काठमाडौं। राजविराज राजदेवी रोयल र तिरहुट टाइगर्स सप्तरीको राजविराजमा जारि सातौँ संस्करणको मेयर कप सप्तरी प्राइड लिगको फाइनलमा प्रवेश गरेका छन्।&nbsp; निरन्तर वर्षाका कारण बुधबारका दुवै सेमीफाइनल खेल रद्द हुँदा समुह चरणमा दुई समुहका विजेता टिम फाइनल प्रवेश गरेका हुन्। उपाधिको लागि रोयल र डिफेन्डिङ च्याम्पियन समेत रहेको टाइगर्स बिहिबार प्रतिस्पर्धा गर्नेछन्।&nbsp; राजविराज राजदेवी रोयल र खडक वारियर्स बीचको आजको पहिलो सेमीफाइनल तथा तिरहुट टाइगर्स र कन्चनरुप राइनोज बीचको दोश्रो सेमीफाइनल खेल दुवै निरन्तर वर्षाका कारण सम्भव हुन सकेन। दुवै खेलको टस समेत हुन सकेन।&nbsp; ८ टिम सहभागी प्रतियोगिताका टिमहरुलाई दुई समुहमा बिभाजन गरिएको थियो। समुह 'ए' को विजेताको रुपमा ३ खेलमा ५ अंक सहित राजविराज राजदेवी रोयल सेमीफाइनल प्रवेश गरेको थियो। यस्तै समुह 'बि' बाट ३ खेलमा ६ अंक सहित समुह विजेताको रुपमा तिरहुट टाइगर्स सेमीफाइनल प्रवेश गरेको थियो। समुह 'ए' बाट ३ खेलमा ४ अंक बटुल्दै समुह उप-विजेताको रुपमा कन्चनरुप राइनोज तथा समुह 'बि' बाट ३ खेलमा ४ अंक बटुल्दै समुहको उप-विजेताको रुपमा खडक वारियर्स सेमीफाइनल प्रवेश गरेको थियो।&nbsp; सप्तरी क्रिकेट संघद्वारा आयोजित प्रतियोगिताको विजेता टिमले २ लाख तथा उपविजेताले १ लाख रुपैयाँ प्राप्त गर्नेछन्।

राजदेवी रोयल र तिरहुट टाइगर्स प्राइड लिगको फाइनलमा

काठमाडौं। सुदूरपश्चिम रोयल्सले नेपाल प्रिमियर लिग (एनपीएल) सिजन २ का लागि सुदूरपश्चिमकै धनगढीस्थित एसपीए कलेजसँगको साझेदारीलाई निरन्तरता दिन पाउँदा गर्व महसुस गरेको छ।&nbsp; एसपीए कलेजले सुदूरपश्चिमाञ्चल एकेडेमी (एसपीए) पनि सञ्चालन गर्दै आएको छ, जसले शिक्षा र खेलकुदलाई सँगसँगै अघि बढाउने कार्य गरिरहेको छ। पहिलो सिजनदेखि नै एसपीए कलेजले टिमसँग सहकार्य गर्दै आएकोमा थप २ सिजन यो साझेदारी रहने हामी सहर्ष जानकारी गराउन चाहन्छौं । धनगढीमा रहेको फाप्ला अन्तर्राष्ट्रिय क्रिकेट रंगशाला तथा खेल ग्राम पूर्वाधार विकास समितिका अध्यक्षसमेत रहनुभएका एसपीए कलेजका प्रबन्ध निर्देशक सुभाष शाहीले भन्नुभयो, 'हामीले देखेका छौं कि खेलकुदले युवालाई प्रेरणा दिने ठूलो क्षमता राख्छ। सुदूरपश्चिम रोयल्ससँगको सहकार्यले हामीलाई कक्षाकोठाबाहिर पनि विद्यार्थीलाई सहयोग गर्न सक्ने अवसर दिएको छ।' हालै, एसपीए कलेजले नेपाल यु–१६ टोलीको तर्फबाट मलेसियामा भएको एसीसी यु–१६ इस्ट जोन कप जित्न योगदान दिने सुदूरपश्चिमका दुई युवा खेलाडी सचिन भट्ट र सुशील रावललाई जनही रु २५,००० पुरस्कार स्वरूप प्रदान गरेको छ। सुशील रावल सिजन १ मा गरिएको ट्यालेन्ट हन्टमार्फत छनोट भएका सुदूरपश्चिम रोयल्स हिरोज टिमको सदस्य थिए। सुदूरपश्चिम रोयल्सका प्रमुख कार्यकारी अधिकृत प्रकाश खड्काले &nbsp;भन्नुभयो, 'सुदूरपश्चिम रोयल्स परिवार सुभाष शाहीप्रति अत्यन्त आभारी छ। फाप्ला अन्तर्राष्ट्रिय क्रिकेट रंगशालाको उनको दृष्टिकोणले हालसालै नयाँ गति पाएको छ, र हामी एक फ्रेन्चाइजका रूपमा त्यसलाई समर्थन गर्न पाउँदा गर्व महसुस गर्छौं। विगत वर्षहरूमा क्रिकेटप्रति उनको उत्साह र हाम्रो टिमप्रतिको समर्थनले सुदूरपश्चिम क्रिकेटलाई एक ब्रान्डका रूपमा स्थापित गर्न मद्दत गरेको छ।' खड्काले आगामी वर्षहरूमा पनि यस साझेदारीलाई निरन्तरता दिन उत्सुक रहेको बताउँदै शाहीको नेतृत्वमा आयोजना हुने फ्रेन्चाइज लिगहरूमा सुदूरपश्चिम रोयल्सको सहभागिता रहन सक्ने कुरा पनि जानकारी गराउनुभयो ।

