काठमाडौं। साउदी प्रो लिगको बहुप्रतिक्षित ‘रियाद डर्बी’मा अल हिलालले कट्टर प्रतिद्वन्द्वी अल नासरलाई ३–१ ले पराजित गर्दै सानदार पुनरागमन जित दर्ता गरेको छ।&nbsp; किंग्स एरिनामा क्रिस्टियानो रोनाल्डोको सुरुआती गोलका बाबजुद दोस्रो हाफमा १० खेलाडीमा सीमित भएको अल नासरले हार बेहोर्नु परेको हो। खेलको ४२औँ मिनेटमा रोनाल्डोले गोल गर्दै अल नासरलाई अग्रता दिलाएका थिए। पहिलो हाफमा अल नासर आक्रामक देखिए पनि दोस्रो हाफमा खेलको लय पूर्ण रूपमा अल हिलालतर्फ मोडियो। ५७औँ मिनेटमा हिलालका कप्तान सालेम अल–दौसारीले पेनाल्टीमार्फत गोल गर्दै खेललाई १–१ को बराबरीमा ल्याए। त्यसको तीन मिनेटपछि नै नासरका गोलकिपर नवाफ अल–अकिदीले रातो कार्ड खाँदै मैदान छाडेपछि टोली झन् दबाबमा पर्‍यो। १० खेलाडीमा सीमित नासरविरुद्ध अल हिलालले निरन्तर आक्रमण जारी राख्यो। खेलको ८१औँ मिनेटमा मोहम्मद कान्नोले गोल गर्दै हिलाललाई २–१ को अग्रता दिलाए। त्यसपछि अतिरिक्त समयको दोस्रो मिनेटमा रुबेन नेभेसले पेनाल्टीमार्फत तेस्रो गोल गर्दै हिलालको जित सुनिश्चित गरे। गोल गरे पनि टोलीको हार टार्न नसक्दा रोनाल्डो निराश देखिए। खेलको ८३औँ मिनेटमा उनलाई प्रशिक्षकले मैदानबाट बाहिर बोलाउँदा उनी केही आक्रोशित भावमा देखिएका थिए। यो जितसँगै हिलाल लिग तालिकाको शीर्ष स्थानमा अझ मजबुत बनेको छ। हिलालको अंक ३८ पुगेको छ भने दोस्रो स्थानमा रहेको नासर ३१ अंकमा सीमित भएको छ। ७ अंकको यो अन्तरले हिलाललाई उपाधि दौडमा स्पष्ट अग्रता दिलाएको छ।

रियाद डर्बीमा अल हिलालको सानदार पुनरागमन

स्पेनिस सुपरकप फाइनलमा पराजित भएको एक दिन नबित्दै रियल म्याड्रिड र प्रशिक्षक ज्याभी एलोन्सो नाटकीय ढंगले छुटिएका छन् । क्लब र प्रशिक्षकबीचको आपसी सहमतीको यो निर्णय लिइएको बताएको छ । अब उनको स्थानमा एल्भारो एरबेलोआले रियल सम्हाल्ने छन् । नयाँ प्रशिक्षक एरबेलोआले यसअघि रियलकै रिजर्भ टिम हेरिरहेका थिए । उनी रियलकै पूर्व खेलाडी समेत हुन् । एलोन्सो आएयता रियलको प्रदर्शन अपेक्षा अनुसार रहेको थिएन् र उनी आठ महिना मात्र क्लबमा टिके । स्पेनी ला लिगामा पनि रियल ४५ अंकमा दोस्रो स्थानमा छ र शीर्षमा रहेको बार्सिलोनालाई बलियो चुनौती दिन सकिरहेको छैन् । बार्सिलोना ४९ अंकमा शीर्ष स्थानमा छ ।

रियल र एलोन्सो नाटकीय ढंगले छुटिए

लिभरपुलले सोमबार ब्रान्सलीलाई ४–१ ले पराजित गर्दै एफएकपको चौथो चरणमा प्रवेश गरेको छ । उसका लागि डोमिनिक सबोसलाई, जेरेमी फ्रिमपो, फ्लोरिन विर्टज र ह्युगो एकिटिकेले गोल गरे । लिग वान क्लबका लागि एस्ली फिलिप्सले एक गोल फर्काए । अब लिभरपुलले अर्को चरणमा ब्राइटनको सामना गर्नेछ । प्रतियोगिताको सोमबार नै ड्र निकालिएको छ । त्यस अनुसार आर्सनलले विगन, म्यानचेस्टर सिटीले सालफोर्ड अथवा स्विनडेन तथा एस्टन भिल्लाले न्युकासलल युनाइटेडको सामना गर्नेछ ।

