उरुग्वेली फरवार्ड मार्टिन सान्ट्रिनोले ३९ औं मिनेटमा गरेको निर्णायक गोलको मदतले गटोफेले स्पेनी ला लिगामा सोमबार रियल म्याड्रिडलाई १–० ले पराजित गरेको छ । उपाधि होडमा रियलका लागि यो अर्को धक्का रहेको छ । रियल लिगमा लगातार दुई खेलमा पराजित रहेको यो सन् २०२० यता पहिलो पटक मात्र हो ।पछिल्ला साता अल्भारो अलबेलोको रियल ओसासुनाको हातबाट पनि स्तब्ध रहेको थियो । यस नतिजापछि रियल लिग तालिकाको शीर्षमा रहेको बार्सिलोना भन्दा चार अंकको दूरीमा रह्यो। लिग तालिकामा बार्सिलोनाको २६ खेलबाट ६४ अंकमा सबैभन्दा अगाडि छ । रियल भने ६० अंकमै सीमित रह्यो । खेलको अन्त्यमा दुवै टिम दस दस खेलाडीमा सीमित रहे । जितले गेटाफे भने ३२ अंकमा ११ औं स्थानमा पुगेको छ ।

रियलको दुर्लभ लगातार दोस्रो हार

युभेन्ट्सले अर्को सिजन युरोपेली च्याम्पियन्स लिग खेल्ने सम्भावनालाई जीवन्त राख्न आइतबार इटालीको सिरी ए मा एएस रोमालाई ३–३ को रोमाञ्चक बराबरीमा रोकेको छ । युभेन्ट्सले दुई गोलले पछाडि रहेको स्थितिबाट यो बराबरी निकालेको हो । रोममा भएको खेलमा फेडरिको गाटीले दोस्रो हाफको इन्ज्युरी समयमा गोल गोल गर्दै युभेन्ट्सलाई एक बहुमूल्य अंक दिलाएका दिए । लिग तालिकामा रोमा ५१ अंकमा चौथो स्थानमा छ । युभेन्ट्स भने ४७ अंकमा छैटौं स्थानमा छ । इन्टर मिलान भने ६७ अंकमा शीर्ष स्थानमा छ र अब उसको उपाधि जित्ने सम्भावनामा अरूले बाधा पुर्‍याउने सम्भावना कमजोर भइसकेको छ ।

रोमा र युभेन्ट्सबीच बराबरी

आर्सनलले इंग्लिस प्रिमियर लिगको उपाधि होडमा आइतबार आफूलाई बलियो बनाएको छ । सन् २००४ यता आर्सनलसामु पहिलो पटक लिग जित्ने अवसर तयार देखिएको छ र यसका लागि उसले चेल्सीलाई २–१ ले हरायो । इमिरेट्समा भएको खेलमा ६६ औं मिनेटमा जुरेन टिम्बरले आर्सनलका लागि निर्णायक गोल गरे । आर्सनलले विलियन सलिबाको गोलले अग्रता लिएको थियो, तर पिएरो हिनक्याप आत्मघाती गोल गरेपछि खेल बराबरीमा रहेको थियो । आर्सनलको लिगमा यो लगातार दोस्रो जित हो । चेल्सी भने आफ्ना पछिल्ला तीन खेलमा जितहीन रहेको छ र यसले उसको अर्को सिजन युरोपेली च्याम्पियन्स लिग खेल्ने सम्भावना कमजोर बनेको छ । खेलको ७० औं मिनेटमा चेल्सीले पेड्रो नेटोले रातो कार्ड खाए र टिम दस खेलाडीमा सीमित रह्यो । यो नतिजापछि आर्सनलको ६४ अंक भएको छ र यो दोस्रो स्थानमा रहेको म्यानचेस्टर सिटीमाथि पाँच अंकको अग्रता हो । आइतबारका अन्य खेलमा ब्राइटनले नटिंघम फरेस्टलाई २–१, फुलहमले टोटनहमलाई २–१ र म्यानचेस्टर युनाइटेडले क्रिस्टल प्यालेसलाई पनि २–१ ले हराएको थियो ।

