काठमाडौं। राष्ट्रिय लिगमा सातदोबाटो युवा क्लब र संकटा फुटबल क्लब बराबरीमा रोकिएका छन्। 

सातदोबाटोस्थित एन्फा कम्लेक्समा बुधबारबाट सुरुभएको सो प्रतियोगिताको दोस्रो दिनको पहिलो खेलमा संकटा र सातदोबाटोले गोलरहित बराबरी खेलेका हुन्। 

यो नतिजासँगै दुवै टोलीले पहिलो खेलबाट एक एक अंक जोडेका छन्। खेलमा दुवै टोलीले केहि राम्रो अवसर पाए पनि गोलमा परिणत भने गर्न सकेनन्।

अन्ततः दुवै टोलीले गोलरहित बराबरीमा खेल समाप्त गर्दै प्रतियोगिताको सुरुआत गरे।