लिभरपुल एफएकपको चौथो चरणमा

नयाँ सिजन राम्रो सुरुआत लिन असफल युभेन्ट्स अब इटालीको सिरी ए को उपाधि होडमा सामेल भएको छ । लय समाटेको युभेन्ट्सले सोमबार रातिको खेलमा क्रेमोन्सेलाई सजिलै ५–० ले हरायो । यो शानदार जितपछि युभेन्ट्सको २० खेलबाट ३९ अंक भएको छ र तेस्रो स्थानमा उक्लेको छ । यो शीर्षमा रहेको इन्टर मिलानसँग चार अंकको माक्र दूरी हो । त्रेमोन्से भने २२ अंकमा १३ स्थानमा रहेको छ । टुरिनको एलिनाज स्टेडियममा भएको खेलमा युभेन्ट्सका लागि ग्लेसन ब्रेमेर, जोनाथन डेविड, केनन यिल्डिज, वेस्टन म्याककेनीले गोल गरे । अर्को एक गोल भने आत्मघाती रहेको थियो ।

युभेन्ट्स पनि उपाधि होडमा

मार्कोस एलोन्साले ८८ औं मिनेटमा पेनाल्टीबाट गरेको निर्णायक गोलको मदतले स्पेनी ला लिगामा सेल्टा भिगोले सोमबार सेभियालाई १–० ले पराजित गरेको छ । यो जितपछि सेल्टा भिगोले अब युरोपमा खेल्ने सपना बुन्न सक्छ । उसको २९ अंक भएको छ र सातौं स्थानमा उक्लेको छ । तर यो चौथो स्थानमा रहेको एटलेटिको म्याड्रिडबाट नौ अंकको दूरी हो । अर्कोतर्फ सेभिया भने हारले खराव स्थितिमा रह्यो । उसको २० अंक छ १४ औं स्थानमा रहेको छ यो रेलिगेसन क्षेत्रबाट तीन अंक मात्र अगाडि हो ।