आर्सनल उपाधि होडमा बलियो हुँदै

काठमाडौं, अखिल नेपाल फुटबल संघ (एन्फा)ले इटाली–स्विट्जरल्यान्ड दोहोरो नागरिकताधारी ५२ वर्षीय गुग्लिएल्मो एरेनालाई नेपाली राष्ट्रिय पुरुष फुटबल टोलीको मुख्य प्रशिक्षक नियुक्त गर्ने तयारी गरेको छ। उनी नेपाल आइसकेका छन् र औपचारिक प्रक्रिया अन्तिम चरणमा रहेको एन्फाले जनाएको छ। मंसिरमा म्याट रस बाहिरिएपछि टेक्निकल डाइरेक्टर हरि खड्काले टोली सम्हाल्दै आएका थिए। अब प्रो–लाइसेन्स प्रशिक्षकको आवश्यकता पूरा गर्न एरेनालाई जिम्मेवारी दिन लागिएको हो। एरेनाले यसअघि लाओसको राष्ट्रिय टिम र मोरक्कोको क्लब एमएएस फेस सम्हालेका छन्। नेपालले २६ मार्चमा हङकङसँग मैत्रीपूर्ण खेल खेल्नेछ भने त्यसको पाँच दिनपछि एएफसी एसियन कप छनोटको अन्तिम खेलमा लाओसको सामना गर्ने तालिका छ।

एरेना राष्ट्रिय टिमको मुख्य प्रशिक्षक बन्दै

काठमाडौं। एन्फा राष्ट्रिय लिगमा न्यू रोड टिम एनआरटीले विजयी हासिल गरेको छ।&nbsp; त्रिपुरेश्वस्थित दरशथ रंगशालामा आइतबार सम्पन्न खेलमा एनआरटीले चित्लाङ एफसीलाई २-१ ले पराजित गरेको हो। एनआरटीको यो पाँचौं जित हो। लिगमा ९ खेल खेलेको एनआरटीले १९ अंक जोडेको छ। चित्लाङको भने यो चौथो हार हो। समान खेलबाट चित्लाङको ७ अंक छ। राजीव लोप्चनले खेलको १०औं मिनेटमा गोल गर्दै एनआरटीलाई सुरुआती अग्रता दिलाए।<img src="https://app.nepalsportz.com/media/django-summernote/2026-03-01/e07cf271-242f-44de-8f69-872be79f3ffd.jpeg" style="width: 698px;"> ३७औं मिनेटपछि एनआरटीका सनम सोदेम्बा लिम्बूले आत्मघाती गोल गरेपछि चित्लाङ १-१ को बराबरीमा आउँदै खेलमा फर्कियो। खेलको ५४औं मिनेटमा टिमोथी चिएमेरिए ओकेरेकेले गोल गर्दै एनआरटीलाई २–१ को जित दिलाए। यस्तै, अर्को खेलमा मनाङ मर्स्याङदी र प्लानिङ ब्वाइज युनाइटेडले गोलरहित बराबरी खेल्दै अंक बाँडेका छन्।

राष्ट्रिय लिग चित्लाङविरुद्ध एनआरटीको जित, मनाङ र प्लानिङ रोकिए

काठमाडौं। विभागीय टोली त्रिभुवन आर्मी क्लबले राष्ट्रिय लिगअन्तर्गत आफ्नो उत्कृष्ट लय कायम राख्दै नव जनजागृति युवा क्लबमाथि सानदार जित दर्ता गरेको छ। त्रिपुरेश्वरस्थित दशरथ रंगशालामा आइतबार सम्पन्न पहिलो खेलमा आर्मीले नव जनजागृतिलाई ३–० गोलअन्तरले पराजित गर्दै महत्वपूर्ण तीन अंक हात पारेको हो। यो जितसँगै आर्मीले लिगमा आफ्नो पाँचौं सफलता हासिल गरेको छ। आठ खेलबाट १७ अंक जोडेको आर्मी तालिकाको शीर्ष प्रतिस्पर्धामा मजबुत रूपमा उभिएको छ। खेलको नवौं मिनेटमै जर्जप्रिन्स कार्कीले गोल गर्दै आर्मीलाई अग्रता दिलाए। सुरुआती अग्रतापछि आत्मविश्वासका साथ खेलेको आर्मीले दोस्रो हाफमा खेलमाथि पूर्ण नियन्त्रण जमायो। ५४औं मिनेटमा नवयुग श्रेष्ठले सुन्दर गोल गर्दै अग्रता दोब्बर बनाए। त्यसपछि ७६औं मिनेटमा कुन्साङ लामाले अर्को गोल थप्दै आर्मीको जित सुनिश्चित गरे। पराजित नव जनजागृतिको भने यो लगातार आठौं हार हो। समान आठ खेल खेलेको नव जनजागृति अंकविहीन रहँदै तालिकाको पुछारमा संघर्षरत छ।

