काठमाडौं । कर्णाली याक्स स्पोट्र्स प्रा.लिले ज्ञानेन्द्र मल्ललाई प्रशिक्षक रुपमा निरन्तरता दिएको छ । नेपाल प्रिमियर लिग (एनपीएल) को दोस्रो संस्करणका निम्ति टोलीको प्रशिक्षक तथा क्रिकेट निर्देशकमा मल्ललाई नियुक्त गरेको कर्णाली याक्स स्पोट्र्स प्रा.लिका निर्देशक गृहेन्द्र घिमिरेले जानकारी गराएका छन् ।&nbsp; पहिलो संस्करणमा पाएको सफलतामा पूर्व अन्तर्राष्ट्रिय खेलाडी मल्लको महत्वपूर्ण भूमिका रहेको छ । त्यसैले पनि सहकार्यलाई निरन्तरता दिन पाउँनु खुशीको कुरा रहेको निर्देशक घिमिरेले बताएका छन् । सम्झौता अवधि एक वर्षको लागि हुनेछ । २०८१ मंसिर १५ गतेदेखि पुष ६ गतेसम्म भएको प्रतियोगितामा कर्णाली याक्सले दोस्रो क्वालिफायरसम्मको यात्रा तय गरेको थियो ।&nbsp; ‘नेपाली राष्ट्रिय टोलीका पूर्वकप्तानसमेत रहनु भएका ज्ञानेन्द्र मल्लको प्रशिक्षणमा हाम्रो टोलीले पहिलो संस्करणमा शीर्ष चारमा रहँदै प्लेअफसम्मको यात्रा तय गरेको थियो । आगामी संस्करणमा पनि हामीले उहाँको प्रशिक्षणमा टोलीले सफलता हात पार्ने विश्वास छ । प्रशिक्षकको रुपमा उहाँलाई नै निरन्तरता दिन पाउँदा हामी हर्षित छौँ,” &nbsp;कर्णाली याक्स स्पोट्र्स प्रालीका निर्देशक घिमिरेले बताए ।&nbsp; कर्णाली याक्सले प्रतियोगिताको दोस्रो संस्करणका निम्ति मार्कीसहित सात खेलाडीलाई रिटेन गरिसकेको छ । कर्णाली याक्सले मार्की सोमपाल कामीसँगै गुल्सन झा, नन्दन यादव, विपिनप्रसाद शर्मा, दीपेन्द्र रावत, अर्जुन घर्ती र युनिससिंह ठकुरीले रिटेन गरेको थियो ।&nbsp; अघिल्लो सिजन भारतीय चर्चित ओपनर शिखर धवन अनुबन्ध गरेको कर्णाली याक्सले यो सिजन पनि चर्चित खेलाडी अनुबन्ध गर्दै बलियो दाबेदारी दिने रणनीति तयार पारेको छ ।&nbsp; नियुक्तीसँगै प्रशिक्षक मल्लले जिम्मेवारी दिएकोमा धन्यवाद दिँदै दोस्रो संस्करण काम गर्न उत्साहित भएको बताएका छन् । ‘कर्णाली याक्स स्पोट्र्स प्रा.लीले एकपटक फेरी मलाई विश्वास गरेर जिम्मेवारी दिएको छ । याक्स परिवारलाई विशेष धन्यवाद दिन चाहन्छु,’ उनले भने, ‘पछिल्लो पटक हामीले निकै राम्रो गरेका थियांैं । यो पटक त्यस्तै प्रदर्शन गर्दै उपाधि जिताउने योजना बनाएको छु । टोलीका नयाँ खेलाडीसँग काम गर्न निकै उत्साहित छु ।’