सेल्टा भिगाको जितमा एलोन्सो निर्णायक

काठमाडौं । रातो बंगला स्कुलका शुभांग प्रधानले हिमालयन च्यालेन्जर्स फिडे रेटिङ क्लासिकल चेस प्रतियोगितामा लगातार दोस्रो जित हात पारेका छन् । उनले दोस्रो दिन सोमबार अभिक रेग्मीलाई पराजित गर्दै जित यात्रा कायम राखेका हुन् । आठ वर्षीय शुभांग क्लासिकल, र्यापिड र ब्लिज गरी चेसका तीनै विधामा फिडे रेटिङ प्राप्त गरेका सबभन्दा कान्छो खेलाडी हुन् । १४९१ रेटेड उनले प्रतिस्पर्धात्मक खेलमा सिद्धार्थ वनस्थलीका अभिकविरुद्ध सफलता हात पारेका हुन् । पहिलो दिन अभियान राईलाई पराजित गरेका शुभांगले तेस्रो चरणमा मंगलबार सेन्ट जेभियर्स कलेजका अभिक शाहविरुद्ध खेल्नेछन् । हिमालयन चेस एकेडेमीद्वारा काठमाडौं जिल्ला चेस संघसँग सहकार्य गर्दै आयोजित हिमालयन च्यालेन्जर्समा दोस्रो दिन शुभांगसहित शीर्ष वरीयताका अभिक शाह, सजल न्यौपाने, सात्विकमान तुलाधर, हार्दिक पन्त, लियोन महर्जन र निहाना श्रेष्ठले पनि जित हात पारे । यी सातै खेलाडीले लगातार दुई खेल जितेका हुन् । प्रत्येक जितमा ३ अंक दिइएको छ र त्यसअनुसार यी सात खेलाडीले ६–६ अंक बनाएका छन् । <img src="https://app.nepalsportz.com/media/django-summernote/2026-01-12/6d7b870e-f199-4485-8e91-5c328ef5c17e.jpeg" style="width: 698px;"> दोस्रो चरणमा अभिकले आशिर्वाद थापा, सजलले प्रवीर केसी, हार्दिकले उजिभानी कँडेल, लियोनले अनमोल राई र निहानाले अरिज राईलाई हराएका हुन् । मार्भलस इंग्लिस बोर्डिङी निहाना प्रतियोगितामा लगातार दुई खेल जित्ने एक्ली महिला खेलाडी हुन् । त्यस्तै, ईश्वर लामा, रेयांश महर्जन, अग्रता आचार्य, रियान श्रेष्ठ, निवा राई, रेयांश खनाल, विमश लोहनी र नायुमा मगरले पनि दोस्रो चरणको खेलमा जित हात पारे । स्वीस प्रणालीको आधारमा नौ चरणमा आयोजित प्रतियोगितामा हरेक दिन एक चरणको खेल हुनेछ । काठमाडौं ११ थापाथलीस्थित हिमालयन चेस हलमा सञ्चालन भइरहेको प्रतियोगितामा २८ वटा स्कुल र कलेजका ६ महिला र २४ पुरुष गरी ३० जना खेलाडी सहभागि छन् ।&nbsp; एकेडेमीले युवा खेलाडी उत्पादन गर्ने उद्देष्यले काठमाडौं जिल्ला चेस संघसँग सहकार्य गर्दै १८ वर्षमुनिका खेलाडीका लागि क्लासिकल चेसको प्रतियोगिता आयोजना गरेको हो । प्रत्येक चरणमा खेलाडीलाई ९० मिनेट र ३० मिनेटको इन्क्रिमेन्ट समय दिइनेछ ।&nbsp; अचेल छोटो अवधिका र्यापिड र ब्लिज चल्तीमा रहेपनि खेलाडीका स्तरोन्नतिका लागि क्लासिकल चेस उपयुक्त मानिन्छ । त्यसैले दुर्लभ हुँदै गएको क्लासिकल चेसको प्रतियोगिता युवा खेलाडीलाई अवसर दिन आयोजना गरिएको बताइएको छ । पूर्वराष्ट्रिय च्याम्पियन केशव श्रेष्ठ र फिडे मास्टर रिजेन्द्र राजभण्डारीबाट प्रत्येक राउन्डको समाप्तिपछि खेलको विश्लेषण गर्ने व्यवस्था गरिएको छ । हिमालयन चेस एकेडेमीले एसईई कप, हिमालयन १०० फर गिनिज वल्र्ड रेकर्ड्स, हिमालयन तीज चेस टोर्नी, प्यट्रिओटिक पन च्याम्पियनसिप, हिमालयन डुओ, हिमालयन ब्लिज कप, देशकै पहिलो फ्रिस्टाइल चेस प्रतियोगिता हिमालयन फ्रिस्टाइल च्याम्पियनसिप, हिमालयन १०० एक्स टु, हिमालयन क्वीन्स ग्याम्बिट र एचसीए युथ कप गरी दस प्रतियोगिता सफलतापूर्वक आयोजना गरिसकेको छ । त्यसैले उसको ११ औं प्रतियोगिता हो– हिमालयन च्यालेन्जर्स क्लासिकल चेस । चेसलाई प्रवद्र्धन र विकास गर्ने उद्देष्यले २०८० साल चैत १ गते उद्घाटन गरिएको स्थापित हिमालयन चेस एकेडेमीले फ्रेसर, बिगिनर्स, एड्भान्स बिगिनर्स, इन्टरमिडियट, एड्भान्स र इलिट प्रोग्राम गरी ६ वटा कोर्समा करिब २ सयलाई थापाथलीस्थित आफ्नै चेस हल र भक्तपुर शाखामा प्रशिक्षण दिइसकेको छ । भच्र्युअल रुपमा अनलाइन कक्षा नियमित भइरहेको छ । स्कुल र समुदायमा कार्याशाला तथा प्रशिक्षण सञ्चालन गर्दै आएको छ । उसले कमनवेल्थ च्याम्पियन भारतीय इन्टरनेसनल मास्टर (आईएम) अतनु लहिरी ल्याएर काठमाडौंमा विशेष प्रशिक्षण पनि दिएको थियो ।

