काठमाडौं । एसिया रग्बी एमिरेट्स सेभेन्स ट्रफीमा नेपालको महिला टिमले समूह चरणमा पहिलो जित हासिल गरेको छ। दशरथ रंगशालामा शुक्रबार साँझ भएको एसिया रग्बी इमिरेट्स सेभेन्स ट्रफीमा आयोजक नेपालले महिलातर्फ उज्वेकिस्तानलाई १२–७ को स्कोरमा पराजित गरेको हो। नेपाल समूह ‘ए’ मा फिलिपिन्स र ग्वामसँग पराजित भएको थियो। नेपाल फिलिपिन्ससँग ३२–० र ग्वामसँग १७–५ ले पराजित भएको थियो। महिला टोली दुई पराजयपछि ‘बाउल’ विधामा प्रवेश गरेको छ। यता, पुरुष टोलीले आ–आफ्नो समूह चरणका दुई खेल नै पराजय व्यहोरेको छ। महिला तथा पुरुष गरि कुल सात खेलमध्ये नेपालले शुक्रबार एउटा मात्र खेल जितेको हो।&nbsp;नेपाली पुरुष टोली समूहका दुई खेलमा उज्वेकिस्तान र बहराइनसँग पराजित भएको थियो। उज्वेकिस्तानसँग २४–० को स्कोरमा पराजित गरेको हो।। यस्तै बहराइनसँग २७–७ ले पराजित भयो।&nbsp; नेपाल र बहराइन दुवैलाई पराजित गर्दै उज्वेकिस्तान समूह ‘बी’ को विजेता बन्दै अर्को चरणमा प्रवेश गरेको छ। राउण्ड अफ ८ मा बहराइनले फिलिपिन्सको सामना गर्दैछ भने उज्वेकिस्तानले जोर्डनको सामना गर्दैछ। नेपाली पुरुष टोली ‘च्यालेन्ज’ विधामा प्रवेश गरेको छ जहाँ तेस्रो स्थानमा रहेका टोलीले प्रतिस्पर्धा गर्नेछन्। नेपालले शनिबार कतारसँग खेल्नेछ।

समूह चरणमा नेपालको पहिलो जित

काठमाडौं । एभरेस्ट महिला भलिबल लिग (इडब्ल्युभिएल) मा शुक्रबार ललिपुर क्विन्सले चितवन शक्तिलाई पराजित गरेको छ। त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा भएको दिनको पहिलो खेलमा ललितपुरले चितवनालाई ३–१ को सेटमा पराजित गरेको हो।&nbsp; अन्तिम तथा निर्णयक सेटमा २५–१९ ले आफ्नो पक्ष्मा पार्दै महत्वपूर्ण तीन अंक जोडेको हो।&nbsp; यो जितसँगै ललितपुर फाइनल प्रवेशको सम्भावना बलियो बनेको छ। ललितपुरले जारी लिगमा समूह चरणको दुई खेलमा पराजय ब्यहोरेको छ।&nbsp; पराजित चितवन भने प्रतियोगिताबाट बाहिरिएको हो। ललितपुरले कर्णाली यश्विज र काठमाडौं स्पाइकर्सविरुद्धको खेलको नतिजा कुर्नुपर्ने हुन्छ।

ललितपुर फाइनल नजिक

काठमाडौं । एसिया रग्बी इमिरेट्स सेभेन्स ट्रफी २०२४ मा नेपालको महिला टिमले लगातार दोस्रो पराजय व्यहोरेको छ। त्रिपुरेश्वरस्थित दशरथ रंगशलामा भएको खेलमा महिलातर्फ नेपाल ग्वामसँग %–१७ को स्कोरमा पारजित भएको हो।&nbsp; यसअघि नेपाल पहिलो खेलमा फिलिपिन्ससँग ३२–० को स्कोरमा पराजित भएको थियो। नेपालले शुक्रबारनै समूह चरणको अन्तिम खेलमा ७:०२ बजे उज्वेकिस्तानसँग प्रतिस्पर्धा गर्नेछ।