कर्णाली याक्सको प्रशिक्षकमा ज्ञानेन्द्र मल्ल

२०८२ साल असार ३० गते सोमबार काठमाडौं । हिमालयन चेस एकेडेमीको आयोजनामा ‘राजेन्द्र केसी स्मृति हिमालयन १०० एक्स टु ब्लिट्ज चेस प्रतियोगिता’ शनिबार हुने भएको छ, जहाँ २ सय खेलाडीले प्रतिस्पर्धा गर्नेछन् । गत वर्ष अन्तर्राष्ट्रिय बुद्धिचाल महासंघ (फिडे) स्थापनाको शतबार्षिकीको अवसरमा हिमालयन १०० आयोजना गरिएको थियो, जहाँ १ सय खेलाडी सहभागि थिए । उक्त प्रतियोगिता फिडेको विश्वव्यापी अभियानअन्तर्गत् गिनिज वल्र्ड रेकर्ड्समा दर्ता भएको थियो । त्यसैको दोस्रो संस्करण ‘राजेन्द्र केसी स्मृति हिमालयन १०० एक्स टु’ को रुपमा सञ्चालन गर्न लागिएको हो । हिमालयन चेस एकेडेमीकी अध्यक्ष मोनालिशा खम्बूका अनुसार एकदिने प्रतियोगितामा खुलासहित १७ स्पर्धामा ६७ हजार रुपिया पुरस्कार, ट्रफी, मेडल तथा प्रमाणपत्र प्रदान गरिनेछ । उनी भन्छिन्, ‘पहिलो संस्करणमा १ सय खेलाडीले प्रतिस्पर्धा गरेका थिए, यसपालि २ सय खेलाडी खेल्दैछन् । र, यो संख्याले &nbsp;नेपालमा सबभन्दा बढी खेलाडी सहभागि हुने ब्लिट्ज चेस प्रतियोगिताको रेकर्ड बनाउनेछ ।’ नेपाल बिलियर्ड, स्नुकर तथा पुल संघका केन्द्रीय सदस्यसमेत रहेका राजेन्द्र केसी भोटेबहाल युवा क्लबका पूर्वअध्यक्ष पनि हुन् । उनको ४४ वर्षको उमेरमा २०७७ जेठ २५ गते देहान्त भएको थियो । उनकी धर्मपत्नी वन्दना खड्काले भनिन्, ‘उहाँ बालबालिकालाई एकदमै माया गर्नुहुन्थ्यो । त्यसैले उहाँको स्मृतिमा चेस प्रतियोगिता आयोजना गर्न लागिएको हो । यो प्रतियोगिताले बालबालिकालाई अनुशासित बन्नेसँगै बौद्धिक विकासमा सहयोग पुग्ने विश्वास गरेकी छु ।’ त्रिपुरेश्वरस्थित वोगनभिल्लामा हुने खुलातर्फका विजेताले १० हजार, उपविजेताले ७ हजार र तेस्रो हुनेले ५ हजार पाउनेछन् । खुलातर्फ उत्कृष्ट १०, यू १५ मा शीर्ष ७ सहित सबै स्पर्धाका विजेताले नगद पुरस्कार पाउनेछन् । प्रतियोगितामा खुला, यू १५ बाहेक महिला, भेट्रान, फिडे रेटिङ १७०० मुनि, १५०० मुनि, अनरेटेड, यू १३, यू ११, यू ९, यू ७ र बेस्ट एचसीए स्पर्धासमावेश गरिएको छ । उमेर समूह र बेस्ट एचसीएमा गल्र्स र ब्वाइजका दुवै स्पर्धामा राखिएको छ । २०८० साल चैत १ गते स्थापित हिमालयन चेस एकेमेडीले आयोजना गर्न लागेको आठौं वटा प्रतियोगिता हो राजेन्द्र केसी स्मृति हिमालयन १०० एक्स टु । उसले एसईई कप, हिमालयन १०० फर गिनिज वल्र्ड रेकर्ड्स, हिमालयन तीज चेस टोर्नी, प्यट्रिओटिक पन च्याम्पियनसिप, हिमालयन डुओ, हिमालयन ब्लिज कप र देशकै पहिलो फ्रिस्टाइल चेस प्रतियोगिता हिमालयन फ्रिस्टाइल च्याम्पियनसिप सफलतापूर्वक आयोजना गरेको थियो । चेसलाई प्रवद्र्धन र विकास गर्ने उद्देष्यले स्थापित हिमालयन चेस एकेडेमीले फ्रेसर, बिगिनर्स, एड्भान्स बिगिनर्स, इन्टरमिडियट र एड्भान्स गरी ५ वटा कोर्समा १ सय बढीलाई थापाथलीस्थित आफ्नै चेस हल र भक्तपुर शाखामा प्रशिक्षण दिइरहेको छ । भच्र्युअल रुपमा अनलाइन कक्षा नियमित भइरहेको छ । प्रत्येक वुधबार महिलालाई निशुल्क प्रशिक्षण दिइरहेको छ । स्कुल र समुदायमा कार्याशाला तथा प्रशिक्षण सञ्चालन गर्दै आएको छ । एकेडेमीले कमनवेल्थ च्याम्पियन रहेका भारतीय इन्टरनेसनल मास्टर (आईएम) अतनु लहिरी ल्याएर खेलाडी र प्रशिक्षकलाई विशेष प्रशिक्षण पनि दिएको थियो ।

राजेन्द्र केसी स्मृति हिमालयन ब्लिट्ज चेस शनिबार हुने

नेपाली तेक्वान्दो खेलाडी राजकुमार दरईले वल्र्ड पिस तेक्वान्दो च्याम्पियनसिपमा स्वर्ण जितेका छन् । दक्षिण कोरियाको सिओलमा भएको प्रतियोगितामा उनले पुरुष एकल पुम्सको ३०–३९ वर्ष उमेरसमूहमा स्वर्ण जितेका हुन् ।