हिमालयन च्यालेन्जर्स चेसः शुभांगको लगातार दोस्रो जित

२७ पुष, काठमाडौं ।&nbsp; चौथो टोखा युथ क्लब ओपन फिडे र्‍यापिड २ हजार रेटिङ मुनिको चेस प्रतियोगिता सफलता पूर्वक सम्पन्न भएको छ। नौ चरण सम्म चलेको प्रतियोगितामा देशभरका प्रतिभाशाली १ सय २२ जना खेलाडीहरूको सहभागिता रहेको थियो। टोखा युथ क्लबको आयोजनामा दुई दिन सञ्चालन भएको प्रतियोगिताको अन्तिम नतिजा अनुसार पाँचथरका रिशोन थापा ८.५ अंक सहित प्रथम स्थान हासिल गर्दै च्याम्पियन बने। अपराजित १९५५ रेटेड रिशोनले प्रभावशाली खेल प्रदर्शन गरि नगद १५ हजार पुरस्कार तथा आकर्षक ट्रफी, मेडल प्राप्त गरेका छन्। बाँकेका १९२८ रेटेड खेलाडी अभिक शाह ७.५ अंक सहित दोस्रो बन्न सफल भए। तिन खेलाडीले समान अंक जोडे पनि एआइएम अभिक शाह प्रोग्रेसिभ ५३ प्वाइन्ट ५ का आधारमा दोस्रो स्थानमा रहँदै नगद पुरस्कार १० हजार हात पार्न सफल बनेका छन्। ललितपुरका १९११ रेटेड खेलाडी राजन पुरी ७.५ अंक जोडेर प्रोग्रेसिभ ४९ प्वाइन्ट ५ का आधारमा तेस्रो स्थानमा रहे। राजन पुरीले ६ हजार रुपैयाँ नगद पुरस्कार पाए। कान्तिपुर चेस क्लबका १८६४ रेटेड दिपक महर्जनले ७.५ अंक प्रोग्रेसिभ ४८ प्वाइन्ट हासिल गर्दै चौथो स्थानमा उभिन पुगे। उनले नगद ४ हजार पुरस्कार प्राप्त गरेका छन्। समान ७ अंक जोडेर स्याङ्जाका १८४० रेटेड सुशील सुबेदी पाँचौं, खोटाङका १९९६ रेटेड धिरेन राई छैंटौं, काठमाडौँका १९४१ रेटेड सिएमए भगवतीप्रसाद शर्मा सातौ, दोलखाका १८१० रेटेड राजीव कार्की आठौं, बनेपाका १९९६ रेटेड शैलेन्द्र न्यौपाने नवौं स्थानमा तथा ६.५ अंक जोडेर काठमाडौंका १८४० रेटेड हेमराज भण्डारी दशौं बन्दै नगद पुरस्कार प्राप्त गर्न सफल भएका छन्। विधागत तर्फ उत्कृष्ट टोखा नगरपालिका स्थानीय जितेन्द्र डाँगी, बेस्ट टोखा युवा १६ वर्ष छात्र सुलभ पन्थी, छात्रा परीक्षा बोलाखे, बेस्ट अनरेटेड चितवनका सत्याम शर्मा, बेस्ट सिनियर ५५ वर्षमा भक्तपुरका गणेशमान दुवाल बने। यस्तै महिला विधा तर्फ नवलपुरकी उज्ज्वनी कँडेल, थलि काठमाडौंका युवा १६ वर्षमा रिदिप सिम्खडा, युवा १४ वर्षमा पोखराका आयुष भण्डारी र युवा १२ वर्षमा पभेलियन चेस एकेडेमीका अग्रिम सैंजु उत्कृष्ट भए। यसैगरी रेटिङ १८ सय मुनि संखुवासभाका सुनील घिमिरे तथा रेटिङ १६ सय मुनि सर्लाहीका ओम हरि यादव उत्कृष्ट घोषित भएका छन्।&nbsp; चौथो संस्करणमा टोखा युथ क्लबले चेसको विकास, नयाँ प्रतिभाको पहिचान तथा प्रतिस्पर्धात्मक वातावरण निर्माणमा महत्वपूर्ण योगदान पुर्‍याएको बताएको छ। प्रतियोगिता सफल बनाउन सहयोग गर्ने सबै संघसंस्था, खेलाडी, निर्णायक, शुभेच्छुक तथा पत्रकार प्रति आयोजकले धन्यवाद व्यक्त गरेको छ।

चौथो टिवाइसि र्‍यापिड चेस रिशोन थापाले जिते

काठमाडौं। आईसीसी महिला टि-२० विश्वकप क्वालिफायर अन्तर्गत उत्कृष्ट प्रदर्शन गर्ने खेलाडीहरूलाई अमरावती बुटिक होटलले नगद पुरस्कार प्रदान गर्ने घोषणा गरेको छ। अमरावती बुटिक होटलका प्रबन्ध निर्देशक कुशल श्रेष्ठले घोषणाको जानकारी गराएका छन्। &nbsp;घोषणाअनुसार प्रतियोगिताभरि सबैभन्दा बढी रन बनाउने नेपाली खेलाडीलाई &nbsp;रु. ५०,००० र सबैभन्दा बढी विकेट लिने नेपाली खेलाडीलाई &nbsp;रु. ३५,००० नगद पुरस्कार प्रदान गरिनेछ।&nbsp; &nbsp;महिला क्रिकेटलाई प्रोत्साहन गर्न यो &nbsp;घोषणा गरेको श्रेष्ठले बताएका छन्। &nbsp;उनले &nbsp;महिला क्रिकेटको विकास र खेलाडीहरूको मेहनत तथा प्रतिभाको कदर गर्न निजी क्षेत्रबाट पनि योगदान आवश्यक रहेको बताएका छन्।&nbsp; उनले महिला खेलाडीहरूले अन्तर्राष्ट्रिय स्तरमा देशको गौरव बढाइरहेको उल्लेख गर्दै यस्ता प्रोत्साहनले खेलाडीहरूको आत्मविश्वास बढाउने र अझ उत्कृष्ट प्रदर्शन गर्न प्रेरणा मिल्ने विश्वास व्यक्त गरे। “महिला क्रिकेट आज विश्वस्तरमा तीव्र रूपमा अगाडि बढिरहेको छ। यस्तो अवस्थामा हामीले हाम्रा खेलाडीहरूलाई सम्मान र हौसला दिनु हाम्रो दायित्व हो,” श्रेष्ठले बताए। &nbsp;यस किसिमको पुरस्कार घोषणाले महिला क्रिकेटमा सकारात्मक सन्देश जानेछ र भविष्यमा अन्य व्यवसायिक तथा सामाजिक संस्थाहरू पनि खेल क्षेत्रको समर्थनमा अघि बढ्ने अपेक्षा उनले &nbsp;गरेका छन्। आईसीसी महिला टि-२० विश्वकप क्वालिफायर माघ ४ गते देखि १८ गतेसम्म हुनेछ।