महिला टिमको लगातार दोस्रो हार

काठमाडौं । एसिया रग्बी इमिरेट्स सेभेन्स ट्रफी २०२४ मा नेपालको पुरुष टिमले दोस्रो पराजय व्यहोरेको छ।&nbsp; त्रिपुरेश्वरस्थित दशरथ रंगशलामा भएको खेलमा पुरुषतर्फ नेपाल बहराईनसँग ७–२७ को स्कोरमा पराजित भएको हो। यसअघि नेपाल आफ्नो पहिलो खेलमा उज्वेकिस्तानसँग २४–० को स्कोरमा पराजित भएको थियो।&nbsp; यस्तै, नेपालको महिला टिम पनि आफ्नो पहिलो खेलमा फिलिपिन्ससँग ३२–० को स्कोरमा पराजित भएको थियो। महिला टिमले शुक्रबार नै ग्वाम र उज्वेकिस्तानसाग प्रतिस्पर्धा गर्नेछ भने पुरुष टिमको शुक्रबार अन्य खेल भने छैन। यस्तै, अन्य खेलमा जोर्डनले पाकिस्तानलाई २२–१५, कतारले साउदी अरेबीलाई ३९–७, श्रीलंकाले काजकिस्तानलाई ४३–०, भारतले बंगलादेशलाई ३१–० को स्कोरमा पारजित गरेको हो। चाईनिज ताईपेइले अफगानिस्तालाई ७–२६ को स्कोरमा पराजित गर्यो। यस्तै महिलातर्फ पहिलो खेलमा उज्वेकिस्तानले ग्वामलाई १९–१२ को स्कोरेले पराजित गरेको हो। पुरुषतर्फ भारतले श्रीलंकालाई २९–१० को स्कोरमा पराजित भएको थियो। पुरुषतर्फ नै जोर्डनलाई फिलिपिन्सले ०–२६ ले पराजित गरेको थियो। प्रतियोगितामा १६ राष्ट्रको २१ टोलीको सहभागिता रहेको छ।&nbsp; प्रतियोगिता शुक्रबार र शनिबार हुनेछ। प्रतियोगिताको विजेता टिमले स्वर्ण पदकसहित च्याम्पियन ट्रफी पाउनेछ। पुरूषतर्फ आयोजक नेपाल, फिलिपिन्स, बहराईन, काजाकिस्तान, अफगानिस्थान, उज्वेकिस्तान, पाकिस्तान, भारत, कतार, साउदी अरेबिया, जोर्डन, बङ्गलादेश, चाईनिज ताईपेइ र श्रीलंकामहिलातर्फ आयोजक नेपाल, फिलिपिन्स, भारत, ग्वाम, श्रीलंका, इरान, उज्वेकिस्तान र इन्डोनेसिया

एसिया रग्बी इमिरेट्स सेभेन्स ट्रफी : पुरुष टिम लगातार दोस्रो हार

काठमाडौं । एसिया रग्बी र नेपाल रग्बी संघको आयोजनामा शुक्रबारबाट सुरु भएको एसिया रग्बी इमिरेट्स सेभेन्स ट्रफी २०२४ मा नेपालको महिला टिम पहिलो खेलमा पराजित भएको छ। त्रिपुरेश्वरस्थित दशरथ रंगशलामा भएको खेलमा महिलातर्फ नेपाल फिलिपिन्ससँग ३२–० को स्कोरमा पराजित भएको हो। यसअघि नेपालको पुरुष टिम उज्वेकिस्तानसँग २४–० को स्कोरमा पराजित भएको थियो। यस्तै, अन्य खेलमा जोर्डनले पाकिस्तानलाई २२–१५, कतारले साउदी अरेबीलाई ३९–७, श्रीलंकाले काजकिस्तानलाई ४३–०, भारतले बंगलादेशलाई ३१–० को स्कोरमा पारजित गरेको हो। &nbsp;चाईनिज ताईपेइले अफगानिस्तालाई ७–२६ को स्कोरमा पराजित गर्यो। यस्तै महिलातर्फ पहिलो खेलमा उज्वेकिस्तानले ग्वामलाई १९–१२ को स्कोरेले पराजित गरेको हो।&nbsp;प्रतियोगितामा १६ राष्ट्रको २१ टोलीको सहभागिता रहेको छ। आयोजकका अनुसार पहिलो दिन ३० खेल हुनेछ।&nbsp; प्रतियोगिता शुक्रबार र शनिबार हुनेछ। प्रतियोगिताको विजेता टिमले स्वर्ण पदकसहित च्याम्पियन ट्रफी पाउनेछ।&nbsp; पुरूषतर्फ&nbsp; आयोजक नेपाल, फिलिपिन्स, बहराईन, काजाकिस्तान, अफगानिस्थान, उज्वेकिस्तान, पाकिस्तान, भारत, कतार, साउदी अरेबिया, जोर्डन, बङ्गलादेश, चाईनिज ताईपेइ र श्रीलंकामहिलातर्फ&nbsp; आयोजक नेपाल, फिलिपिन्स, भारत, ग्वाम, श्रीलंका, इरान, उज्वेकिस्तान र इन्डोनेसिया

