काठमाडौं। नेपाल काभा महिला यु–१९ भलिबल च्याम्पियनसिप २०२५ को फाइनलमा प्रवेश गरेको&nbsp;छ। श्रीलंकाको कोलम्बोमा शनिबार सम्पन्न दोस्रो सेमिफाइनलमा नेपालले माल्दिभ्सलाई ३–० को सेटमा पराजित गरेको हो। नेपालले पहिलो सेटमा २५–११, दोस्रो सेटमा २५–३, तेस्रो सेटमा २५–५ ले विजयी हुँदै फाइनल यात्रा तय गरेको हो।&nbsp; नेपाल समूह विजेता बन्दै सेमिफाइनलमा पुगेको हो भने माल्दिभ्स पूछारमा रहेर नेपालसँगको भेट पक्का गरेको हो। नेपालले आइतबार फाइनलमा किर्गिस्तानसँग खेल्नेछ। उसले श्रीलंकालाई हराउँदै फाइनमा प्रवेश गरिसकेको छ।

नेपाल काभा महिला यु–१९ भलिबल च्याम्पियनसिपको फाइनलमा

अखिल नेपाल फुटबल संघ (एन्फा) ले बंगलादेश र मलेसियाविरुद्धको दुई खेल खेल्ने नेपाली राष्ट्रिय फुटबल टिमको शनिबार घोषणा गरेका छन् । नेपालले नोभम्बर १३ मा बंगलादेशविरुद्ध मैत्रीपूर्ण खेल खेल्दैछ । त्यसपछि नोभेम्बर १८ मा मलेसियाविरुद्ध एसियाकप छनोटको तेस्रो चरणको खेल खेल्नेछ । प्रमुख प्रशिक्षक हरि खड्काले किरण लिम्बूको नेतृत्वमा २३ सदस्यीय टिम घोषणा गरेका हुन् । घोषित टिममा अन्य खेलाडीमा अभिषेक लिम्बू, आदित्य शाक्य, अनन्त तामाङ, अञ्जन विष्ट, एरिक विष्ट, आयुष घलान, विशाल सुनार, दीप कार्की, दिनेश हेमजन, दीपेश गुरुङ, जिलेप्सीजंग कार्की, कुशल देउवा, लाकेन लिम्बू, मणि लामा, मनीष डांगी, रोहित चन्द, रोहन कार्की, सनिश श्रेष्ठ, सुवास बम, सुमिन श्रेष्ठ, सुमन श्रेष्ठ र योगेश गुरुङ छन् ।

बंगलादेश र मलेसियाविरुद्ध खेल्ने राष्ट्रिय टिमको घोषणा

काठमाडौं। नेपाली राष्ट्रिय महिला फुटबल टिमकी कप्तान तथा फरवार्ड सावित्रा भण्डारी साम्बा सम्मिलित वेलिङ्टन फिनिक्सले ए-लिग सिजनको सुरुआत बराबरीमा राेकिएकाे छ। शनिबार बिहान सम्पन्न खेलमा फिनिक्स क्यानबेरा युनाइटेडसँग १–१ को बराबरीमा राेकिएकाे हाे। क्यानबेराका लागि जोसेफिन ओलिसिनोले१८औं मिनेटमा गोल गरेकी थिइन्। फिनिक्सका लागि भान डेर मिर ३९ औं मिनेटमा गोल गरेको थियो। याे नतिजासँगै वेलिङ्टनले नयाँ सिजनको पहिलो अंक हासिल गर्‍यो।