महिला टी-२० विश्वकप छनोट: उत्कृष्ट प्रदर्शनकर्तालाई अमरावती बुटिक होटलको नगद पुरस्कार

काठमाडौं। बाल क्रिकेटको विकास तथा प्रतिभावान खेलाडीलाई अवसर प्रदान गर्ने उद्देश्यले राइजिङ स्टार यू–१२ ब्वाइज ओपन क्रिकेट प्रतियोगिता आयोजना हुने भएको छ। प्रतियोगिता माघ १ गतेदेखि माघ २८ गतेसम्म काठमाडौँको सिफल ग्राउण्डमा सञ्चालन हुनेछ। आयोजक राइजिङ स्टार क्रिकेट एकेडेमीका अनुसार प्रतियोगितामा कुल २७ टिमको सहभागिता रहनेछ। तीमध्ये ८ टिम उपत्यका बाहिरका रहनेछन् भने अन्य टोली उपत्यका भित्रका हुनेछन्। जिल्ला स्तरका खेलाडीहरूलाई प्रोत्साहन गर्ने उद्देश्यले उनीहरूका लागि प्रवेश शुल्क पूर्ण रूपमा निःशुल्क गरिएको आयोजकले जनाएको छ। सोमबार काठमाडौंमा आयोजित पत्रकार सम्मेलनमार्फत प्रतियोगिताको घोषणा गर्दै आयोजक राइजिङ स्टार क्रिकेट एकेडेमीका अध्यक्ष सुनिल मान अमात्यले नेपाललाई भविष्यमा टेस्ट राष्ट्र बनाउने लक्ष्यका साथ यस्ता उमेर समूहका प्रतियोगिता आयोजना गरिएको बताए। उनले यस्ता प्रतियोगिताले उमेर समूहका क्रिकेटर उत्पादन गर्न महत्वपूर्ण भूमिका खेल्ने विश्वास व्यक्त गरे। प्रतियोगितालाई अनुपम फुडल्याण्डले मुख्य प्रायोजन गरेको छ। पत्रकार सम्मेलनमा प्रायोजक अनुपम फुडल्याण्डका प्रबन्ध निर्देशक मधु पन्थीले उमेर समूह क्रिकेट विकासमा आयोजकले चालेको कदमलाई साथ दिन प्रायोजन गरिएको बताए। यस्तै, प्रतियोगिताका टेक्निकल निर्देशक रवीन्द्र गुप्ताले प्रतियोगिताको प्राविधिक पक्षबारे जानकारी गराए। प्रतियोगिताको उत्कृष्ट ९० खेलाडी छनोट गरेर ६ वटा टोली बनाइने र उनीहरुलाई सिंगल राउण्ड रोबिन फर्म्याटमा सेतो जर्सीमा खेलाइने आयोजकले घोषणा गरेको छ ।&nbsp; प्रतियोगितामा उत्कृष्ट प्रदर्शन गर्ने टिम तथा खेलाडीहरूलाई आकर्षक पुरस्कारको व्यवस्था गरिएको छ। प्रतियोगिताको प्रथम पुरस्कार रु. ३०,००० र द्वितीय पुरस्कार रु. २०,००० तोकिएको छ। साथै, म्यान अफ द सिरिजलाई किटब्याग, उत्कृष्ट ब्याट्सम्यानलाई ब्याट तथा उत्कृष्ट बलरलाई क्रिकेट जुत्ता प्रदान गरिने आयोजकले जनाएको छ। आयोजकका अनुसार राइजिङ स्टार यू–१२ ब्वाइज ओपन क्रिकेट प्रतियोगिताले भविष्यका क्रिकेट प्रतिभा उत्पादन गर्न महत्वपूर्ण भूमिका खेल्ने अपेक्षा गरिएको छ।