एसिया रग्बी इमिरेट्स सेभेन्स ट्रफी : पहिलो खेलमा नेपाल महिला टिम पराजित

काठमाडौं । एसिया रग्बी र नेपाल रग्बी संघको आयोजनामा शुक्रबारबाट सुरु भएको एसिया रग्बी इमिरेट्स सेभेन्स ट्रफी २०२४ मा आयोजक नेपाल पहिलो खेलमा पराजित भएको छ। त्रिपुरेश्वरस्थित दशरथ रंगशलामा भएको खेलमा पुरुषतर्फ नेपाल उज्वेकिस्तानसँग २४–० को स्कोरमा पराजित भएको हो।&nbsp; यस्तै अन्य खेलमा जोर्डनले पाकिस्तानलाई २२–१५, कतारले साउदी अरेबीलाई ३९–७, श्रीलंकाले काजकिस्तानलाई ४३–०, भारतले बंगलादेशलाई ३१–० को स्कोरमा पारजित गरेको हो। &nbsp;चाईनिज ताईपेइले अफगानिस्तालाई ७–२६ को स्कोरमा पराजित गर्यो। यस्तै महिलातर्फ पहिलो खेलमा उज्वेकिस्तानले ग्वामलाई १९–१२ को स्कोरेले पराजित गरेको हो।&nbsp;प्रतियोगितामा १६ राष्ट्रको २१ टोलीको सहभागिता रहेको छ। आयोजकका अनुसार पहिलो दिन ३० खेल हुनेछ। जसमा ओपनिङ सेस्न अघि सात खेल सम्पन्न भएको छ।&nbsp; प्रतियोगिता शुक्रबार र शनिबार हुनेछ। प्रतियोगिताको विजेता टिमले स्वर्ण पदकसहित च्याम्पियन ट्रफी पाउनेछ।

एसिया रग्बी इमिरेट्स सेभेन्स ट्रफी : पहिलो खेलमा नेपाल पुरुष टिम पराजित

&nbsp;काठमाडौं । महिला टी–२० विश्वकप २०२४ को उद्घाटन खेलमा पाकिस्तानले श्रीलंकालाई ३१ रनले पराजित गर्दै पहिलो जित हात पारेको छ।युएईको शारजाहमा पाकिस्तानले ११६ रनको मध्यम स्कोर बनाए पनि श्रीलंकालाई मात्र ८५ रनमा सीमित गर्दै जित दर्ता गरेको हो। &nbsp; पाकिस्तानका लागि कप्तान फातिमा साना शीर्ष स्कोरर रहिन्, जसले ३० रन बनाउँदै टोलीलाई लडनयोग्य स्कोरसम्म पुर्याइन्। निदा दारले २३ तथा ओमाइमा सोहेलले १८ रन बनाइन्।&nbsp; श्रीलंकाका उदेशिका प्रभोधनी, सुगन्दिका कुमारी र कप्तान चमारी अथापथ्थुले समान ३ विकेट लिएर पाकिस्तानलाई दबाबमा राखेका थिए। तर, पाकिस्तानका बलरहरूले उत्कृष्ट प्रदर्शन गर्दै श्रीलंकालाई लक्ष्यसम्म पुग्न दिएनन्। &nbsp; श्रीलंकाको ब्याटिङमा चमारी अथापथ्थुको प्रदर्शन उल्लेखनीय रह्यो। उनले बलिङमा ३ विकेट लिएर पाकिस्तानलाई दबाबमा राख्न मद्दत गरे तापनि ब्याटिङमा मात्र २२ रनको योगदान दिँदै आउट भइन्।&nbsp; यसैगरी विष्मी गुणरत्नेले २० रन बनाइन्। अन्य खेलाडीले दोहोरो अंकमा रन बनाएनन्। पाकिस्तानका ओमैमा सोहेलले सानदार बलिङ गर्दै ३ विकेट लिइन् भने साना र इकÞबालले पनि समान २–२ विकेट लिए।&nbsp; यो जितसँगै पाकिस्तानले श्रीलंकाविरुद्ध लगातार चार खेलमा हार बेहोरेको शृंखला तोड्दै प्रतियोगितामा विजयी सुरुवात गरेको छ।

