इन्टर मिलानले इटालीको सिरी ए मा आफ्नो पकड अझ मबजुत बनाएको छ । उसले बुधबार सानसिरोमा भएको खेलमा लेचेलाई १–० ले हराएको हो । यससँगै शीर्षमा इन्टरको अग्रताले छ अंक छोएको छ ।

इन्टरको २० खेलबाट ४६ अंक भएको छ । एसी मिलान ४० अंकमा दोस्रोमा छ । नेपोलीको पनि २० खेलबाट ४० अंकमा तेस्रो स्थानमा छ । बुधबार नै नेपोली र पार्माले गोलरहित बराबरी खेलेका थिए र यसले पनि इन्टरलाई फाइदा पुगेको हो ।

पछिल्लो समय इन्टर लयमा छ र लिगका आठ खेलमध्ये सातमा विजयी रहेको छ । त्यसमध्ये एक खेल भने बराबरीमा टुंगेको थियो र त्यो नेपोलीविरुद्ध रहेको थियो ।