कोलकाता नाइटराइडर्सले इन्डियन प्रिमियर लिग (आईपीएल) मा लखनउ सुपर जायन्ट्समाथि आइतबार सुपर ओरभमा जित निकालेको छ । लखनउमा पहिले ब्याटिङ गर्दै कोलकाताले सात विकेटमा १ सय ५५ रन बनाएको थियो ।

त्यसमा रिन्कु सिंहले ८३ रन बनाए र नटआउट रहे । जवाफमा लखनउले ऋषव पन्तको ४२ रनको मदतले आठ विकेटमा १ सय ५५ रन बनाएको थियो । सुपर ओभरमा लखनउले दुई विकेट गुमाएपछि एक रन मात्र बनाउन सक्यो ।

कोलकाताका लागि रिन्कुले पहिलो बलमै चौका प्रहार गर्दै जित दिलाए । यो नतिजापछि कोलकाता पाँच अंकमा आठौं स्थानमा उक्लेको छ भने लखनउ चार अंकमा दसौं स्थानमा झरेको छ ।