महिला टि–२० विश्वकपमा पाकिस्तान विजयी

काठमाडौं । युरोपियन कम्फेरेन्स लिगमा चेल्सीले सहज जित हासिल गरेको छ।&nbsp; घरेलु मैदान स्टामफोर्ड ब्रिजमा बिहीबार राति भएको खेलमा लण्डन क्लबले जेन्टलाई ४–२ ले पराजित गरेको हो। चेल्सीको जितमा रेनाटो वेइगा, पेड्रो नेटो, क्रिष्टिफर एकुन्कु र केइरमान हलीले गोल गरे। बेल्जियन क्लब जेन्टको लागि सुयोसी वाटानाबे र ओमरी गन्डेलम्यानले समान एक गोल गरे। चेल्सीले पहिलो हाफमा १ गोल गरेको थियो। दोस्रो हाफमा तीन गोल गर्दा दुई गोल बेहोरेको थियो। पहिलो खेलमै जित निकालेको चेल्सीको तीन अंक छ।

चेल्सी विजयी

काठमाडौं । युइएफए युरोपा लिग फुटबलमा पोर्चुगिज क्लब पोर्टो र इंग्लिस क्लब म्यानचेस्टर युनाइटेडले ३–३ गोलको बराबरी खेलेका छन्। खेलको शुरुवातमै तीव्र गतिमा अग्रता लिएको युनाइटेडका लागि मार्कस रशफोर्डले सातौं मिनेटमा गोल गर्दै सुरुआती अग्रता दिलाएका थिए। त्यसपछि रास्मस होजलुन्डले २०औं मिनेटमा दोस्रो गोल थप्दै युनाइटेडलाई २–० ले अगाडि बढाए।&nbsp; २७औं मिनेटमा पेपेले नजिकैबाट हेडर गोल गर्दै गरे। त्यसको सात मिनेटपछि सामुले गोल गर्दै खेललाई बराबरीमा ल्याए। दोस्रो हाफको सुरुवातमै सामुले आफ्नो दोस्रो गोल थप्दै पोर्टोलाई अग्रता दिलाए। तर, युनाइटेडले अन्तिम समयमा पुनरागमन गर्दै खेल बराबरीमा पुऱ्यायो। ८१औं मिनेटमा दोहोरो पहेँलो कार्ड रातो पाउँदै ब्रुनो फनान्डेज बाहिरिए पनि १० खेलाडीमा समेटिएको युनाइटेडले अन्ततः बराबरी गर्न सफल भयो।

पोर्टो र युनाइटेडले बराबरी खेले

काठमाडौं । एभरेस्ट महिला भलिबल लिगमा कर्णाली यश्विजले विजयी यात्रालाई चौथो खेलसम्म पनि कायम राखेको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बिहीबार भएको खेलमा कर्णालीले चितवन शक्तिमाथि ३–२ सेटको रोमाञ्चक जित हासिल गरेको हो। जितसँगै कर्णलीले चार खेलमा १० अंक जोडेर फाइनल प्रवेशको सम्पन्न बलियो बनाएको छ।

कर्णालीको लगातार चौथो जित

काठमाण्डौं&nbsp;। एभरेस्ट महिला भलिबल लिगमा&nbsp;काठमाण्डौं&nbsp;स्पाइकर्सले लगातार तेस्रो जित हासिल गरेको छ। त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा बिहीबार भएको पहिलो खेलमा मधेश युनाइटेडलाई काठमाडौंले ३–१ को सेटमा पराजित गरेको हो। पहिलो सेट १५–२५ ले गुमाएको&nbsp;काठमाण्डौंले त्यसपछिका तीन सेट २५–२३, २५–१५, २५–१८ ले आफ्नो पक्षमा पार्यो। जितसँगै चार खेलमा ९ अंक जोडेको&nbsp;काठमाण्डौं&nbsp;शीर्ष स्थानमा उक्लिएको छ। चारै खेलमा पारजित मधेश अंकविहन हुँदै पुछारमा छ। यसअघि ललितपुर क्सिन्ससँग ३–१ को सेटमा पराजित भएको&nbsp;काठमाण्डौंले चितवन शक्ति र गण्डकी थन्डर्सलाई समान ३–१ को सेटमा हराएको थियो। मधेश यसअघि कर्णाली यश्विज, ललितपुर र चितवनसँग समान ३–१ सेटमा पराजित भएको थियो।