साम्बा सम्मिलित वेलिङ्टन बराबरीमा रोकियो

काठमाडौँ, कात्तिक २२ गते । तेस्रो प्रयागराज सिंह सुवाल स्मृति अन्तर वडा फुटसल प्रतियोगिता शनिबार सुरु भएको छ । काठमाडौँ महानगरपालिका वडा नं २३ को आयोजनामा कात्तिक २९ गतेसम्म हुने प्रतियोगताको पहिलो दिन आयोजक र वडा नं २४ ले जित हासिल गरे । लैनचौर फुटसल मैदानमा भएको उद्घाटन खेलमा आयोजक वडा २३ ले काठमाडौँ महानगरपालिका केन्द्रलाई ६–२ ले पराजित गर्यो । सो खेलमा विजयी टिमका लाग विशाल श्रेष्ठले ह्याट्रिकसहित चार गोल गरे । वडा २३ को तर्फबाट भएका अन्य दुई गोल राजीव चित्रकार र एलेक्स श्रेष्ठको नाममा रह्यो । काठमाडौँ महानगरपालिकाका नवीन भण्डारी र अनुप मगरले गरेको गोल सान्त्वना मात्र बने । सो खेलमा चार गोल गर्ने विशाल म्यान अफ दि म्याच घोषित भए । दोस्रो खेलमा वडा नं २४ ले वडा नं ७ लाई ३–१ ले हरायो । वडा २४ का लािग समन श्रेष्ठ, सुभम तुलाधर र सन्देश महर्जनले गोल गरे । सन्देश म्यान अफ दि म्याच पनि चुनिए । वडा १७ का सुगम महर्जनले एक गोल फर्काएका थिए । यसअघि, काठमाडौँ महानगरपालिकाकी उपमेयर सुनिता डङ्गोलले प्रतियोगिताको उद्घाटन गर्नुभएको थियो । नकआउटको आधारमा हुने प्रतियोगितामा विजेता टिमलाई ट्रफीसहित दुई लाख रुपियाँ प्रदान गरिनेछ । उपविजेता टिमले एक लाख रुपियाँ प्राप्त गर्नेछ । यसैगरी, विधागततर्फ उत्कृष्ट हुने सर्वश्रेष्ठ खेलाडी, सर्वाधिक गोलकर्ता र सर्वश्रेष्ठ गोलरक्षकलाई जनही दस हजार रुपियाँले पुरस्कृत गरिनेछ । पहिलो संस्करणमा वडा नं १४ र दोस्रो संस्करणमा १६ ले उपाधि जितेका थिए । आइतबार चार खेल हुनेछन् । पहिलो खेलमा वडा १४ खेल वडा २२, दोस्रो खेलमा वडा १२ ले वडा २०, तेस्रो खेलमा वडा ६ ले वडा ९ र अन्तिम खेलमा वडा ४ ले वडा १८ को सामना गर्नेछ । पहिलो खेल बिहान ८ बजे सुरु हुनेछ ।

अन्तर वडा फुटसलमा वडा २३ र २४ को विजयी सुरुआत

काठमाडौं। एन्फा प्रेसिडेन्ट लिगमा काँक्रे विहार युथ क्बल र नव जन जागृति युवा क्लबले अंक बाँडेका छन्।&nbsp; बागमती प्रदेशको राजधानी हेटौंडामा शनिबार सम्पन्न खेलमा दुवै टोलीले १–१ गोलको &nbsp;बराबरी खेल्दै अंक बाँडेका हुन्।&nbsp; खेलमा सुरुआती अग्रता भने काँक्रे बिहारले बनाएको थियो। खेलको ३८औँ मिनेटमा आशिष चापागाईँले गोल गरेका थिए। तर, पहिलो हाफको अतिरिक्त समयमा रुजन न्यौपानेले नव जन जागृतिका लागि गोल गर्दै खेल बराबरीमा ल्याए।&nbsp; त्यसपछि बाँकी समय थप गोल नहुँदा दुवै टोलीले एक एक अंक बाँडे।

काँक्रे विहार ‍र नव जन जागृतिले अंक बाँडे

काठमाडौं। नेपालले हङकङ सिक्समा भारतलाई पराजित गरेको छ। शनिबार सम्पन्न खेलमा नेपालले भारतलाई ९२ रनले पराजित गरेको हो। नेपालले दिएको १३८ रनको लक्ष्य पछ्याएको भारतले ३ ओभरमा सबै विकेट गुमाउँदै ४५ रन मात्र बनाउन सक्यो। भारत चैपिली र प्रियांक पन्चालले समान १२ रन बनाए। अन्यले राम्रो ब्याटिङ गर्न सकेनन्। नेपालका राशिद खानले सर्वाधिक ३ विकेट लिए। बसिर अहमदले २ र रुपेश शिंहले १ विकेट राखे। त्यसअघि नेपालले निर्धारित ६ ओभरमा कुनै पनि विकेट नगुमाई १३७ रन बनाएको थियो। राशिदले सर्वाधिक ५५ रन बनाए। १७ बल खेलेका उनले ४ चौका र ६ छक्का प्रहार गरे। उनी रिटायर्ड हर्ट भए। कप्तान सन्दीप जोरा ४७ र लोकेश बम ३१ रनमा अविजित रहे।

हङकङ सिक्स : नेपालले भारतलाई हरायो

स्यामुएल एमबान्गलाले दोस्रो हाफको इन्ज्युरीको चौथो मिनेटमा गोल गरेपछि वेडर ब्रेमनले जर्मन बुंडेसलिगामा शनिबार राति उल्भ्सबर्गलाई २–१ ले पराजित गरेको छ । खेलमा एक गोलले पछाडि रहेको स्थितिबाट ब्रेमन विजयी रहेको हो । वेसरस्टाडिनमा भएको खेलमा उल्भ्सबर्गले २८ औं मिनेटमा म्याथिस स्भाबर्गको गोलले अग्रता लिएको थियो । खेलले ८३ मिनेट छुँदा जेन्स स्टागले बराबरी गोल फर्काए । त्यसपछि एमबान्गलाले निर्णायक गोल गरेका हुन् ।यो जितपछि ब्रेमन १० खेलबाट १५ अंकमा सातौं स्थानमा रह्यो । उल्भ्सबर्ग भने दसै खेलबाट आठ अंकमा १२ औं स्थानमा कायम रह्यो ।