एसपीए र सुदूरपश्चिमबीच ३ वर्षको लागि सम्झौता

काठमाडौं। एभरेष्ट महिला भलिबल लिगमा नयाँ टोलीको औपचारिक प्रवेश भएको छ।दोस्रो संस्करणको लागि पोखरा निन्जाज नामक नयाँ टोलीको घोषणा भएको हो। यो सँगै यो संस्करणमा ७ टोलीको सहभागिता रहने भएकोछ। गत संस्करणमा नेपालभरीका छ वटा टोलीहरुले सहभागिता जनाएका थिए। यसपटक पोखरा निन्जाज गण्डकी प्रदेशको प्रतिनिधित्व गर्दै लिगमा सहभागी हुँदैछ। यस्तो प्रदेश जसको भलिबलप्रतिको सम्बन्ध गहिरो र लामो इतिहास बोकेको छ। सन् २०१७ मा राष्ट्रिय खेलको मान्यता पाएको भलिबल गण्डकी प्रदेशको सांस्कृतिक पहिचानसँग पनि जोडिएको छ। गण्डकी प्रदेशले लामो समयदेखि राष्ट्रिय स्तरका खेलाडीहरू उत्पादन गर्दै आएको छ।&nbsp;

एभरेष्ट महिला भलिबल लिगमा पोखरा निन्जाजको आगमन

काठमाडौं। कीर्तिपुरस्थित त्रिवि क्रिकेट मैदान स्तरोन्नति गरी प्यारापिट बनाउने र फ्लडलाइट हाल्ने काम नसक्ने ठेकेदार कम्पनीलाई हर्जना लगाइएको छ। &nbsp;तोकिएको मितिमा पनि काम सम्पन्न नभएपछि ठेकेदार कम्पनीलाई पूर्ववत् सम्झौताअनुसार हर्जना लगाइएको हो। सम्झौताअनुसार योजनाको कुल रकमको शून्य दशमलव शून्य ५ प्रतिशत दैनिक हर्जना तिर्नुपर्नेछ। जुन करिब दैनिक २ लाखभन्दा बढी हुने शहरी विकास मन्त्रालयले जनाएको छ।मैदानको प्यारापिट बनाउन बीकेओआई केसीडीसी बीजीको जोइन्ट भेन्चर कम्पनी (जेभी) र फ्लडलाइट जडानका लागि विशन ईश्वरी जेभीले फागुन १९ र २२ गते मन्त्रालय मातहतको संघीय सचिवालय निर्माण तथा व्यवस्थापन कार्यालय सानो गौचरनसँग सम्झौता गरेका थिए। प्यारापिट बनाउन ४९ करोड २५ लाख रुपैयाँ र फ्लडलाइट जडानका लागि ४७ करोड ३७ लाख रुपैयाँमा सम्झौता भएको संघीय सचिवालय निर्माण तथा व्यवस्थापन कार्यालयले जनाएको छ। कार्यालका प्रमुख चक्रवर्ति कण्ठले सआर ३० गते नै ठेकेदार कम्पनीलाई निर्धारित समयमा काम नसकेपछि हर्जना लाग्ने जानकारी गराइसकिएको बताए। ‘असार ३० गते नै निर्माण कम्पनीहरुलाई पूर्वनिर्धारित क्षतिपूर्ति (हर्जना)बारे जानकारी गराइसकेका छौं। मंगलबार देखि उहाँहरु दैनिक हर्जना तिरेर काम गरिरहनुभएको छ। अब काम नसक्दासम्म दैनिक हर्जना लाग्नेछ,’ उनले भने। यसरी हर्जना तिरेर बढीमा २ सय दिनसम्म अर्थात आयोजनको कूल रकमको १० प्रतिशत हर्जना हुने अवधिसम्म काम गर्न पाइने कानुनी व्यवस्था रहेको पनि उनले बताए। सो अवधिमाा पनि काम नसके निर्माण कम्पनीलाई कालोसूचीमा राखिने व्यवस्था छ।&nbsp; तर, निर्माण कम्पनीले १ महिनामा काम सक्ने प्रतिवद्धता जनाएको छ। ४ हजार कुर्सि फिटिङ भइसकेको छ भने ६ वटा फ्लडलाइटमध्ये ३ वटा पोल आइसकेको छ। प्यारापिटतर्फ वित्तिय प्रगति ६३ प्रतिशत र भौतिक प्रगति ७७ प्रतिशत भएको छ भने फ्लडलाइट जडानतर्फ २९ प्रतिशत वित्तिय प्रगति र ४५ प्रतिशत भौतिक प्रगति भएको छ।

टियु क्रिकेट मैदानको काम समयमा नसकेपछि हर्जना तिर्दै काम गर्दै ठेकेदार कम्पनी, दैनिक २ लाख बढी जरिवाना