काठमाण्डौंको तेस्रो जित

नेपाल सुपर लिग (एनपिएल) टोली सुदूरपश्चिमाञ्चल रोयल्सले ओलम्पियन दीपक विष्टलाई ब्रान्ड एम्बेसडर नियुक्त गरेको छ । विष्ट र सुदूरपश्चिम रोयल्सका मालिक स्वतन्त्र प्रताप शाहले सम्झौता पत्रमा हस्ताक्षर गर्नुभएको छ । सुदूरपश्चिम मात्र नभइ देशका शान तेक्वान्दोका सफल खेलाडी विष्टलाई आफ्नो ब्रान्ड एम्बेसडर नियुक्त गर्न पाउनु खुसीको बिषय भएको सुदूरपश्चिम रोयल्सका मालिक शाहले बताउनुभएको छ । उनले भन्नुभयो ,‘उहाँ खेलकुदको रोलमोडल हो । आफ्नो समयमा खेलेर योगदान गर्नुभयो । अहिले नयाँ पुस्ताका खेलाडीलाई हौसला बढाउँदै आउनुभएको छ । उहाँ हामीसँग जोडिनु सुदूरपश्चिम रोयल्सका लागि गर्वको विषय हो।’दक्षिण एसियाली खेलकुद (साग) का ४ पटकका स्वर्ण पदक विजेता विष्टले एसियाली खेलकुदमा दुई पटक कास्य पदक जित्नुभएको थियो । छनोट चरण पार गरेर उहाँले बेइजिङ ओलम्पिक २००८ खेल्नुभएको थियो ।विष्टले सुदूरपश्चिम रोयल्सलाई धन्यवाद दिँदै सुदूरपश्चिम क्रिकेटका लागि उर्वर भूमि भएको र एनपिएलको आयोजनाले व्यवसायिक क्रिकेटलाई उचाईमा पुर्याउने सम्भावना रहेको बताउनुभएको छ ।उहाँले भन्नुभयो, ‘यो उद्देश्यमा साथ दिन सुदूरपश्चिम रोयल्समा जोडिन पाउँदा खुसी लागेको छ । एनपिएलको आयोजनाले अन्ततः नेपाली क्रिकेट कै विकास हुने आशा छ ।’सुदूरपश्चिम रोयल्सको मार्की खेलाडी दीपेन्द्र सिंह ऐरी र मुख्य प्रशिक्षक जगत टमटा हुनुहुन्छ ।