राजकुमारलाई स्वर्ण

काठमाडौं जेभियर पब्लिक स्कुलको आयोजनामा दोश्रो काठमाडौं जेभियर पब्लिक थ्री बाइ थ्री बास्केटबल प्रतियोगिता मंगलबारदेखि हुने भएको छ ।प्रतियोगितामा ६४ टिमको सहभागिता रहने काठमाडौं जेभियरका संस्थापक प्रिन्सिपल आरबी अधिकारीले सोमबार आयोजित पत्रकार सम्मेलनमा जानकारी गराए । सिनियर ब्वाइज र जुनियर ब्वाइजमा समान २४–२४ तथा सिनियर गल्र्समा १६ टिमले लिग कम नकआउट आधारमा प्रतिस्पर्धा छन् ।दुवै समूहको विजेताले ७ हजार र उपविजेताले ५ हजार नगद पुरस्कार पाउने काठमाडौं जेभियरका इसीए इन्चार्ज खड्ग केसीले जनाएका छन् ।प्रतियोगिता सञ्चालन गर्न करिब ३ लाख ५० हजार खर्च हुने काठमाडौं जेभियरका बास्केटबल प्रशिक्षक विकास बोटेले बताए । हाल जापानमा रहेका काठमाडौं जेभियरकै पूर्व विद्यार्थी सन्जिव मगरले पनि प्रायोजन गर्ने संस्थापक प्रिन्सिपल अधिकारीले बताए ।प्रतियोगिताका खेलहरु नयाँ बानेश्वरको लाखेचौर मार्गस्थित आयोजककै कोर्टमा खेलाइने छ । फाइनल बिहीबार हुनेछ ।

काठमाडौं जेभियर पब्लिक बास्केटबल भोलिदेखि

<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">इंग्लिस प्रिमियर लिग विजेता लिभरपुल र इटालियन क्लब एसी मिलान हङकङ फुटबल फेस्टिभलमा खेल्ने छ । प्रि-सिजन टुर अन्तरगत हुने यस खेललाई स्टान्डर्ड चार्टर ट्रफिको नाम दिइएको छ । यहि आउदो जुलाई २६ तारिख साउन १० गते नेपाली समय अनुसार ५ः१५ बजे सुरू हनेछ। &nbsp; <p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">खेल हङकङको नव निर्मित रंगशाला काई ताक रंगशालामा हुनेछ। यस खेलको ५ दिन पछि जुलाई ३१ मा इंग्लिस क्लब टोट्नहाम हटस्पर्स र आर्सनल खेल्ने छ। त्यस्तै यस वर्षको साउदी सुपर कप पनि हङकङमा आयोजना हुदैछ। अगस्ट १९ देखि २३ सम्म हुने यस प्रतियोगितामा अल-इत्तेहाद, अल-कादिसिया, अल-हिलाल र अल-नासर रहेको छ।<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">लिभरपुलका स्टार डियोगो जोटाको दुर्घटनामा मृत्यु भएपछि लिभरपुलको यो दोस्रो खेल हुनेछ। पहिलो खेल हिजो १३ जुलाई आईतबार इंग्ल्याण्डमा प्रेस्टनसंग मैत्रीपुर्ण खेल खेलेको थियो। लिभरपुलसे यस खेलमा प्रेस्टनलाई ३-१ गोलले परीजित गरेको थियो।&nbsp;<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">खेलको ३३औं मिनेटमा ब्रादलिले गोल गर्दै लिभरपुललाई अग्रता दिलाएको थियो। त्यस्तै खेलको ५३औं मिनेटमा नुनेजको गोलमा २-० को अग्रता लियो। प्रेस्टनका लिन्डसेले गोल गर्दै खेललाई २-१ मा पुऱ्याए। प्रेस्टनले गोल गरेको ५ मिनेट पछि गाक्पोले गोल गर्दै खेललाई ३-१ को नतिजामा पुऱ्याए।&nbsp;

लिभरपुल र एसी मिलान हङकङमा खेल्ने

काठमाडौं। क्यास्पियन भ्याली सेकेन्डरी स्कुल/कलेजले नेपाली राष्ट्रिय क्रिकेट खेलाडी आरिफ शेखलाई आफ्नो ब्रान्ड एम्बासडरको रूपमा नियुक्त गरेको छ। ललितपुरको कुमारीपाटीमा रहेको क्यास्पियनले आइतबार एक कार्यक्रमको आयोजना गर्दै आरिफलाई ब्रान्ड एम्बासडर घोषणा गरेको हो। उनलाई एक बर्षकाे लागि ब्रान्ड एम्बासडर घोषणा गरेको हो। यद्यपी सम्झौताको रकम भने खुल्लाएको छैन। सम्झौता पत्रमा विद्यालयका प्रधानाध्यापक मनीष पण्डित र आरिफ शेखले हस्ताक्षर गरे।आरिफ शेख नेपाली क्रिकेटमा स्थापित नाम हुन् र उनले आफ्ना उपलब्धिबाट थुप्रै युवा खेलाडीहरूलाई प्रेरणा दिएका छन्। अब उनी क्यास्पियन भ्यालीका विद्यार्थीहरूका लागि मार्गदर्शकको भूमिकामा रहनेछन्।