राइजिङ स्टार यू–१२ क्रिकेट माघ १ देखि

काठमाडौ– पाटन उच्च अदालतले अखिल नेपाल फुटबल संघ (एन्फा) को माघ २८ मा हुने भनिएको निर्वाचनको फ्रक्रिया रोक्न सोमबार अन्तरिम आदेश दिएको छ । गोर्खाका अमित खत्रीले हालेको मुद्धामा सुनुवाइ गर्ने त्रममा अदालतले एन्फाको नाममा निर्वाचनका सबै प्रक्रिया रोक्न आदेश दिएको हो । अदालतले दुवै पक्षलाई माघ ६ छलफलका लागि बोलाएको पनि छ ।<img src="https://app.nepalsportz.com/media/django-summernote/2026-01-12/db1c0415-1792-4f15-905f-d1867c8dda96.jpeg" style="width: 621px;"> यसअघि राष्ट्रिय खेलकुद परिषदले पनि एन्फालाई जिल्ला र प्रदेशको चुनाव नगरेर केन्द्रको चुनाव नगर्न आदेश जारी गरेको थियो । तर एन्फाले त्यसलाई वेवास्ता गर्दै निर्वाचनको प्रक्रिया अगाडि बढाएको थयिो । एन्फाको कार्यसमितिले ‘अर्लि इलेक्सन’ को निर्णय गरेको थियो र त्यस अनुसार जिल्ला फुटबल संघमा नया चुनाव नगरेर पुरानोलाई नै मताधिकार दिने पनि निर्णय समेत गरेको थियो ।

एन्फालाई निर्वाचनका प्रक्रिया रोक्न आदेश

जर्मन बुंडेसलिगामा बायर्न म्युनिकले उल्भसबर्गमाथि आइतबार ८–१ को ठूलो अन्तरको जित निकालेको छ । यो जितले बायर्नको उपाधि यात्रा अझ सहज हुने देखिएको छ । उसको १६ खेलबाट ४४ अंक भएको छ ।&nbsp; यो दोस्रोमा रहेको बोरुसिया डर्टमुन्डमाथि ११ अंकको ठोस अग्रता हो । डर्टमुन्ड ३३ अंकमा दोस्रोमा छ भने आरबी लाइपजिग २९ अंकमा तेस्रो स्थानमा छ । बायर्नको यो जितमा मिचेल ओलिसले दुई गोल गरे भने एक गोलमा सहयोगी भूमिका पनि निभाए ।&nbsp; उल्भ्सका तर्फबाट दुई गोल आत्मघाती पनि रह्यो । अहिलेसम्म लिगमा अपराजित रहेको बायर्नले यो सिजन लिगमा चार अंक मात्र गुमाएको छ र यो उत्कृष्ट सुरुआत रहेको छ ।&nbsp;

उल्भसबर्गमाथि बायर्नको आठ गोल

स्कट म्याक टोमिनीलले ८१ औं मिनेटमा गरेको गोलको मदतले नेपोलीले इटालीको सिरी ए मा इन्टर मिलानलाई २–२ को बराबरीमा रोकेको छ । सानसिरोमा भएको खेलमा इन्टरले दुई पल्ट अग्रता लिए पनि त्यसलाई कायम राख्न सकेन् । इन्टरका लागि फेडरिको डिमार्को र हाकान चाहालोलुले गोल गरे । नेपोलीका लागि भने दुवै गोल टोमिनीले गरे । यो नतिजापछि इन्टर ४३ अंकमा शीर्ष स्थानमा र नेपोली ३९ अंकमा तेस्रो स्थानमा छ । उनीहरूबीच एसी मिलान ४० अंकमा दोस्रो स्थानमा छ । एएस रोमा पनि ३९ अंकमा चौथो स्थानमा रहेको छ ।

नेपोलीले रोक्यो इन्टरलाई बराबरीमा

राफिन्हाले ७३ औं मिनेटमा गरेको निर्णायक गोलको मदतले बार्सिलोनाले रियल म्याड्रिडलाई ३–२ ले पराजित गर्दै आइतबार स्पेनिस सुपरकपको उपाधि जितेको छ । बार्सिलोनाका लागि उनले दुई गोल गरे । अर्का एक गोल भने रोबर्ट लेवनडोस्कीको नाममा रह्यो । दस खेलाडीमा सीमित बार्सिलोनाविरुद्ध रियलका तर्फबाट भिनिसियस जुनियर र गोन्जालो गार्सियाले गोल गरे । बार्सिलोनाले सुपरकपको उपाधि जितेको यो कीर्तिमान १६ औं पल्ट हो । केयलिन एमबापेमाथि गरेको फलका लागि फ्रेन्क डे जोङ रातो कार्डमा मैदान छाड्न बाध्य रहे । अब बार्सिलोनाको ध्यान स्पेनी ला लिगाको उपाधि जित्नेमा रहनेछ ।