आफ्नो टिमको लगातार खराव प्रदर्शनपछि वेस्ट इन्डिज क्रिकेट बोर्डले एउटा उपाय निकालेको छ र त्यो हो, पुराना लेजेन्डसँग सल्लाह लिने । भर्खरै वेस्ट इन्डिज क्रिकेटको नाममा एउटा खराव कीर्तिमान जोडिएको छ र त्यो हो, टेस्ट क्रिकेटको एउटा इनिङ्समा २७ रन बनाएर अलआउट हुनु । यो दोस्रो सबैभन्दा कम स्कोर हो । अस्ट्रेलियाविरुद्ध सबिना पार्कमा भएको टेस्टमा वेस्ट इन्डिजले यो स्थिति भोगेको हो । त्यति मात्र होइन्, अस्ट्रेलियाको हातबाट वेस्ट इन्डिज तीनै टेस्टमा पराजित रह्यो, ‘ह्वाइसवास’ हुने गरेर । अहिले सल्लाह लिन खोजिएका तीन लेजेन्ड हुन्, सर भिभन रिचर्डस्, सर क्लाइभ लोयड र ब्रायन लारा । वेस्ट इन्डिज क्रिकेट बोर्डका अध्यक्ष किशोर सालाओले एउटा आपत्तकालीन बैठक बोलाएका छन् र त्यसमा ती तीन ठूला नामलाई पनि समावेश गरिनेछ । यो बैठकमा अरू केही ठूला पुराना स्टार शिवनारायण चन्द्रपउल र डेसमन्ड हेन्सलाई पनि बोलाइएको छ । &nbsp;सन् सक्तरीको दशकदेखि नब्बेसम्मै विश्व त्रिकेटमा वेस्ट इन्डिज सबैभन्दा ठूलो शक्ति रहेको थियो । तर अब त्यो इतिहास भइसकेको छ र अहिले कम्तीमा टेस्ट क्रिकेटमा यो टिम सबैभन्दा कमजोरमध्ये एक रहेको छ । टिमको लगातार खराव प्रदर्शनको क्रम पनि बढ्दो नै छ ।

लेजेन्डसँग सल्लाह लिइदै

काठमाडौं। नेपाली टोलीकी फरवार्ड मीना देउवाको ह्याट्रिक प्ररित नेपालले साफ महिला यु–२० च्याम्पियनसिपअन्तर्गत श्रीलंकाविरुद्ध शानदार जित हासिल गरेको छ। बंगलादेशको राजधानी ढाकास्थित बसुन्धरा किङ्स एरेनामा नेपालले श्रीलंकालाई ७–० ले पराजित गरेको हो।&nbsp; नेपालको जितमा मीनाबाहेक पूर्णिमा राईले २ गोल गरिन्। समीक्षा मगर र सरिता नाथको नाममा समान १ गोल रह्यो। नेपालले पहिलो खेलमा भुटानलाई ६–१ ले पराजित गरेको थियो। दोस्रो खेलमा भने बंगलादेशसँग पराजित भएको हो।&nbsp; यो नतिजासँगै अंक तालिकामा दोस्रो स्थानमा रहेको नेपालले ३ खेलबाट ६ अंक पुर्‍याएको छ। समान खेलबाट बंगलादेशको ९ अंक छ। श्रीलंका भने जित र अंकविहीन रहँदै तालिकाको पुछारमा छ। खेलको सातौं मिनेटमै नेपालले अग्रता लियो। त्यसको ६ मिनेटपछि नै नेपालले समीक्षाको गोलमा अग्रता दोब्बर बनायो।&nbsp; ४२औं मिनेटमा मीनाले अग्रता ३–० मा पुर्‍याइन्। त्यसपछि नेपालको प्रेसिङलाई श्रीलंकाले रोक्न सकेन र पहिलो हाफको इन्जुरी समयमा थप दुई गोल बेहोर्‍यो। जारी प्रतियोगितामा मीनाको यो पहिलो ह्याट्रिक हो। यसअघि बंगलादेशविरुद्धको खेलमा सुरुआती ११ मा स्थान बनाएकी उनले १ गोल गर्दै नेपाललाई खेलमा फर्काएकी थिइन्। तर, अन्तिम समयमा सम्हालिन नसक्दा नेपाल ३–२ ले पराजित भएको थियो।

श्रीलंकाको पोस्टमा नेपालको ७ गोल

नेपाल र श्रीलंका बिच खेल हेर्नुहोस<a href="https://www.youtube.com/live/qtRg1PyHDow?si=Y82ZGka1FiCgIMAT" target="_blank">Nepal vs Sri Lanka Live</a>&nbsp;
 <iframe width="560" height="315" src="https://www.youtube.com/embed/qtRg1PyHDow?si=-m01ragF40A9HdsN" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen=""></iframe><table class="table table-bordered"><tbody><tr><td> </td></tr></tbody></table><table class="table table-bordered"><tbody><tr><td> </td><td> </td></tr></tbody></table><table class="table table-bordered"> </table>