सुदूरपश्चिमको ब्रान्ड एम्बासडरमा विष्ट

काठमाडौं । एसिया रग्बी इमिरेट्स ट्रफी २०२४ को सम्पूर्ण तयारी पूरा भएको छ। एसिया रग्बीको आयोजना र नेपाल रग्बी संघको व्यवस्थापनमा प्रतियोगिता त्रिपुरेश्वरस्थित दशरथ रंगशलामा शुक्रबार र शनिबार आयोजना हुँदैछ। प्रतियोगिताको सम्पूर्ण तयारी पूरा भएको नेपाल रग्बी संघको अध्यक्ष दीपक देवकोटाले जानकारी दिए। यस प्रतियोगितामा घरेलु टोलीको लक्ष्य उपाधि जित्ने रहेको उनले सुनाए। ‘पोखरामा टोलीले करिब तीन महिनादेखि अभ्यास गरिरहेका थिए। त्यसैले हाम्रो लक्ष्य उपाधि हासिल गर्नेछ,’ उनले भने, ‘पहिलोपल्ट नेपालमा एसियालीस्तरको सिनियर रग्बी प्रतियोगिता आयोजना हुन लाग्दा हामी उत्साहित छौं।’ प्रतियोगितामा एसियाका १६ राष्ट्रले प्रतिस्पर्धा गर्नेछन्। जसमा पुरूषतर्फ १४ र महिलातर्फ सात टोली सहभागी हुनेछन् इरानको महिला टोली बुधबार आउने तय थियो। तर, देशमा चलिरहेको आन्तरिक द्वन्दका कारण यस प्रतियोगितामा सहभागी हुने छैन। प्रतियोगितामा सहभागिता जनाउने नेपाली टोलीको घोषणा भइसकेको छ। नेपाल रग्बी संघले बुधबार महिलातर्फ सिर्जना राई र पुरुषतर्फ विक्रम पुरीलाई कप्तानी जिम्मेवारी दिएको छ। २०२५ मा हुने एसिया रग्बी सेभेन्स सिरिजको छनोटको रूपमा समेत रहेको प्रतियोगिताको च्याम्पियन टोलीले एसिया रग्बीको ट्रफीसहित स्वर्ण पदक प्राप्त गर्नेछ। दोस्रो हुनेले रजत र तेस्रो हुने टोलीले कांस्य पदकमा चित्त बुझाउने छन्। प्रतियोगिताको विजेताले २०२५ मा हुने एसिया रग्बी सेभेन्स सिरिजमा स्थान बनाउने छन्।

एसिया रग्बी इमिरेट्स ट्रफी २०२४ को सम्पूर्ण तयारी पूरा

काठमाडौं । क्यानडामा जारी त्रिकोणात्मक टि–२० श्रृंखलामा नेपालले ओमानलाई पराजित गरेको छ।&nbsp; क्यानडाको किङ सिटीमा बुधबार राति भएको खेलमा नेपालले ५६ रनको जित हात पारेको हो।&nbsp; नेपालले दिएको १५८ रनको लक्ष्य पछ्याएको ओमान १९ दशमलव पाँच ओभरमा १०१ रन जोड्दै अलआउट भयो।&nbsp; ओमानका जिसान मकसुदले ३५ र अकिब इलियासले २२ रन बनाए।&nbsp; नेपालका कुशल भुर्तेलले तीन, रोहित पौडेल र सन्दीप लामिछानेले २–२ विकेट लिए।&nbsp; यसअघि टस हारेर पहिला ब्याटिङ गरेको नेपालले २० ओभरमा सात विकेट गुमाउँदै १५७ रन बनाएको थियो।&nbsp; नेपालका लागि कप्तान रोहित पौडेलले ४४ बलमा दुई चौका र चार छक्कासहित ५६ रनको योगदान दिए। ओपनर अनिल साह ११, आसिफ शेख १६, देव खनाल १८, दीपेन्द्रसिंह ऐरी एक, गुल्सान झा दुई र कुशल भुर्तेल ११ रनमा आउट भएका थिए।

ओमानविरुद्ध नेपाल ५६ रनले विजयी

काठमाडौं । एभरेस्ट वुमन्स भलिबल लिग मा चितवन शक्तिले मधेश युनाइटेडलाई ३–१ सेटमा हराउँदै लिगमा दोस्रो जित हात पारेको छ।&nbsp; राष्ट्रिय खेलकुद परिषदको कर्भडहलमा भएको लिगको तेस्रो दिनको तेस्रो खेलमा चितवनले मधेशलाई २५–२०, २५–१९, १९–२५ र २५–२१ ले हराएको हो।&nbsp; पहिलो, दोस्रो र चौथो सेटमा जित्दै चितवनले खेल जितेको हो।&nbsp; पहिलो खेलमा गण्डकी थन्डर्सलाई ३–१ ले पराजित गरेको चितवनका लागि यो लिगको दोस्रो जित हो।&nbsp; चितवनले पहिलो खेलमा गण्डकी थन्डर्सलाई हराएको थियो भने दोस्रो खेलमा काठमाडौं स्पाइकर्ससँग हारेको थियो।

