लुका मोडरिचले ८५ औं मिनेटमा गरेको निर्णायक गोलको मदतले एसी मिलानले इटलीको सिरी ए मा शुक्रबार पिसालाई २–१ ले पराजित गरेको छ । खेल बराबरीतर्फ अग्रसर भएको बेला अनुभवी मोडरिचले निर्णायक गोल गरेका हुन् ।

मिलानले रुबेन लोफ्टस चिकको गोलले अग्रता लिएको थियो । तर फिलिपे लोयोलाले पिसाका लागि बराबरी गोल गर्न सफल रहे । यो जितपछि मिलानको ५३ अंक भएको छ र दोस्रो स्थानमा छ ।

इन्टर भने इन्टर ५८ अंकमा शीर्षमा छ । शीर्ष चारमा रहेका टिममध्ये नेपोलीको ४९ र युभेन्ट्सको ४६ अंक छ ।