नव जनजागृतिमाथि आर्मीको प्रभावशाली जित

काठमाडौं साउदी प्रो लिगअन्तर्गत सम्पन्न खेलमा अल नासरले अल फैहामाथि ३-१ काे रोमाञ्चक जित निकालेको छ। सुरुवातमा दबाबमा देखिएको अल नासरले दोस्रो हाफमा उत्कृष्ट पुनरागमन गर्दै महत्वपूर्ण तीन अंक सुरक्षित गर्‍यो। जितसँगै अल नासर २४ खेलबाट ६१ अंक जोड्दै लिगको शीर्ष स्थानमा उक्लिएको छ। खेलको ११औँ मिनेटमा क्रिस्टियानो रोनाल्डोले पेनाल्टीको अवसर गुमाएका थिए। त्यसपछि पहिलो हाफको इन्जुरी समयमा अब्दुलेलाह अल-अम्रीबाट आत्मघाती गोल भएपछि अल फैहाले अग्रता लिएको थियो। ७२औँ मिनेटमा साडियो मानेले बराबरी गोल गरे। त्यसको आठ मिनेटपछि अल फैहाका गोलकिपर ओरलान्डो मोस्क्वेराबाट आत्मघाती गोल भएपछि अल नासरले २–१ को अग्रता बनायो। ८५औँ मिनेटमा अब्दुल्लाह अल-हमदानले गोल थप्दै जित सुनिश्चित गरे।

अल नासरको पुनरागमन जित

कुनै ठूलो अप्रत्यासित नतिजाको शृंखला आएन भने इटालीको सिरी ए इन्टर मिलानले जित्ने छ । उसले शनिबारको खेलमा जेनोआलाई २–० ले पराजित गरेको छ । सानसिरोमा भएको खेलमा इन्टरका लागि फेडेरिको डिमार्को र हाकन चाल्हानग्लुले एक एक गोल गरे । यो जिवतपछि इन्टरले दोस्रो स्थानमा रहेको एसी मिलानमाथि १३ अंकको ठूलो बढत लिएको छ । यो यस्तो अन्तर हो, जसलाई उछिन्नु लगभग असम्भव जस्तै हुनेछ । इन्टरको २७ खेलबाट ६७ अंक भएको छ । मिलान भने ५४ अंकमा छ । त्यस पछाडि नेपोलीको ५३ र एएस रोमाको ५० अंक छ । नेपोलीले अर्को खेलमा भेरोनालाई २–१ ले पराजित गरेको हो ।

उपाधि होडमा इन्टर झन बलियो

ह्यारी केनको दुई तथा जोसुआ किमिचको निर्णायक गोलको मदतले बायर्न म्युनिकले शनिबार जर्मन बुंडेस लिगामा उपाधिको प्रमुख प्रतिद्वन्द्वी बोरुसिया डर्टमुन्डलाई ३–२ ले पराजित गरेको छ । यो पुर्नआगमन जितपछि बायर्नले लिग तालिकामा ११ अंकको अग्रता लिएको थियो र उसले यो सिजन पनि लिग उपाधि जित्ने लगभग निश्चित भएको छ । अब १० चरणका खेल मात्र बाँकी छँदा बायर्नलाई कसैले उछिन्ने सम्भावना रहने छैन् । पहिलो हाफसम्म बायर्नले एक गोलले पछाडि थियो । यो नतिजापछि बायर्नको ६३ अंक भएको छ । डर्टमुन्ड भने ५२ अंकमै सीमित रह्यो ।