ब्रेमन अन्तिम समयमा विजयी

स्पेनी ला लिगामा एल्चे र रियल सोसिडाडले शनिबार राति १–१ को बराबरी खेलेका छन् । एल्चेले आफ्नो घरेलु मैदान यानुएल मार्टिनेज भालेरोमामा अगाडि रहेको स्थितिबाट बराबरीमा चित्त बुझाएको हो । एल्चेले ५७ औं मिनेटमा एल्भारो रोड्रिग्वेजको गोलले अग्रता लिएको थियो । तर मिखेल आयारजबलले खेलको अन्त्यतिर पेनाल्टीबाट गोल गरेपछि सोसिडाड एक अंक बटुल्न सफल रह्यो । यो नतिजापछि एल्चे १२ खेलबाट १५ अंकमा नवौं स्थानमा रह्यो । सोसिडाड भने समान १२ खेलबाट १३ अंकमा संघर्ष गरिरहेको छ र १४ औं स्थानमा छ । यो रेलिगेसन क्षेत्रबाट चार अंक मात्र अगाडि हो ।

एल्चे र सोसिडाडको बराबरी

काठमाडौं। काभा महिला यु–१९ भलिबलमा नेपालले सेमिफाइनलमा मल्दिभ्ससँग खेल्ने भएको छ। समूह चरणको तीन खेलमा दुई जित र एक हार ब्यहोरेको नेपाल ७ अंकसहित शीर्ष स्थानमा रह्यो। शीर्ष स्थानमा रहेको नेपालले पूछारमा रहेको मल्दिभ्सको सामना गर्ने भएको हो। यो खेल भोलि अर्थात् शनिबार खेल्नेछ। खेल नेपाली समयअनुसार दिउँसो ४:४५ बजेबाट सुरु हुनेछ। यसअघि पहिलाे सेमिफाइनलमा घरेलु टोली श्रीलंकाले किर्गिस्तानको सामना गर्नेछ। यो खेल २;१५ बजेबाट सुरु हुनेछ। नेपालले समूह चरणको पहिलो खेलका किर्गिस्तानसँग ३–२ को सेटमा हार ब्यहोरेको थियो भने दोस्रो खेलमा घरेलु टोली श्रीलंकालाई ३–१ तथा तेस्रो खेलमा माल्दिभ्सलाई ३–० को सेटमा पराजित गरेको थियो। यता, सबै खेलमा पराजय ब्यहोरेको माल्दिभ्स अंक विहिन छ। समान खेलबाट ६ अंक रहेको श्रीलंका दोस्रो तथा ५ अंक जोडेको किर्गिस्तना तेस्रो रह्यो। फाइनल खेल आइतबार हुनेछ। सोहीदिन तेस्रो स्थानको लागि पनि प्रतिस्पर्धा हुनेछ।

नेपाल र माल्दिभ्स सेमिाइनलमा खेल्ने

काठमडौं। खेल्न पाउनुपर्छ भन्दै नेपाल फुटबल खेलाडी संघको आव्हानमा बिहिवार अखिल नेपाल फुटबल संघ (एन्फा) को विरुद्ध भएको धर्ना प्रदर्शनमा नेपाल राष्ट्रिय तथा अन्तर्राष्ट्रिय खेलाडी संघले ऐकेबद्धता जनाएको छ । संघका अध्यक्ष दीपक श्रेष्ठले शुक्रबार विज्ञप्ति प्रकाशित गरेर फुटबल खेलाडीको रोजीरोटीसँग जोडिएको ए डिभिजन लिग पछिल्लो पटक सम्पन्न भएको झन्डै अडाई वर्ष भइसक्दा अर्को संस्करण सुरु हुन नसक्नु दुर्भाग्य भएको जनाएका छन् । उनले विगतमा हुने गरेका लिग लगयतका फुटबल प्रतियोगिता खेल्नका लागि क्लबमा आबद्ध हुँदा खेलाडीहरुको जीवन केही सहज भएको बताउँदै लामो समयदेखि ए डिभिजन लिग रोकिँदा एक सय भन्दा बढीले रोजगारीकै लागि देश बाहिरिनु परेको भन्दै दुख पनि ब्यक्त गरेका छन् । उनले खेल्न पाउनु खेलाडीको अधिकार भएको तथ्य उल्लेख गर्दै खेल आयोजना गर्नु सम्बन्धित संघको दायित्व भनेर पनि सम्झाएका छन् । उनले संघ दायित्वबाट च्युत हुँदा खेलाडीलगायत त्यो खेलसँग जोडिएकाहरु वेरोजगार भएको विज्ञप्तिमा जनाइएको छ । खेल आयोजनाका लागि आफ्नै संघ विरुद्ध उत्रनु पर्ने अवस्था सिर्जना हुनु लज्जाको विषय भएको टिप्पणी गर्दै एन्फा नेतृत्वले गम्भीर भएर सोच्नु पर्ने र समस्या समाधानका लागि पहल गर्न आग्रह पनि गरे । उनले चाँडै समस्या समाधान गर्दै फुटबल हुने वातावरण तयार पार्न एन्फालाई आग्रह पनि गरे ।&nbsp; विज्ञप्तिको अन्त्यमा फुटबल खेलाडीले आफ्नो हकका लागि चलाउने सबै खाले विरोध लगायतका कार्यक्रममा नेपाल राष्ट्रिय तथा अन्तर्राष्ट्रिय खेलाडी संघ साथ रहने प्रतिवद्धता पनि जनाइएको छ ।

