अन्ततः नटिङघम फरेस्टले आफ्ना प्रमुख प्रशिक्षक नुनो इस्प्रिटो सान्टुलाई मंगलबार वर्खास्त गरेको छ । केही समय अगाडिदेखि उनको क्लब मालिक इभानगोलेस मारिनिकिससँग कुरा मिलिरहेको थिएन् ।

त्यसै सन्दर्भमा उनी वर्खास्तीमा पर्ने निश्चित मानिएको थियो । क्लब सम्हालेको २१ महिनापछि पोर्चुगाली नुनो हटाइएका हुन् । अब उनको स्थानमा टोटनहमले पूर्व प्रशिक्षक एन्गे पोस्टेकोग्लु आउने सम्भावना रहेको बताइएको छ ।

फरेस्टले नुनोको वर्खास्तीको आधिकारिक जानकारी दिंदै उनले क्लबका लागि गरेको कामप्रति धन्यवाद भने भनेको छ । सन् २०२३ मा नुनोले क्लब सम्हालेका थिए र तत्कालन फरेस्टलाई रेलिगेसनबाट जोगाएका थिए ।

उनकै नेतृत्वमा पछिल्लो सिजन फरेस्टको प्रदर्शन उत्कृष्ट रह्यो र तीन दशकयता पहिलो पटक युरोपेली क्लब फुटबलका लागि छनोट भएको थियो ।