डर्टमुन्डलाई हराएपछि बायर्न उपाधितर्फ उन्मुख

लामिन यामलले आफ्नो खेल जीवनमा गरेको पहिलो ह्याट्रिकको मदतले बार्सिलोनाले शनिबार स्पेनी ला लिगामा भिल्लारियलमाथि ४–१ को शानदार जित रचेको छ । यससँगै बार्सिलोनाले शीर्ष स्थानमा चार अंकको अग्रता पनि लिएको छ । क्याम्प नुमा किशोर स्टार यामलले २८, ३७ र ६९ औं मिनेटमा गोल गरे । अर्को गोल भने रोबर्ट लेवनडोस्कीको नाममा रह्यो । एटलेटिको म्याड्रिडले अर्को खेलमा रियल ओसिएडोलाई १–० ले हरायो र तेस्रो स्थानमा उक्लिन सफल रह्यो । एथटलेटिकोको भने ५१ अंक भयो भने पराजित भिल्लारियल ५१ अंकमै चौथो स्थानमा झरेको छ । रियल म्याड्रिड ६० अंकमा दोस्रो स्थानमा छ ।

बार्सिलोना जितमा यामलको ह्याट्रिक

म्यानचेस्टर सिटीले इंग्लिस प्रिमियर लिगमा शनिबार लिड्स युनाइटेडलाई १–० ले पराजित गरेको छ र यससँगै आर्सनलसँगको दूरी दुई अंकमा छोट्याएको छ । यसले उपाधि होड अन्त्यसम्म रोमाञ्चक हुने भएको छ । एलान रोडमा भएको खेलमा सिटीका लागि निर्णायक गोल गर्ने खेलाडी रहे, एन्टोन सेमेन्यो । उनले पहिलो हाफको इन्ज्युरी समयमा गोल गरेका हुन् । यो जितपछि सिटीको ५९ अंक भएको छ । आर्सनल भने ६१ अंकमा शीर्ष स्थानमा छ । अर्को खेलमा लिभरपुलले वेस्ट ह्याम युनाइटेडमाथि ५–२ को जित रच्यो । लिभरपुलको भने ४८ अंक भएको छ र पाँचौं स्थानमा छ । अन्य खेलमा एभरटनले न्युकासल युनाइटेडलाई ३–२ र ब्रेन्टफोर्डले बर्नलीलाई ४–३ ले हरायो । यस्तै बर्नमाउथ र सन्डरल्यान्डले भने १–१ को बराबरीमा चित्त बुझाए ।

सिटीले घटायो आर्सनलसँगको दूरी

काठमाडौं। एपीएफ क्लब दुई पटक अग्रता बनाए पनि जित सुरक्षित राख्न नसक्दा नेपाल पुलिस क्लब सँग अंक बाँड्न बाध्य भएको छ। रोमाञ्चक प्रतिस्पर्धामा एपीएफका लागि प्रदिप लामाले दुवै गोल गरे भने पुलिसकाे तर्फबाट ओसेन्द्र कटुवाल र शिशिर चौधरीले समान एक–एक गोल गरे। पहिलो हाफ १–१ को बराबरीमा सकिएको थियो। खेलको १०औँ मिनेटमा प्रदिप लामाको गोलमार्फत एपीएफले अग्रता लिएको थियो। तर २७औँ मिनेटमा शिशिर चौधरीले गोल फर्काउँदै खेललाई १–१ को अवस्थामा पुर्‍याएका थिए। दोस्रो हाफमा पनि एपीएफले अग्रता बनाए पनि त्यसलाई जोगाउन नसक्दा खेल २–२ को बराबरीमा टुंगिएको हो। यो बराबरीसँगै एपीएफले ८ खेलबाट २२ अंक जोड्दै शीर्ष स्थान कायम राखेको छ भने पुलिसको समान खेलबाट ८ अंक पुगेको छ।