नेपाल र श्रीलंका बिच खेल हेर्नुहोस

<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">नेपाली मिडफिल्डर लकेन लिम्बु कम्बोडियाली टोली किरिभोङ सोक सेन चे एफसीमा अनुबन्ध भएका छन्।<p class="p2" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 26px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">लकेनले नेपालको शिर्ष डिभिजन लिग ‘ए’ डिभिजन लिग थ्री स्टार, मच्छिन्द्र फुटबल क्लब र चर्च ब्वाइजबाट खेलेको थियो। यस्तै, लकेनले झापा एफसीबाट नेपाल सुपर लिग खेलेको थियो। उनले २०२४-२५ मा भारतको आइ–लिग क्लब दिल्ली एफसीबाट खेलेको थियो।&nbsp; <p class="p2" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 26px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">क्लबमा आबद्ध भएपछि लिम्बूले भने “किरिभोङ सोक सेन चे एफसीको प्रतिनिधित्व गर्न पाउनु ठूलो सम्मानको कुरा हो, र म सुरु गर्न उत्सुक छु!" <p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">मैले विगत चार वर्षदेखि नेपाल र भारत सहित घरेलु र अन्तर्राष्ट्रिय फुटबलमा व्यावसायिक रूपमा खेल्दै आएको छु। वर्षौंदेखि, मैले बलिया विपक्षीहरूसँग र विरुद्ध खेलेको छु, र म टोलीलाई मद्दत गर्न मेरो अनुभव प्रयोग गर्न तयार छु।<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">म मेरा टोलीका साथीहरू, प्रशिक्षकहरू, र हाम्रा अद्भुत प्रशंसकहरूलाई भेट्न उत्साहित छु — र सफलताको लागि सँगै लड्नेछु। “

लकेन किरिभोङ सोक सेन चे एफसीमा अनुबन्ध

उमा युरोपियन च्याम्पियनसिपका पदक विजेता नेपाली उमा कुङफु खेलाडी भूपेन्द्र गुरुङ र सुदेन गुरुङ मंगलबार स्वदेश फर्किएका छन् । उनीहरुलाई नेपाल उमा कुङफु संघका अध्यक्ष संजीतकुमार राई, उपाध्यक्ष रमेश महर्जन, सदस्य शेरबहादुर गुरुङ, खेलाडी मनाङ गुरुङलगायतले सामाखुशीमा एक कार्यक्रमबीच स्वागत गरे ।जुन २९ तारिखमा बेलायतको चेल्टेनह्याममा भएको प्रतियोगितामा भूपेन्द्रले ३ स्वर्ण र सुदेनले १ रजत जितेका थिए । भूपेन्द्रले ट्रेडिसनल चाइनिज फममा २६.७, ट्रेडिसनल वेपनमा २७ र ट्रेडिसनल क्रिएटिभ फममा २६.८ अंक जोड्दै नेपाललाई स्वर्ण दिलाए । भूपेन्द्रले यसअघि पनि विभिन्न अन्तर्राष्ट्रिय प्रतियोगितामा पदक जित्नुका साथै विभिन्न राष्ट्रिय तथा अन्तर्राष्ट्रिय प्रतियोगितामा निर्णायकको भूमिका पनि निर्वाह गरेका छन् ।आफ्‌नो पहिलो अन्तर्राष्ट्रिय प्रतियोयगता सुदेनले ट्रेडिसनल चाइनिज फममा रजत जिते । उनले २६.१ स्कोर गरे । प्रतियोगितामा नेपालसहित जर्मनी, स्पेन, वेल्स, फ्रान्स, भारत, स्विट्जरल्यान्ड, नेडरल्यान्ड, कोस्टारिका, इस्टोनियालयागत राष्ट्रबाट ४ सय १५ खेलाडीले सहभागिता जनाएको अध्यक्ष राईले जनाएका छन् ।

पदक विजेता भूपेन्द्र र सुदेनको स्वागत

काठमाडौं। बंगलादेशमा जारी साफ यु–२० महिला च्याम्पियनसिप अन्तर्गत आफ्नाे तेस्राे खेलमा नेपालले आज मंगलबार श्रीलंकाकाे सामना गर्दैछ। यो खेल नेपाली समयअनुसार साझँ ६–४५ बजेबाट सुरु हुनेछ। ढाकाको बसुन्धरा किङ्स एरिनामा गत शुक्रबार बंगलादेशविरुद्धको नतिजाले उपाधिको यात्रा कठिन बनेको नेपाललाई यो खेलमा फराकिलो नतिजा आवश्यक रहेका छ। उक्त खेलमा नेपाल अन्तिम सेकेन्डसम्म बराबरीमा रहेर पनि हार बेहोरेको थियाे। बंगलादेशसँग ९–० र भुटानसँग ५–० को हार बेहोरेको श्रीलंकाली टोली प्रतियोगिताको सबैभन्दा कमजोर टिमको रुपमा चिनिन्छ। यही कारण नेपालका लागि यो खेल जित निकाल्ने मात्रै होइन, गोल वर्षाउने अवसर पनि हुनेछ। यो गोलअन्तर नै अन्तिम चरणमा निर्णायक बन्न सक्छ।