आरिफ क्यास्पियन भ्याली कलेजको ब्रान्ड एम्बेसडर

काठमाडौं। दोस्रो संस्करणाको एभरेष्ट महिला भलिबल लिग (इडब्लुभिएल)को अक्सन आउन २ गते काठमाडौंमा हुने भएकाे छ। आयोजक इन्फिनिटी ड्रिम्स प्रालि भाद्र २० देखि २८ गतेसम्म हुन लागेको इडब्लुभिएलको दोस्रो सिजनका लागि खेलाडीको अक्सन &nbsp;लागर्गेनको हो। नेपाली भलिबलको इतिहासमा पहिलो पटक भलिबलको ‘प्लेयर अक्सन’ हुने भएको छ। सहभागी ६ टोलीले राष्ट्रिय खेलाडी, नयाँ प्रतिभा र उदीयमान खेलाडीबाट आफ्नो टोली निर्माण गर्ने अवसर पाउनेछन्। अक्सनमा लिगका अधिकारी, फ्रेन्चाइजका प्रतिनिधि र कार्यकर्ताहरुको सहभागिता रहनेछ। ‘यो एक अक्सन मात्र होइन, नेपाली महिला भलिबलको एउटा ऐतिहासिक टर्निङ पोइन्ट हो। खेलकुदको यो व्यावसायिक संरचनामा महिला खेलाडी पहिलो पटक होमिदै छन्। यो हामी सबैका लागि गर्वको विषय हो,’ इडब्लुभिएलकी सिइओ स्नेभी चापागाईँले भनिन्।

इडब्लुभिएलको अक्सन हुने

कोल पाल्मेरको प्रेरणादायी प्रदर्शनको मदतले इंग्लिस प्रिमियर लिग क्लब चेल्सीले आइतबार क्लब वर्ल्डकप २०२५ को उपाधि जितेको छ र यसका लागि उसले बलियो पेरिस सेन्ट जर्मेन (पीएसजी) लाइ स्तब्ध पारेको छ । पाल्मेरले दुई गोल गर्दै एउटा अर्को गोलमा सहयोगी भूमिका पनि निभाएपछि चेल्सीले पीएसजीलाई ३–० ले पराजित गरेको हो । न्युयोर्क मेट लाइफ स्टेडियममा भएको फाइनल खेलमा पाल्मेरले २२ र ३० औं मिनेटमा गोल गरे ।यसपछि उनले नै सिजना गरेको अवसरमा जाओ पेड्रोले पहिलो हाफको अन्त्यतिर तेस्रो गोल थपे । चेल्सीले सन् २०२१ मा पनि क्लब वर्ल्डकप जितेको थियो । तर त्यति बेला यो प्रतियोगितामा आठ टिमले मात्र भाग लिएको थियो ।पीएसजीका लागि फाइनल बिर्सनलायक रह्यो र खेलको अन्त्यतिर टिम दस खेलाडीमा समेत सीमित रहेको थियो । जाओ नेभास ८५ औं मिनेटमा रातो कार्ड खाएर मैदान छाड्न बाध्य रहे ।

पीएसजीलाई स्तब्ध पार्दै चेल्सीले क्लब वर्ल्डकप च्याम्पियन

काठमाडौँ । अखिल नेपाल फुटबल संघ (एन्फा) ले यू -१७ पुरुष टिमको मुख्य प्रशिक्षकमा सञ्जित सिंहलाई नियुक्त गरिएको छ। एन्फा कम्प्लेक्स, सातदोबाटोमा एन्फा महासचिव किरण राईले आइतबार नवनियुक्त मुख्य प्रशिक्षक सिंहलाई नियुक्ति पत्र हस्तान्तरण गरेका हुन्।&nbsp; मुख्य प्रशिक्षक सिंहले श्रीलंकामा यही सेप्टेम्बर १५ देखि २७ सम्म हुने साफ यू -१७ पुरुष च्याम्पियनसिपमा सहभागी हुने नेपाली टिमको नेतृत्व गर्ने छन्।&nbsp;

सञ्जित सिंह यू-१७ पुरुष फुटबल टिमको मुख्य प्रशिक्षक

यानिक सिनरले आइतबार विम्बल्डन २०२५ को पुरुष एकल उपाधि जितेका छन् र यससँगै लिएका छन्, आफ्ना खास प्रतिद्वन्द्वी कार्लोस अल्कारेजमाथि मीठो बदला । ‘यो जित असाध्यै विशेष रह्यो, म त सपनामै रमाइरहेको छुं,’ उनले भने । अल इंग्ल्यान्ड क्लबमा भएको फाइनलमा इटालीका सिनर ४–६, ६–४, ६–४ र ६–४ ले विजयी रहे । यससँगै उनले ३५ दिन अगाडि मात्रै फ्रेन्च ओपन फाइनलमा अल्कारेजसँग बेहोरेको पीडादायी हारको बदला पनि लिएका हुन् । त्यस फ्रेन्च ओपन फाइनलमा सिनर जितको नजिक थिए । सुरुआती दुई सेट जितेपछि तेस्रो सेटमा ‘म्याच प्वाइन्ट’ कै संघारमा थिए । तर अल्कारेजले अविश्वसनीय पुर्नआगमन रचे र उपाधि जिते । अब भने सिनरले तिनै प्रतिद्वन्द्वीबाट विम्बल्डन उपाधि खोसेका छन् । &nbsp;यो उपाधि एउटा अर्को कारणले पनि विशेष छ, सिनरका लागि । यो वर्षको सुरुमा उनी तीन महिनाको डोपिङ प्रतिबन्धमा पनि परेका थिए । उनको चर्को आलोचना पनि भएको थियो । तर उनले कोर्टमै खेलेर त्यसको उत्तर पनि दिएका छन् ।

