म्यानचेस्टर युनाइटेडले इंग्लिस प्रिमियर लिगमा आइतबार नटिंघम फरेस्टमाथि ३–२ को जित रचेको छ । यस नतिजासँगै युनाइटेडले यो सिजनको लिग तेस्रो स्थानमा टुंग्याउने निश्चित गरेको छ ।

जितले युनाइटेडको ६८ अंक भएको छ र यो चौथोमा रहेको एस्टन भिल्लामाथि छ अंकको अग्रता हो । अब लिगमा एकै चरणका खेल मात्र बाँकी रहेको छ । फरेस्ट भने ४३ अंकमा १६ औं स्थानमा रह्यो ।

युनाइटेडका लागि लुका स, म्याथेस कुन्हा र ब्रायन एमबेमोले एक एक गोल गरे । यस्तै फरेस्टका तर्फबाट मोराटो र मोर्गन गिब्स ह्वाइटले गोल गरे ।