एन्फाविरुद्धको आन्दोलनमा खेलाडीसंघको पनि ऐकेवद्धता

काठमाडौँ, कात्तिक २१ गते । नेपालका सानो भाई पौडेलले विश्व ट्रायथलन प्रशिक्षकको लेभल टु कोर्समा उत्तीर्ण भएका छन् ।&nbsp; दक्षिण कोरियाको सोलमा विश्व ट्रायथलनको आयोजनामा सेप्टेम्बर १२ देखि १६ तारिखसम्म भएको कोर्स प्रशिक्षक पौडेलले पूरा गरेका हुन् । यो कोर्स पूरा गरेपछि पौडेल अब अन्तर्राष्ट्रिय ट्रायथलन एथलेट्सहरुलाई पनि प्रशिक्षण दिन योग्य भएका छन् । &nbsp; ‘लेभल टु कोर्स कठिन थियो । लेभल टु प्रशिक्षक बन्न थुपै्र मापदण्ड पूरा गर्नुपर्छ । कोरियामा कोर्स पूरा गरेपछि पनि नेपालमा करीब छ हप्ताको समयमा सो कोर्ससँग सम्बन्धित कोर्सहरु नेपालममा व्यवहारिकरुपमा लागू गरेको भिडियो बनाएर पठाएको थिएँ । सो भिडियोको विश्लेषण गरेपछि बल्ल बुधबार राति लेभल टु प्रशिक्षकको प्रमाणपत्र हासिल गरेको हुँ– प्रशिक्षक पौडेलले जानकारी दिए । सन् २०१९ मा नेपालमा भएको १३ औँ दक्षिण एसियाली खेलकुद (साग)मा नेपालले ट्रायथलनमा दुई स्वर्णसहित छ पदक जित्दा पौडेल प्रशिक्षकको जिम्मेवारीमा हुनुहुन्थ्यो । पौडेलले लेभल टु कोर्सपछि अब नेपाली ट्राइथलन खेलाडीहरुलाई थप परिस्कृत प्रशिक्षण दिएर उनीहरुको स्तर बढाउने उद्देश्य लिएका छन् ।

सानो भाईले पूरा गरे विश्व ट्रायथलन प्रशिक्षकको लेभल टु कोर्स

काठमाडौं। लुम्बिनी लायन्सले नेपाल प्रिमियर लिग (एनपिएल) को दोस्रो सिजनका लागि भारतका टिनु योहान्ननलाई मुख्य प्रशिक्षकमा नियुक्त गरेको छ। लुम्बिनीले शुक्रबार विज्ञप्तिमार्फत योहान्ननलाई प्रशिक्षणको जिम्मेवारी दिएको जानकारी गराएकाे हाे। पहिलो सिजन नन्दन फडनिस लुम्बिनीको मुख्य प्रशिक्षक थिए। केरला क्रिकेट टोलीको मुख्य प्रशिक्षकका रूपमा काम गरिसकेका योहान्ननले भारतका लागि समान तीन टेस्ट र एकदिवसीय अन्तर्राष्ट्रिय खेल खेलका छन्।बिहीबार मात्र लुम्बिनीले भारतकै रोबिन सिंहलाई मेन्टरका रूपमा नियुक्त गरेको थियो। रोहितकुमार पौडेल मार्की रहेको लुम्बिनीले विवेककुमार यादव, सन्दीप जोरा, तिलकराज भण्डारी, दिनेश अधिकारी र अविनाश गौतमलाई दोस्रो सिजनका लागि पनि टोलीमा निरन्तरता दिएको छ। गत संस्करण पुछारमा रहेको लुम्बिनीले मिनी अक्सनबाट दिलीप नाथ, शेर मल्ल, विशाल पटेल, दुर्गेश गुप्ताका र आदिल खानलाई अनुबन्ध गरेको थियो। एनपिएलमा आठ फ्रेन्चाइज टोलीले प्रतिस्पर्धा गर्दैछन्। यो सिजन पनि लुम्बिनीसँगै साविक विजेता जनकपुर बोल्ट्स, साविक उपविजेता सुदूरपश्चिम रोयल्स, कर्णाली याक्स, पोखरा एभेन्जर्स, विराटनगर किंग्स, चितवन राइनोज र काठमाडौं गोर्खाज उपाधिका लागि भिड्ने छन्।