सिनरले लियो मीठो बदला

काठमाडौं। अन्तिम समयमा सम्हालिन् नसक्दा नेपाल बंगलादेशमा जारी साफ यु–२० महिला च्याम्पियनसिपमा घरेलु टोली बंगलादेशसँग पराजित भएको छ। आइतबार ढाकास्थित बसुन्धरा किङ्स एरिना रंगशालामा सम्पन्न खेलमा नेपाल बंगलादेशसँग २-३ ले पराजित गरेकाे हाे।पहिलो हाफमा दुई गोलले पछाडि परेको नेपालले निर्धारित ९० मिनेटमा २–२ को बराबरी गरेकाे थियो। तर, इन्जुरी समयमा नेपाल सम्हालिन सकेन।&nbsp;बंगलादेशको जितमा सिन्हा जहान शिखा, मोसम्मत सागोरिका र श्री मोती तृष्णा रानीले गोल गरिन्। नेपालका लागि अनिशा राई र मीना देउवाले गोल गरिन्।बंगलादेशले खेलको १३औं मिनेटमा अग्रता लियो। खेलको ५६औं मिनेटमा दुबै टोली १० खेलाडीमा समेटियो। नेपाली रक्षक सिम्रन राई र बंगलादेशी गोलकर्ता मोसम्मत सागोरिका एकअर्कासँग जुधेपछि दुबैलाई रेफ्री याङ्खे छिरिङले सोझै रातो कार्ड देखाइन्। ७७औं मिनेटमा नेपालले अनिशा राईको पेनाल्टी गोलमार्फत खेलमा फर्किने संकेत दियो।&nbsp; निर्धारित समय सकिन चार मिनेट बाँकी रहँदा नेपालले बराबरी गोल गर्यो। तर, इन्जुरी समयको अन्तिम सेकेन्ड्समा उम्हेला माल्माको गतिलाई नेपाली रक्षक माया मास्केले रोक्न सकिनन्। बेन्चबाट मैदान प्रवेश गरेकी उम्हेलाले राइट साइडबाट श्री मोती तृष्णा रानीलाई पास दिइन्। नेपाली रक्षकद्धय सरीता नाथ र अनिशा राईको बिचमा रहेकी श्री मोतीले वान टचमा सुजतालाई बिट गरिन्। जितसँगै बंगलादेशले उपाधि सम्भावनालाई बलियो बनाएको छ। बंगलादेशले पहिलो खेलमा श्रीलंकालाई ९–१ ले पाखा लगाएको थियो। यो जितले बंगलादेशले स्पष्ट ६ अंक जोडेको छ। नेपालले आफ्नो पहिलो खेलमा भुटानलाई ६–१ ले पराजित गरेकाे थियो। चार राष्ट्रको सहभागिता रहेको प्रतियोगितामा डबल राउन्ड रोविन प्रतिस्पर्धापछि समूहको शीर्ष स्थानमा रहने टोली च्याम्पियन बन्नेछ।

अन्तिम समयमा सम्हालिन् नसक्दा नेपाल पराजित

नेपाल र बंगलादेश बिच खेल हेर्नुहोस<a href="https://www.youtube.com/live/fxjZXR4dwSE?si=r65xwWP1BAQAU4IY" target="_blank">Nepal vs Bangladesh live match</a> 
<iframe width="560" height="315" src="https://www.youtube.com/embed/eJEB5iM2KL0?si=xhtF9ciLZD748VvG" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen=""></iframe>

नेपाल र बंगलादेश बिच खेल हेर्नुहोस

काठमाडौं। नेपाली राष्ट्रिय महिला क्रिकेट टिमकी उप-कप्तान पूजा महतो विरा एजुकेशन कन्सल्टेन्सी प्रा.लि. को ब्रान्ड एम्बेसडर नियुक्ति भएकी छिन्। काठमाडौं आइतबार एक कार्यक्रमकाबीच पूजालाई विराले पूजालाई आफ्नो ब्रान्ड एम्बेसडरमा नियुक्त गरेको हो।&nbsp; उक्त सम्झौता पत्रमा विराकी संस्थापक प्रबन्ध निर्देशक र पूजाबीच हस्ताक्षर भएको हो। उनलाई सो प्रा.लि. ले क्रिकेट करिअरका लागि नियुक्त गरेको हो।