साफ यु–२० महिला च्याम्पियनसिप : नेपाल र श्रीलंका भिड्दै

साँच्चै वेस्ट इन्डिज क्रिकेट कति धेरै कमजोर रह्यो, यसको एउटा अर्को नमुना अगाडि आएको छ । अस्ट्रेलियाले तीन टेस्टको शृंखलामा वेस्ट इन्डिजलाई सोमबार ३–० ले हराएको छ र ह्वाइटवास गरेको छ । तेस्रो टेस्टमा अस्ट्रेलिया १ सय ७६ रनले विजयी रह्यो । कुरा यत्तिकैमा सकिन्न । सबिना पार्कमा भएको त्यही तेस्रो टेस्टको तेस्रो दिन वेस्ट इन्डिज आफ्नो दोस्रो इनिङ्समा २७ रन मात्र बनाएर अलआउट भयो ।टेस्ट क्रिकेटमा यो दोस्रो कम स्कोर हो । यसअघि सन् १९५५ मा न्युजिल्यान्ड २६ रनमा अलआउट भएको थियो । घरेलु टिमलाई यति धेरै सस्तोमा समेट्न फास्ट बलर मिचेल स्टार्कले प्रमुख भूमिका खेले ।उनले नौ रन मात्र खर्चेर छ विकेट लिए । यस्तै स्कट बोलान्डले दुई रनमा तीन विकेट हात पारे । तेस्रो बलर जस हेजउलडले १० रनमा एक विकेट लिए । वेस्ट इन्डिजका सात ब्याटर शून्यकै स्कोरमा रहे ।

वेस्ट इन्डिजमाथि अस्ट्रेलियाको ह्वाइटवास

अन्ततः इंग्ल्यान्डले भारतलाई तेस्रो टेस्टमा २२ रनले पराजित गर्‍यो । लर्डसमा भएको टेस्टको पाँचौं तथा अन्तिम दिन टेस्टको स्थिति थियो, इंग्ल्यान्डले पनि जित्न सक्ने, भारतले पनि जित्न सक्ने । भाग्यले भने इंग्ल्यान्डलाई साथ दियो ।&nbsp; जितका लागि १ सय ९३ रनको लक्ष्य पछ्याएको भारत १ सय ७० रन बनाएर अलआउट भयो । यो टेस्ट यस्तो रह्यो, जसमा यो खेललाई रोमाञ्चक बनाउने सबै खाले मसला रहे । त्यसैले यो हेर्नलायक खेल रह्यो ।&nbsp; यो जितपछि इंग्ल्यान्डले पाँच टेस्टको शृंखलामा&nbsp;२–१ कोअग्रता लिएको छ र तय छ, अबका दुई टेस्ट पनि उत्तिकै रोमाञ्चक हुनेछ । सुरुआती तीनै टेस्टको स्पष्ट नतिजा आएका हुनाले शृंखलाको निर्णय अन्तिम खेलमा आएर मात्र हुने छाँट देखिएको छ ।&nbsp; अब बाँकी दुई टेस्टमध्ये चौथो खेल म्यानचेस्टरमा हुनेछ भने र पाँचौं टेस्टका लागि दुवै टिम फेरि लन्डनमै फर्कने छन्, ओभलमा ।&nbsp;

टेस्ट शृंखला रोमाञ्चक बन्दै

काठमाडौं । कर्णाली याक्स स्पोट्र्स प्रा.लिले ज्ञानेन्द्र मल्ललाई प्रशिक्षक रुपमा निरन्तरता दिएको छ । नेपाल प्रिमियर लिग (एनपीएल) को दोस्रो संस्करणका निम्ति टोलीको प्रशिक्षक तथा क्रिकेट निर्देशकमा मल्ललाई नियुक्त गरेको कर्णाली याक्स स्पोट्र्स प्रा.लिका निर्देशक गृहेन्द्र घिमिरेले जानकारी गराएका छन् ।&nbsp; पहिलो संस्करणमा पाएको सफलतामा पूर्व अन्तर्राष्ट्रिय खेलाडी मल्लको महत्वपूर्ण भूमिका रहेको छ । त्यसैले पनि सहकार्यलाई निरन्तरता दिन पाउँनु खुशीको कुरा रहेको निर्देशक घिमिरेले बताएका छन् । सम्झौता अवधि एक वर्षको लागि हुनेछ । २०८१ मंसिर १५ गतेदेखि पुष ६ गतेसम्म भएको प्रतियोगितामा कर्णाली याक्सले दोस्रो क्वालिफायरसम्मको यात्रा तय गरेको थियो ।&nbsp; ‘नेपाली राष्ट्रिय टोलीका पूर्वकप्तानसमेत रहनु भएका ज्ञानेन्द्र मल्लको प्रशिक्षणमा हाम्रो टोलीले पहिलो संस्करणमा शीर्ष चारमा रहँदै प्लेअफसम्मको यात्रा तय गरेको थियो । आगामी संस्करणमा पनि हामीले उहाँको प्रशिक्षणमा टोलीले सफलता हात पार्ने विश्वास छ । प्रशिक्षकको रुपमा उहाँलाई नै निरन्तरता दिन पाउँदा हामी हर्षित छौँ,” &nbsp;कर्णाली याक्स स्पोट्र्स प्रालीका निर्देशक घिमिरेले बताए ।&nbsp; कर्णाली याक्सले प्रतियोगिताको दोस्रो संस्करणका निम्ति मार्कीसहित सात खेलाडीलाई रिटेन गरिसकेको छ । कर्णाली याक्सले मार्की सोमपाल कामीसँगै गुल्सन झा, नन्दन यादव, विपिनप्रसाद शर्मा, दीपेन्द्र रावत, अर्जुन घर्ती र युनिससिंह ठकुरीले रिटेन गरेको थियो ।&nbsp; अघिल्लो सिजन भारतीय चर्चित ओपनर शिखर धवन अनुबन्ध गरेको कर्णाली याक्सले यो सिजन पनि चर्चित खेलाडी अनुबन्ध गर्दै बलियो दाबेदारी दिने रणनीति तयार पारेको छ ।&nbsp; नियुक्तीसँगै प्रशिक्षक मल्लले जिम्मेवारी दिएकोमा धन्यवाद दिँदै दोस्रो संस्करण काम गर्न उत्साहित भएको बताएका छन् । ‘कर्णाली याक्स स्पोट्र्स प्रा.लीले एकपटक फेरी मलाई विश्वास गरेर जिम्मेवारी दिएको छ । याक्स परिवारलाई विशेष धन्यवाद दिन चाहन्छु,’ उनले भने, ‘पछिल्लो पटक हामीले निकै राम्रो गरेका थियांैं । यो पटक त्यस्तै प्रदर्शन गर्दै उपाधि जिताउने योजना बनाएको छु । टोलीका नयाँ खेलाडीसँग काम गर्न निकै उत्साहित छु ।’