भारतका टिनु योहान्नन लुम्बिनीको मुख्य प्रशिक्षक

काठमाडौं। काभा महिला यु–१९ भलिबल च्याम्यनसिपमा नेपालले लगातार दोस्रो जित हासिल गरेको छ।&nbsp; बिहिवार श्रीलंकाको कोलम्बोमा सम्पन्न आफ्नो तेस्रो खेलमा नेपालले माल्दिभ्सलाई ३–० को सेटमा पराजित गरेको&nbsp;हो।&nbsp; नेपालले पहिलो सेट २५–७ दोस्रो सेट २५–१० तथा तेस्रो सेटमा २५–११ ले सहज जित हासिल गर्याेर नेपालले यसअघि बुधबार घरेलु टोली श्रीलंकालाई पारजित गरेकोथियो।&nbsp; नेपाल पहिलाे खेलमा भने पराजित भएको थियो।

नेपालको लगातार दोस्रो जित

काठमाडौं, मकवानपुरमा जारी प्रेसिडेन्ट लिगमा काक्रेविहार युथ क्लब विजयी भएको छ।&nbsp; गौरीटार रंगशाला हेटौंडामा बिहिवार सम्पन्न दिनकाे पहिलाे खेलमा क्राक्रेविहारले हेयरन्स क्लबलाई ३-२ गोल अन्तरले पराजित गरेको हो। काक्रेविहारले पहिलो हाफको ३२औं मिनेटमा सुजन बालामपाकी मगरकाे गोलर्फत अग्रता बनाएकाे थियाे। ४२औं मिनेटमा आशिष चापागाईंले गोल गरेपछि काक्रेविहारले पहिलो हाफ २-० को सहज अवस्थामा टुंग्याएको थियो। तर, दोस्रो हाफमा हेयरेन्सले कमब्याक गरेको थियो। ५८औं मिनेटमा समिराज ठोकरले गोल गर्दै अग्रता २-१ मा झारेका थिए। ६८ औं मिनेटमा अनिश घर्तीले गोल गर्दै खेल २-२ को बराबरीमा ल्याए। तर, ८४औं मिनेटमा विश्व लामाले गोल गर्दै काक्रेविहारलाई ३-२ को जित दिलाए।&nbsp; लिग कम नकआउटको आधारमा सञ्चालन भइरहेको प्रतियोगितामा विजेता टोलीले १० लाख रुपैयाँ पुरस्कार पाउने छ। उपविजेताले ५ लाख रुपैयाँ पुरस्कार पाउने छ।

काक्रेविहार विजयी

काठमाडौँ। अखिल नेपाल फुटबल संघ (एन्फा) लाई 'ए' डिभिजन लिगको कार्यतालिका सच्याउन माग गर्दै नेपाल फुटबल खेलाडी संघले एन्फा कार्यलय घेराउ गरेकाे छ। विहिबार सातदाेबाटाेस्थित एन्फा कार्यलय घेराउ गर्न गएका खेलाडी र पुर्व खेलाडीहरुले एन्फालाई 'ए' डिभिजनको लिगको तालिका सच्याउन एक साताको अल्टिमेटम दिएका हुन्। उनीहरुले एक सातामा कार्यतालिका नसच्याएमा सशक्त रुपमा प्रस्तुत हुने चेतावनी दिएका छन्।&nbsp; एन्फाले अर्को बर्षको पुसमा 'ए' डिभिजन लिग गर्ने भन्दै मिति सार्वजनिक गरेपछि खेलाडी आन्दोलित भएका हुन्। धर्नाका लागि एन्फा पुगेका खेलाडीहरुलाई एन्फाको गेटमा रोकिएको थियो। गेटमा रोकिएपछि उनीहरुले गेटमै आफ्नो कार्यक्रम गरेका थिए।&nbsp; यसअघि एन्फाले २०८३ को पुस ९ गतेबाट राष्ट्रिय लिग हुने निर्णय सार्वजनिक गरेपछि खेलाडीहरु आक्रोशित बनेका छन्।

