिभ्समा जारी प्रतियोगिताको यो खेल नेपाली समयअनुसार शुक्रबार राति ९:१५ बजेबाट सुरु हुनेछ। पहिलो खेलमा जित निकाल्दै उत्साहमा रहेको पुलिस क्लब आज दोस्रो लगातार जितको खोजीमा मैदान उत्रनेछ। उता इरानी क्लब फौलाद पनि आफ्नो दोस्रो जित हात पार्ने लक्ष्यसहित खेलमा उत्रँदैछ। यसअघि बिहिबारको खेलमा पुलिसले उज्वेकिस्तानको हुमोलाई ३-१ को सेटमा पराजित गर्दै समूह बी मा विजयी सुरुआत गरेको थियो।

काभा वुमन्स लिग: दोस्रो जितको खोजीमा पुलिस

काठमाडौं। काभा वुमन्स भलिबल लिगमा नेपाल पुलिस क्लबले विजयी सुरुआत गरेको छ। माल्दिभ्सको मालेमा बिहिबार सम्पन्न समूह ‘बी’ को खेलमा नेपाल पुलिसले उज्वेकिस्तानको हुमो भलिबल क्लबलाई ३–१ सेटमा पराजित गर्‍यो। नेपाल पुलिसले प्रतिस्पर्धात्मक बनेको पहिलो सेट ३०–२८ ले जित्दै राम्रो सुरुआत गर्‍यो। दोस्रो सेटमा भने पुलिस २१–२५ ले पछि पर्‍यो। त्यसपछि तेस्रो सेट २५–२१ र चौथो सेट २५–२३ ले आफ्नो पक्षमा पार्दै पुलिसले खेल आफ्नो नाममा लेखायो। यो जितसँगै पुलिसले पहिलो खेलमै ३ अंक जोड्न सफल भएको छ। हुमोले जारी प्रतियोगितामा लगातार दोस्रो हार ब्यहोरेको छ।

नेपाल पुलिसको विजयी सुरुआत

काठमाडौं। ओपनर आसिफ शेखको विस्फोटक ब्याटिङमा नेपालले आईसीसी टी–२० विश्वकप अघिको अभ्यास खेलमा क्यानडालाई ६ विकेटले पराजित गरेको छ। चेन्नईस्थित एमए चिदम्बरम स्टेडियममा सम्पन्न खेलमा नेपालले १६२ रनको लक्ष्य १८ ओभरमै ४ विकेट गुमाउँदै पूरा गर्‍यो। नेपालको जितमा आसिफ शेखले मुख्य भूमिका खेले। उनले मात्र २९ बलमा ५८ रनको आक्रामक पारी खेल्दै नेपाललाई जिततर्फ डोर्‍याए। आसिफले सन्दीप जोरासँग मिलेर तेस्रो विकेटका लागि ८४ रनको महत्वपूर्ण साझेदारी गरे। जोराले धैर्यतापूर्वक ब्याटिङ गर्दै ३० बलमा ४ चौका र १ छक्का सहित ४४ रन बनाए। आसिफ रिटायर्ड आउट भएका थिए। यस्तै गुल्सन झाले ३१ रनको योगदान दिए भने अर्का ओपनर कुशल भुर्तेल १२ रनमा आउट भए। यसअघि टस जितेर पहिले ब्याटिङ गरेको क्यानडाले निर्धारित २० ओभरमा ६ विकेट गुमाउँदै १६१ रन बनाएको थियो। क्यानडाका नवनीत धालिवालले सर्वाधिक ४१ रन जोडे। श्रेयस मोव्वा ३८ रनमा अविजित रहँदा कंवरपाल तथगुरले २५ र जसकरण सिंहले २१ रन बनाए। निकोलस किर्टन भने १० रनमै आउट भए। नेपालका बलरमध्ये सन्दीप लामिछाने र कुशल भुर्तेलले समान २–२ विकेट लिए। सोमपाल कामी र नन्दन यादवले १–१ विकेट हात पारे। यो जितसँगै अभ्यास खेलमा नेपालको लगातार दोस्रो जित भएको छ। यसअघि नेपालले यूएईलाई ७ विकेटले पराजित गर्दै प्रतियोगिताको सुरुआत गरेको थियो।

