उचारचढावबाट गुज्रिरहेको रियल म्याड्रिड बुधबार कोपा डेल रेको खेलमा अल्बासेटको हातबाट ३–२ ले पराजित भएको छ र प्रतियोगिताबाट बाहिरिएको छ ।

दोस्रो डिभिजनको लिगमा रेलिगेसनबाट बच्न संघर्षरत अल्बासेटका लागि खेलको अन्त्यतिर जेफ्टे बेटानाकोरले दुई गोल गरे । त्यसमध्ये निर्णायक गोल दोस्रो हाफको इन्ज्युरी समयको चौथो मिनेटमा सम्भव भएको हो ।

यही खेलबाट नव नियुक्त प्रशिक्षक अल्भारो एरबेलोआले डेब्यु गरे, तर उनका लागि यो सुखद सावित भएन् । यसअघि रियलले आफ्ना प्रशिक्षक जाभी एलोन्सोसँग छुटिएको घोषणा गरेको थियो ।