एन्फाविरुद्ध खेलाडी सडकमा

काठमाडौं। एन्फा प्रेसिडेन्ट लिग फुटबल सुरु भएको छ।&nbsp; मकवानपुरस्थित खेल मैदानमा भएको उद्घाटन खेलमा चित्लाङ युवा क्लबले देउराली यूथ क्लबलाई ४–१ ले हरायो। चित्लाङका लागि चन्दन कुमार दास, लोहन सुब्बा, विज्ञान खड्का र मदन स्याङतानले गोल गरे। देउरालीका राम चन्द्र वाजीले गोल गरे। चित्लाङका जय गुरुङ सो खेलका प्लेयर अफ द म्याच घोषित भए।&nbsp; बुधवार &nbsp;भएको अर्को खेलमा विजय स्पोर्ट्स क्लब र लाली गुराँस एसोसिएसनका बिचमा गोल रहित बराबरी भयो। लाली गुराँसका सुरज ज्यु ठकुरी सो खेलका प्लेयर अफ द म्याच भए। २ मङ्सिरसम्म हेटौडामा आयोजना हुने लिगमा १० टोलीको सहभागिता छ। सहभागी टोलीमा गाईघाट फुटबल क्लब, देउराली यूथ क्लब, नव जागृति क्लब, चित्लाङ फुटबल क्लब, टाइगर्स टिम टिकालाथाल, जन जागृति युवा क्लब,काँक्रेविहार यूथ क्लब, विजय स्पोट्र्स क्लब,हैरान्स क्लब र लाली गुराँस एसोसिएसन क्लब छन्। लिग कम नकआउटको आधारमा सञ्चालन हुने सो प्रतियोगितामा विजेता टोलीले १० लाख रुपैयाँ पुरस्कार पाउने छ। उपविजेताले ५ लाख रुपैयाँ पुरस्कार पाउने छ। सहभागी टोलीलाई दुई समूहमा विभाजन गरिएको छ। दुवै समूहमा शीर्ष दुई स्थान पाउने टोली सेमिफाइनल प्रवेश गर्ने छन्। सेमिफाइनल प्रवेश गर्ने टोलीले राष्ट्रिय लिगमा प्रवेश पाउने छन्। राष्ट्रिय लिग पुस महिनामा हुने छ।

एन्फा प्रेसिडेन्ट लिग सुरु

इन्टर मिलानले युरोपेली च्याम्पियन्स लिगमा बुधबार लगातार चौथो जित हात पारेको छ र यससँगै १२ अंकमा शीर्ष तीनभिक्र रह्यो । इन्टरसँगै बायर्न म्युनिक र आर्सनल अधित्तम १२ अंक बटुलेर लिग तालिकाको अगाडि रहेका छन् । यसका लागि इन्टरले काइराट आल्माटीलाई २–१ ले हराएको हो । त्यसमा कार्लोस अगुस्टोले निर्णायक गोल गरे । म्यानचेस्टर सिटीले भने आफ्नो अपराजित याक्रा कायम राख्ने त्रममा बोरुसिया डर्टमुन्डलाई ४–१ ले हरायो । उसको दस अंक भएको छ र चौथो स्थानमा छ । &nbsp; सिटीको जितमा फिल फोडेनले दुई गोल गरे भने इर्लिङ हालान्डले आफ्नै पूर्व क्लबविरुद्ध एक गोल गरे । बार्सिलोना भने क्लब ब्रुगको हातबाट ३–३ को बराबरीमा रोकियो । उसले तीन पल्ट पछाडि रहेको स्थितिबाट बराबरी खेलेको हो । अन्य खेलमा न्युकासल युनाइटेडले एथलेटिको बिलबाओलाई २–० ले हरायो र नौ अंकमा छैटौं स्थानमा उक्लिन सफल रह्यो । यस्तै पाफोसले भिल्लारियललाई १–०, गालाटासारेले आयाक्सलाई ३–०, बायर लेभरकुजनले बेनफिकालाई १–० र एटलान्टाले मार्सेलाई १–० ले हरायो । चेल्सी र कोरााबागले भने २–२ को बराबरी खेले ।