कर्णाली याक्सको प्रशिक्षकमा ज्ञानेन्द्र मल्ल

२०८२ साल असार ३० गते सोमबार काठमाडौं । हिमालयन चेस एकेडेमीको आयोजनामा ‘राजेन्द्र केसी स्मृति हिमालयन १०० एक्स टु ब्लिट्ज चेस प्रतियोगिता’ शनिबार हुने भएको छ, जहाँ २ सय खेलाडीले प्रतिस्पर्धा गर्नेछन् । गत वर्ष अन्तर्राष्ट्रिय बुद्धिचाल महासंघ (फिडे) स्थापनाको शतबार्षिकीको अवसरमा हिमालयन १०० आयोजना गरिएको थियो, जहाँ १ सय खेलाडी सहभागि थिए । उक्त प्रतियोगिता फिडेको विश्वव्यापी अभियानअन्तर्गत् गिनिज वल्र्ड रेकर्ड्समा दर्ता भएको थियो । त्यसैको दोस्रो संस्करण ‘राजेन्द्र केसी स्मृति हिमालयन १०० एक्स टु’ को रुपमा सञ्चालन गर्न लागिएको हो । हिमालयन चेस एकेडेमीकी अध्यक्ष मोनालिशा खम्बूका अनुसार एकदिने प्रतियोगितामा खुलासहित १७ स्पर्धामा ६७ हजार रुपिया पुरस्कार, ट्रफी, मेडल तथा प्रमाणपत्र प्रदान गरिनेछ । उनी भन्छिन्, ‘पहिलो संस्करणमा १ सय खेलाडीले प्रतिस्पर्धा गरेका थिए, यसपालि २ सय खेलाडी खेल्दैछन् । र, यो संख्याले &nbsp;नेपालमा सबभन्दा बढी खेलाडी सहभागि हुने ब्लिट्ज चेस प्रतियोगिताको रेकर्ड बनाउनेछ ।’ नेपाल बिलियर्ड, स्नुकर तथा पुल संघका केन्द्रीय सदस्यसमेत रहेका राजेन्द्र केसी भोटेबहाल युवा क्लबका पूर्वअध्यक्ष पनि हुन् । उनको ४४ वर्षको उमेरमा २०७७ जेठ २५ गते देहान्त भएको थियो । उनकी धर्मपत्नी वन्दना खड्काले भनिन्, ‘उहाँ बालबालिकालाई एकदमै माया गर्नुहुन्थ्यो । त्यसैले उहाँको स्मृतिमा चेस प्रतियोगिता आयोजना गर्न लागिएको हो । यो प्रतियोगिताले बालबालिकालाई अनुशासित बन्नेसँगै बौद्धिक विकासमा सहयोग पुग्ने विश्वास गरेकी छु ।’ त्रिपुरेश्वरस्थित वोगनभिल्लामा हुने खुलातर्फका विजेताले १० हजार, उपविजेताले ७ हजार र तेस्रो हुनेले ५ हजार पाउनेछन् । खुलातर्फ उत्कृष्ट १०, यू १५ मा शीर्ष ७ सहित सबै स्पर्धाका विजेताले नगद पुरस्कार पाउनेछन् । प्रतियोगितामा खुला, यू १५ बाहेक महिला, भेट्रान, फिडे रेटिङ १७०० मुनि, १५०० मुनि, अनरेटेड, यू १३, यू ११, यू ९, यू ७ र बेस्ट एचसीए स्पर्धासमावेश गरिएको छ । उमेर समूह र बेस्ट एचसीएमा गल्र्स र ब्वाइजका दुवै स्पर्धामा राखिएको छ । २०८० साल चैत १ गते स्थापित हिमालयन चेस एकेमेडीले आयोजना गर्न लागेको आठौं वटा प्रतियोगिता हो राजेन्द्र केसी स्मृति हिमालयन १०० एक्स टु । उसले एसईई कप, हिमालयन १०० फर गिनिज वल्र्ड रेकर्ड्स, हिमालयन तीज चेस टोर्नी, प्यट्रिओटिक पन च्याम्पियनसिप, हिमालयन डुओ, हिमालयन ब्लिज कप र देशकै पहिलो फ्रिस्टाइल चेस प्रतियोगिता हिमालयन फ्रिस्टाइल च्याम्पियनसिप सफलतापूर्वक आयोजना गरेको थियो । चेसलाई प्रवद्र्धन र विकास गर्ने उद्देष्यले स्थापित हिमालयन चेस एकेडेमीले फ्रेसर, बिगिनर्स, एड्भान्स बिगिनर्स, इन्टरमिडियट र एड्भान्स गरी ५ वटा कोर्समा १ सय बढीलाई थापाथलीस्थित आफ्नै चेस हल र भक्तपुर शाखामा प्रशिक्षण दिइरहेको छ । भच्र्युअल रुपमा अनलाइन कक्षा नियमित भइरहेको छ । प्रत्येक वुधबार महिलालाई निशुल्क प्रशिक्षण दिइरहेको छ । स्कुल र समुदायमा कार्याशाला तथा प्रशिक्षण सञ्चालन गर्दै आएको छ । एकेडेमीले कमनवेल्थ च्याम्पियन रहेका भारतीय इन्टरनेसनल मास्टर (आईएम) अतनु लहिरी ल्याएर खेलाडी र प्रशिक्षकलाई विशेष प्रशिक्षण पनि दिएको थियो ।