सुपरकपको उपाधि बार्सिलोनालाई

काठमाडौं। नेपाली क्रिकेटर सन्दीप लामिछाने आबद्ध राजशाही वारियर्स बङ्गलादेश प्रिमियर लिग ९बीपीएल० को दोस्रो स्थानमा उक्लिएको छ। आइतबार पाँचौँ जित हात पार्दै राजशाही अंक तालिकाको दोस्रो स्थानमा पुगेको हो। सिल्हेट अन्तर्राष्ट्रिय क्रिकेट स्टेडियममा सम्पन्न खेलमा राजशाहीले रंगपुर राइडर्सलाई ७ विकेटले पराजित गर्‍यो। रंगपुरले दिएको १७९ रनको लक्ष्य राजशाहीले १९.१ ओभरमा ३ विकेट गुमाउँदै पूरा गर्‍यो। राजशाहीको जितमा मुहम्मद वसीमले अविजित ८७ रनको उत्कृष्ट इनिङ्स खेले। उनले ५९ बलमा ७ चौका र ४ छक्का प्रहार गरे। कप्तान नजमुल होसैन शान्तोले ७६ रनको योगदान दिए। यसअघि पहिले ब्याटिङ गरेको रंगपुरका लागि तोहिद हृदॉयले ५६ बलमा अविजित ९७ रन बनाए पनि टोलीलाई जित दिलाउन सकेनन्। बलिङतर्फ राजशाहीका सन्दीप लामिछानेले १ विकेट लिए।

सन्दीप आबद्ध राजशाही दोस्रो स्थानमा उक्लियो

भिल्लारियलले शनिबार स्पेनी ला लिगामा एलाभेसलाई सजिलै ३–१ ले पराजित गर्दै तेस्रो स्थानमा आफ्नो पकड अझ बलियो बनाएको छ । खेलका चारै गोल दोस्रो हाफमा भएका थिए र भिल्लारियल जितका लागि हकदार थियो । त्यस जितपछि भिल्लारियलको १८ खेलबाट ४१ अंक भएको छ र यो एक खेल बढी खेलेर चौथोमा एटलेटिको म्याड्रिडमाथि तीन अंकको अग्रता हो । रियल म्याड्रिड भने १९ खेलबाट ४५ अंकमा दोस्रोमा छ । यस्तै बार्सिलोना १९ खेलबाट ४९ अंकमा शीर्ष स्थानमा रहेको छ । शनिबारका अन्य खेलमा जिरोनाले ओसासुनालाई १–० ले हरायो भने रियल ओभिएडो र रियल बेटिसले १–१ को बराबरी खेले ।

तेस्रोमा भिल्ला रियल अझ बलियो

इजिप्ट र नाइजेरियाले शनिबार अफ्रिकी कप अफ नेसन्सको सेमिफाइनल यात्रा निश्चित गरेका छन् र यससँगै प्रतियोगिताको सेमिफाइनल समीकरण पूरा भएको छ । अब अन्तिम चारको खेलमा सेनेगेलले इजिप्ट र नाइजेरिया र आयोजक मोरक्कोको सामना गर्नेछ । क्वाटरफाइनलमा इजिप्टले डिफेन्डिङ च्याम्पियन आइाभरीकोस्टलाई ३–२ ले पराजित गरेको हो । <img src="https://app.nepalsportz.com/media/django-summernote/2026-01-11/a0dc877b-6557-49de-b14e-fa042a9f589f.jpeg" style="width: 698px;"> त्यसमा लिभपुरपुलका मोहमद सलाहको गोल निर्णायक सावित भयो । अर्को क्वाटरफाइनलमा नाइजेरियाले अल्जेरियालाई २–० ले हरायो र त्यसमा भिक्टर ओसिमहेन लयमा रहे । हारपछि आइभरीकोस्ट उपाधिको रक्षा गर्न असफल रह्यो । सन् २०१० यता कुनै पनि टिमले डिफेन्डिङ च्याम्पियन भएर उपाधि दोहराएर जित्न सकेको छैन् ।