इन्टरको लगातार चौथो जित

काठमाडौं । विश्वकप लिग २ अन्तर्गत युएईमा जारी त्रिकोणात्मक ओडिआई सिरिजमा नेपालले लगातार चौथो हार बेहोरेको छ ।&nbsp; युएईमा भएको त्रिकोणात्मक ओडिआई सिरिजमा लगातार चौथो हार बेहोर्ने क्रममा घरेलु टोलीले नेपाललाई ४ विकेटले पराजित गरेको हो । नेपालले दिएको २ सय ४० रनको मध्यम लक्ष्य युएईले ४९.१ ओभरमा ६ विकेट गुमाएर पूरा गर्यो ।&nbsp; युएईको जितमा मोहम्मद शाहदादले १ सय २३ बलमा ६ चौका र ३ छक्काको सहयोगमा सर्वाधिक ९६ रनको अर्धशतकीय इनिङ खेले । मोहम्मद वासिम ७३ बलमा ४ चौका र ३ छक्काको सहयोगमा ७६ रनको अर्धशतकीय इनिङ खेले । चौथो विकेटका लागि दुवैले १ सय ४० बलमा १ सय ४७ रनको सानदार साझेदारी गरे ।&nbsp; सोहेब खान ५२ बलमा ३ चौकाको सहयोगमा २९ रनमा आउट भए । हर्षित कौशिक १३, कप्तान अलिसान सरफु १८ रनमा आउट हुँदा ओपनर आर्यंश शर्माले रनको खाता नै खोल्न सकेनन् । नेपालका लागि करण केसीले ३ तथा नन्दन यादव, सन्दीप लामिछाने र ललित राजवंशीले समान १ विकेट लिए । त्यसअघि युएईमा रहेको आइसिसी एकेडेमीको मैदानमा टस हारेर ब्याटिङको निम्तो पाएको नेपालले निर्धारित ५० ओभरमा ९ विकेट गुमाएर २ सय ३९ रनको योगफल तयार गरेको थियो । नेपालका लागि भीम सार्कीले ६८ बलमा ७ चौकाको सहयोगमा सर्वाधिक ४८ रन जोडे । पहिलो विकेट ४ रनमै गुमाएर संकटमा परेको नेपालका लागि दोस्रो विकेटका लागि भीम र आसिफले राम्रो साझेदारी दिलाएका थिए । भीम र आसिफले ७४ रनको साझेदारी गरेका थिए । आसिफले ४८ बलमा ४ चौकाको सहयोगमा ३४ रन जोडेका थिए । त्यसपछि नेपालले सस्तैमा तीन विकेट गुमायो । पाँचौ विकेटका लागि उपकप्तान दीपेन्द्रसिंह ऐरी र आरिफ शेखले ४९ रनको साझेदारीले टिमलाई केही स्थिरता दिए । उपकप्तान दीपेन्द्र ४३ बलमा ३ चौका र १ छक्काको सहयोगमा ३७ रनमा आउट हुँदा आरिफ शेख ५४ बलमा ३० रनमा आउट भए । लगातार विकेट गुमाएर संकटमा पुगेको नेपालका लागि नवौं विकेटका लागि सन्दीप लामिछाने र कुशल मल्लले राम्रो साझेदारी गरे । कुशल ५१ बलमा १ चौका र ३ छक्काको सहयोगमा ४६ रनमा आउट हुदाँ सन्दीपसँग मिलेर ४२ रनको साझेदारी गरे । सन्दीप १५ रनमा नट आउट रहे । ओपनर कुशल भुर्तेल र कप्तान रोहितकुमार पौडेल समान २ तथा करण केसी रनको खाता नै नखोली आउट भए । युएईका लागि जुनैद सिद्धिकी र धुव्र परासरले समान २ तथा मोहम्मद जगदुल्लाह र जाहिद अलिले समान १ विकेट लिए । नेपालका २ ब्याटर रन आउट हुन पुगे ।&nbsp; जितसँगै ८ राष्ट्र सहभागी लिग टु मा युएईको २० खेलबाट १० अंक भएको छ । जितपछि पनि युएई अंक तालिकाको पुछारमा कायमै छ । पराजित नेपालको समान खेलबाट १२ अंक रहेको छ । हार पश्चात पनि नेपाल पुछारबाट दोस्रो स्थानमा यथावत छ । नेपाल युएईमा भएको यस सिरिजमा खेलेका सबै चार खेलमा हारका साथ स्वदेश फर्कदै छ । उता, अमेरिकासँग दुवै खेलमा पराजित युएईले दुवै भेटमा नेपाललाई हराएको छ । सहभागी अर्को मुलुक अमेरिकाले भने शतप्रतिशत जित हासिल गरेको छ ।&nbsp; लिगमा सहभागी सबै देशले समान ३६ खेल खेल्नेछन् । भने, प्रतियोगिताको शीर्ष ४ मा पर्ने देशले सिधै सन् २०२७ मा हुने विश्वकपको ग्लोबल छनोटमा स्थान बनाउँने छन् । लिग टु को पुछारमा रहने ४ देशले भने विश्वकप छनोट प्लेअफमा स्थान बनाउँनेछ ।