राजेन्द्र केसी स्मृति हिमालयन ब्लिट्ज चेस शनिबार हुने

नेपाली तेक्वान्दो खेलाडी राजकुमार दरईले वल्र्ड पिस तेक्वान्दो च्याम्पियनसिपमा स्वर्ण जितेका छन् । दक्षिण कोरियाको सिओलमा भएको प्रतियोगितामा उनले पुरुष एकल पुम्सको ३०–३९ वर्ष उमेरसमूहमा स्वर्ण जितेका हुन् ।

राजकुमारलाई स्वर्ण

काठमाडौं जेभियर पब्लिक स्कुलको आयोजनामा दोश्रो काठमाडौं जेभियर पब्लिक थ्री बाइ थ्री बास्केटबल प्रतियोगिता मंगलबारदेखि हुने भएको छ ।प्रतियोगितामा ६४ टिमको सहभागिता रहने काठमाडौं जेभियरका संस्थापक प्रिन्सिपल आरबी अधिकारीले सोमबार आयोजित पत्रकार सम्मेलनमा जानकारी गराए । सिनियर ब्वाइज र जुनियर ब्वाइजमा समान २४–२४ तथा सिनियर गल्र्समा १६ टिमले लिग कम नकआउट आधारमा प्रतिस्पर्धा छन् ।दुवै समूहको विजेताले ७ हजार र उपविजेताले ५ हजार नगद पुरस्कार पाउने काठमाडौं जेभियरका इसीए इन्चार्ज खड्ग केसीले जनाएका छन् ।प्रतियोगिता सञ्चालन गर्न करिब ३ लाख ५० हजार खर्च हुने काठमाडौं जेभियरका बास्केटबल प्रशिक्षक विकास बोटेले बताए । हाल जापानमा रहेका काठमाडौं जेभियरकै पूर्व विद्यार्थी सन्जिव मगरले पनि प्रायोजन गर्ने संस्थापक प्रिन्सिपल अधिकारीले बताए ।प्रतियोगिताका खेलहरु नयाँ बानेश्वरको लाखेचौर मार्गस्थित आयोजककै कोर्टमा खेलाइने छ । फाइनल बिहीबार हुनेछ ।

काठमाडौं जेभियर पब्लिक बास्केटबल भोलिदेखि

<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">इंग्लिस प्रिमियर लिग विजेता लिभरपुल र इटालियन क्लब एसी मिलान हङकङ फुटबल फेस्टिभलमा खेल्ने छ । प्रि-सिजन टुर अन्तरगत हुने यस खेललाई स्टान्डर्ड चार्टर ट्रफिको नाम दिइएको छ । यहि आउदो जुलाई २६ तारिख साउन १० गते नेपाली समय अनुसार ५ः१५ बजे सुरू हनेछ। &nbsp; <p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">खेल हङकङको नव निर्मित रंगशाला काई ताक रंगशालामा हुनेछ। यस खेलको ५ दिन पछि जुलाई ३१ मा इंग्लिस क्लब टोट्नहाम हटस्पर्स र आर्सनल खेल्ने छ। त्यस्तै यस वर्षको साउदी सुपर कप पनि हङकङमा आयोजना हुदैछ। अगस्ट १९ देखि २३ सम्म हुने यस प्रतियोगितामा अल-इत्तेहाद, अल-कादिसिया, अल-हिलाल र अल-नासर रहेको छ।<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">लिभरपुलका स्टार डियोगो जोटाको दुर्घटनामा मृत्यु भएपछि लिभरपुलको यो दोस्रो खेल हुनेछ। पहिलो खेल हिजो १३ जुलाई आईतबार इंग्ल्याण्डमा प्रेस्टनसंग मैत्रीपुर्ण खेल खेलेको थियो। लिभरपुलसे यस खेलमा प्रेस्टनलाई ३-१ गोलले परीजित गरेको थियो।&nbsp;<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">खेलको ३३औं मिनेटमा ब्रादलिले गोल गर्दै लिभरपुललाई अग्रता दिलाएको थियो। त्यस्तै खेलको ५३औं मिनेटमा नुनेजको गोलमा २-० को अग्रता लियो। प्रेस्टनका लिन्डसेले गोल गर्दै खेललाई २-१ मा पुऱ्याए। प्रेस्टनले गोल गरेको ५ मिनेट पछि गाक्पोले गोल गर्दै खेललाई ३-१ को नतिजामा पुऱ्याए।&nbsp;