मधेशलाई हराउँदै चितवनले निकाल्यो दोस्रो जित

काठमाडौं । पहिलो संस्करणको नेपाल प्रिमियर लिग (एनपिएल) अक्सनमा १४२ खेलाडी सहभागी हुने भएका छन्।&nbsp; नेपाल क्रिकेट संघ (क्यान) ले बुधवार अक्सनमा सहभागी हुने खेलाडीको सुची सार्वजनिक गरेको हो।&nbsp; क्यानले २०८१ साल असोज ५ गते देखि असोज १२ सम्म खेलाडीलाई नाम दर्ता गर्न आह्वान गरेको थियो। यस अवधीमा कुल ४२६ नेपाली खेलाडीहरुले आफ्नो नाम दर्ता गराएका थिए। नाम दर्ता गराएका खेलाडीहरुलाई क्यानले सर्ट लिस्ट गरि १४२ खेलाडीको अन्तिम सुची प्रकाशित गरेको हो।

एनपिएल अक्सनमा १४२ खेलाडी सहभागी

काठमाडौं । काठमाडौं स्पाइकर्सले एभरेस्ट महिला भलिबल लिगमा लगतार दोस्रो जित हासिल गरेको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बुधबार भएको दिनको दोस्रो खेलमा काठमाडौंले गण्डकी थन्डर्सलाई ३–१ को सेटमा पराजित गरेको हो। पहिलो सेट २५–२३ ले आफ्नो पक्षमा पारेको काठमाडौंले दोस्रो सेट २५–१९ ले गुमाएको थियो। त्यसपछिका दुई सेटमा काठमाडौं २५–२१, २५–१८ ले विजयी भयो। जितसँगै तीन खेलमा ६ अंक जोडेको काठमाडौं दोस्रो स्थानमा उक्लिएको छ। तीनै खेलमा पराजित गण्डकी एक अंकका साथ पाँचौं स्थानमा छ। पहिलो खेलमा ललितपुर क्विन्ससँग ३–१ को सेटमा पराजित भएको काठमाडौंले दोस्रो खेलमा चितवन शक्तिलाई ३–१ कै सेटमा हराएको थियो। यता पहिलो खेलमा गण्डकीले चितवनसँग ३–१ र दोस्रो खेलमा कर्णाली यश्विजसँग ३–२ को सेटमा हार ब्यहोरेको थियो।

काठमाडौंको दोस्रो जित

काठमाडौं । एसिया रग्बी इमिरेट्स सेभेन्स ट्रफी–२०२४ नेपाली टोलीको कप्तानी बिक्रम पुरी र सिर्जना राईले गर्ने भएका छन्। एसिया रग्बी आयोजना र नेपाल रग्बी संघको व्यवस्थापनमा असोज १८ र १९ गते त्रिपुरेश्वरस्थित दशरथ रंगशालामा प्रतियोगिता हुन लागेको हो। सोही प्रतियोगिताका लागि रग्बी संघले बुधबार पुरुषतर्फ बिक्रमलाई र महिलातर्फ सिर्जना कप्तानी जिम्मेवारी दिएको हो। महिलातर्फ आशा कुँसार, पुनम भुजेल श्रेष्ठ, सुस्मिता क्षेत्री, अनु शेर्पा, विशाखा मार्किन राई, रोजिना पोखरेल, विनीता शाही ठकुरी, सुजा राई, मनीषा थापामगर, कमला राई र सिर्जना राई टोलीमा परेका छन्।&nbsp; संगिता घिसिङ, सावित्री पुर्जा, सिर्जना छन्त्याल र अप्सरा कार्कीलाई भने वैकल्पिकमा राखिएको छ ।&nbsp; यता, पुरुषतर्फ विवेश बासु, सविन महत, क्याल्भिन जोशी, विराट श्रेष्ठ, यदु अधिकारी, निरोज कार्की, विक्रम पुरी, नवीनबहादुर मगर, गणेश बानियाँ, रोहन डंगोल, विजय खड्का र कपिल ठकुरी टोलीमा समेटिएका छन्।&nbsp; विनोदबहादुर शाही, मशेष सुनार, सञ्जय अधिकारी र प्रमेश चौधरीलाई भने वैकल्पिकमा राखिएको छ ।&nbsp; प्रतियोगितामा एसियाका १७ राष्ट्रले प्रतिस्पर्धा गर्नेछन्। नेपालमा एसियाली स्तरको सिनियर रग्बी प्रतियोगिता हुन लागेको यो पहिलोपल्ट हो। यस प्रतियोगिताका लागि नेपाली महिला तथा पुरुष टोलीले पछिल्लो तीन महिनादेखि पोखरामा तयारी गरिरहेको थियो। च्याम्पियन महिला तथा पुरुष टोलीले एसिया रग्बीको ट्रफीसहित स्वर्ण पदक, दोस्रो हुनेले रजत र तेस्रो हुने टोलीले कांस्य पदक प्राप्त गर्नेछन्। यो प्रतियोगिता २०२५ मा हुने एसिया रग्बी सेभेन्स सिरिजको छनोटको रूपमा समेत रहेको छ। प्रतियोगिताको विजेताले २०२५ मा हुने एसिया रग्बी सेभेन्स सिरिजमा स्थान बनाउने छन्।