दुई पटक अग्रता लिए पनि जित जोगाउन सकेन एपीएफ

काठमाडौं। श्री भगवती क्लबले एन्फा राष्ट्रिय लिगअन्तर्गत प्रभावशाली प्रदर्शन गर्दै फराकिलो जित दर्ता गरेको छ। त्रिपुरेश्वरस्थित दशरथ रंगशालामा शनिबार सम्पन्न खेलमा श्री भगवतीले काक्रेबिहार क्लबलाई ६–० गोलले पराजित गर्दै आधा दर्जन गोलको वर्षा गरेको हो। श्री भगवतीको शानदार जितमा सुजन डंगोलले ह्याट्रिक पूरा गरे। त्यस्तै शिशिर लेखी र दिव उराउले समान एक–एक गोल थप्दै टोलीको जित सुनिश्चित गरे। खेलभर आक्रामक देखिएको श्री भगवतीले सुरुआतदेखि नै दबाब सिर्जना गर्दै विपक्षी रक्षापंक्तिलाई कमजोर बनाएको थियो। यस जितसँगै श्री भगवतीले आठ खेलबाट आठ अंक जोड्दै तालिकाको नवौं स्थानमा उक्लिएको छ। पराजित काक्रेबिहार भने समान खेलबाट एक अंकसहित तालिकाको पुछारबाट दोस्रो स्थानमा सीमित रहेको छ।

काक्रेबिहारमाथि श्री भगवतीको आधा दर्जन गोल

उल्भ्सले इंग्लिस प्रिमियर लिगमा शनिबार दुर्लभ सिजनको दोस्रो जित निकालेको छ । यसका लाथि यसले एस्टन भिल्लालाई घरमा २–० ले हरायो । उल्भ्सका लागि जाओ गोमेजले पहिलो गोल गरेपछि रोड्रिगो गोमेजले दोस्रो गोल थपे । वर्षाले प्रभावित खेलमा भिल्लाको प्रदर्शन कमजोर रह्यो । जनवरीमा वेस्ट ह्यामलाई हराएयता उल्भ्सले अहिले तीन अंक बटुलेको हो । यो नतिजापछि उल्भ्स १३ अंकमा अन्तिम स्थानमा छ र अर्को सिजन दोस्रो डिभिजना खेल्ने बाटोमा छ । भिल्ला भने ५१ अंकमा तेस्रो स्थानमा रह्यो । यो पाँचौमा रहेको चेल्सी र छैटौंमा रहेको लिभरपुलमाथि ६ अंकको अग्रता हो । उल्भ्समाथि जित निकालेको भए भिल्लाले अर्को सिजन च्याम्पियन्स लिग खेल्ने अझ सम्भावना बलियो हुने थियो ।

उल्भ्सको सिजनकै दुर्लभ जित

काठमाडौँ। युरोपेली क्लब फुटबलको प्रतिष्ठित प्रतियोगिता च्याम्पियन्स लिग अन्तर्गत अन्तिम १६ चरणको ड्र सार्वजनिक भएको छ। सार्वजनिक तालिकाअनुसार प्रि–क्वार्टरफाइनलका खेलहरू मार्च १० देखि सुरु हुनेछन्। यस चरणमा सहभागी टोलीहरूले घरेलु र बाहिरी मैदानमा दुई लेगका आधारमा प्रतिस्पर्धा गर्नेछन्। दुवै खेलको समग्र नतिजाका आधारमा विजेता टोली क्वार्टरफाइनलमा प्रवेश गर्नेछ। यस पटकको ड्रमा उपाधि दाबेदार टोलीहरू एक–अर्काविरुद्ध उत्रने भएपछि समर्थकमाझ उत्साह बढेको छ। विशेषगरी रियल मड्रिड र म्यानचेस्टर सिटीबीचको खेललाई यस चरणकै सबैभन्दा चर्चित प्रतिस्पर्धाका रूपमा हेरिएको छ। अन्तिम १६ का खेलहरू&nbsp; &nbsp;पेरिस सेन्ट जर्मेनविरुद्ध चेल्सी&nbsp;न्युक्यासल युनाइटेडविरुद्ध बार्सिलोना&nbsp;गलातासारेविरुद्ध लिभरपुल&nbsp;एट्लेटिको मड्रिडविरुद्ध टोटनह्याम हट्सपर&nbsp;रियल मड्रि विरुद्ध म्यानचेस्टर सिटी&nbsp;बोडो ग्लिम्टविरुद्ध स्पोर्टिङ&nbsp;एटालान्टाविरुद्ध बायर्न म्युनिख&nbsp;बायर लेभरकुजनविरुद्ध आर्सनल<img src="https://app.nepalsportz.com/media/django-summernote/2026-02-28/b9ddb5af-f367-4c8c-9dd6-b9fbb08691ba.jpeg" style="width: 698px;">