पूजा महतो विरा एजुकेसनको ब्रान्ड एम्बेसडर

काठमाडौं, असार २८ गते । मनमैजुस्थित एन्जल्स हार्ट नेसनल स्कुलले एसीसी पुरुष यु–१६ इस्ट जोन कपको उपाधि विजेता नेपाली टोलीका सदस्य जोय थापालाई नगदसहित सम्मान गरेको छ । एन्जल्स हार्टबाट एइइ उत्तीर्ण विद्यार्थीलाई सम्मान गर्न आयोजित कार्यक्रममा जोय सम्मानित भएका हुन् । जोय पनि एसइइ उत्तीर्ण भएका छन् । मलेसियामा भएको प्रतियोगितामा जोयले इन्डोनेसिया विरुद्ध ५७ रन, भुटान विरुद्ध ६१ रन र सिंगापुर विरुद्ध २४ रन बनाएका थिए । जोयलाई एन्जल्स हार्टका अध्यक्ष लिलबहादुर पुन, प्रिन्सिपल टकबहादुर थापा र खेलकुद संयोजक सुमन तिमल्सिनाले ए कार्यक्रमबीचसम्मान गरे ।

क्रिकेटर जोय सम्मानित

काठमाडौँ। कप्तान लियोनल मेस्सीको २ गोलसँगै इन्टर मियामीले मेजर लिग सकर (एमएलएस) मा जित हासिल गरेको छ। आइतबार बिहान सम्पन्न खेलमा मियामीले नेसभिललाई २-१ गोल पराजित गरेको हो।&nbsp; मियामीको जितमा दुबै गा्ेल मेस्सीले गर्दै कीर्तिमानी बनाएका छन्। मेस्सी एमएलएस इतिहासमा लगातार ५ खेलमा समान २ गोल गर्ने पहिलो खेलाडी बने। उनी यसअघि न्यु इङ्गल्याण्ड रिभोलुसनविरुद्ध लगातार ४ खेलमा २ गोल गर्ने एमएलएस इतिहासमा पहिलो खेलाडी बनेका थिए। मेस्सीले आफ्नो पछिल्लो ५ खेलमा मियामीका लागि १० गोल गरेका छन् भने तीन गोलको लागि असिस्टसमेत गरेका छन्। यात नेसभिलका लागि हानि मुख्तारले सान्त्वना गोल गरे।&nbsp; एमएलएसको इस्टर्न कन्फ्रेन्सको पाँचौं स्थानमा रहेको मियामीले १९ खेलबाट लिगमा ३८ अंक जोडेको छ।

मेस्सीको दुई गोलमा मियामी विजयी

फिफाका अध्यक्ष जियान इफान्टिनोको भनाइ मान्ने हो भने फुटबल इतिहासमै क्लब वर्ल्डकप २०२५ सर्वाधिक सफल प्रतियोगिता हो । अमेरिकामा चलिरहेको प्रतियोगिताबारे उनले यस्तो दाबी गर्नु ठीकै पनि हो, किनभने यो प्रतियोगितालाई ३२ टिममा विस्तार गरेर महत्त्वकांक्षी भएर आयोजना गर्ने उनकै सोच हो । एक महिना जति अगाडि सुरु भएको प्रतियोगिता आज टुंगिदैछ, अब फाइनल खेल एउटै मात्र बाँकी छ । नेपाली समय अनुसार आज मध्यरातमा सुरु हुने खेलमा भिड्दै छन्, युरोपका दुई क्लब पेरिस सेन्ट जर्मेन (पीएसजी) र चेल्सी । दुवै टिमका लागि यो फाइनल आफ्नो शानदार सिजनलाई अझ राम्रो बनाउने अवसर हुनेछ । सबैभन्दा पहिले पीएसजीकै कुरा । उसले यसपल्ट फ्रान्सेली लिग र कप मात्र जितेन्, पहिलो पटक युरोपेली च्याम्पियन्स लिग पनि जित्यो । च्याम्पियन्स लिगको फाइनलमा पीएसजीले इन्टर मिलानलाई सजिलै ५–० ले हराएको थियो । त्यही लय उसले अमेरिकामा पनि कायम राखेको छ । सेमिफाइनलमा पनि पीएसजीले जसरी रियल म्याड्रिडलाई हराएको छ, त्यसले प्रस्ट पारेको छ, यो क्लब साँच्चै अहिले कति धेरै बलियो छ भनेर । त्यसैले फाइनलमा जितका लागि सबैभन्दा बलियो प्रत्यासी यही पीएसजी नै हो । फेरि यो सिजन पीएसजीले एकपछि अर्को प्रिमियर लिग क्लबलाई हराउको पनि छ । सायद चेल्सी पनि कम्तीको छैन्, उसका लागि पनि यो सिजन राम्रै रह्यो । इंग्लिस प्रिमियर लिगमा चौथो स्थानमा आएको चेल्सीले युरोपा कन्फ्रेन्स लिग जितेको थियो । धेरै हदसम्म फाइनलमा चेल्सी ‘अन्डर डग’ नै रहनेछ । आम फुटबल प्रेमीको भने एउटै लोभ हुनेछ, फाइनल सनसनीपूर्ण होस।&nbsp;