आसिफ चम्किँदा नेपाललाई क्यानडामाथि ६ विकेटको प्रभावशाली जित

काठमाडौं। क्यानडाले नेपाललाई १६२ रनको लक्ष्य दिएको छ। एमए चिदम्बरम स्टेडियम, चेपौक, चेन्नईमा टस जितेर पहिले ब्याटिङ गरेको क्यानडाले निर्धारित २० ओभरमा ६ विकेट गुमाउँदै १६१ रन बनायो। क्यानडाका नवनीत धालिवालले सर्वाधिक ४१ रनको योगदान दिए। यस्तै कंवरपाल तथगुरले २५, जसकरण सिंहले २१ रन बनाए भने निकोलस किर्टन १० रनमा आउट भए। श्रेयस मोव्वा भने ३८ रनमा अविजित रहे। नेपालका लागि सन्दिप लामिछाने र कुशल भुर्तेलले समान २–२ विकेट लिए। सोमपाल कामी र नन्दन यादवले समान १–१ विकेट हात पारे। यसअघि पहिलो खेलमा नेपालले यूएईलाई ७ विकेटले पराजित गर्दै प्रतियोगिताको सुरुआत जितसँगै गरेको थियो। क्यानडाविरुद्ध पनि नेपाल जित निकाल्ने लक्ष्यसहित मैदानमा उत्रिएको छ।

क्यानडाले नेपाललाई दियो १६२ रनको लक्ष्य

काठमाडौं। साबिक विजेता नेपाल पुलिस क्लबले काभा वुमन्स लिगको पहिलो खेलमा उज्बेकिस्तानको हुमो भलिबल क्लबलाई चुनौती प्रस्तुत गर्दैछ। माल्दिभ्सको राजधानी मालेस्थित सोसल सेन्टर इन्डोर हलमा यी दुई टोली भिड्न लागेका हुन्। यी दुईबीचको खेल बिहीबार साँझ ५ बजे सुरु हुनेछ।&nbsp; पुलिसको यो पहिलो खेल हो। हुमोले यो दोस्रो खेल हो। हुमो पहिलो खेलमा माल्दिभ्सको क्लब हुरासँग ३-० को सेटमा पराजित थियो।&nbsp;

पुलिस र हुमो खेल्दै

नेपालले बिहीबार ट्वान्टी ट्वान्टी विश्वकपको आफ्नो अन्तिम तथा दोस्रो वार्म अप खेलमा क्यानाडाको सामना गर्दैछ । यो खेल चेन्नाइको एमए चिदम्बरम स्टेडियममा हुनेछ । नेपालले यसअघिको खेलम यूएईलाई हराएको थियो । चेन्नाइमै भएको त्यस खेलमा यूएईले पहिले ब्याटिङ गर्दै छ विकेटमा १ सय ४५ रन बनाएको थियो । जवाफमा नेपालले तीन विकेटमा १ सय ४८ रन बनाएको थियो । बिहीबारका अन्य खेलमध्ये कोलम्बोमा ओमान र जिम्बावे तथा अस्ट्रेलिया र नेदरल्यान्ड्स भिड्ने छन् । मुम्बईमै न्युजिल्यान्ड र अमेरिकाबीच अर्को खेल हुनेछ । क्यानाडाविरुद्धको खेलपछि नेपाली टिम मुम्बई जानेछ र समूह सी मा इंग्ल्यान्डविरुद्धको आधिकारिक खेलका लागि तयारी गर्नेछ ।

नेपाल आज क्यानडाको सामना

ट्वान्टी ट्वान्टी विश्वकप २०२६ को पूर्व सन्ध्यामा बुधबार आयोजना भएका आधिकारी वार्मअप खेलमा भारत, नामिबिया र अफगानिस्तान विजयी रहे । वर्षाले कोलम्बोमा पाकिस्तान र आयरल्यान्डबीचको खेल रद्द भएको छ । मुम्बईको डीवाई पाटिल स्पोर्टस एकेडेमीमा भएको खेलमा भारतले दक्षिण अफ्रिकालाई ३० रनले हराउन सफल रह्यो । हाइस्कोरिङ खेलमा भारतले पहिले ब्याटिङ गर्दै छ विकेटमा २ सय ४० रन बनाएपछि जवाफमा दक्षिण अफ्रिकाले सात विकेटमा २ सय १० रन मात्र बनाएको हो । <img src="https://app.nepalsportz.com/media/django-summernote/2026-02-05/fec46f7a-0272-40d4-9a82-b4cfc71bc738.jpeg" style="width: 698px;"> बेंगलुरुमाभएको खेलमा अर्को खेलमा नामिबियाले स्कटल्यान्डलाई छ रनले हराएयो । नामिबियाले सुरुमा चार विकेट गुमाएर २ सय २६ रन बनाएपछि जवाफमा स्कटल्यान्ड पाँच विकेटमा २ सय २० रन बनाएर समेटियो । &nbsp; <img src="https://app.nepalsportz.com/media/django-summernote/2026-02-05/de0c0924-1dad-4e68-b3a0-27c6ca2bb59f.jpeg" style="width: 698px;"> अफगानिस्तानले बेंगलुरुमै वेस्ट इन्डिजमाथि २३ रनले जित दर्ता गरेको हो । अफगानिस्तानले छ विकेटमा १ सय ८२ रन बनाएपछि जवाफमा वेस्ट इन्डिजले ५९ रन मात्र बनाउन सक्यो ।

Nepalsports

शीर्षमा बार्सिलोना मजबुत

📰 Recent News

Nepalsports