बिक्रम र सृर्जना कप्तान

काठमाडौं । कर्णाली यसभिसले एभरेष्ट महिला भलिबल लिगमा लगातार तेस्रो जित हासिल गरेको छ। त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा भएको दिनको पहिलो खेलमा बुधबार कर्णालीले ललितपुर क्विन्सलाई ३–० को सोझो सेटमा पराजित गरेको हो। जितसँगै कर्णालीले तीन खेलबाट आठ अंक जोडेको छ। मधेश युनाइटेडलाई ३–१ को सेटमा पराजित गरेको कर्णालीले दोस्रो खेलमा गण्डकीलाई ३–२ को सेटमा पराजित थियो। ललितपुरको यो पहिलो हार हो। पहिलो खेलमा ललितपुरले काठमाडौं स्पाइकर्सलाई ३–१ को सेटमा हराएको थियो भने दोस्रो खेलमा मधेशलाई पनि ३–१ कै सेटमा पराजित गरेको थियो।

कर्णालीको लगातार तेस्रो जित, ललितपुरको पहिलो हार

काठमाडौं । नेपाल प्रिमियर लिग (एनपीएल) टोली सुदूरपश्चिम रोयल्सले जगत टमाटलाई टोलीको मुख्य प्रशिक्षकमा नियुक्त गरेको छ। क्लबले टमाटालाई प्रशिक्षणको जिम्मेवारी सुम्पिएको जानकारी दियो। टमाटाले नेपाली राष्ट्रिय पुरुष टोली यु–१९ टोलीको प्रशिक्षण सम्हालिसकेका छन्। टमाटाको प्रशिक्षणमा नेपाल सन् २०१८ मा एकदविसीय मान्यता प्राप्त गरेको थियो। यसैगरी यु–१९ टोलीले सन् २०१६ र गत जनवरीमा आइसिसी एकदिवसीय विश्वकप खेलेको थियो ।&nbsp; एम्पायर स्पोर्टस प्रालिको स्वामित्वमा रहेको सुदूरपश्चिममा राष्ट्रिय क्रिकेट टोलीका अलराउन्डर दीपेन्द्रसिंह ऐरी मार्की खेलाडीका रूपमा छन्। नेपाल क्रिकेट संघ -क्यान_ को आयोजनामा मंसिर १६ गतेदेखि पुस ६ गतेसम्म हुने एनपिएलमा ८ टोलीले सहभागिता जनाउने छन्।प्रतियोगितामा सुदूरपश्चिमसहित काठमाडौं गुर्खाज, चितवन राइनोज, विराटनगर किंग्स, जनकपुर बोल्ट्स, लुम्बिनी लायन्स, पोखरा एभेन्जर्स र कर्णाली याक्सले प्रतिस्पर्धा गर्नेछन्।

टमाटा सुदूरपश्चिमको मुख्य प्रशिक्षक

काठमाडौ- युरोपा कन्फ्रेन्स लिगको उपाधि इंग्लिस क्लब वेस्ट ह्यामले जितेको छ। राति भएको खेलमा इटालियन क्लब फियोरेन्टिनालाई २–१ गोलअन्तरले पराजित गर्दै वेस्ट ह्यामले उपाधि जितेको हो। वेस्ट ह्यामका लाही सेड बेनरहमा र जरोड बोवेनले समान १-१ गोल गर्दा फियोरेन्टिनाका लागी जियोकोमो बोनोभेन्चुराले गोल गरे।

Nepal Sports

MENU

FOOTBALL LEAGUE

FAVORITE CLUB

युरोपा कन्फ्रेस लिगको उपाधि वेस्ट ह्यामलाई

📰 Recent News