इजिप्ट र नाइजेरिया पुगे सेमिफाइनलमा

काठमाडौं। विभागीय टोली नेपाल पुलिसलाई हराउँदै न्यु डायन्डले शेरबहादुर खड्का स्मृति राष्ट्रिय महिला भलिबलको उपाधि जितेको छ। त्रिपुरेश्वरस्थित राष्ट्रिय खेलकुद परिषद् (राखेप) कभर्ड हलमा शनिबार सम्पन्न फाइनलमा न्यु डायन्डले पुलिसलाई ३–१ को सेटमा पराजित गरेको हो। पहिलो र दोस्रो सेटमा न्यु डायन्डले २५–२२ र २५–१८ ले जितेको थियो। तेस्रो सेट भने १५–२५ ले गुमायो। उक्त सेट पुलिसले आफ्नो नाममा पारेसँगै खेल चौंथो सेटसम्म धकेलिएको थियो। तर, न्यु डायन्डले पुनरागमन गर्दै २७–२५ ले जितेसँगै उपाधि हात पार्‍यो। उपाधिसँगै न्यु डायमन्डले ५ लाख पायो भने उपविजेता पुलिसले २ लाख ५० हजार पायो। तेस्रो एपीएफले १ लाख २५ हजार पाउँदा चौथो भएको आर्मीले ६५ हजार पायो।

पुलिसलाई हराउँदै न्यु डायमन्ड च्याम्पियन

रियल सोसिडाडले स्पेनी ला लिगामा शुक्रबार गेटाफेमाथि २–१ को संघर्षपूर्ण जित निकालेको छ । दोस्रो हाफको इन्ज्युरी&nbsp;समयको छैटौं मिनेटमा जन आरमबुरुले निर्णायक गोल गरे ।&nbsp; त्यस अगाडि सोसिडाडले नै ब्राइस मेन्डिजको गोलले अग्रता लिएको थियो । तर निर्धारित समयको अन्त्यतिर गेटाफेका लागि जुनामीले बराबरी गोल फर्काए । तर यसले खेलको नतिजामा प्रभाव पार्न सकेन् ।&nbsp; यो नतिजापछि सोसिडाड २१ अंकमा दसौं स्थानमा रह्यो । उसको ठीक पछाडि गेटाफे २१ अंकमै ११ औं स्थानमा रह्यो ।&nbsp;

गेटाफेमाथि सोसिडाडको संघर्षपूर्ण जित

जर्मन बुंडेसलिगामा इन्ट्राक्ट फ्रायन्कफर्ट र बोरुसिया डर्टमुन्डले शुक्रबार ३–३ को रोमाञ्चक बराबरी खेलेका छन् । मोहमुड डाहोडले फ्रान्कफर्टका लागि दोस्रो हाफको इन्ज्युरी समयको दोस्रो मिनेटमा गोल गर्दा टिम जिततर्फ अग्रसर देखिएको थियो । तर त्यसको चार मिनेटपछि चुकवेमेकाले डर्टमुन्डका लागि गोल गरे र दुवै टिम एक एक अंकमा चित्त बुझाउन तयार भए । यो जितले डर्टमुन्डको ३३ अंक भएको छ र दोस्रो स्थानमा छ । बायर्न म्युनिक ४१ अंकमा शीर्ष स्थानमा छ । फ्रायन्कफर्ट भने २६ अंकमा सातौं स्थानमा रहेको छ ।

फ्रायन्कफर्टसँग डर्टमुन्डको बराबरी

मोरक्को र सेनेगलले शुक्रबार अफ्रिकी कप अफ नेसन्सको अन्तिम चारको यात्रा तय गरेका छन् । आयोजक मोरक्कोले क्यामरुनलाई २–० ले हरायो । त्यसमा ब्राहिम डियाज र इस्माइल साइबारीले एक एक गोल गरे । अब मोरक्कोसामु सन् १९७६ यता पहिलो पटक अफ्रिकी कप अफ नेसन्स जित्ने अवसर हुनेछ । यसअघि सेनेगलले मालीलाई १–० ले हराएको थियो र त्यसमा इलिमन एनडियेले निर्णायक गोल गरे ।<img src="https://app.nepalsportz.com/media/django-summernote/2026-01-10/1f5b8c52-ec33-4c5c-ab87-a7fdb5892b13.jpeg" style="width: 698px;"> प्रतियोगितामा शनिबार अल्जेरिया र नाइजेरिया तथा इजिप्ट र आइभरीकोस्ट क्वाटरफाइनलमा भिड्ने छन् । यसपछि प्रतियोगिताको सेमिफाइनल समीकरण तयार हुनेछ ।

Nepalsports

लिभरपुल एफएकपको चौथो चरणमा

📰 Recent News

Nepalsports