नेपालको लगातार चौथो हार

काठमाडौं। विश्वकप लिग टु अन्तर्गत युएईमा जारी त्रिकोणात्मक ओडिआई सिरिजमा नेपालले जितका लागि घरेलु टोलीलाई २ सय ४० रनको लक्ष्य दिएको छ। युएईमा रहेको आइसिसी एकेडेमीको मैदानमा टस हारेर ब्याटिङको निम्तो पाएको नेपालले निर्धारित ५० ओभरमा ९ विकेट गुमाएर २३९ रनको योगफल तयार गर्यो। नेपालका लागि भीम सार्कीले ६८ बलमा ७ चौकाको सहयोगमा सर्वाधिक ४८ रन जोडे। पहिलो विकेट ४ रनमै गुमाएर संकटमा परेको नेपालका लागि दोस्रो विकेटका लागि भीम र आसिफले राम्रो साझेदारी दिलाएका थिए। भीम र आसिफले ७४ रनको साझेदारी गरेका थिए । आसिफले ४८ बलमा ४ चौकाको सहयोगमा ३४ रन जोडेका थिए । त्यसपछि नेपालले सस्तैमा तीन विकेट गुमायो । पाँचौ विकेटका लागि उपकप्तान दीपेन्द्रसिंह ऐरी र आरिफ शेखले ४९ रनको साझेदारीले टिमलाई केही स्थिरता दिए । उपकप्तान दीपेन्द ४३ बलमा ३ चौका र १ छक्काको सहयोगमा ३७ रनमा आउट हुँदा आरिफ शेख ५४ बलमा ३० रनमा आउट भए । लगातार विकेट गुमाएर संकटमा पुगेको नेपालका लागि नवौं विकेटका लागि सन्दीप लामिछाने र कुशल मल्लले राम्रो साझेदारी गरे । कुशल ५१ बलमा १ चौका र ३ छक्काको सहयोगमा ४६ रनमा आउट हुदाँ सन्दीपसँग मिलेर ४२ रनको साझेदारी गरे । सन्दीप १५ रनमा नट आउट रहे । ओपनर कुशल भुर्तेल र कप्तान रोहितकुमार पौडेल समान २ तथा करण केसी रनको खाता नै नखोली आउट भए । युएईका लागि जुनैद सिद्धिकी र धुव्र परासरले समान २ तथा मोहम्मद जगदुल्लाह र जाहिद अलिले समान १ विकेट लिए । नेपालका २ ब्याटर रन आउट हुन पुगे । ८ राष्ट्र सहभागी लिग टु मा युएई पुछार र नेपाल पुछारबाट दोस्रो स्थानमा छ । सिरिजमा यसअघिका सबै खेल हारेको नेपाल सान्त्वना जितका साथ यात्रा समाप्त गर्ने लक्ष्यमा छ । उता, अमेरिकासँग दुवै खेलमा पराजित युएईले पहिलो भेटमा नेपाललाई हराएकोमा त्यो लयलाई निरन्तरता दिन चाहान्छ । लिगमा सहभागी सबै देशले समान ३६ खेल खेल्नेछन् । भने, प्रतियोगिताको शीर्ष ४ मा पर्ने देशले सिधै सन् २०२७ मा हुने विश्वकपको ग्लोबल छनोटमा स्थान बनाउँने छन् । लिग टु को पुछारमा रहने ४ देशले भने विश्वकप छनोट प्लेअफमा स्थान बनाउँनेछ ।

युएईलाई नेपालले दियो २४० रनको लक्ष्य

काठमाडौँ। आईसीसी विश्वकप लिग–२ अन्तर्गत त्रिकोणात्मक सिरिजको अन्तिम खेलमा आज नेपाल र युएई भिड्दैछन्। दुबईस्थित आइसीसी एकेडेमीमा हुने खेल नेपाली समयअनुसार बिहान ११:१५ बजेबाट सुरू हुनेछ। यस सिरिजमा नेपालले सुरुआती तीनै खेलमा हार बेहोरेको छ भने युएईले तीन खेलमा एक जित र दुई हारको सामना गरेको छ। सिरिजको पहिलो भेटमा युएईले नेपाललाई पराजित गरेको थियो। अंकतालिकामा नेपाल सातौँ स्थानमा छ। उसले १९ खेलमा ५ जित र १२ हारसहित १२ अंक जोडेको छ। उता, समान १९ खेल खेलेको युएई ८ अंकसहित पुछारमा रहेको छ। यसै सिरिजमा अमेरिकाले उत्कृष्ट प्रदर्शन गर्दै सबै चार खेलमा जित हासिल गरेको छ।

Nepalsports

काँक्रे विहार ‍र नव जन जागृतिले अंक बाँडे

📰 Recent News

Nepalsports