च्याम्पियन्स लिग : अन्तिम १६ मा रियल र सिटी तथा चेल्सी र पीएसजी भिड्ने

काठमाडौँ । नेपाल क्रिकेट संघ (क्यान) ले आईसीसी क्रिकेट विश्वकप लिग २ अन्तर्गत ओमान र संयुक्त अरब इमिरेट्सविरुद्ध घरेलु मैदानमा हुने त्रिकोणात्मक शृंखलाका लागि २० सदस्यीय प्रारम्भिक टोली घोषणा गरेको छ। क्यानले फागुन २६ गतेदेखि चैत ६ गतेसम्म कीर्तिपुरस्थित त्रिवि क्रिकेट मैदान र मूलपानी क्रिकेट मैदानमा सञ्चालन हुने शृंखलाका लागि रोहित पौडेलको कप्तानीमा टोली सार्वजनिक गरेको हो। प्रारम्भिक टोलीमा रोहित पौडेल (कप्तान), दीपेन्द्र सिंह ऐरी (उपकप्तान), सन्दीप लामिछाने, कुशल भुर्तेल, आसिफ शेख, अर्जुन साउद, भीम सार्की, आरिफ शेख, बशीर अहमद, गुलशन झा, सोमपाल कामी, करण केसी, नन्दन यादव, रिजन ढकाल, ललित राजवंशी, शाहब आलम, शेर मल्ल, इशान पाण्डे, आकाश चन्द र हेमन्त धामी रहेका छन्। यस शृंखलामा नेपाल, ओमान र संयुक्त अरब इमिरेट्सले एक–अर्काविरुद्ध दुई–दुई एकदिवसीय खेल खेल्नेछन्। हाल लिग–२ को अंकतालिकामा नेपाल २० खेलबाट ५ जित र १३ हारसहित १२ अंक जोड्दै सातौँ स्थानमा रहेको छ। ओमान समान खेलबाट २४ अंकसहित चौथो स्थानमा रहँदा संयुक्त अरब इमिरेट्स १० अंकसहित पुछारमा रहेको छ।

विश्व क्रिकेट लिग–२ का लागि प्रारम्भिक टोली घोषणा

काठमाडौं। लालीगुराँस एसोसिएसन एन्फा राष्ट्रिय लिग अन्तर्गत आठौं साताको खेलमा बराबरीमा रोकिएको छ।&nbsp; सातदोबाटोस्थित एन्फा कम्प्लेक्समा शुक्रबार सम्पन्न खेलमा लालीगुराँस फ्रेन्ड्स क्लबसँग १-१ गोलको बराबरीमा रोकिएको हो।&nbsp; यो नजितासँगै आठ खेलबाट १८ जोडेको लालीगुराँस दोस्रो स्थानमा यथावत् छ। यता समान खेलबाट ६ अंक जोडेको फ्रेन्ड्स १३औं स्थामा उक्लिएको छ।&nbsp; खेलको २६औं मिनेटमा सरोज गुरुङको गोलबाट अग्रता बनाएको लालीगुराँसले दोस्रो हाफमा जोगाउन सकेन। फ्रेन्ड्सका जेनिश प्रजापतिले ७६औं मिनेटमा गोल गर्दै खेल १ १ को बराबरीमा ल्याए।&nbsp;

फ्रेन्ड्ससँग बराबरीमा रोकियो लालीगुँरास

काठमाडौं। एन्फा राष्ट्रिय लिगअन्तर्गत सम्पन्न खेलमा संकटा फुटबल क्लबले चित्लाङ फुटबल क्लबमाथि ४–० को प्रभावशाली जित निकालेको छ। संकटाको जितमा रिचार्ड चुकउदालु वन्यमाले ह्याट्रिक पूरा गरे। उनले विपक्षी रक्षापंक्तिलाई निरन्तर दबाबमा राख्दै तीनै गोल गरेका हुन्। यस्तै, ताइ दानीएल बादारुले एक गोल थप्दै टोलीको जित सुनिश्चित बनाए। यस जितसँगै संकटाले आठ खेलबाट नौ अंक जोड्दै तालिकाको आठौं स्थानमा उक्लिएको छ। पराजित चित्लाङ समान खेलबाट सात अंकसहित तालिकाको बाह्रौं स्थानमा झरेको छ।