आज फाइनलः पीएसजीविरुद्ध चेल्सी

विम्बल्डन २०२५ को महिला एकलको फाइनल अविश्वसनीय रह्यो । अविश्वसीय मात्र नभएर घोर आश्चर्यजकै नतिजा रह्यो । आखिरमा कसले मात्र सोचेको हुन सक्छ र, उपाधिको भिडन्तमा विजेताको जित अन्तर ६–० र ६–० हुन्छ भनेर । तर भएको यस्तै छ । अल इंग्ल्यान्ड क्लबमा शनिबार राति भएको फाइनलमा इगा स्वाटिकले आफ्ना प्रतिद्वन्द्वी अमान्डा एनिसिमोभामाथि निर्मम यस्तै जित निकालेकी हुन् । उपाधि जितेपछि पोल्यान्डकी स्वाटिकको प्रतिक्रिया थियो, ‘यस्तो जित हुन्छ भनेर मैले सपनामा पनि सोचेकी थिइनं ।’हारपछि अमेरिकी खेलाडी एनिसिमोभाले आफूलाई सम्हाल्नै सकिनन् र रुदै भनिन्, ‘मैले अलिकति भए पनि राम्रो खेल्नु पर्ने थियो ।’ हारप्रति उनको अनुहारमा प्रस्ट पछुताउ देखिन्थ्यो । ग्रान्ड स्लाम टेनिसमा साँच्चै यस्तो स्कोर विरलै मात्र पाइन्छ, अझ त्यो पनि फाइनलमा ।सन् १९८८ मा एउटा यस्तै फाइनल भएको थियो, जति बेला स्टेफि ग्राफले फ्रेन्च ओपनको फाइनलमा नतासा जेरेभालाई ६–० र ६–९ ले हराएकी थिइन् । विम्बल्डनको आधुनिक इतिहासमा यस्तो एकपक्षीय खेल भएको भने यो नै पहिलो पल्ट हो ।

अहिलेसम्मको एकोहोरो फाइनल

<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">काठमाडौं। साफ यु–२० महिला च्याम्पियनसिपमा नेपालले आज आयोजक बंगलादेशसँग खेल्दैछ।बंगलादेशको राजधानी ढाकास्थित बसुन्धारा किङ्स एरेनामा हुने खेल नेपाली समयअनुसार साझं ६ः४५ बजेबाट सुरु हुनेछ।<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">नेपालले पहिले खेलमा भुटानलाई&nbsp;&nbsp;६-१ गोलले पराजित गरेको थियो भने यता बंगलादेशले श्रीलंकालाई ९-१ गोललो पराजित गरेको थियो।<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">नेपाल र बंगलादेशबिच बिगतका खेल हेर्दा बंगलादेश नेपाल माथि हाबी भएको पाइन्छ। अघिल्लो संस्करणको&nbsp;&nbsp;साफ यु–२० महिला च्याम्पियनसिप २०२३ मा नेपाल बंगलादेशसंग फाइनलमा ३-० गोलले पराजित भएको थियो।<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">आज नेपाललाई बंगलादेशलाई पराजित गरेर बदला लिने मौका पाएको छ ।&nbsp;

नेपाल र बंगलादेश खेल्दै

काठमाडौं। दोस्रो संस्करणको नेपाल प्रिमियर लिग (एनपिएल) को मिनी अक्सनका लागि खेलाडी दर्ता प्रक्रिया खुला भएको छ। आयोजक नेपाल क्रिकेट संघ (क्यान) ले शनिवार एक विज्ञप्ति जारी गर्दै रजिस्ट्रेसन खुला भएको जानकारी गराएको हो।&nbsp; क्यानका अनुसार एनपिएलमा सहभागी ८ टोलीबाट रिलिज भएका र नयाँ खेलाडीहरुले रजिस्ट्रेसन गर्न पाउने छन्। जसमा खेलाडीहरुले ए, बी र सी मध्ये जुनसकै श्रेणीमा आफ्नो नाम दर्ता गराउन सक्नेछन्। दर्ताका लागि १ हजार रुपैयाँ शुल्क लाग्नेछ भने खेलाडीले साउन ६ गतेसम्म दर्ता गर्न सक्ने छन्। एनपिएलको मिनी अक्सन अगस्ट महिनामा आयोजना हुने तयारी छ।&nbsp;