लिभरपुल र एसी मिलान हङकङमा खेल्ने

काठमाडौं। क्यास्पियन भ्याली सेकेन्डरी स्कुल/कलेजले नेपाली राष्ट्रिय क्रिकेट खेलाडी आरिफ शेखलाई आफ्नो ब्रान्ड एम्बासडरको रूपमा नियुक्त गरेको छ। ललितपुरको कुमारीपाटीमा रहेको क्यास्पियनले आइतबार एक कार्यक्रमको आयोजना गर्दै आरिफलाई ब्रान्ड एम्बासडर घोषणा गरेको हो। उनलाई एक बर्षकाे लागि ब्रान्ड एम्बासडर घोषणा गरेको हो। यद्यपी सम्झौताको रकम भने खुल्लाएको छैन। सम्झौता पत्रमा विद्यालयका प्रधानाध्यापक मनीष पण्डित र आरिफ शेखले हस्ताक्षर गरे।आरिफ शेख नेपाली क्रिकेटमा स्थापित नाम हुन् र उनले आफ्ना उपलब्धिबाट थुप्रै युवा खेलाडीहरूलाई प्रेरणा दिएका छन्। अब उनी क्यास्पियन भ्यालीका विद्यार्थीहरूका लागि मार्गदर्शकको भूमिकामा रहनेछन्।

आरिफ क्यास्पियन भ्याली कलेजको ब्रान्ड एम्बेसडर

काठमाडौं। दोस्रो संस्करणाको एभरेष्ट महिला भलिबल लिग (इडब्लुभिएल)को अक्सन आउन २ गते काठमाडौंमा हुने भएकाे छ। आयोजक इन्फिनिटी ड्रिम्स प्रालि भाद्र २० देखि २८ गतेसम्म हुन लागेको इडब्लुभिएलको दोस्रो सिजनका लागि खेलाडीको अक्सन &nbsp;लागर्गेनको हो। नेपाली भलिबलको इतिहासमा पहिलो पटक भलिबलको ‘प्लेयर अक्सन’ हुने भएको छ। सहभागी ६ टोलीले राष्ट्रिय खेलाडी, नयाँ प्रतिभा र उदीयमान खेलाडीबाट आफ्नो टोली निर्माण गर्ने अवसर पाउनेछन्। अक्सनमा लिगका अधिकारी, फ्रेन्चाइजका प्रतिनिधि र कार्यकर्ताहरुको सहभागिता रहनेछ। ‘यो एक अक्सन मात्र होइन, नेपाली महिला भलिबलको एउटा ऐतिहासिक टर्निङ पोइन्ट हो। खेलकुदको यो व्यावसायिक संरचनामा महिला खेलाडी पहिलो पटक होमिदै छन्। यो हामी सबैका लागि गर्वको विषय हो,’ इडब्लुभिएलकी सिइओ स्नेभी चापागाईँले भनिन्।

इडब्लुभिएलको अक्सन हुने

कोल पाल्मेरको प्रेरणादायी प्रदर्शनको मदतले इंग्लिस प्रिमियर लिग क्लब चेल्सीले आइतबार क्लब वर्ल्डकप २०२५ को उपाधि जितेको छ र यसका लागि उसले बलियो पेरिस सेन्ट जर्मेन (पीएसजी) लाइ स्तब्ध पारेको छ । पाल्मेरले दुई गोल गर्दै एउटा अर्को गोलमा सहयोगी भूमिका पनि निभाएपछि चेल्सीले पीएसजीलाई ३–० ले पराजित गरेको हो । न्युयोर्क मेट लाइफ स्टेडियममा भएको फाइनल खेलमा पाल्मेरले २२ र ३० औं मिनेटमा गोल गरे ।यसपछि उनले नै सिजना गरेको अवसरमा जाओ पेड्रोले पहिलो हाफको अन्त्यतिर तेस्रो गोल थपे । चेल्सीले सन् २०२१ मा पनि क्लब वर्ल्डकप जितेको थियो । तर त्यति बेला यो प्रतियोगितामा आठ टिमले मात्र भाग लिएको थियो ।पीएसजीका लागि फाइनल बिर्सनलायक रह्यो र खेलको अन्त्यतिर टिम दस खेलाडीमा समेत सीमित रहेको थियो । जाओ नेभास ८५ औं मिनेटमा रातो कार्ड खाएर मैदान छाड्न बाध्य रहे ।

पीएसजीलाई स्तब्ध पार्दै चेल्सीले क्लब वर्ल्डकप च्याम्पियन

काठमाडौं । जर्मन क्लब बोरुसिया डर्टमन्ड फिफा क्लब विश्वकप अन्तर्गतकाे खेलमा ब्राजिलियन क्बल फ्लुमिनेन्ससँग गोलरहित बराबरी राेकिएकाे छ। मेटलाइफ रंगशालामा मंगलबार दुवै टोलीले पाएका केही अवसरलाई गोलमा परिणत गर्न सकेनन्।&nbsp; यो नितजासँगै समूह ‘ए’ का दुवै टोलीले समान एक अंक बाँडेका छन्।

Nepalsports

क्लब विश्वकप : डर्टमन्ड बराबरीमा रोकियो

📰 Recent News

Nepalsports