चित्लाङमाथि संकटाको जित

नटिङघम फरेस्ट बिहीबार युरोपा लिगको प्ले अफ दोस्रो लेगमा फेनाबाचेसँग २–१ ले पराजित भएको छ । तर पहिलो लेगमा प्राप्त ३–० जितको आधारमा समग्रमा ४–२ ले अगाडि रहेर अन्तिम १६ मा स्थान बनाउन सफल रह्यो । सेल्टिक भने उत्तिकै भाग्यमानी रहेन् । स्टुटगार्ट सेल्टिकसँग १–० ले पराजित भएता पनि समग्रमा ४–२ ले अगाडि रहेर अर्को चरण पुग्यो । बिहीबारका खेलपछि युरोपा लिगको अन्तिम १६ मा पुग्न सबै टिमको टुंगो लागेको छ । <img src="https://app.nepalsportz.com/media/django-summernote/2026-02-27/fb656cbd-5773-4529-8c1a-dad58fe845cd.jpeg" style="width: 698px;"> त्यस अनुसार प्ले अफबाट अन्तिम १६ पुग्न सफल अन्य टिममा बोलोग्ना, सेल्टा भिगो, फेरेन्कभारोस, जेन्क, लिल र प्यानाथिनाइकोज रहेका छन् । यसअघि नै लिग चरणको समाप्तीमा शीर्ष आठमा रहेर लियोन, एस्टन भिल्ला, मिडट्जल्यान्ड, रिेयल बेटिस, पोर्टो, ब्राग, फ्रेबर्ग र रोमा अन्तिम १६ मा पुगिसकेका छन् ।

युरोपा लिग अन्तिम १६ को समीकरण पूरा

काठमाडौं। एन्फा राष्ट्रिय लिग अन्तर्गत बिहीबार सम्पन्न खेलमा त्रिभुवन आर्मी फुटबल क्लबले जावलाखेल युवा क्लबमाथि महत्त्वपूर्ण जित दर्ता गरेको छ। त्रिपुरेश्वरस्थित दशरथ रंगशालामा सम्पन्न दिनको अन्तिम खेलमा आर्मी २-० ले विजयी भएको हो। आर्मीको जितमा जिलेस्पीजंग कार्की नायक बने। उनले खेलको ४४औँ मिनेटमा पहिलो गोल गर्दै टोलीलाई अग्रता दिलाएका थिए। दोस्रो हाफको ८०औँ मिनेटमा पुनः गोल गर्दै कार्कीले व्यक्तिगत दोस्रो तथा टोलीका लागि निर्णायक गोल गरे। दुवै गोलपछि जावलाखेल खेलमा फर्किन नसक्दा आर्मीले महत्वपूर्ण तीन अंक हात पार्न सफल भयो।&nbsp;

राष्ट्रिय लिगमा जावलाखेलमाथि आर्मीको जित

काठमाडौं, एभरेष्ट महिला भलिबल लिगको फाइनलमा आज कर्णाली याश्विज र ललितपुर क्विन्स खेल्दैछन्।&nbsp; लिगमा शप्रतिशत जितसँगै कर्णाली उपाधि रक्षा गर्ने अभियानमा छ। लिग चरणका सबै खेलमा जित हासिल गरेकाे कर्णाली दाेस्राे पटक पनि च्याम्पियन बन्ने दाउमा छ। यता, ललितपुरले गत सिजन फाइनलको बदला लिन चाहन्छ।&nbsp; लिग चरणको अन्तिम खेलमा शुक्रबार कर्णालीले पुनरागमन गर्दै ललितपुरलाई ३–१ ले पराजित गरेकाे थियाे।<div> </div>

Nepalsports

फाइनलमा कर्णाली याश्विज र ललितपुर क्विन्स खेल्दै

📰 Recent News

Nepalsports