एनपिएल ‍: अक्सनका लागि खेलाडी दर्ता खुला

२८ असार, ललितपुर। महालक्ष्मी चेस एकेडेमीकाे आयोजनामा जेजेस् क्याफे दोस्रो व्लिज खुल्ला रेटिङ चेस प्रतियोगिताको उपाधि फिडे मास्टर क्षितिज भण्डारीले जितेका छन्।&nbsp; स्विस लिग प्रणाली अनुसार नवौं चरणको एक दिने द्रुतगतिको खेलमा आठ जित एक बराबरी खेलि भण्डारीले साढे ८ अंक सहित ट्रफि उचालेका छन्।एफएम भण्डारीले अन्तिम खेलमा ललितपुरका सानुराजा बज्राचार्यलाई पराजित गरि ८ हजार नगद पुरस्कार प्राप्त गरे ।प्रतिस्पर्धामा समान ८.५ अंक जोडेर दोलखाका आशिष फुयाल प्रोग्रेसिभ प्वाइन्टका आधारमा दोस्रो भएका छन्। अन्तिम खेलमा सुरज महर्जनलाई पराजित गरेपनि दोस्रो स्थानमा चित्त बुझाउदै आशिषले नगद ६ हजारमा सन्तुष्ट हुनु परेको छ।यस्तै एकल ७.५ अंक जोडेका राजन पुरि तेस्रो स्थान कब्जा गर्दै नगद पुरस्कार ४ हजार हात पारेका छन्। पुरिले अन्तिम खेलमा काठमाडौंका प्रेमकृष्ण महर्जनलाई हराएका छन्।स्पर्धामा ललितपुरका सरोज महर्जन चौथो र रौतहटका फिडे मास्टर रुपेश जैशवाल पाँचौ स्थानमा रहँदै प्रतियोगिता अन्त्य गरेका छन्।झापाका प्रकाश नेपाल, पूर्व नेपाल च्याम्पियन बद्रीलाल नेपाली, झापाका सजल न्यौपाने, सुनसरीका मुहान नर्सिङ श्रेष्ठ र ललितपुरका सानुराजा बज्राचार्य क्रमश: छैटौं देखि दशौ स्थानमा रहन सफल भएका छन्।त्यसैगरी महिला विधातर्फ महालक्ष्मी चेस &nbsp;एकेडेमीका ग्लोसी श्रेष्ठ प्रथम, झापाकी पुनम प्रसाईं दोस्रो र कुसुम घिसिङ तेस्रो स्थानमा रहिन।१३२ जना खेलाडी सहभागी रहेको प्रतियोगितामा भेट्रान तर्फ पूर्व नेपाल च्याम्पियन नविन तण्डुकार उत्कृष्ट ठहरिए भने १८०० मुनि रेटेड तर्फ काठमाडौका कुमार महर्जन अब्बल भए भने १६०० मुनि सुदिन नेपाल पहिलो स्थानमा रहे।युवा - १६ वर्षमा प्रलेस महर्जन &nbsp;र &nbsp;युवा- १२ वर्षमा &nbsp;सात्विक मान तुलाधर उत्कृष्ट भए।ललितपुरको लुभु स्थित रोयल लुभु ब्याङ्क्वेटमा आयोजित पुरस्कार वितरण समारोहमा प्रमुख अतिथि नेपाल बुद्धिचाल संघका अध्यक्ष हेराकाजी महर्जन, ललितपुर जिल्ला बुद्धिचाल संघका अध्यक्ष विक्रम श्रेष्ठ, &nbsp;महालक्ष्मी नगरपालिका ८ का वडा सदस्य जयन्ती महर्जन, विनोद केसीले विजेता खेलाडीलाई पुरष्कृत गरेका छन् । हरिकृष्ण महर्जनको सभापतित्वमा चलेको समापन कार्यक्रम महासंघका प्रवक्ता राजु ताम्राकारले संचालन गरेका थिए।

जेजेस् व्लिज चेसको उपाधि क्षितिज भण्डारीलाई

नेपालले मलेसियाविरुद्ध हुने मैत्रीपूर्ण खेल र विश्वकप छनोटको दोस्रो चरणको खेलका लागि अन्तिम टोली घोषणा गरिएको छ। &nbsp;मलेसियाविरुद्ध हुने मैत्रीपूर्ण खेल&nbsp;मार्च १५ मा&nbsp;मलेसियामा&nbsp;हुदैछ।&nbsp;विश्वकप छनोटको दोस्रो चरणको खेल&nbsp;मार्च २१ र २६ मा बहराइनविरुद्ध हुने ।मुख्य प्रशिक्षक भिन्सेन्जो अल्बर्टो एनेसेले मंगलबार आफ्नो अन्तिम टोली घोषणा गरेका छन्। अन्तिम टोली गोलकिपरः किरणकुमार लिम्बु, अभिषेक बराल, विशाल सुनार डिफेन्डरः अभिषेक लिम्बु, अजय चौधरी, अनन्त तामाङ, छिरिङ लामा, सनिश श्रेष्ठ, सौभाग्य राई, सुमित श्रेष्ठ मिडफिल्डरः भरत खवास, विशाल बस्नेत, लाखेन लिम्बु, मणिकुमार लामा, मनिष डाँगी, रोहन कार्की, उत्सव राई फरवार्डः अन्जन विष्ट, दिनेश हेन्जन, हिशुब थपलिया, समीर तामाङ, सञ्जीव विष्ट, गिलेस्पे जंग कार्की

Nepalsports

मैत्रीपूर्ण खेल र विश्वकप छनोटको लागि अन्तिम टोली घोषणा

📰 Recent News

Nepalsports